ଜ୍ୱାଳା ଗୁଟ୍ଟା

Jwala Gutta
Jwala during a match at the IBL
ବ୍ୟକ୍ତିଗତ ତଥ୍ୟ
ଜନ୍ମ	(1983-09-07) ୭ ସେପ୍ଟେମ୍ବର ୧୯୮୩ Wardha, Maharashtra, India
ବାସସ୍ଥାନ	Hyderabad, Telangana, India
ଉଚ୍ଚତା	1.83 m (6 ft 0 in)
ଓଜନ	60 kg (130 lb; 9.4 st)
ଦେଶ	ଭାରତ
ସକ୍ରିୟ କାଳ	2001–Present
କେଉଁ ହାତ ବ୍ୟବହାର କରନ୍ତି	Left
Mixed Doubles/ Women's Doubles
ସର୍ବୋଚ୍ଚ ରାଙ୍କ	6 (in XD) (Aug 2010) 10 (in WD) (20 August 2015)
ବର୍ତ୍ତମାନ ରାଙ୍କ	14 (in WD) (5 May 2016)
Medal record Women's badminton Competitor for ଭାରତ World Championships Bronze 2011 London Women's doubles Commonwealth Games Gold 2010 Delhi Women's Doubles Silver 2010 Delhi Mixed Team Silver 2014 Glasgow Women's Doubles Bronze 2006 Melbourne Mixed Team Uber Cup Bronze 2014 New Delhi Team Bronze 2016 Kunshan Team Asia Championships Bronze 2014 Gimcheon Women's Doubles South Asian Games Gold 2006 Colombo Mixed Doubles Gold 2016 Guwahati Women's Doubles Gold 2016 Guwahati Women's Team
BWF Profile

ଜ୍ଵାଳା ଗୁଟ୍ଟା , ଜଣେ ଭାରତୀୟ ମହିଳା ବେଡମିଣ୍ଟନ ଖେଳାଳି । ତାଙ୍କୁ ଭାରତ ର ସର୍ବଶ୍ରେଷ୍ଠ ମହିଳା ଦବଳସ୍ ଖେଳାଳି ର ମାନ୍ୟତା ଦିଆଯାଇଥାଏ । ସେ ୧୪ ଥର ଜାତୀୟ ବେଡମିଣ୍ଟନ ଚମ୍ପିୟାନଶିପ ରେ ମହିଳା ଦବଳସ୍ ରେ ବିଜୟୀ ହେଇଛନ୍ତି । ପ୍ରଥମେ ଶ୍ରୁତି କୁରିଏନ ଙ୍କ ସହ ପାର୍ଟନରଶିପ ଓ ପରେ ଅଶ୍ଵିନୀ ପୋନାପ୍ପା ଙ୍କ ସହ ମିଶି ସେ ଅନେକ ଜାତୀୟ ଓ ଆନ୍ତର୍ଜାତୀୟ ପ୍ରତିଯୋଗୀତା ଜିତି ପରିଛନ୍ତି । ବିଶ୍ଵ ରେଙ୍କିଙ୍ଗ ରେ ସେ ଅଶ୍ଵିନୀ ଙ୍କ ସହ ୨୦ ରେଙ୍କ ଭିତରେ ବହୁଦିନ ଧରି ରହିଛନ୍ତି ।ଅର୍ଜୁନ ପୁରସ୍କାର ସମେତ ଅନେକ ପୁରସ୍କାର ର ବିଜେତା ଜ୍ଵାଳା ମହିଳା ସଶକ୍ତିକରଣ ର ଜଣେ ବଳିଷ୍ଠ କର୍ମୀ । 

ପ୍ରାରମ୍ଭିକ ଜୀବନୀ ଓ ଜୁନିଅର ସ୍ତର ରେ ଉପଲବ୍ଧି 

ଜ୍ଵାଳା ଗୁଟ୍ଟା ୧୯୮୩ ମସିହା ସେପ୍ଟେମ୍ବର ୭ ରେ ୱାର୍ଦ୍ଧା , ମହାରାଷ୍ଟ୍ର ଠାରେ ଜନ୍ମ ଗ୍ରହଣ କରିଥିଲେ । ସେ ପରେ ହାଇଦ୍ରାବାଦ , ଆନ୍ଧ୍ରପ୍ରଦେଶ ରେ ରହିଥିଲେ । ତାଙ୍କର ପିତା କ୍ରାନ୍ତି ଗୁଟ୍ଟା ଜେନ ସ୍ଵାଧୀନତା ସଂଗ୍ରାମୀ ପରିବାର ରୁ ଆସିଥିଲେ ଓ ମାତା ଚାଇନୀଜ ଥିଲେ । ମହାତ୍ମା ଗାନ୍ଧୀ ଙ୍କ ସେବାଶ୍ରମ ଆଶ୍ରମ ରେ ତାଙ୍କ ପିତା ମାତା ଙ୍କ ପରିଚୟ ହେବା ପରେ ବିବାହ ହେଇଥିଲା । ପ୍ରଥମେ ଟେନିସ ଖେଳିବାକୁ ଆଗ୍ରହୀ ଥିବା ଜ୍ଵାଳା ତାଙ୍କ ପିତା ଓ କୋଚ ଏସ . ଏମ . ଆରିଫ ଙ୍କ ସୁପାରିସ କ୍ରମେ ଜିମ୍ନାଷ୍ଟିକ ଓ ସନ୍ତରଣ ରେ ୨ ବର୍ଷ ତାଲିମ ନେବା ପରେ ୬ ବର୍ଷ ବୟସ ରୁ ବେଡମିଣ୍ଟନ ରେ ତାଲିମ ନେଲେ । ଏଥିରେ ତାଙ୍କର ଚାଇନୀଜ ମା ଙ୍କ ପ୍ରେରଣା ମୁଖ୍ୟ ଅବଦାନ ରହିଥିଲା । ମାତ୍ର ୧୩ ବର୍ଷ ବୟସ ରେ ଜ୍ଵାଳା ମିନି ଜାତୀୟ ବେଡମିଣ୍ଟନ ପ୍ରତିଯୋଗୀତା ରେ ଜୁନିଅର ବାଳିକା ଚମ୍ପିୟାନ ହେଇ ସେହି ବର୍ଷ ମହିଳା ଜୁନିଅର ଜାତୀୟ ଡବଲସ ଚମ୍ପିୟାନ ହେଇଥିଲେ । ପରେ ଶ୍ରୁତି କୁରିଏନ ଙ୍କ ସହ ମିଶି ସିନିଯର ଡବଲସ ମଧ୍ୟ ବିଜୟିନୀ ହେଇଥିଲେ । ଏହି କ୍ରମ ସେ ୨୦୦୨ ରୁ ୨୦୦୮ ପର୍ଯ୍ୟନ୍ତ ଜାରି ରଖିଥିଲେ ।

ଜାତୀୟ ସ୍ତର ରେ ପ୍ରଦର୍ଶନ

ଜାତୀୟ ସ୍ତର ରେ ଜ୍ଵାଳା ପ୍ରଥମ ମହିଳା ଭାବରେ ଡବଲସ ରେ ୧୪ ଥର ଚମ୍ପିୟାନ ହେଇଥିଲେ । ୨୦୧୪ ଥୋମାସ ଓ ଉବାର କପ ରେ ସେ ବ୍ରୋଞ୍ଜ ପଦକ ପାଇଥିଲେ । ୨୦୦୯ ମସିହା ରେ ସେ ଦିଜୁ ଙ୍କ ସହ ମିଶି ମିକ୍ସ ଦବାଲ୍ସ ରେ ବହୁ ପ୍ରତିଯୋଗୀତା ଜିତି ଥିଲେ । ଜ୍ଵାଳା ବେଡମିଣ୍ଟନ ରେ ପ୍ରଥମ କରି ତୀବ୍ର ଗତି ରେ ଖେଳିବା ଶୈଳୀ ଆରମ୍ଭ କରିଥିଲେ । ତାଙ୍କର  ସ୍ମାଶ ଶଟ ଅତ୍ୟନ୍ତ ଶକ୍ତିଶାଳୀ ହେଇଥିଲେ ମଧ୍ୟ କୋର୍ଟ ଭିତରେ ତାଙ୍କର ମୁଭମେଣ୍ଟ ସେତେଟା ପ୍ରଭାବୀ ହେଇପାରୁ ନଥିବାରୁ ସେ କିଛି ଭୁଲ କରିଥାନ୍ତି । ଆହତ ଜନିତ ସମସ୍ୟା  ମଧ୍ୟ ତାଙ୍କର ଅନେକ ସମୟ ରେ ରହୁଥିଲା । 

ଆନ୍ତର୍ଜାତିକ ପ୍ରଦର୍ଶନ 

ଆନ୍ତର୍ଜାତିକ ସ୍ତର ରେ ସେ ମିକ୍ସ୍ଡ ଡବଲସ ରେ ଭାଲିୟବେଟ୍ଟୀ ଦିଜୁ ଙ୍କ ସହ ମିଶି ଆନ୍ତର୍ଜାତିକ ପ୍ରତିଯୋଗୀତା ମାନଙ୍କୁ ଯୋଗ ଦେଇ ବିଶ୍ଵ ର ୧୦ ନମ୍ବର ରେଙ୍କିଙ୍ଗ ଭିତରେ ରହିଥିଲେ । ୨୦୧୦ ମସିହା ରେ ସେ ବିଶ୍ଵ ର ୬ ନମ୍ବର ଯୋଡି ହେଇଥିଲେ । ସେ ଅଲିମ୍ପିକ ବ୍ଯତୀତ ଅନ୍ୟ ସମସ୍ତ ଆନ୍ତର୍ଜାତିକ ପ୍ରତିଯୋଗୀତା ରେ ଦବାଲ୍ସ ଓ ମିକ୍ସ ଦବାଲ୍ସ ରେ ପଦକ ପାଇଛନ୍ତି ।  ୨୦୧୧ ବିଶ୍ଵ ଚମ୍ପିଅଂଶିପ ରେ ସେ ବ୍ରୋଞ୍ଜ ପଦକ ପାଇବା ସହ କମନୱେଲ୍ଥ ଗେମ  ରେ ୨୦୧୦ ରେ ସ୍ଵର୍ଣ ଓ ୨୦୧୪ ରେ ରୌପ୍ୟ ପଦକ ପ୍ରାପ୍ତ ହେବା ତାଙ୍କର ବଡ ଉପଲବ୍ଧି । ୨୦୧୨ ଲଣ୍ଡନ ଅଲିମ୍ପିକ ପାଇଁ ସେ ଉଭୟ ମହିଳା ଦବାଲସ ଓ ମିକ୍ସ ଦବାଲସ ପାଇଁ ଯୋଗ୍ୟତା ଅର୍ଜନ କରିଥିଲେ । ୨୦୧୬ ଅଲିମ୍ପିକ ପାଇଁ ମଧ୍ୟ ଡବଲସ ରେ ଯୋଗ୍ୟତା ଅର୍ଜନ କରିଥିଲେ । ମାତ୍ର ସେ ଉଭୟ ଅଲିମ୍ପିକ ରେ ପଦକ ପାଇବା ପାଇଁ ସଫଳ ହେଇନଥିଲେ । ୨୦୧୫ କାନାଡା ଗ୍ରାଣ୍ଡ ପ୍ରିକ୍ସ ରେ ସେ ସେମିଫାଇନାଲ ଯାଏ ପହଞ୍ଚିଥିଲେ ।ଏହା ବ୍ଯତୀତ ସେ ଶ୍ରୀଲଙ୍କା , ପାକିସ୍ଥାନ , ନେପାଲ ଓ ହଲାଣ୍ଡ ଠାରେ ପ୍ରତିଯୋଗୀତା ଜିତି ଥିଲେ ।  

ଅଶ୍ଵିନୀ ପୋନାପ୍ପା ଙ୍କ ସହ IBL ରେ ଜ୍ଵାଳା 

ବିଶ୍ଵର ଶ୍ରେଷ୍ଠ ୧୦ ରେଙ୍କିଙ୍ଗ ପାଇବା  ପରେ ଜ୍ଵାଳା ଓ ଦିଜୁ .

ବ୍ୟକ୍ତିଗତ ଜୀବନ ଓ ଅନ୍ୟ ସମାଜସେବା କାର୍ଯ୍ୟ 

ଫାଇଲ:Chetanmar.jpg

ଜ୍ଵାଳା ଓ ସାଥି ବେଡମିଣ୍ଟନ ଖେଳାଳି ଚେତନ ଆନନ୍ଦ , ୨୦୦୫ ମସିହା ରେ ବିବାହ ପରେ  

୨୦୦୫ ମସିହା ରେ ଜ୍ଵାଳା ସାଥି ବେଡମିଣ୍ଟନ ଖେଳାଳି ଚେତନ ଆନନ୍ଦ ଙ୍କୁ ବିବାହ କରିଥିଲେ । କିନ୍ତୁ ତାଙ୍କର ୨୦୧୧ ରେ ବିବାହ ବିଚ୍ଛେଦ ଘଟିଥିଲା । ତାଙ୍କର କ୍ରିକେଟ ଖେଳାଳି ମହମ୍ମଦ ଅଝାରୁଦ୍ଦିନ ଙ୍କ ସହ ପ୍ରେମ ସମ୍ପର୍କ ର ଗୁଜବ ମଧ୍ୟ ଉଠିଥିଲା । ତେବେ ତାହାର ପ୍ରମାଣ ମିଳି ନଥିଲା । ଜ୍ଵାଳା ସର୍ବଦା ମହିଳା ଖେଳାଳି ମାନଙ୍କ ଉନ୍ନତି ପାଇଁ ସ୍ଵର ଉତ୍ତୋଳନ କରିଥାନ୍ତି । ଏହା ବ୍ଯତୀତ ସେ ତମାଖୁ ବର୍ଜନ , ସ୍ବଚ୍ଛ ଭାରତ କାର୍ଯ୍ୟକ୍ରମ ରେ ସକ୍ରିୟ ଭାଗ ନେଇଥାନ୍ତି । ବେଡମିଣ୍ଟନ ର ପ୍ରସାର ପାଇଁ ସେ ପ୍ରଶିକ୍ଷଣ କେନ୍ଦ୍ର ସ୍ଥାପନ ଦିଗରେ ମଧ୍ୟ ଧ୍ୟାନ ଦେଇଛନ୍ତି । .

ପୁରସ୍କାର ଓ ସମ୍ମାନ

ଜ୍ଵାଳା ୨୦୧୧ ମସିହା ରେ ଭାରତ ସରକାରଙ୍କ ଦ୍ଵାରା ଅର୍ଜୁନ ପୁରସ୍କାର ପ୍ରାପ୍ତ ହେଇଥିଲେ । ଏହା ବ୍ୟତୀତ ସେ ଦେଶ ବିଦେଶ ରେ ଅନେକ ପୁରସ୍କାର ପାଇଥିଲେ ।  

୨୦୧୧ ମସିହା ରେ ଅର୍ଜୁନ ପୁରସ୍କାର ପାଇବା ସମୟ ରେ ଜ୍ଵାଳା 

ବାହ୍ୟ ସଂଯୋଗ 

• Jwala GUTTA at BWFbadminton.comBWFbadminton.com
• Jwala GUTTA at BWF.tournamentsoftware.comBWFJwala GUTTA at BWF.tournamentsoftware.com
• "ଜ୍ୱାଳା ଗୁଟ୍ଟା". Olympics at Sports-Reference.com. Sports Reference LLC.