ମୋନିକା ବେଦୀ
ମୋନିକା ବେଦୀ | |
|---|---|
 Monica Bedi at the 8th Aap Ki Awaz Media Excellence Awards, 2013 | |
| ଜନ୍ମ | ୧୮ ଜାନୁଆରୀ ୧୯୭୫ Chabbewal, Hoshiarpur, Punjab, India |
| ଶିକ୍ଷା | Borresen School, Norway |
| ଶିକ୍ଷାନୁଷ୍ଠାନ | University of Oxford |
| ବୃତ୍ତି | |
| ସକ୍ରିୟ ବର୍ଷ | 1994- Present |
| ଉଲ୍ଲେଖନୀୟ କୃତି | |
ମୋନିକା ବେଦୀ (ଇଂରାଜୀ: Monica Bedi; ଜନ୍ମ: 18 ଜାନୁଆରୀ 1975) ଜଣେ ଭାରତୀୟ ଅଭିନେତ୍ରୀ ଓ ଟେଲିଭିଜନ ପ୍ରସ୍ତୁତକାରୀ, ଯିଏ ପ୍ରାଧାନତଃ ହିନ୍ଦୀ ଚଳଚ୍ଚିତ୍ରରେ କାମ କରିଛନ୍ତି। ସେ ତେଲୁଗୁ, ତାମିଳ, କନ୍ନଡ ଓ ବଙ୍ଗାଳୀ ଚଳଚ୍ଚିତ୍ରରେ ମଧ୍ୟ ଅଭିନୟ କରିଛନ୍ତି। 1990 ଦଶକର ମଧ୍ୟଭାଗରେ ସେ ହିନ୍ଦୀ ଚଳଚ୍ଚିତ୍ରରେ ଅଭିନୟ ଆରମ୍ଭ କରିଥିଲେ। ପ୍ୟାର ଇଶ୍କ ଔର ମୋହବ୍ବତ ଓ ଜୋଡି ନଂ. 1 ତାଙ୍କର ଉଲ୍ଲେଖନୀୟ କାର୍ଯ୍ୟମାନଙ୍କ ମଧ୍ୟରେ ଗଣ୍ୟ।
ସେ ରିଆଲିଟି ଟିଭି କାର୍ଯ୍ୟକ୍ରମ ବିଗ୍ ବସ୍ 2 ଓ ଝଲକ ଦିଖଲା ଜା 3 ରେ ଅଂଶଗ୍ରହଣ କରିଥିବା ସହ ଷ୍ଟାର ପ୍ଲସ୍ ଧାରାବାହିକ ସରସ୍ୱତୀଚନ୍ଦ୍ର ରେ ଗୁମାନ କୌର ବ୍ୟାସ ଭୂମିକା ପାଇଁ ପରିଚିତ। ୨୦୦୨ ମସିହାରେ ଜାଲିଆତି ଦଲିଲ୍ ବ୍ୟବହାର କରିବା ଅଭିଯୋଗରେ ସେ ଦୋଷୀ ଠାରୁ ଘୋଷିତ ହୋଇଥିଲେ।[୧]
ପ୍ରାରମ୍ଭିକ ଜୀବନ
[ସମ୍ପାଦନା]ମୋନିକା ବେଦୀ ୧୮ ଜାନୁଆରୀ ୧୯୭୫ ରେ ପଞ୍ଜାବର ହୋଶିଆରପୁର ଜିଲ୍ଲାର ଚାବେୱାଲ ଗ୍ରାମରେ ପ୍ରେମ କୁମାର ବେଦୀ ଓ ଶକୁନ୍ତଳା ବେଦୀଙ୍କ ଘରେ ଜନ୍ମଗ୍ରହଣ କରିଥିଲେ।[୨][୩] 1979 ମସିହାରେ ତାଙ୍କ ପିତାମାତା ନରୱେର ଡ୍ରାମେନ ସହରକୁ ସ୍ଥାନାନ୍ତରିତ ହୋଇଥିଲେ। ସେ ଇଂରାଜୀ ସାହିତ୍ୟରେ ଅଧ୍ୟୟନ କରିଥିଲେ ଏବଂ ତାଙ୍କର ଶିକ୍ଷା ଅକ୍ସଫୋର୍ଡ ବିଶ୍ୱବିଦ୍ୟାଳୟରେ ସମାପ୍ତ କରିଥିଲେ।[୨]
କର୍ମଜୀବନ
[ସମ୍ପାଦନା]ମୋନିକା ବେଦୀ ୧୯୯୫ ମସିହାରେ ଡି. ରାମାନାୟଡୁଙ୍କ ନିର୍ମିତ ତେଲୁଗୁ ଚଳଚ୍ଚିତ୍ର ତାଜ ମହଲ ମାଧ୍ୟମରେ ତାଙ୍କର ଅଭିନୟ ଜୀବନ ଆରମ୍ଭ କରିଥିଲେ। ପରେ ରାମାନାୟଡୁ ତାଙ୍କୁ ଆଉ ଏକ ତେଲୁଗୁ ପ୍ରକଳ୍ପ ସିବାୟ୍ୟା ରେ ମଧ୍ୟ ଅଭିନୟ କରାଇଥିଲେ। ସେହି ଏକେ ବର୍ଷରେ ସେ ସୈଫ ଅଲି ଖାନଙ୍କ ସହ ଅଭିନୟ କରି ସୁରକ୍ଷା ଚଳଚ୍ଚିତ୍ର ମାଧ୍ୟମରେ ବଲିଉଡରେ ପଦାର୍ପଣ କରିଥିଲେ। ୨୦୧୨ ମସିହାରେ ମୋନିକା ବେଦୀ ପଞ୍ଜାବୀ ଚଳଚ୍ଚିତ୍ର ସିରଫିରେ ରେ ଅଭିନୟ କରିଥିଲେ। ୨୦୧୩ ରୁ ୨୦୧୪ ପର୍ଯ୍ୟନ୍ତ ସେ ସଞ୍ଜୟ ଲୀଲା ଭାନସାଲୀଙ୍କ ନିର୍ମିତ ଷ୍ଟାର ପ୍ଲସ୍ ଧାରାବାହିକ ସରସ୍ୱତୀଚନ୍ଦ୍ର ରେ ଘୁମାନ ଭୂମିକାରେ ଅଭିନୟ କରିଥିଲେ।[୪] ୨୦୧୪ ମସିହାରେ ସେ ପଞ୍ଜାବୀ ଚଳଚ୍ଚିତ୍ର ରୋମିଓ ରଞ୍ଜା ରେ ପଞ୍ଜାବ ପୋଲିସର ଡେପୁଟି ସୁପରିଣ୍ଟେଣ୍ଡେଣ୍ଟ ଭୂମିକାରେ ଅଭିନୟ କରିଥିଲେ।
ବ୍ୟକ୍ତିଗତ ଜୀବନ
[ସମ୍ପାଦନା]୨୦୦୨ ମସିହାର ସେପ୍ଟେମ୍ବରରେ ମୋନିକା ବେଦୀ ଓ ଭାରତୀୟ ଗ୍ୟାଙ୍ଗଷ୍ଟର ଅବୁ ସାଲେମଙ୍କୁ ଗିରଫ କରାଯାଇଥିଲା ଏବଂ ପରେ ନକଲି ଦଲିଲ୍ ବ୍ୟବହାର କରି ଦେଶକୁ ପ୍ରବେଶ କରିଥିବା ଅଭିଯୋଗରେ ପୋର୍ତ୍ତୁଗାଲରେ ସେମାନେ କାରାଦଣ୍ଡ ଭୋଗ କରିଥିଲେ।[୫][୬]
୨୦୦୬ ମସିହାରେ ଭାରତର ଏକ ଅଦାଲତ ମୋନିକା ବେଦୀଙ୍କୁ କାଳ୍ପନିକ ନାମରେ ପାସପୋର୍ଟ ହାସଲ କରିଥିବା ଅଭିଯୋଗରେ ଦୋଷୀ ଠାରୁ ଘୋଷଣା କରିଥିଲା।[11][12] 2010 ମସିହାର ନଭେମ୍ବରରେ ଭାରତର ସର୍ବୋଚ୍ଚ ନ୍ୟାୟାଳୟ ତାଙ୍କର ଦୋଷୀ ଘୋଷଣାକୁ ସିଦ୍ଧ ରଖିଥିଲେ, କିନ୍ତୁ ତାଙ୍କର କାରାଦଣ୍ଡକୁ ସେ ଯେତେଦିନ ପୂର୍ବରୁ କାରାଗାରରେ କାଟିଥିଲେ ସେହି ସମୟ ପର୍ଯ୍ୟନ୍ତ କମାଇ ଦେଇଥିଲେ।[୭]
ଆଧାର
[ସମ୍ପାଦନା]- ↑ "Monica Bedi admits her past with Abu Salem has affected her dating and professional prospects". The Times of India. 2023-07-18. ISSN 0971-8257. Retrieved 2026-03-09.
- 1 2 "The tale of Monica Bedi". The Times of India. 2005-08-10. ISSN 0971-8257. Retrieved 2026-03-09.
- ↑ "जेलर पर लगा था इस एक्ट्रेस के बाथरूम में कैमरे लगाने के आरोप, अंडरवर्ल्ड डॉन से भी जुड़ा नाम". Patrika News (in ହିନ୍ଦୀ). 2020-01-19. Retrieved 2026-03-09.
- ↑ "Monica Bedi returns to Saraswatichandra after five months". The Times of India. 2014-01-16. ISSN 0971-8257. Retrieved 2026-03-09.
- ↑ "The Hindu : Abu Salem, Monica Bedi sentenced to jail in Portugal". www.hindu.com. Archived from the original on 2003-12-07. Retrieved 2026-03-09.
- ↑ "US News: US News, Top News in India, US election news, Business news, Sports & International News | Times of India". The Times of India (in ଇଂରାଜୀ). Retrieved 2026-03-09.
- ↑ "Fake Passport Case: SC Upholds Bedi's Conviction". news.outlookindia.com. Retrieved 2026-03-07.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |