ପ୍ରହରାଜ ସତ୍ୟନାରାୟଣ ନନ୍ଦ
ପ୍ରହରାଜ ସତ୍ୟନାରାୟଣ ନନ୍ଦ (୧୯୪୩-୨୦୨୫) ଜଣେ ଝଙ୍କାର ପୁରସ୍କାରପ୍ରାପ୍ତ ଓଡ଼ିଆ କବି ତଥା ବରିଷ୍ଠ ସାମ୍ବାଦିକ । ଓଡ଼ିଶା ସାହିତ୍ୟ ଏକାଡେମୀ ଦ୍ଵାରା ପ୍ରକାଶିତ 'କବି ଅନନ୍ତ ପଟ୍ଟନାୟକ ମନୋଗ୍ରାଫ' ତାଙ୍କର ଉଲ୍ଲେଖନୀୟ ଅବଦାନ।[୧]
ବାଲେଶ୍ୱର ଜିଲ୍ଲାର ନୀଳଗିରିରେ ୧୯୪୩ ସେପ୍ଟେମ୍ବର ୬ରେ ସେ ଜନ୍ମ ଗ୍ରହଣ କରିଥିଲେ । ସେ ଫକିରମୋହନ କଲେଜ୍, ବାଲେଶ୍ୱରରୁ ଇଂରାଜୀ ଅନର୍ସ ସହ ଗ୍ରାଜୁଏସନ କରିଥିଲେ ଏବଂ ୧୯୬୬ରେ କଟକ ରେଭେନସା ମହାବିଦ୍ୟାଳୟ (ବର୍ତ୍ତମାନ ବିଶ୍ୱବିଦ୍ୟାଳୟ)ରୁ ଇଂରାଜୀରେ ସ୍ନାତକୋତ୍ତର ଶିକ୍ଷା ସମ୍ପୂର୍ଣ୍ଣ କରିଥିଲେ । ଏହା ପରେ ସେ କଟକରୁ ସେହି ସମୟରେ ପ୍ରକାଶ ପାଉଥିବା ଦୈନିକ ସମ୍ବାଦପତ୍ର ‘ନିଉଜ୍ ଅଫ୍ ଦି ଓ୍ବାର୍ଲ୍ଡ’, ଓ କଲିକତାରୁ ପ୍ରକାଶ ପାଉଥିବା ‘ଅମୃତ ବଜାର ପତ୍ରିକା’ର ସମ୍ପାଦନା ବିଭାଗରେ ବହୁ ବର୍ଷ ଧରି କାର୍ଯ୍ୟ କରିଥିଲେ । ସେ ୧୯୭୫ରୁ ୨୦୦୧ ପର୍ଯ୍ୟନ୍ତ ଓଡିଶା ସରକାରର ସୂଚନା ଓ ଲୋକ ସମ୍ପର୍କ ବିଭାଗ ଦ୍ୱାରା ପ୍ରକାଶିତ ‘ଉତ୍କଳ ପ୍ରସଙ୍ଗ’ର ବ୍ୟବସ୍ଥାପକ ସମ୍ପାଦକ ଭାବେ ମଧ୍ୟ କାର୍ଯ୍ୟ କରିଥିଲେ ।[୨]
ଓଡ଼ିଆ କବିତାରେ ସନେଟ୍ ର ଧାରାକୁ ସେ ଏକ ନୂଆ ପରିଚୟ ଦେଇଥିଲେ । ‘ଶବ୍ଦ ସଙ୍ଗମ ଓ ଅନ୍ୟାନ୍ୟ କବିତା’ ତାଙ୍କର ଏକ ବହୁଚର୍ଚ୍ଚିତ କବିତା ସଂକଳନ ।
ବାଲେଶ୍ଵର ଜିଲ୍ଲାର ରାଜ ନୀଳଗିରି ସ୍ଥିତ ବାସଭବନରେ ୨୬ ମାର୍ଚ୍ଚ ୨୦୨୫ ଦିନ ସେ ଶେଷ ନିଶ୍ଵାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ବୟସ ହୋଇଥିଲା ।[୩]
ରଚନାବଳୀ
[ସମ୍ପାଦନା]ଏକ ବହୁମୁଖୀ ସାହିତ୍ୟିକ ବ୍ୟକ୍ତିତ୍ୱ ଭାବେ ଶ୍ରୀ ନନ୍ଦ ତାଙ୍କ ରଚନା ମାଧ୍ୟମରେ ଏକ ବିଶେଷ ପରିଚୟ ଗଢ଼ିଥିଲେ । ତାଙ୍କ ସୃଷ୍ଟିଗୁଡିକ ମଧ୍ୟରେ ନିମ୍ନ ତାଲିକାଭୁକ୍ତ ରଚନା ଗୁଡିକ ଉଲ୍ଲେଖଯୋଗ୍ୟ ।[୪][୨]
- ନୀଳହଂସର ଜ୍ୱାଳା
- ଅଧପତନର ଛନ୍ଦ
- ଶବ୍ଦ ସଙ୍ଗମ ଓ ଅନ୍ୟାନ୍ୟ କବିତା
- ଜିଅନ୍ତା ଶାଳଗ୍ରାମ
- ସପ୍ତଦ୍ୱୀପା ବସୁନ୍ଧରା
- ସନେଟ୍ ସା
- ହିରଣ୍ୟୟେନ ପାତ୍ରେଣ
- ହିରଣ୍ୟୟେନ ସବିତା ରଥେନା
- ବର୍ଷାର ପାଦରେ ନୂପୁର
- ରେଶମୀ ଡୋରରେ ବନ୍ଧା ଗୋଟିଏ ପକ୍ଷୀ
- ନକ୍ଷତ୍ର ସଙ୍ଗମ ଓ ଅନ୍ୟାନ୍ୟ କବିତା
- ଶ୍ରୀରାଧାର ପୂର୍ଣାଙ୍ଗ ଆଲୋଚନା[୫]
- ହାତରେ ମଶାଲ ଧରି ପାହାଡ଼କୁ ଉଠୁଥିବା ଲୋକ
- ଶ୍ରେଷ୍ଠ ପ୍ରେମ କବିତା
- ଶ୍ରେଷ୍ଠ ପ୍ରେମ ସନେଟ୍
- Sun in the Golden Chariot
ଆଧାର
[ସମ୍ପାଦନା] | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |
- ↑ ପ୍ରହରାଜ ସତ୍ୟ ନାରାୟଣ ନନ୍ଦ; Praharaj Satya Narayan Nanda; Praharāj Satẏa Nārāẏaṇa Nanda; Praharaj Satya Narayan Nanda; Praharāj Satẏa Nārāẏaṇa Nanda (2003). କବି ଅନନ୍ତ ପଟ୍ଟନାୟକ.
- ↑ ୨.୦ ୨.୧ Mansingh, Sangita (2025-02-27). "ଆଉ ନାହାନ୍ତି ବିଶିଷ୍ଟ ସାହିତ୍ୟିକ ପ୍ରହରାଜ ସତ୍ୟନାରାୟଣ ନନ୍ଦ". OdishaLIVE (in ଆମେରିକୀୟ ଇଂରାଜୀ). Retrieved 2025-04-06.
- ↑ "ପରଲୋକରେ ବିଶିଷ୍ଟ କବି ଓ ସମ୍ପାଦକ ପ୍ରହରାଜ ସତ୍ୟନାରାୟଣ ନନ୍ଦ". Odisha Sambad (in ଆମେରିକୀୟ ଇଂରାଜୀ). 2025-02-26. Retrieved 2025-04-06.
- ↑ Bureau, O. B. (2025-02-26). "Noted Odia Poet Praharaj Satyanarayan Nanda Passes Away At 82". Odisha Bytes (in ବ୍ରିଟିଶ୍ ଇଂରାଜୀ). Retrieved 2025-04-06.
- ↑ ପ୍ରହରାଜ ସତ୍ୟନାରାୟଣ ନନ୍ଦ (1997). ଶ୍ରୀରାଧାର ପୂର୍ଣ୍ଣାଙ୍ଗ ଆଲୋଚନା (in Oriya).
{{cite book}}: CS1 maint: unrecognized language (link)