ରାଜଶ୍ରୀ ପ୍ରହରାଜ

ଉଇକିପିଡ଼ିଆ‌ରୁ
ରାଜଶ୍ରୀ ପ୍ରହରାଜ
Born
ରାଜଶ୍ରୀ ପ୍ରହରାଜ

(1983-11-02) ୨ ନଭେମ୍ବର ୧୯୮୩ (ବୟସ ୪୦)
Nationalityଭାରତୀୟ
Occupationନୃତ୍ୟାଙ୍ଗନା ଓ ଗୁରୁ
Organizationସୃଜନ
Awardsକେନ୍ଦ୍ର ସଙ୍ଗୀତ ନାଟକ ଏକାଡ଼େମୀ ଯୁବ ପୁରସ୍କାର

ରାଜଶ୍ରୀ ପ୍ରହରାଜ, (ଜନ୍ମ: ୦୨ ନଭେମ୍ବର ୧୯୮୩) ଜଣେ ଓଡ଼ିଶୀ ନୃତ୍ୟଶିଳ୍ପୀ ।[୧][୨] ସେ ଗୁରୁ କେଳୁଚରଣ ମହାପାତ୍ର[୩]ରତିକାନ୍ତ ମହାପାତ୍ରଙ୍କଠାରୁ ଓଡ଼ିଶୀ ନୃତ୍ୟ ଶିକ୍ଷା କରିଛନ୍ତି । ଓଡ଼ିଶୀ ନୃତ୍ୟରେ ଉତ୍କର୍ଷତା ପାଇଁ ସେ କେନ୍ଦ୍ର ସଙ୍ଗୀତ ନାଟକ ଏକାଡ଼େମୀଦ୍ୱାରା ପ୍ରଦତ୍ତ ଉସ୍ତାଦ ବିସମିହ୍ଲା ଖାନ ଯୁବ ପୁରସ୍କାର ଲାଭ କରିଛନ୍ତି ।

ବ୍ୟକ୍ତିଗତ ଜୀବନ ଓ ଶିକ୍ଷା[ସମ୍ପାଦନା]

ରାଜଶ୍ରୀ, ୧୯୮୩ ମସିହାରେ କଟକଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ପୁଲିସ ସେବାରେ ଥିଲେ । ତାଙ୍କ ଭାଇ ଜଣେ ଇଞ୍ଜିନିୟର । କାକଟପୁରରେ ସେ ନିଜ ପିଉସୀଙ୍କ ପାଖରେ ବଢ଼ିଥିଲେ । ସେଠାରେ ସେ ପ୍ରଥମେ ସଙ୍ଗୀତ ଶିକ୍ଷାରମ୍ଭ କରିଥିଲେ ଓ ସପ୍ତମ ଶ୍ରେଣୀରେ ପଢ଼ିବା ବେଳରୁ ସେ ନାଚ ଶିଖିବା ଆରମ୍ଭ କରିଥିଲେ । ଦଶମ ଶ୍ରେଣୀ ସରିବା ପରେ, ସେ ଉତ୍କଳ ସଙ୍ଗୀତ ମହାବିଦ୍ୟାଳୟରେ ନାମ ଲେଖାଇଥିଲେ । ସେଠାରୁ ସେ ସ୍ନାତକ ଓ ଉତ୍କଳ ସଂସ୍କୃତି ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଶିକ୍ଷା ସମାପ୍ତ କରିଥିଲେ । ସ୍ନାତକୋତ୍ତର ପରୀକ୍ଷାରେ ସେ ପ୍ରଥମ ହୋଇ ଉତ୍କଳ ସଂସ୍କୃତି ବିଶ୍ୱବିଦ୍ୟାଳୟ ତରଫରୁ ସ୍ୱର୍ଣ୍ଣପଦକ ହାସଲ କରିଥିଲେ । ମର୍ଦ୍ଦଳ ବାଦନରେ ମଧ୍ୟ ତାଙ୍କର ଇଚ୍ଚା ଥିଲା ଓ ଏଥି ନିମନ୍ତେ ସେ ଗୁରୁ ବନମାଳି ମହାରଣାଙ୍କଠାରୁ ତାଲିମ ଗ୍ରହଣ କରିଛନ୍ତି ।

ନର୍ତ୍ତକୀ ଜୀବନ[ସମ୍ପାଦନା]

ଗୁରୁ କେଳୁଚରଣ, ରାଜଶ୍ରୀଙ୍କ ନୃତ୍ୟ ପ୍ରତିଭାରେ ଖୁସି ହୋଇ, ତାଙ୍କୁ ବ୍ୟକ୍ତିଗତ ଭାବେ ଶିଖାଇବା ଆରମ୍ଭ କରିଥିଲେ । କେଳୁଚରଣଙ୍କ ଶେଷ ସମୟ ପର୍ଯ୍ୟନ୍ତ ସେ କେଳୁଚରଣଙ୍କଠାରୁ ନୃତ୍ୟ ଶିକ୍ଷାଲାଭ କରିଥିଲେ ।[୪] ସେ ସୃଜନ ନୃତ୍ୟାନୁଷ୍ଠାନରେ ଓଡ଼ିଶୀ ନୃତ୍ୟ ଶିକ୍ଷାଦାନ କରନ୍ତି ଓ ଏହ୍ ନୃତ୍ୟାନୁଷ୍ଠାନ ତରଫରୁ ସେ ଏକକ ଓ ଗୋଷ୍ଠୀ ନୃତ୍ୟ ପରିବେଷଣ କରିଥାନ୍ତି ।[୫] ସେ କୋଣାର୍କ ନୃତ୍ୟ ଉତ୍ସବ, ନାଳନ୍ଦା ନୃତ୍ୟ ଉତ୍ସବ, ସଙ୍ଗୀତ ନାଟକ ଏକାଡ଼େମୀରେ ନୃତ୍ୟ ପ୍ରତିଭା ଓ ନୃତ୍ୟ ଉତ୍ସବ, ନମନ ଉତ୍ସବ, ସଙ୍କଟମୋଚନ ନୃତ୍ୟ ଓ ସଙ୍ଗୀତ ଉତ୍ସବ, ସଂସ୍ମରଣ ଉତ୍ସବ ଆଦିରେ ନୃତ୍ୟ ପରିବେଷଣ କରିଛନ୍ତି । ସେ ତାଇୱାନ, ମାଲେସିଆ, ଆମେରିକା ଓ ଥାଇଲାଣ୍ଡ ଆଦି ଦେଶରେ ନୃତ୍ୟ ପରିବେଷଣ କରିଛନ୍ତି ।

ସମ୍ମାନ ଓ ପୁରସ୍କାର[ସମ୍ପାଦନା]

  • ଗୁରୁ କେଳୁଚରଣ ମହାପାତ୍ର ଯୁବପ୍ରତିଭା ସମ୍ମାନ - (ନାଲକୋଦ୍ୱାରା ପ୍ରଦତ୍ତ)[୬]
  • ଶୃଙ୍ଗାରମଣି - (ସୁର ଶୃଙ୍ଗାର ସଂସଦ, ମୁମ୍ବାଇ)
  • ନାଳନ୍ଦା ନୃତ୍ୟ ନିପୁଣା - (ନାଳନ୍ଦା ନୃତ୍ୟ ଅନୁସନ୍ଧାନ ସଂସ୍ଥାନ)
  • ଜାତୀୟ ନୃତ୍ୟମଣି ସମ୍ମାନ - ୨୦୧୦ (ଉତ୍କଳ ଯୁବ ସାଂସ୍କୃତିକ ସଂଘ, କଟକ)
  • କେନ୍ଦ୍ର ସଙ୍ଗୀତ ଏକାଡ଼େମୀ ଉସ୍ତାଦ ବିସମିହ୍ଲା ଖାନ ଯୁବ ପୁରସ୍କାର - ୨୦୧୩-୧୪[୭]

ଆଧାର[ସମ୍ପାଦନା]

  1. "The rewards of sacrifice". www.thestatesman.com. The statesman. Archived from the original on 10 March 2021. Retrieved 10 March 2021.
  2. "In Guru's Memory: Renowned artistes pay tributes to Odissi doyen Guru Kelucharan Mohapatra". www.newindianexpress.com. The Indian Express. Archived from the original on 10 March 2021. Retrieved 10 March 2021.
  3. "In harmony with Guru". www.thehindu.com. The Hindu. Archived from the original on 10 March 2021. Retrieved 10 March 2021.
  4. Tapati Chowdurie. "Rajashri Praharaj: Story of an upcoming Odissi dancer". www.narthaki.com/. narthaki.com. Archived from the original on 10 March 2021. Retrieved 10 March 2021. {{cite web}}: |archive-date= / |archive-url= timestamp mismatch; 1 ମାର୍ଚ୍ଚ 2021 suggested (help)
  5. "Rajashri Praharaj". www.srjan.com. srjan. Archived from the original on 10 March 2021. Retrieved 10 March 2021.
  6. "ଓଏମସି ଗୁରୁ କେଳୁଚରଣ ମହାପାତ୍ର ପୁରସ୍କାର ଉତ୍ସବ". www.dharitri.com. ଧରିତ୍ରୀ. Archived from the original on 10 March 2021. Retrieved 10 March 2021.
  7. "Rajashri Prahraj". www.sangeetnatak.gov.in. କେନ୍ଦ୍ର ସଙ୍ଗୀତ ନାଟକ ଏକାଡ଼େମୀ. Archived from the original on 10 March 2021. Retrieved 10 March 2021.