ମାଳବିକା ଅବିନାଶ

ମାଳବିକା ଅବିନାଶ
Malavika Avinash in 1998 Kannada serial Mayamruga
Spokesperson of Bharatiya Janata Party of Karnataka
Incumbent
Assumed office February 2014
ରାଷ୍ଟ୍ରପତି	Nalin Kumar Kateel
ବ୍ୟକ୍ତିଗତ ସବିଶେଷ
ଜନ୍ମ	Madras, Tamil Nadu, India
ରାଜନୀତିକ ଦଳ	Bharatiya Janata Party (2013–present)
ଜୀବନ ସାଥୀ	Avinash ​ (m. ୨୦୦୧)​
ସନ୍ତାନ	1
ଶିକ୍ଷାନୁଷ୍ଠାନ	Bangalore University
ବୃତ୍ତି	Actress politician

ମାଳବିକା ଅବିନାଶ (ଜନ୍ମ ୨୮ ଜାନୁଆରୀ ୧୯୭୬) ଜଣେ ଭାରତୀୟ ଅଭିନେତ୍ରୀ, ଟେଲିଭିଜନ ବ୍ୟକ୍ତିତ୍ୱ ଏବଂ ରାଜନୀତିଜ୍ଞା, ଯିଏ ବର୍ତ୍ତମାନ କର୍ଣ୍ଣାଟକର ଭାରତୀୟ ଜନତା ପାର୍ଟିର ରାଜ୍ୟ ମୁଖପାତ୍ର ଭାବେ କାର୍ଯ୍ୟରତ। ସେ କନ୍ନଡ଼ ଏବଂ ତାମିଳ ଚଳଚ୍ଚିତ୍ରରେ ତାଙ୍କ କାର୍ଯ୍ୟ ପାଇଁ ପରିଚିତ। ସେ ବାଦୁକୁ ଜାତକ ବାନ୍ଦି ନାମକ ଏକ କନ୍ନଡ଼ ଟିଭି କାର୍ଯ୍ୟକ୍ରମ ସଂଚାଳନ କରିଥିଲେ, ଯାହା ଜି କନ୍ନଡ଼ ଚ୍ୟାନେଲରେ ପ୍ରସାରିତ ହୋଇଥିଲା। ସେ ସର୍ବାଧିକ ଆୟ କରୁଥିବା କନ୍ନଡ଼ ଚଳଚ୍ଚିତ୍ର କେଜିଏଫ: ଚ୍ୟାପ୍ଟର ୨ ରେ ମଧ୍ୟ ଅଭିନୟ କରିଛନ୍ତି।

ପ୍ରାରମ୍ଭିକ ଜୀବନ

୨୮ ଜାନୁଆରୀ ୧୯୭୬ ରେ ଏକ ତାମିଳ ପରିବାରରେ ମାଲବିକାଙ୍କ ଜନ୍ମ ହୋଇଥିଲା। ତାଙ୍କ ପିତା ଜଣେ ବ୍ୟାଙ୍କ କର୍ମଚାରୀ ଏବଂ ଲେଖକ ଥିଲେ। ତାଙ୍କ ମାଆ ସାବିତ୍ରୀ ଜଣେ କଣ୍ଠଶିଳ୍ପୀ ଏବଂ ନୃତ୍ୟଶିଳ୍ପୀ ଥିଲେ। ସେ ଭାରତନାଟ୍ୟମ୍‌ରେ ପଦ୍ମଶ୍ରୀ ଲୀଲା ସ୍ୟାମସନ ଏବଂ ସେତାରରେ ପଣ୍ଡିତ ପାର୍ଥ ଦାସଙ୍କ ନିର୍ଦ୍ଦେଶନାୟ ଶାସ୍ତ୍ରୀୟ ସଙ୍ଗୀତ ଓ ନୃତ୍ୟରେ ଦିକ୍ଷା ଗ୍ରହଣ କରିଥିଲେ। ଜି.ଭି. ଆଇୟର ତାଙ୍କୁ କୃଷ୍ଣ ଚରିତ୍ରରେ ନୃତ୍ୟ ପ୍ରଦର୍ଶନ କରୁଥିବା ଦେଖି ତାଙ୍କ ଚଳଚ୍ଚିତ୍ର କୃଷ୍ଣାବତାର ରେ କୃଷ୍ଣଙ୍କ ଭୂମିକାରେ ଅଭିନୟର ସୁଯୋଗ ଦେଇଥିଲେ। ପରେ ସେ ପ୍ରେମା କାରନ୍ଥଙ୍କ ଚଳଚ୍ଚିତ୍ର ନକ୍କାଲା ରାଜକୁମାରୀ ରେ ରାଜକୁମାରୀର ଭୂମିକା ଅଭିନୟ କରିଥିଲେ।

ସେ ବେଙ୍ଗାଳୁରୁ ବିଶ୍ୱବିଦ୍ୟାଳୟରୁ ଆଇନରେ ସ୍ନାତକ ହୋଇଥିଲେ ଏବଂ ପରୀକ୍ଷାରେ ତୃତୀୟ ସ୍ଥାନ ଅଧିକାର କରିଥିଲେ।

ସେ ୨୦୦୧ ମସିହାରେ ଅଭିନେତା ଅଭିନାଶଙ୍କୁ ବିବାହ କରିଥିଲେ। ସେମାନଙ୍କର ଉଗାଲା ନାମକ ଜଣେ ପୁଅ ଅଛନ୍ତି।

କାର୍ଯ୍ୟଜୀବନ

ପୁରସ୍କାରବିଜେତା ମଲୟାଳମ୍ ଚଳଚ୍ଚିତ୍ରକାର ଲେନିନ୍ ରାଜେନ୍ଦ୍ରନଙ୍କ ଚଳଚ୍ଚିତ୍ରରେ ଶିଶୁଶିଳ୍ପୀ ଭାବେ ଏବଂ ପ୍ରସିଦ୍ଧ କନ୍ନଡ଼ ଚଳଚ୍ଚିତ୍ରରେ ନାୟିକା ଭାବେ ଅଭିନୟ କରି ମାଲବିକାଙ୍କ ଅଭିନୟ ଜୀବନ ଆରମ୍ଭ ହୋଇଥିଲା । କିନ୍ତୁ ଟିଭି ଧାରାବାହିକରେ ତାଙ୍କ କାମ ତାଙ୍କୁ ସର୍ବାଧିକ ଲୋକପ୍ରିୟତା ଦେଇଥିଲା। ସେ ଗିରିଶ କର୍ଣ୍ଣାଡ, ହିନ୍ଦୀରେ ଆଶୁତୋଷ ଗୋୱାରିକର, କନ୍ନଡ଼ରେ ଅଶୋକ ନାଇଡୁ ଏବଂ ମଲୟାଳମ୍‌ରେ ଦିନେଶ ବାବୁ ଭଳି ପ୍ରସିଦ୍ଧ ଚଳଚ୍ଚିତ୍ର ବ୍ୟକ୍ତିତ୍ୱମାନଙ୍କ ସହ ବିଭିନ୍ନ ଟିଭି ଧାରାବାହିକ ଓ କାର୍ଯ୍ୟକ୍ରମରେ କାମ କରିଥିଲେ। ମାୟାମୃଗ ଧାରାବାହିକରେ ତାଙ୍କ ଅଭିନୟ କନ୍ନଡ଼ ଟେଲିଭିଜନ ଦର୍ଶକମାନଙ୍କ ମଧ୍ୟରେ ତାଙ୍କୁ ଅତ୍ୟଧିକ ଲୋକପ୍ରିୟ କରିଥିଲା। ମାୟାମୃଗର ସଫଳତା ପରେ ସେ କେ. ବାଲାଚନ୍ଦରଙ୍କ ନଜରରେ ପଡ଼ିଥିଲେ, ଯିଏ ତାଙ୍କୁ ତାଙ୍କ ଚଳଚ୍ଚିତ୍ର ଆନ୍ନି ପାଇଁ ଚୟନ କରିଥିଲେ। ଆନ୍ନିରେ ଅଭିନୟ ମାଧ୍ୟମରେ ତାଙ୍କର ତାମିଲ ଚଳଚ୍ଚିତ୍ର ଜଗତରେ ପ୍ରବେଶ ଘଟିଥିଲା। ଏହି ଚଳଚ୍ଚିତ୍ରରେ ମାଲବିକା ନାୟକ ମୁଖ୍ୟ ଚରିତ୍ର ‘ଆନ୍ନି’ର ଭୂମିକାରେ ଅଭିନୟ କରିଥିଲେ।

ମାଲବିକାଙ୍କ ତାମିଳ ଧାରାବାହିକମାନଙ୍କ ମଧ୍ୟରେ ରାଜା ରାଜେଶ୍ୱରୀ ଗୁରୁତ୍ୱପୂର୍ଣ୍ଣ, ଯାହା ସନ୍ ଟିଭିରେ ପ୍ରସାରିତ ହୋଇଥିଲା। ସେ ଆରାସିରେ ମଦୁରାଇ ଥିଲକା ଏବଂ ଚେଲ୍ଲାମେରେ ମୁଥାଜଗି ଚରିତ୍ରରେ ଅଭିନୟ କରିଥିଲେ। ସେ ଅନେକ ତାମିଳ ଚଳଚ୍ଚିତ୍ରରେ ମୁଖ୍ୟ ଭୂମିକାରେ ମଧ୍ୟ ଅଭିନୟ କରିଛନ୍ତି।

ସେ ଇ-ଟିଭି କନ୍ନଡ଼ରେ ପ୍ରସାରିତ ଅଗ୍ନି ନାମକ କାର୍ଯ୍ୟକ୍ରମର ସଂଚାଳିକା ଥିଲେ। ପରେ ମାଲବିକା ବ୍ୟକ୍ତିଗତ ସମସ୍ୟା, ପରିବାରିକ ସମସ୍ୟା ସମାଧାନ ଇତ୍ୟାଦି ବିଷୟ ନେଇ କାମ କରିଥିଲେ ଏବଂ ସାମାଜିକ ସମସ୍ୟାମାନେ ଉପରେ ମଧ୍ୟ ଆଲୋଚନା କରୁଥିଲେ। ସେ ବିଗ୍ ବସ୍ କନ୍ନଡ଼ ସିଜନ୍ ୪ ରେ ଜଣେ ପ୍ରତିଯୋଗୀ ଥିଲେ।

ନୃତ୍ୟକଳା

ମାଲବିକାଙ୍କ ଭରତନାଟ୍ୟମ୍ ସହ ଯୋଗାଯୋଗ ପାଞ୍ଚ ବର୍ଷ ବୟସରୁ ଆରମ୍ଭ ହୋଇଥିଲା। ତାଙ୍କ ମାଆ ତାଙ୍କ ପ୍ରଥମ ନୃତ୍ୟ ଗୁରୁ ଥିଲେ। ସେ କଳାକ୍ଷେତ୍ରର ଏମ.ଆର୍. କୃଷ୍ଣମୂର୍ତ୍ତିଙ୍କ ନିକଟରେ ପ୍ରଶିକ୍ଷଣ ନେଇଥିଲେ। ପରେ ସେ ଦିଲ୍ଲୀରେ ପଦ୍ମଶ୍ରୀ ଲୀଲା ସ୍ୟାମସନଙ୍କ ନିକଟରେ ଉଚ୍ଚତର ନୃତ୍ୟ ଶିକ୍ଷା ଗ୍ରହଣ କରିଥିଲେ। ସେ ଭରତନାଟ୍ୟମ୍ ପାଇଁ ସଂସ୍କୃତି ମନ୍ତ୍ରଣାଳୟର ଏକ ଏକକ ସିସିଇଆର୍ଟି ତରଫରୁ ଦିଆଯାଇଥିବା ବୃତ୍ତିର ପ୍ରାପ୍ତା ଥିଲେ।

ସେ ତାଙ୍କ ନୃତ୍ୟଶିଳ୍ପୀ ଭୋଣୀ ରଞ୍ଜନୀ ଗଣେଶନ ରମେଶଙ୍କ ସହ ନୃତ୍ୟ ପ୍ରଦର୍ଶନ କରୁଥିଲେ, ଯିଏ କଳାକ୍ଷେତ୍ରର ପୂର୍ବତନ ଛାତ୍ରୀ ଥିଲେ। ସେମାନେ ହମ୍ପି ଉତ୍ସବ, ପଟ୍ଟଦକ୍କଳ ଉତ୍ସବ, ଖଜୁରାହୋ ଉତ୍ସବ, ଚିଦମ୍ବରମ ନଟ୍ୟାଞ୍ଜଳି ଏବଂ ଉତ୍ତରା ଚିଦମ୍ବରମ ଇତ୍ୟାଦି ଭାରତ ଓ ବିଦେଶର ସାଂସ୍କୃତିକ କେନ୍ଦ୍ରମାନଙ୍କରେ ଏକାସାଥି ନୃତ୍ୟ ପ୍ରଦର୍ଶନ କରିଛନ୍ତି। ସେମାନେ ମିଶି ବେଙ୍ଗାଳୁରୁରେ ଅରୁଧ୍ରା ନାମକ ଏକ ବାର୍ଷିକ ନୃତ୍ୟ ଉତ୍ସବର ଆୟୋଜନ ମଧ୍ୟ କରୁଥିଲେ।

ରାଜନୀତି

ମାଲବିକା ଅଭିନାଶ ବେଲ୍ଲାରୀରେ ଭାରତୀୟ ଜନତା ପାର୍ଟି ନେତ୍ରୀ ସୁଷମା ସ୍ୱରାଜଙ୍କ ପକ୍ଷରେ ପ୍ରଚାର କରିବା ମାଧ୍ୟମରେ ରାଜନୀତିରେ ପ୍ରବେଶ କରିଥିଲେ। ସେ ଭାରତୀୟ ଜନତା ପାର୍ଟିର ମହିଳା ମୋର୍ଚ୍ଚାର ସଦସ୍ୟା। ସେ ସେପ୍ଟେମ୍ବର ୨୦୧୩ ରେ ଭାରତୀୟ ଜନତା ପାର୍ଟିରେ ଯୋଗଦାନ କରିଥିଲେ ଏବଂ ଫେବୃଆରୀ ୨୦୧୪ ରେ ପାର୍ଟିର ସହ-ମୁଖପାତ୍ର ଭାବେ ନିଯୁକ୍ତ ହୋଇଥିଲେ।