ଏହି ଆଲୋଚନାଟି ୨୦୨୦ ମସିହା ଏପ୍ରିଲ ୨-୫ ତାରିଖରେ ହେବାକୁ ଥିବା ଉଇକିମିଡ଼ିଆ ସମିଟ ବାବଦରେ । ଏହା ଜରୁରୀକାଳୀନ କାରଣ ମୁଁ ନିଜେ ଆଉ ଆମେ ପରିଚାଳକମାନେ ଏ ବିଷୟରେ ଆଲୋଚନା କରିବାରେ ବିଳମ୍ବ କରିଛୁ । ତେଣୁ କାରଣ ଯାହା ହେଉନା କାହିଁକି ଆମ ସମସ୍ତଙ୍କ ତରଫରୁ କ୍ଷମାପ୍ରାର୍ଥନା କରୁଛି । ଏହାର ଉତ୍ତର ଯେତେ ଶୀଘ୍ର ପାରିବେ ଆସନ୍ତା ସୋମବାର ସୁଦ୍ଧା ଦେବେ । ସାଧାରଣ ଭାବେ ଅତି କମରେ ସପ୍ତାହେ ଆଲୋଚନା ପାଇଁ ରଖାଯାଏ କିନ୍ତୁ ଏ କ୍ଷେତ୍ରରେ ଶେଷ ସୀମା ଅଳ୍ପ ହେତୁ ଆଉ କିଛି ବାଟ ନାହିଁ ।
ଗତ ବର୍ଷ ପ୍ରୀତିରଞ୍ଜନ ତ୍ରିପାଠୀ ବର୍ଲିନଠାରେ ଅନୁଷ୍ଠିତ ଉଇକିମିଡ଼ିଆ ସମିଟରେ ଓଡ଼ିଆ ଉଇକିମିଡ଼ିଆନ୍ସ ୟୁଜର ଗ୍ରୁପର ପ୍ରତିନିଧି ଭାବେ ଭାଗନେଇ ସମିଟ ପୂର୍ବରୁ ଓ ପରେ ଖୁବ ପ୍ରାଞ୍ଜଳ ଆଲୋଚନା କରିଥିଲେ । ସେଠାରେ ସମିଟରେ ମଧ୍ୟ ସକ୍ରିୟ ଭାବେ ବିଭିନ୍ନ ଆଲୋଚନା ଓ ଅନ୍ୟାନ୍ୟ କାର୍ଯ୍ୟକ୍ରମରେ ଭାଗ ନେବା ସଙ୍ଗେ ବିଶ୍ୱସ୍ତରର ଅନେକ ଉଇକିଆଳିଙ୍କ ସଙ୍ଗେ ଆଲୋଚନା କରିଥିଲେ । ତାଙ୍କ ଗସ୍ତର ସୁଫଳ ଆମେ ଏବେ ବି ଅନୁଭବ କରୁଛୁ । ତେଣୁ ଏ ବର୍ଷ ମଧ୍ୟ ଆଉ ଜଣେ ଉଇକିଆଳିଙ୍କୁ ଆମେ ମନୋନୟନ କରି ପଠାଇଲେ ଭଲ ହେବ ।
ତେଣୁ ଆପଣମାନେ ତଳେ ନିଜକୁ ବା ଅନ୍ୟମାନଙ୍କୁ ମନୋନୟନ କରିପାରିବେ ଆଉ ବାକିମାନେ ମନୋନୟନ ହୋଇଥିବା ଉଇକିଆଳିଙ୍କ ନାମ ତଳେ ନିଜର ମତ ଦେଇପାରିବେ । ତେବେ ମନୋନୟନ କରିବା ଆଗରୁ ତଳ ଲିଖିତ ସୂଚନା ଉପରେ ଧ୍ୟାନଦେବେ ।
- ଉଇକିଆଳି ଓଡ଼ିଆ ଉଇକିମିଡ଼ିଆ କମ୍ୟୁନିଟି ବାହାରେ ଅନ୍ୟାନ୍ୟ ଭାଷାର ଉଇକିମିଡ଼ିଆ ପ୍ରକଳ୍ପ ଓ କମ୍ୟୁନିଟି ସଙ୍ଗେ ସକ୍ରିୟ ଭାବେ ଜଡ଼ିତ
- ଆଗରୁ ଦେଶ ଭିତରେ ଓ ବାହାରେ ହୋଇଥିବା କାର୍ଯ୍ୟକ୍ରମରେ କମ ଭାଗ ନେଇଥିବେ
- ସାଧାରଣ ଭାବେ ଉଇକିମିଡ଼ିଆ ପ୍ରକଳ୍ପଗୁଡ଼ିକରେ ସକ୍ରିୟ ଥିବେ ଓ ସମ୍ପାଦନା ବାହାରେ ବିଭିନ୍ନ ପ୍ରକଳ୍ପ ଆଦିର ନେତୃତ୍ୱ ନେଇଥିବେ