ରମେଶ ଚନ୍ଦ୍ର ଧଳ

ରମେଶ ଚନ୍ଦ୍ର ଧଳ(୧୯୩୮-୨୦୦୫) ଜଣେ ଓଡ଼ିଆ ଶିଶୁ ସାହିତ୍ୟିକ ଏବଂ ସାହିତ୍ୟ ପତ୍ରିକା ସମ୍ପାଦକ ଥିଲେ । ସେ ୧୯୯୫ ମସିହାରେ ଓଡ଼ିଶା ସାହିତ୍ୟ ଅକାଦେମି ପୁରସ୍କାର ଓ ୧୯୯୬ ମସିହାରେ ରାଧାମୋହନ ଗଡ଼ନାଏକ ପୁରସ୍କାର ଦ୍ୱାରା ସେ ସମ୍ମାନିତ ହୋଇଥିଲେ ।

ତାଙ୍କ ଜନ୍ମ ୬ ଜାନୁଆରୀ ୧୯୩୮ ରେ ଢେଙ୍କାନାଳ ଜିଲ୍ଲାର ଗଞ୍ଜେଇଡିହା ଗ୍ରାମରେ ହୋଇଥିଲା । ୧୯୬୦ ମସିହାରେ ସେ ପ୍ରଥମେ କବିତା ପାଇଁ ବିଷୁବ ମିଳନ ପୁରସ୍କାର ପାଇଥିଲେ । ଏହା ପରେ ଶିଶୁ ସାହିତ୍ୟ ପାଇଁ ୧୯୬୫ ଓ ୧୯୭୧ ମସିହାରେ ଓଡ଼ିଶା ରାଜ୍ୟ ସରକାର ତାଙ୍କୁ ସମ୍ମାନିତ କରିଥିଲେ । ୧୯୯୧ ମସିହାରେ ଶିଶୁ ସାହିତ୍ୟରେ ତାଙ୍କ ଅବଦାନ ପାଇଁ ବାଲକଲ୍ୟାଣ ସଂସ୍ଥାନ, କାନପୁର ଦ୍ଵାରା ସେ ସମ୍ମାନିତ ହୋଇଥିଲେ । ସେ ୧୯୭୯ ରୁ ୧୯୮୧ ପର୍ଯ୍ୟନ୍ତ ଏକ ପ୍ରଗତିଶୀଳ ତ୍ରୈମାସିକ ସାହିତ୍ୟିକ ପତ୍ରିକା "ଜନପଥ" ର ସମ୍ପାଦକ ଥିଲେ ।

୬୭ ବର୍ଷ ବୟସରେ ୧୪ ମାର୍ଚ୍ଚ ୨୦୦୫ରେ ସେ ମୃତ୍ୟୁବରଣ କରିଥିଲେ ।

ସାହିତ୍ୟ କୃତି

ଗଳ୍ପ

• "ରବିବାରର ଗଳ୍ପ",
• "ମୁଠାଏ ନାଳିଚୁଡି",
• "ଝରଣା ଝରି ଝରି ଯାଏ",
• "ଅନ୍ଧକାରର ସୀମା",
• "ଚମ୍ପକ ବନର ଏଲେଜି",
• "ଆକାଶର ମୁହଁ",
• "ଅନ୍ତିମ ପତ୍ର",
• "ଶେଷ ଉପହାର",
• "ଦେବ ଦର୍ଶନ",
• "ନିସଙ୍ଗ ମଣିଷ",
• "ମୁଖ୍ୟ ଅତିଥି",
• "ଟୁ କିଲୋସ ଅଫ୍ ରାଇସ୍"
• "ଦ ଫ୍ଲଡ୍ ଆଣ୍ଡ ଅଦର୍ ସ୍ଟୋରୀଜ୍"।

କବିତା ସଂଗ୍ରହ

• "ପ୍ରତୀକ୍ଷାରେ",
• "ରାତିର ଅଞ୍ଚଳରୁ ଖିଏ",
• "କୃଷ ବିଦ୍ଧ" ଇତ୍ୟାଦି ।

ଶିଶୁ ସାହିତ୍ୟ

• "ମାଛଁଙ୍କ ମହାସଭା",
• "ପପୁର ସମୁଦ୍ରଦେଖା",
• "ହୀରାନଗରର କାହାଣୀ",
• "କଥାଟିଏ କହୁ ଶୁଣିଜା" ଓ ଅନ୍ୟାନ୍ୟ।

ଜୀବନୀ ଗ୍ରନ୍ଥ

• "ଯୁଗମାନବ",
• "ବାପୁ ଓ ବା",
• "ସେମାନେ ସ୍ମରଣୀୟ",
• "ଯୁଗ ସୌରଭ",
• "ମଦର ଟେରେସା" ଓ
• "ପ୍ରଥମ ସେବକ ନେହେରୁ"।

ଅନୁବାଦ କୃତି

• "ମଙ୍ଗଳ ସୂତ୍ର ଓ ଅନ୍ୟାନ୍ୟ ଗଳ୍ପ",
• "ଫୁଲ ଓ ସ୍ଫୁଲିଙ୍ଗ",
• "ସଭ୍ୟତାର କାହାଣୀ",
• "ତାରାଶଙ୍କର ବନ୍ଦ୍ୟୋପାଧ୍ୟାୟ ଓ ଗାନ୍ଧୀ"।