ରାଧାକାନ୍ତ ନନ୍ଦ

ଉଇକିପିଡ଼ିଆ ରୁ
Jump to navigation Jump to search
ରାଧାକାନ୍ତ ନନ୍ଦ
ଜନ୍ମ ଓ ଜନ୍ମସ୍ଥାନମଇ ୧୩, ୧୯୬୧(1961-05-13)
ମୃତ୍ୟୁ୩୦ ନଭେମ୍ବର ୨୦୧୯(2019-11-30) (ବୟସ ୫୮)
ମୃତ୍ୟୁର କାରଣଯକୃତ କର୍କଟ
ଜୀବିକାତବଲା ବାଦକ
ସଙ୍ଗୀତ ନିର୍ଦ୍ଦେଶକ
ଜୀବନସାଥିନିରୁପମା ନନ୍ଦ
ସନ୍ତାନପ୍ରଭୁ ପ୍ରସାଦ ନନ୍ଦ (ପୁଅ)
ବିଭୁ ପ୍ରସାଦ ନନ୍ଦ (ପୁଅ)
ବାପା ବୋଉଲୋକନାଥ ନନ୍ଦ
ପୁରସ୍କାରଓଡ଼ିଶା ସଙ୍ଗୀତ ନାଟକ ଏକାଡେମି

ରାଧାକାନ୍ତ ନନ୍ଦ (୧୩ ମଇ ୧୯୬୧ - ୩୦ ନଭେମ୍ବର ୨୦୧୯) ଜଣେ ଓଡ଼ିଆ ତବଲା ବାଦକ ଏବଂ ସଙ୍ଗୀତ ନିର୍ଦ୍ଦେଶକ ଥିଲେ [୧]ହରିବୋଲ ନାମରେ ମଧ୍ୟ ପରିଚିତ ଥିଲେ ।[୨] ବେତାର ଓ ଦୂରଦର୍ଶନର ସେ ଜଣେ ଏ ଗ୍ରେଡ଼ ତବଲା ବାଦକ ଥିଲେ ।

ପରିବାର[ସମ୍ପାଦନା]

ରାଧାକାନ୍ତ, କଟକର ଅଲିଶାବଜାର ମଙ୍ଗଳାସାହୀଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଲୋକନାଥ ନନ୍ଦ, ଜଣେ ରାଷ୍ଟ୍ରପତି ପୁରସ୍କାରପ୍ରାପ୍ତ ଶିକ୍ଷକ ଥିଲେ । ତାଙ୍କ ପତ୍ନୀଙ୍କ ନାମ ନିରୁପମା ନନ୍ଦ । ଦୁଇ ପୁଅ ପ୍ରଭୁ ପ୍ରସାଦ ନନ୍ଦ ଏବଂ ବିଭୁ ପ୍ରସାଦ ନନ୍ଦ ମଧ୍ୟ ସଙ୍ଗୀତକାର ଭାବରେ କାର୍ଯ୍ୟ କରୁଛନ୍ତି ।[୩]

ପେଶା[ସମ୍ପାଦନା]

ମଞ୍ଚ, ବେତାର ଓ ଦୂରଦର୍ଶନ କାର୍ଯ୍ୟକ୍ରମରେ ରାଧାକାନ୍ତ ଜଣେ ନିୟମିତ ତବଲା ବାଦକ ଥିଲେ । ଓଡ଼ିଶା ଟେଲିଭିଜନ ନେଟୱାର୍କର ପ୍ରାର୍ଥନା ଟିଭିରେ ପ୍ରସାରିତ ଭଜନ ଅନ୍ତାକ୍ଷରୀରେ ସେ ତବଲା ବାଦକ ଭାବରେ କାର୍ଯ୍ୟ କରୁଥିଲେ । ଏହି କାର୍ଯ୍ୟକ୍ରମର ତାଳ ପର୍ଯ୍ୟାୟରେ ସେ ପଚାରୁଥିବା ତାଳ ପ୍ରଶ୍ନ ଯୋଗୁଁ ସେ ଅଧିକ ଲୋପ୍ରିୟତା ଅର୍ଜନ କରିଥିଲେ । ତାଙ୍କ ପୁଅ ବିଭୁ ପ୍ରସାଦ ନନ୍ଦ ମଧ୍ୟ ଏହି କାର୍ଯ୍ୟକ୍ରମରେ ତବଲା ବଜାଉଥିଲେ ।

ରାଧାକାନ୍ତ ଓଡ଼ିଆ କଥାଚିତ୍ର ଜଗତରେ ହରି-ମୁବାରକ ଭାବରେ ମଧ୍ୟ ଓଡ଼ିଆ କଥାଚିତ୍ର ଦାଦାଗିରିରେ ସଙ୍ଗୀତ ନିର୍ଦ୍ଦେଶନା ଦେଇଥିଲେ ।[୪] ସେ ଓଡ଼ିଆ ଚଳଚ୍ଚିତ୍ର ବ୍ୟତୀତ ଅନେକ ଆଲବମ୍ ଓ କ୍ୟାସେଟ୍ ପାଇଁ ସଙ୍ଗୀତ ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ ।

ସମ୍ମାନ ଓ ପୁରସ୍କାର[ସମ୍ପାଦନା]

  • ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର - ୨୦୧୮-୧୯[୫]
  • ଓଡ଼ିଆ ମ୍ୟୁଜିକ ଏକ୍ସଲେନ୍ସ ସମ୍ମାନ - ୨୦୧୯[୬]

ମୃତ୍ୟୁ[ସମ୍ପାଦନା]

ରାଧାକାନ୍ତ ନନ୍ଦ ୨୦୧୯ ମସିହାର ନଭେମ୍ବର ମାସ ୩୦ ତାରିଖରେ କଟକରେ ଚିକିତ୍ସାଧୀନ ଅବସ୍ଥାରେ ମୃତବରଣ କରିଥିଲେ ।[୨] ଯକୃତ କର୍କଟ ପାଇଁ ସେ ମୃତ୍ୟୁବରଣ କରିଥିଲେ ।[୧] ମୃତ୍ୟୁବେଳକୁ ତାଙ୍କୁ ୫୮ ବର୍ଷ ବୟସ ହୋଇଥିଲା ।[୨]

ଆଧାର[ସମ୍ପାଦନା]

  1. ୧.୦ ୧.୧ "ବିଶିଷ୍ଟ ତବଲାବାଦକ ରାଧାକାନ୍ତ ନନ୍ଦଙ୍କ ପରଲୋକ | Sambad". ସମ୍ବାଦ. sambad.in. 30 November 2019. Retrieved 1 December 2019.
  2. ୨.୦ ୨.୧ ୨.୨ "ହାରିଗଲେ ହରିବୋଲ, ଅମର ରହିବେ ରାଧାକାନ୍ତ ନନ୍ଦ | Sambad". ସମ୍ବାଦ. sambad.in. 1 December 2019. Retrieved 1 December 2019.
  3. "ବିଶିଷ୍ଟ ତବଲା ବାଦକ ରାଧାକାନ୍ତ ନନ୍ଦଙ୍କ ପରଲୋକ" (ସମ୍ବାଦ ଭୁବନେଶ୍ୱର ସଂସ୍କରଣ ୦୧/୧୨/୨୦୧୯ ପୃଷ୍ଠା ୩). ସମ୍ବାଦ. Retrieved 2 December 2019.
  4. "Ace tabla player Radhakanta Nanda no more". www.dailypioneer.com. daily pioneer. Retrieved 2 December 2019.
  5. "Odisha Sangeet Natak Akademi Awards Announced". kalingatv.com. kalingatv.com. Retrieved 2 December 2019.
  6. "Eminent Tablist Radhakanta Nanda No More". odishatv.in. odisha tv. Retrieved 2 December 2019.

ଅଧିକ ତଥ୍ୟ[ସମ୍ପାଦନା]