ମାନବ ମେଟାନିମୋଭୂତାଣୁ ସଂକ୍ରମଣ

ମାନବ ମେଟାନିମୋଭୂତାଣୁ ସଂକ୍ରମଣ
ବିଭାଗ	Infectious diseases
ଲକ୍ଷଣ	Cough, fever, stuffy nose, sore throat
ଆକ୍ରାନ୍ତ ସମୟ	3 to 6 days after exposure
ଅବଧି	Few days
କାରଣ	Human metapneumovirus
ରୋଗ ନିର୍ଣ୍ଣୟ ପଦ୍ଧତି	Confirmed by PCR
ସଠିକ ରୋଗ ନିର୍ଣ୍ଣୟ	COVID-19, influenza, RSV
ପ୍ରତିକାର	Face mask, ventilation, hand washing, avoiding sick people
ଚିକିତ୍ସା	Supportive care
ପୁନଃପୌନିକ	Common (young children)

ମାନବ ମେଟାନିମୋଭୂତାଣୁ (Human metapneumovirus / hMPV) ସଂକ୍ରମଣ ହେଉଛି ଏକ ଭୂତାଣୁ ସଂକ୍ରମଣ ଯାହା ହେବା ଫଳରେ ସାଧାରଣତଃ କାଶ, ଜ୍ୱର, ନାକ ବନ୍ଦ ଏବଂ ଗଳା ଯନ୍ତ୍ରଣା ହୁଏ । ବେଳେବେଳେ ଏହା ଶ୍ୱାସନଳୀ ପ୍ରଦାହ କିମ୍ବା ନିମୋନିଆ ସହିତ ଅଣନିଶ୍ୱାସ କିମ୍ବା ଛାତି ଯନ୍ତ୍ରଣା ହୋଇପାରେ । ସଂସ୍ପର୍ଶରେ ଆସିବା ଏବଂ ଲକ୍ଷଣ ଆରମ୍ଭ ହେବା ମଧ୍ୟରେ ସମୟ ସାଧାରଣତଃ ୩ରୁ ୬ ଦିନ ଲାଗେ ।

ନ୍ୟୁମୋଭିରିଡେ ପରିବାରର ମାନବ ମେଟାପନିମୋଭୂତାଣୁ ଯୋଗୁଁ ଏହି ରୋଗ ହୁଏ । ଏହା ଲୋକଙ୍କ ମଧ୍ୟରେ, ବାୟୁ ମାଧ୍ୟମରେ ଏବଂ ଦୂଷିତ ବସ୍ତୁ ମାଧ୍ୟମରେ ବ୍ୟାପିଥାଏ । ପଲିମରେଜ୍ ଚେନ୍ ରିଆକ୍ସନ୍ (PCR) ଦ୍ୱାରା ରୋଗ ନିର୍ଣ୍ଣୟ ନିଶ୍ଚିତ କରାଯାଇପାରେ କିନ୍ତୁ ଏହା ଅଧିକାଂଶ ସମୟରେ ପ୍ରାୟତଃଆବଶ୍ୟକ ହୁଏ ନାହିଁ।

ଏହାର ପ୍ରତିଷେଧ ନିମନ୍ତେ ମୁହଁରେ ମାସ୍କ ପିନ୍ଧିବା, ବାୟୁଚଳନ ଉନ୍ନତ କରିବା, ହାତ ଧୋଇବା ଏବଂ ଅସୁସ୍ଥ ଲୋକଙ୍କଠାରୁ ଦୂରେଇ ରହିବା ଆବଶ୍ୟକ । ୨୦୨୪ ସୁଦ୍ଧା ଏହା ନିମନ୍ତେ କୌଣସି ଟିକା ଉପଲବ୍ଧ ନଥିଲା । ଏହାର ଚିକିତ୍ସାରେ ଯନ୍ତ୍ରଣା ନିବାରକ ଔଷଧ ବ୍ୟବହାର, ପର୍ଯ୍ୟାପ୍ତ ତରଳ ପଦାର୍ଥ ପାନ କରିବା ଏବଂ ପର୍ଯ୍ୟାପ୍ତ ବିଶ୍ରାମ ସହାୟକ ହୋଇଥାଏ । ଏହା ନିମନ୍ତେ କୌଣସି ନିର୍ଦ୍ଦିଷ୍ଟ ଔଷଧ ନାହିଁ । ସାଧାରଣତଃ କିଛି ଦିନ ପରେ ଲକ୍ଷଣରେ ଉନ୍ନତି ହୋଇଯାଏ ।

ଛୋଟ ପିଲାମାନଙ୍କ ମଧ୍ୟରେ ମାନବ ମେଟାନିମୋଭୂତାଣୁ ସଂକ୍ରମଣ ସାଧାରଣତଃ ହୁଏ । ବୟସ୍କ ବ୍ୟକ୍ତି ଏବଂ ଦୁର୍ବଳ ରୋଗ ପ୍ରତିରୋଧକ କ୍ଷମତା ଥିବା ଲୋକମାନେ ମଧ୍ୟ ପ୍ରାୟତଃ ପ୍ରଭାବିତ ହୁଅନ୍ତି । ପୃଥିବୀର ଯେଉଁ ଅଞ୍ଚଳରେ ଋତୁ ଅଛି, ସେଠାରେ ଏହା ସାଧାରଣତଃ ଶୀତ ଏବଂ ବସନ୍ତ ମାସରେ ଦେଖାଯାଏ । ଜାନୁଆରୀ ୨୦୨୫ରେ ଚୀନରେ ମାମଲା ସଂଖ୍ୟାରେ ବୃଦ୍ଧି, ହସ୍ପିଟାଲରେ ଭର୍ତ୍ତି ହେବାର ସମ୍ଭାବନା ବୃଦ୍ଧି ସହିତ, ସେଠାକାର ସରକାର ଏହାକୁ ଏକ ଋତୁକାଳୀନ ଘଟଣା ବୋଲି ବିଚାର କରୁଛନ୍ତି । ଭାରତ, ମାଲେସିଆ ଏବଂ କାଜାଖସ୍ତାନରେ ମଧ୍ୟ ଏହି ରୋଗ ହୁଏ । ଏହାକୁ ପ୍ରଥମେ ୨୦୦୧ ମସିହାରେ ପୃଥକ କରାଯାଇଥିଲେ ମଧ୍ୟ ଏହି ଭୂତାଣୁ କିଛି ଦଶନ୍ଧି ଧରି ରହିଛି ।