ପ୍ରୋଜେକ୍ଟ ଟାଇଗର କମ୍ୟୁନିଟି କନ୍ସୋଲେସନ୍ ପାଇଁ ପ୍ରାୟ ଭାଗ ନେଇଥିବା କମ୍ୟୁନିଟିରୁ ଲୋକ ଆସିଥିଲେ । ପୂର୍ବରୁ ପଞ୍ଜାବୀ କମ୍ୟୁନିଟି ପାଇଁ ଏକ ଟ୍ରେନିଂ ହୋଇଥିଲା, ଯେଉଥିରେ ସେମାନେ ତାମିଲ ଉଇକିଆଳୀଙ୍କୁ ନିମନ୍ତ୍ରଣ କରିଥିଲେ । ଯେହେତୁ ତାଙ୍କ କମ୍ୟୁନିଟି ଏହି ଗଣ-ସମ୍ପାଦନାରେ ୧୩୨୦ଟି ପ୍ରସଙ୍ଗ ଉପରେ କାମ କରିଥିଲେ, ଆଉ ତାମିଲ କମ୍ୟୁନିଟି ୧୨୪୧ଟି ପ୍ରସଙ୍ଗ କରିଥିଲେ । ତେଣୁ ପଞ୍ଜାବୀମାନେ ତାମିଲଲୋକଙ୍କୁ ଡାକିଥିଲେ ।
ଏହି କାର୍ଯ୍ୟକ୍ରମରେ ଯୋଗ ଦେବାପାଇଁ ଓଡ଼ିଶାରୁ ମୋତେ ଏବଂ ହରିହର ସାରଙ୍କୁ ନିମନ୍ତ୍ରଣ ଆସିଥିଲା । ମାତ୍ର ସାରଙ୍କର କିଛି ଅସୁବିଧା ପାଇଁ ମୁଁ ଏକୁଟିଆ ଯାଇଥିଲି । ସେଠାରେ ଅନେକ ଜିନିଷ ଉପରେ ଆଲୋଚନା ହେଲା; ଆଉ ଏହି ଗଣ-ସମ୍ପାଦନାର ଆଗାମୀ ଭାଗ ମଧ୍ୟ ଆଉ ଅଳ୍ପଦିନରେ ଆରମ୍ଭ ହେବାକୁ ଯାଉଛି । ପୂର୍ବ ଗଣ-ସମ୍ପାଦନାରୁ କ'ଣ କ'ଣ ଶିଖିଲେ, କେମିତି ଅଧିକ ଲୋକ ପ୍ରସଙ୍ଗ ଲେଖିବେ । ଗୁଗୁଲ୍ରେ ଖୋଜୁଥିବା ଅଧିକ ପ୍ରସଙ୍ଗ କାହିଁକି ରହିବା ଦରକାର, ରହିଲେ କ'ଣ ହେବ, ଇତ୍ୟାଦି ତଥ୍ୟ ଉପରେ ଆଲୋଚନା କରାଗଲା । ଦୁଇ ଦିନର ଏହି କାର୍ଯ୍ୟକ୍ରମରେ ପ୍ରାୟ ଅନେକ କଥା ଆଲୋଚନା ହେଲା; ହେଲେ ମୁଖ୍ୟ ବିଷୟବସ୍ତୁ ପ୍ରାୟ ସମସ୍ତଙ୍କର ଥିଲା ପ୍ରସଙ୍ଗ ତାଲିକା ।
ଏଥର ସିଧା ଗୁଗୁଲ ଦେଇଥିବା ତାଲିକାକୁ ଅନ୍ତର୍ଭୁକ୍ତ ନ କରି ଓଡ଼ିଶାରୁ କିମ୍ବା ଓଡ଼ିଆ ଲିପିରେ ଗୁଗୁଲରେ ସର୍ଚ୍ଚ ହୋଇଥିବା ତାଲିକାକୁ ଟାଲି କରିକି ଗୋଟେ ନୂଆ ଲିଷ୍ଟ କରିବାର ଯୋଜନା କରାଗଲା । ଖାଲି ଓଡ଼ିଆ ପାଇଁ ନୁହେଁ ସବୁ ଭାଷା ପାଇଁ । ଆଉ ଆମକୁ ଅଧିକ କ'ଣ ଦରକାର ତା'ର ତାଲିକା ମଧ୍ୟ କରିବାକୁ ହେବ; ଫଳରେ ତାକୁ ମଧ୍ୟ ଆମେ ଯୋଡ଼ିପାରିବା । ଏହି କାମ ପାଇଁ ଆମର ସମସ୍ତଙ୍କୁ ଅଧିକ ସମୟ ଦେବାକୁ ହେବ । ହୁଏତ ଜୁରୀ ମଧ୍ୟ ଏଥର ଅଧିକ ନିଆଯାଇପାରେ (ଆମ ପାଇଁ ୨ ଜଣ ହେଲେ ଯଥେଷ୍ଟ) । ପ୍ରାୟ ଏହି ସବୁ ଉପରେ ଆଲୋଚନା ଥିଲା ଆଉ ପ୍ରସଙ୍ଗ ଉପରେ କିଛି କିଛି ଧାରଣା ପୁଣିଥରେ ଦିଆଗଲା ।
