ବି.ଭି. ସୁବା ରେଡ୍ଡି
ବି.ଭି. ସୁବା ରେଡ୍ଡି | |
|---|---|
| Speaker of the Andhra Pradesh Legislative Assembly | |
| କାର୍ଯ୍ୟକାଳ 1962–1970 | |
| ପୂର୍ବ ଅଧିକାରୀ | Ayyadevara Kaleswara Rao |
| ବ୍ୟକ୍ତିଗତ ସବିଶେଷ | |
| ଜନ୍ମ | 4 July 1903 Koilkuntla, Kurnool district |
| ମୃତ୍ୟୁ | 7 June 1974 Hyderabad |
| ରାଜନୀତିକ ଦଳ | Indian National Congress |
| ଜୀବନ ସାଥୀ | Subbamma |
| ସନ୍ତାନ | Six sons & 1 daughter |
ବୋଲ୍ଲଭାରାପୁ ଭେଙ୍କଟ ସୁବା ରେଡ୍ଡି, (ସକ୍ଷିପ୍ତରେ ବି.ଭି. ସୁବା ରେଡ୍ଡି ବି.ଏଲ୍. )(୪ ଜୁଲାଇ ୧୯୦୩ – ୭ ଜୁନ ୧୯୭୪), ଜଣେ ଭାରତୀୟ ସ୍ୱାଧୀନତା ସଂଗ୍ରାମୀ, ରାଜନେତା ଏବଂ ଆନ୍ଧ୍ରପ୍ରଦେଶ ବିଧାନସଭାର ବାଚସ୍ପତି ଥିଲେ ।[୧]
ପ୍ରାରମ୍ଭିକ ଜୀବନ
[ସମ୍ପାଦନା]ସେ ୪ ଜୁଲାଇ ୧୯୦୩ରେ କୁର୍ନୂଲ ଜିଲ୍ଲାର କୋଇଲକୁଣ୍ଟଲାରେ ରାମସ୍ୱାମୀ ରେଡ୍ଡିଙ୍କ ପୁଅ ଭାବେ ଜନ୍ମଗ୍ରହଣ କରିଥିଲେ । ୧୯୨୬ରେ ମାଚିଲିପଟ୍ଟନମର ନୋବଲ୍ କଲେଜ୍ ରୁ ସ୍ନାତକ ଡିଗ୍ରୀ ଲାଭ କରିବା ପରେ, ସେ ମାଦ୍ରାସ ବିଶ୍ୱବିଦ୍ୟାଳୟରୁ ଆଇନ୍ (ବି.ଏଲ୍.) ପାଇଁ ଶିକ୍ଷା ଲାଭ କରିଥିଲେ । ପରେ ନନ୍ଦ୍ୟାଲରେ ଆଇନ୍ ପ୍ରାକଟିସ୍ କରି ସୁଖ୍ୟାତି ଲାଭ କରିଥିଲେ ।
କାର୍ଯ୍ୟଜୀବନ
[ସମ୍ପାଦନା]ଡ଼୯୩୮ରେ ସେ କଂଗ୍ରେସ ପ୍ରାର୍ଥୀ ଭାବେ କୁର୍ନୂଲ ଜିଲ୍ଲା ବୋର୍ଡର ଅଧ୍ୟକ୍ଷ ସର୍ବସମ୍ମତି ସହିତ ନିର୍ବାଚିତ ହୋଇଥିଲେ । ୧୯୪୯ରେ ପୁଣିଥରେ ସେଇ ପଦବୀରେ ନିର୍ବାଚିତ ହେଲେ ।୧୯୪୧ରେ "ବ୍ୟକ୍ତିଗତ ସତ୍ୟାଗ୍ରହ" ରେ ଅଂଶଗ୍ରହଣ କରିଥିଲେ ଓ ୬ ମାସ ପାଇଁ କାରାଦଣ୍ଡ ଭୋଗ କରିଥିଲେ । ୧୯୪୨ର "ଭାରତ ଛାଡ୍ଡ଼ୋ" ଆନ୍ଦୋଳନରେ ସେ ସକ୍ରିୟ ହୋଇଥିଲେ ଓ ତଞ୍ଜୋରରେ ୩ ବର୍ଷ ପାଇଁ କାରାଦଣ୍ଡ ଭୋଗ କଲେ । ୧୯୫୫ରେ ସେ କଂଗ୍ରେସ ଛାଡି ସ୍ୱାଧୀନ ପ୍ରାର୍ଥୀ ଭାବେ ଆନ୍ଧ୍ରପ୍ରଦେଶ ବିଧାନସଭାକୁ ନିର୍ବାଚିତ ହୋଇଥିଲେ । ପରେ ପୁଣି କଂଗ୍ରେସରେ ଯୋଗ ଦେଇ ୧୯୬୨ ଓ ୧୯୬୭ରେ କୋଇଲକୁଣ୍ଟଲା ନିର୍ବାଚନମଣ୍ଡଳୀରୁ ନିର୍ବାଚିତ ହେଲେ । ୧୯୬୨ରେ ପ୍ରଥମ ବାଚସ୍ପତି ଆୟ୍ୟାଦେଭର କାଳେଶ୍ୱର ରାଓଙ୍କର ଦେହାନ୍ତ ପରେ ସେ ବିଧାନସଭା ବାଚସ୍ପତି ଭାବେ ନିର୍ବାଚିତ ହେଲେ । ୧୯୬୭ରେ ପୁଣିଥରେ ବାଚସ୍ପତି ପଦ ଲାଭ କରିଥିଲେ । ଏହିପରି ଭାବେ ୧୦ ବର୍ଷ ଧରି ସମ୍ମାନ ଓ ଗୌରବ ସହିତ ବିଧାନସଭାର ବାଚସ୍ପତି ଭାବେ କାର୍ଯ୍ୟ କରିଥିଲେ ।
ସେ ସୋଭିଏତ ରୁଷ, ଲଣ୍ଡନ ଯାଇଥିଲେ ଏବଂ ୧୯୬୫ ଓ ୧୯୬୮ରେ "କମନ୍ୱେଲ୍ଥ ପାର୍ଲାମେଣ୍ଟାରୀ ସମ୍ମେଳନ" ରେ ଅଂଶଗ୍ରହଣ କରିଥିଲେ । ସେପ୍ଟେମ୍ବର ୧୯୭୧ରେ ପି.ଭି. ନରସିଂହ ରାଓଙ୍କ ମନ୍ତ୍ରିମଣ୍ଡଳରେ ସେ ଉପମୁଖ୍ୟମନ୍ତ୍ରୀ ଭାବେ ନିୟୁକ୍ତ ହୋଇଥିଲେ ।
"ଜୟ ଆନ୍ଧ୍ର" ଆନ୍ଦୋଳନ
[ସମ୍ପାଦନା]ନଭେମ୍ବର ୧୯୭୨ରେ ସେ "ଜୟ ଆନ୍ଧ୍ର" ଆନ୍ଦୋଳନରେ ଅଂଶଗ୍ରହଣ ପାଇଁ ଉପମୁଖ୍ୟମନ୍ତ୍ରୀ ପଦରୁ ପଦତ୍ୟାଗ କରିଥିଲେ ଓ ସକ୍ରିୟ ଭାବେ ଏହାର ନେତୃତ୍ୱ ଦେଇଥିଲେ । ପରେ ସେ ଡିସେମ୍ବର ୧୯୭୩ରେ ଜଲାଗମ୍ ୱେଙ୍ଗଲା ରାଓଙ୍କ ମନ୍ତ୍ରିମଣ୍ଡଳରେ ଉପମୁଖ୍ୟମନ୍ତ୍ରୀ ଭାବେ ଯୋଗ କରିଥିଲେ । ୭ ଜୁନ ୧୯୭୪ରେ ସେ ହାଇଦ୍ରାବାଦରେ ଏହି ପଦରେ ଥିବାବେଳେ ତାଙ୍କର ଦେହାନ୍ତ ହେଲା ।[୨]
ସମ୍ମାନ
[ସମ୍ପାଦନା]ତାଙ୍କ ସମ୍ମାନାର୍ଥେ ୨୦୧୦ରେ କୁର୍ନୂଲ ଜିଲ୍ଲାର କୋଇଲକୁଣ୍ଟଲାରେ ବି.ଭି. ସୁବ୍ବା ରେଡ୍ଡି ସ୍ମୃତି ପାର୍କରେ ତାଙ୍କ ତାମ୍ରମୂର୍ତ୍ତି ସ୍ଥାପିତ କରାଯାଇଥିଲା ।
ଆଧାର
[ସମ୍ପାଦନା] | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |