ଟାର୍ଗେଟ୍

ଏସ୍ କେ ମୁରଲୀଧରନ୍‌ଙ୍କ ନିର୍ଦେଶନାରେ ନିର୍ମିତ ଓଡ଼ିଆଚଳଚ୍ଚିତ୍ର ଟାର୍ଗେଟ ୨୦୧୩ ମସିହାରେ ମୁକ୍ତିଲାଭ କରିଥିଲା । ଓଡ଼ିଆ ଚଲଚ୍ଚିତ୍ରର ଜଣାଶୁଣା ଅଭିନେତା ମିହିର ଦାସଙ୍କ ପୁଅ ଅମ୍ଳାନ ଏହି ଚଳଚ୍ଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ନାୟକ ଭୂମିକାରେ ପାଦ ରଖିଥିଲେ । ତାଙ୍କ ବିପକ୍ଷରେ ନାୟିକା ସାଜିଥିଲେ ବଙ୍ଗୀୟ ନାୟିକା ଝିଲିକ୍ ଭଟ୍ଟାଚାର୍ଯ୍ୟ । ଅଭିଜିତ ମଜୁମଦାର ଏବଂ ରବି ନାରାୟଣ ନନ୍ଦ ଉଭୟ ସଂଙ୍ଗୀତ ନିର୍ଦ୍ଦେଶନା ଦାୟିତ୍ୱରେ ଥିଲେ । ପ୍ରଥମ ଥର ପାଇଁ ଅପରାଜିତା ମହାନ୍ତି ଏବଂ ମହେଶ୍ୱତା ରାୟ ଏକା ସଙ୍ଗରେ ଗୋଟିଏ ଚଳଚ୍ଚିତ୍ରରେ କାମ କରଥିଲେ । ମାଆ ତାରିଣୀ ଚଳଚ୍ଚିତ୍ର ପ୍ରଯୋଜନା ସଂସ୍ଥା ଏହି ଚଳଚ୍ଚିତ୍ରଟି ନିର୍ମାଣ କରିଥିଲା ।

ଟାର୍ଗେଟ
ନିର୍ଦ୍ଦେଶକ	ଏସ୍ କେ ମୁରଲୀଧରନ୍‌
ପ୍ରଯୋଜକ	ନିରଞ୍ଜନ ରଣା
ସଂଳାପ	(ସଂଳାପ): ଦେବୀଦତ୍ତ ମହାନ୍ତି
ଚିତ୍ରନାଟ୍ୟ	ଏସ୍ କେ ମୁରଲୀଧରନ୍‌
କାହାଣୀ	ଗୀତାଞ୍ଜଳୀ ରଣା
କଳାକାର	ଝିଲିକ୍ ଭଟ୍ଟାଚାର୍ଯ୍ୟ, ଅମ୍ଳାନ, ମିହିର ଦାସ, ମୀନକେତନ, ନମ୍ରତା ଦାସ, ଅପରାଜିତା ମହାନ୍ତି, ପିଙ୍କି ପ୍ରଧାନ, ମହେଶ୍ୱତା ରାୟ
ସଙ୍ଗୀତ	ଅଭିଜିତ ମଜୁମଦାର, ରବି ନାରାୟଣ ନନ୍ଦ
ଚିତ୍ରଗ୍ରହଣ	ରବିନ୍ଦ୍ର ବେହେରା
ସମ୍ପାଦକ	ମାନସ ରଞ୍ଜନ ପାତ୍ର
ମୁକ୍ତିଲାଭ ତାରିଖ	୧୨ ଅପ୍ରେଲ୍ ୨୦୧୩
ଦେଶ	ଭାରତ
ଭାଷା	ଓଡ଼ିଆ

ଅଭିନୟ

ଏସ୍ କେ ମୁରଲୀଧରନ୍‌ଙ୍କ ନିର୍ଦେଶିତ ଏହି ଚଳଚ୍ଚିତ୍ରରେ ପ୍ରଥମ ଥର ପାଇଁ ଓଡ଼ିଆ କଥାଚିତ୍ର ଜଗତର ଦୁଇ ଜଣାଶୁଣା ଅଭିନେତ୍ରୀ ଅପରାଜିତା ମହାନ୍ତି ଏବଂ ମହେଶ୍ୱତା ରାୟ ଏକାଠି ଅଭିନୟ କରିଥିଲେ । ଏହି ଚଳଚ୍ଚିତ୍ର ମାଧ୍ୟମରେ ଅମ୍ଳାନ ଏବଂ ଝିଲିକ୍ ଓଡ଼ିଆ ଚଳଚ୍ଚିତ୍ର ଜଗରେ ତାଙ୍କର ଅଭିନୟ ଆରମ୍ଭ କରିଥିଲେ ।

ଟାର୍ଗେଟ ରେ ଅଭିନୟ କରିଥିବା ପ୍ରମୁଖ କଳାକାରମାନ ହେଲେ:

• ଝିଲିକ୍ ଭଟ୍ଟାଚାର୍ଯ୍ୟ- ସ୍ନେହା
• ଅମ୍ଳାନ ଦାସ- ବିବେକ
• ମିହିର ଦାସ
• ମୀନକେତନ- ନୁରୁ ଭାଇ
• ନମ୍ରତା ଦାସ- ନୁରୁ ଭାଇର ପତ୍ନୀ
• ସୁବାଶିଷ ଶର୍ମା- ସ୍ନେହାର ସାଙ୍ଗ
• ହାଡ଼ୁ- ଓକିଲ
• ଅପରାଜିତା ମହାନ୍ତି- ବିବେକର ମାଆ
• ପିଙ୍କି ପ୍ରଧାନ- ଏସ୍.ପି.
• ମହେଶ୍ୱତା ରାୟ

ଗୀତ ଓ ସଙ୍ଗୀତ

ଏହି ଚଳଚ୍ଚିତ୍ରରେ ସଙ୍ଗୀତ ନିର୍ଦ୍ଦେଶନା ଦାୟିତ୍ୱରେ ଜଣାଶୁଣା ସଙ୍ଗୀତ ନିର୍ଦ୍ଦେଶକ ଅଭିଜିତ ମଜୁମଦାର ଏବଂ ରବି ନାରାୟଣ ନନ୍ଦ ଥିଲେ ।

ଗୀତ

1. ଏଇକି ସେ ପ୍ରେମ
2. କିଏ ଛୁଇଁଲା
3. ପଁ ପଁ ପଁ
4. ଟାର୍ଗେଟ୍
5. ଟେନସନ୍ କାଇଁ ଲେବୁ
6. ତୁମେ ମୋ ନୟନ ତାରା

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ଟାର୍ଗେଟ୍