ପ୍ରହ୍ଲାଦ ପାଣି
ପ୍ରହ୍ଲାଦ ପାଣି | |
|---|---|
 ୨୦୨୩ ମସିହାର ସାଳନ୍ଦୀ ବହିମେଳା | |
| ଜନ୍ମ | କଣ୍ଟାପଡ଼ା, ଭଦ୍ରକ |
| ମୃତ୍ୟୁ | ଜାନୁଆରୀ ୭, ୨୦୨୫ |
| ଜାତୀୟତା | ଭାରତୀୟ |
| ବୃତ୍ତି(ସମୂହ) | କାଠ କାରିଗର ଗାଳ୍ପିକ କବି ଚିତ୍ରକର |
| ଉଲ୍ଲେଖନୀୟ କୃତି | କଳାମନ୍ଦିର (ସଂଗ୍ରହାଳୟ), ଭଦ୍ରକ |
ପ୍ରହ୍ଲାଦ ପାଣି (୧ ଜାନୁଆରୀ ୧୯୪୨ - ୬ ଜାନୁଆରୀ ୨୦୨୫) ଜଣେ କାଠ କାରିଗର, ଗାଳ୍ପିକ, କବି ଓ ଚିତ୍ରକର ଥିଲେ । ସେ ଜଣେ କାଠ କାରିଗର ଭାବରେ କାଠରୁ ବିଭିନ୍ନ ମୂର୍ତ୍ତି ଓ କଳାକୃତ୍ତିମାନ କରିଛନ୍ତି, ଯାହାକୁ ନେଇ ସେ ନିଜ ଜନ୍ମସ୍ଥାନରେ 'ନାରାୟଣ ଚନ୍ଦ୍ର କଳା ମନ୍ଦିର' ନାମକ ଏକ ସଂଗ୍ରହାଳୟ ତିଆରି କରିଥିଲେ ।[୧] ଏହି ସଂଗ୍ରାହଳୟରେ ତାଙ୍କଦ୍ୱାରା ଅଙ୍କାଯାଇଥିବା ବିଭିନ୍ନ ଚିତ୍ରକଳା ମଧ୍ୟ ସ୍ଥାନିତ ହୋଇଛି । ତାଙ୍କର କବିତା, ଗପ ଓ ଉପନ୍ୟାସ ଆଦି ଚାରି ଖଣ୍ଡ ବହି ପ୍ରକାଶିତ ହୋଇଥିଲା ।[୨] ତାଙ୍କ କଳାକୃତ୍ତି ତଥା ସାହିତ୍ୟ କାର୍ଯ୍ୟ ପାଇଁ ତାଙ୍କୁ ଅନେକ ମଞ୍ଚରେ ସମ୍ମାନିତ କରାଯାଇଛି ।
ଜୀବନୀ
[ସମ୍ପାଦନା]ପ୍ରହ୍ଲାଦ ପାଣି ଭଦ୍ରକ ଜିଲ୍ଲାର ଭଦ୍ରକ ବ୍ଲକ ଅନ୍ତର୍ଗତ କଲେଇ ପଞ୍ଚାୟତ କଣ୍ଟାପଡ଼ା ଗ୍ରାମରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଶୈଶବ ପାଣି ।[୩]
କାଠ କାରିଗରୀ
[ସମ୍ପାଦନା]ସେ ତାଙ୍କ ବଡ଼ବାପା ନାରାୟଣ ଚନ୍ଦ୍ର ପାଣିଙ୍କଠାରୁ କାଠ କାରିଗରୀର କଳା ଓ କୌଶଳ ପିଲାଦିନରୁ ଶିଖିଥିଲେ । ପରେ ସେ କଲିକତା ଓ ଚେନ୍ନାଇର ବିଭିନ୍ନ ସ୍ଥାନରେ କାମ କରିଥିଲେ, ଯେଉଁଠାରେ ସେ ଘରର କାରୁକାର୍ଯ୍ୟ ତଥା ସଂଗ୍ରହାଳୟର ବିଭିନ୍ନ କାମ କରିଥିଲେ ।[୪] ବାହାରେ ଅନେକ ବର୍ଷ କାମ କରିବା ପରେ, ସେ ଗାଆଁକୁ ଫେରି ସେଠାରେ ନିଜ ଗୁରୁ ତଥା ବଡ଼ବାପା ନାରାୟଣ ଚନ୍ଦ୍ର ପାଣିଙ୍କ ନାମରେ ଏକ ସଂଗ୍ରହାଳୟ ଗଢ଼ିଥିଲେ ।[୩]
ସାହିତ୍ୟ ସର୍ଜନା
[ସମ୍ପାଦନା]ପ୍ରହ୍ଲାଦ ପାଣିଙ୍କ ପ୍ରଥମ କବିତା ପୁସ୍ତକ ୭ରୁ ୭୦ ପ୍ରକାଶିତ ହୋଇଥିଲା ଏବଂ ଏହାପରେ, ଉପନ୍ୟାସ ପ୍ରେମର ଅନ୍ୟମାନ ନିର୍ବାଣ ଓ ଗଳ୍ପ ସଂକଳନ ମଝି ପାହାଚର ଦେଖା ଭଳି ୪ଟି ପୁସ୍ତକ ମୁକ୍ତିଲାଭ କରିଥିଲା ।[୩]
ରଚିତ ପୁସ୍ତକ
[ସମ୍ପାଦନା]- ୭ରୁ ୭୦ (କବିତ ପୁସ୍ତକ)
- ପ୍ରେମର ଅନ୍ୟନାମ ନିର୍ବାଣ (ଉପନ୍ୟାସ)
- ମଝି ପାହାଚରେ ଦେଖା (ଗଳ୍ପ ସଂକଳନ)
ଆଧାର
[ସମ୍ପାଦନା]- ↑ "ଫ୍ୟାନ୍ସି ଆର୍ଟର ଯାଦୁଗର ପ୍ରହ୍ଲାଦ, ଅପମାନ ବଦଳାଇ ଦେଲା ଜୀବନର ମୋଡ". Zee News Hindi. Retrieved 2025-01-08.
- ↑ "ନିର୍ଜୀବକୁ ଜୀବନ ଦିଅନ୍ତି ପ୍ରହଲ୍ଲାଦ !". ନିର୍ଜୀବକୁ ଜୀବନ ଦିଅନ୍ତି ପ୍ରହଲ୍ଲାଦ !. 13 November 2024. Archived from the original on 7 January 2025. Retrieved 7 January 2025.
- ↑ ୩.୦ ୩.୧ ୩.୨ ପ୍ରଭାତ ଦାଶ (11 September 2024). "କାଠ କାରିଗରରୁ କଳାମନ୍ଦିର: ଆକର୍ଷିତ କରୁଛି ପ୍ରହ୍ଲାଦଙ୍କ ଭିଲେଜ ଆର୍ଟ ମ୍ୟୁଜିୟମ୍". ପ୍ରମେୟ (in od-IN). ଭଦ୍ରକ. p. 3. Archived from the original on 7 January 2025. Retrieved 7 January 2025.
{{cite news}}: CS1 maint: unrecognized language (link) - ↑ Nayak, Pradip (8 September 2024). "କାଠ ଓ ବାଉଁଶ କଳାର ଯାଦୁଗର ଗୁରୁ ଶ୍ରୀ ପ୍ରହ୍ଲାଦ ପାଣି । କଳା ମାଧ୍ୟମରେ ସମାଜକୁ ଦେଉଛନ୍ତି ସଚେତନତାର ବାର୍ତ୍ତା". Kanak News. Archived from the original on 7 January 2025. Retrieved 7 January 2025.
ବାହାର ଆଧାର
[ସମ୍ପାଦନା]