ଉଇକିମାନିଆରୁ ମିଳିଥିବା ସୁବାସ ଚନ୍ଦ୍ର ରାଉତଙ୍କ ଶିକ୍ଷା
ମୁଁ ଅନେକ ଗୁଡ଼ିଏ ଅଧିବେଶନରେ (ପ୍ରାୟ ତିନି ଚତୁର୍ଥାଂଶ ଅଧିବେଶନ) ଭାଗ ନେଇଥିଲି ଓ ବହୁତ କଥା ଶିଖିଲି । ସବୁଠାରୁ ଅଧିକ ଶିଖିଲି ଉଇକିଡାଟା ଓ ହିସ୍ଟ୍ରୋପେଡିଆ । ଏହାକୁ ଅଭ୍ୟାସରେ ପରିଣତ କରିବାକୁ ସମୟ ଦରକାର । ଯେହେତୁ ମୁଁ ମେଡିକାଲ ସମ୍ପର୍କୀୟ ବିଷୟମାନଙ୍କରେ ଲେଖୁଛି, ତେଣୁ ସେଥିରେ ଲେଖିବାକୁ ବା ଭାଗ ନେବାକୁ ସମୟର ଅଭାବ ହେଲେ ମଧ୍ୟ ଶିକ୍ଷା ଜାରିରହିଛି । ଆମର ଗୋଟିଏ ଛୋଟ ସଂସ୍ଥା ଯେଉଁଥିରେ ଅଳ୍ପ ସଂଖ୍ୟକ ଲୋକ ଉଇକିପିଡିଆ ନିମନ୍ତେ ସମୟ ଦେଇପାରୁଛନ୍ତି । ଅନେକ ନୂଆ ବିଷୟ ଥିବା ଜାଣିଲି, ଯେପରିକି Wikitongue, Automated facial analysis, WikiCite, Wikivideo, Wikitherapy, Poly (an open source software built to share and learn languages) ଓ ଆହୁରି ଅନେକ । ତେବେ ଏସବୁ ଅଛି ଜାଣିଲେ କେହି କେହି ହୁଏତ ଏସବୁ ଶିଖିବାକୁ ଆଗ୍ରହାନ୍ଵିତ ହୋଇପାରନ୍ତି । ସିନିୟର ସିଟିଜେନ ଓ ଉଇକିପିଡିଆ ବିଷୟରେ ଚର୍ଚ୍ଚା ହୋଇଥିଲା । ଅନେକ ଥର ଏ ବିଷୟରେ ମୁଁ ଭାବିଛି । ମୂଳ ଅସୁବିଧା – ଅଧିକାଂଶ ସିନିୟର ସିଟିଜେନ କମ୍ପ୍ୟୁଟର ଶିକ୍ଷିତ ନୁହନ୍ତି ଓ ବିନା ପାରିଶ୍ରମିକରେ ଶିଖିବାକୁ ଆଗ୍ରହୀ ନୁହନ୍ତି । ଆମେ ଉଇକିଥେରାପି ଦିଗରେ ଚେଷ୍ଟା କରିପାରିବା । ଉଇକିପିଡିଆ ଗୋଟିଏ ଛୋଟ ଜ୍ଞାନକୋଷରୁ ଆରମ୍ଭ ହୋଇ ଉଇକିମିଡିଆ ଫାଉଣ୍ଡେସନ ନାମ ବହନ କରି ଶାଖା ପ୍ରଶାଖା ମେଲେଇ ମହାଦୃମରେ ପରିଣତ ହୋଇସାରିଲାଣି । ଉଇକି prefix ଥାଇ ଅନେକ ପ୍ରୋଜେକ୍ଟ ତିଆରି ହେଉଛି । ସେଥିରେ ଭାଗ ନେଉଥିବା ଲୋକଙ୍କର ଲଗନ ବା ସ୍ପୃହା ଦେଖିଲେ ବିସ୍ମୟ ଲାଗୁଛି । ସେଥିପାଇଁ ସେମାନେ ଉନ୍ନତ ହୋଇପାରୁଛନ୍ତି ।
