ମାଇକୋବ୍ୟାକ୍ଟେରିଅମ ଆଭିଅମ-ଇଣ୍ଟ୍ରାସେଲୁଲାର ସଂକ୍ରମଣ
| Mycobacterium avium-intracellulare infection | |
|---|---|
| Mycobacterium avium complex infection[୧] | |
 CT scan of patient with right middle lobe aspiration and Mycobacterium avium infection consistent with Lady Windermere syndrome | |
| ବିଭାଗ | Infectious disease |
| ଲକ୍ଷଣ | Chronic cough with sputum[୨] |
| କାରଣ | Mycobacterium avium complex (MAC)[୨] |
| ବିପଦ କାରକ | Weak immune system, lung disease[୨] |
| ରୋଗ ନିର୍ଣ୍ଣୟ ପଦ୍ଧତି | Based on symptoms, sputum culture, medical imaging[୩] |
| ସଠିକ ରୋଗ ନିର୍ଣ୍ଣୟ | Tuberculosis, lung cancer, bronchiectasis[୨] |
| ଚିକିତ୍ସା | Antibiotics, surgery[୩][୨] |
| ପୁନଃପୌନିକ | 1 in 25,000 (USA)[୪] |
ମାଇକୋବ୍ୟାକ୍ଟେରିଅମ ଆଭିଅମ-ଇଣ୍ଟ୍ରାସେଲୁଲାର ସଂକ୍ରମଣ (Mycobacterium avium-intracellulare infection/ MAI) ହେଉଛି ଏକ ପ୍ରକାର ଅଣଯକ୍ଷ୍ମା ମାଇକୋବ୍ୟାକ୍ଟେରିଆ (NTM) ସଂକ୍ରମଣ ।[୪] ଶରୀରର ଅନେକ ଅଂଶ ଏଥିରେ ଜଡିତ ହୋଇପାରେ, କିନ୍ତୁ ଫୁସଫୁସ ସାଧାରଣତଃ ପ୍ରଭାବିତ ହୁଏ। [୪] ଲକ୍ଷଣଗୁଡ଼ିକ ମଧ୍ୟରେ ନିରନ୍ତର ଉତ୍ପାଦନଶୀଳ କାଶ ଅନ୍ତର୍ଭୁକ୍ତ; ତଥାପି କିଛି ଲୋକଙ୍କର କୌଣସି ଲକ୍ଷଣ ନ ଥାଇପାରେ ।[୨] [୪] କଫ ସାଧାରଣତଃ ରକ୍ତାକ୍ତ ନୁହେଁ କିମ୍ବା ଜ୍ୱର ମଧ୍ୟ ନ ଥାଏ ।[୨] ରୋଗ ଜଟିଳ ହେଲେ ଓଜନ ହ୍ରାସ, ଯକୃତ ବୃଦ୍ଧି, ପ୍ଲୀହା ବୃଦ୍ଧି, କିମ୍ବା ଲିମ୍ଫାଡେନୋପାଥି ହୋଇପାରେ ।[୪]
ବିଶେଷକରି ଏହା <i id="mwNw">ମାଇକୋବ୍ୟାକ୍ଟେରିଅମ୍ ଆଭିୟମ୍</i> କମ୍ପ୍ଲେକ୍ସ (MAC) ଦ୍ୱାରା ହୁଏ, ଯେଉଁଥିରେ ଏମ. ଆଭିଅମ ଏବଂ ଏମ. ଇଣ୍ଟ୍ରାସେଲୁଲାର ଅନ୍ତର୍ଭୁକ୍ତ ।[୨] ଏଗୁଡ଼ିକୁ ପ୍ରଶ୍ୱାସରେ ନିଆଯାଇପାରେ କିମ୍ବା ଗିଳି ଦିଆଯାଇପାରେ। [୪] ବିପଦ କାରକଗୁଡ଼ିକ ମଧ୍ୟରେ ରୋଗ ପ୍ରତିରୋଧକ ଶକ୍ତି ହ୍ରାସ ଏବଂ ପୂର୍ବରୁ ଫୁସଫୁସ ରୋଗ ଅନ୍ତର୍ଭୁକ୍ତ; ତଥାପି ଅନ୍ୟଥା ସୁସ୍ଥ ଲୋକମାନେ କ୍ୱଚିତ୍ ପ୍ରଭାବିତ ହୋଇପାରନ୍ତି ।[୨] [୧] ଏହି ଜୀବାଣୁ ପ୍ରାୟତଃ ମାଟି, ପାଣି ଏବଂ ଧୂଳିକଣାରେ ରହିଥାଆନ୍ତି ।[୪] ସଂକ୍ରମଣ ସାଧାରଣତଃ ଲୋକଙ୍କ ମଧ୍ୟରେ ବ୍ୟାପି ନଥାଏ । [୨] ଲକ୍ଷଣ, କଫ କଲଚର ଏବଂ ଡାକ୍ତରୀ ଇମେଜିଂ ଉପରେ ନିର୍ଭର କରି ରୋଗ ନିର୍ଣ୍ଣୟ କରାଯାଏ ।[୩]
ଚିକିତ୍ସା ସାଧାରଣତଃ ଅତି କମରେ ଛଅ ମାସ ପାଇଁ ଏକାଧିକ ଆଣ୍ଟିବାୟୋଟିକ୍ ଯେପରିକି ଆଜିଥ୍ରୋମାଇସିନ୍, ରିଫାମ୍ପିନ ଏବଂ ଇଥାମ୍ବୁଟୋଲ ସହିତ କରାଯାଏ ।[୩] [୧] ଅନେକ ଆଣ୍ଟିବାୟୋଟିକ୍ ପ୍ରତି ଏହାର ପ୍ରତିରୋଧ ସାଧାରଣତଃ ଥାଏ । [୩] ପ୍ରଭାବିତ ଫୁସଫୁସକୁ ଅସ୍ତ୍ରୋପଚାର ଦ୍ୱାରା ବାହାର କରିବା ମଧ୍ୟ ଏକ ବିକଳ୍ପ ହୋଇପାରେ । [୨] ଚିକିତ୍ସା ବିନା ମୃତ୍ୟୁ ହୋଇପାରେ। [୨]
ଯୁକ୍ତରାଷ୍ଟ୍ରରେ ପ୍ରାୟ ୨୫,୦୦୦ ଲୋକଙ୍କ ମଧ୍ୟରୁ ଜଣେ ପ୍ରଭାବିତ ହୁଏ । [୪] ବୟସ୍କ ମହିଳାମାନେ ଅଧିକ ପ୍ରଭାବିତ ହୁଅନ୍ତି ।[୨] ଏହା ଶୀତ ଏବଂ ବସନ୍ତ ଋତୁରେ ସବୁଠାରୁ ସାଧାରଣ ଭାବରେ ହୁଏ ।[୪] ଏମ. ଆଭିୟମ ପ୍ରଥମେ ୧୯୦୧ ମସିହାରେ ବର୍ଣ୍ଣିତ ହୋଇଥିଲା ଓ ଏମ. ଇନଟ୍ରାସେଲୁଲର ପ୍ରଥମେ ୧୯୪୯ ମସିହାରେ ବର୍ଣ୍ଣିତ ହୋଇଥିଲା । [୧] ଫାର୍ମରେ ଥିବା ପଶୁ ଏବଂ ପକ୍ଷୀମାନେ ମଧ୍ୟ ସଂକ୍ରମିତ ହୋଇପାରନ୍ତି ।[୪]
ଆଧାର
[ସମ୍ପାଦନା]- 1 2 3 4 Daley, Charles L. (10 March 2017). "Mycobacterium avium Complex Disease". Microbiology Spectrum. 5 (2): 10.1128/microbiolspec.tnmi7–0045–2017. doi:10.1128/microbiolspec.tnmi7-0045-2017. PMC 11687487. PMID 28429679.
{{cite journal}}: Check|pmc=value (help) - 1 2 3 4 5 6 7 8 9 10 11 12 13 Campos, Arlene. "Pulmonary Mycobacterium avium complex infection". Radiopaedia. Retrieved 14 March 2025.
- 1 2 3 4 5 "Clinical Overview of Nontuberculous Mycobacteria (NTM)". Nontuberculous Mycobacteria (NTM) (in ଆମେରିକୀୟ ଇଂରାଜୀ). 16 May 2024. Retrieved 14 March 2025.
- 1 2 3 4 5 6 7 8 9 10 Akram, SM; Attia, FN (January 2025). "Mycobacterium avium Complex". StatPearls. PMID 28613762.