ପିଲାମାନଙ୍କର କୋଷ୍ଠକାଠିନ୍ୟ

Constipation in a young child seen on X-ray. Circles represent areas of fecal matter (stool is white surrounded by black bowel gas).
ବିଭାଗ	Pediatrics
ଲକ୍ଷଣ	<2 bowel movements per week, hard or difficult to pass stool, abdominal bloating, soft stool bypassing, efforts to belay bowel movements
ଆକ୍ରାନ୍ତ ସମୟ	2 to 3 years
କାରଣ	Functional (95% of cases), certain medications, Hirschsprung disease, cystic fibrosis, lead toxicity, spinal cord problems, cow's milk allergy
ଔଷଧ	PEG, glycerin suppository, lactulose
ଚିକିତ୍ସା	High fiber foods, sufficient fluids, prune juice
Prognosis	Often recur
ପୁନଃପୌନିକ	Common

ପିଲାମାନଙ୍କର କୋଷ୍ଠକାଠିନ୍ୟ ହେବାରେ ସପ୍ତାହରେ ଦୁଇଥରରୁ କମ୍ ଝାଡ଼ା ଯିବା, କଠିନ କିମ୍ବା କଷ୍ଟକର ଝାଡ଼ା ହେବା, ପେଟ ଫୁଲିବା କିମ୍ବା ଝାଡ଼ା ଯିବାକୁ ରୋକିବା ପାଇଁ ପ୍ରୟାସ କରିବା ଭଳି ଲକ୍ଷଣଗୁଡ଼ିକ ଅନ୍ତର୍ଭୁକ୍ତ । କୋଷ୍ଠକାଠିନ୍ୟର ଏପିସୋଡ୍ ପ୍ରାୟତଃ ପୁନରାବୃତ୍ତି ହୁଏ । ଜଟିଳତା ମଧ୍ୟରେ ମଳ ଜମାଟ, ମୂତ୍ର ଅସଂଯମତା, ଅର୍ଶ, ମଳ ଫିସର, ମୂତ୍ର ନଳୀ ସଂକ୍ରମଣ, କିମ୍ବା ମଳଦ୍ୱାର ସ୍ଥାନ‌ଚ୍ୟୁତି ବା ପ୍ରୋଲାପ୍ସ ହୋଇପାରେ।

ଏହା ସାଧାରଣତଃ ଏକ କାର୍ଯ୍ୟକ୍ଷମ ପାକଅନ୍ତନଳୀ ବ୍ୟାଧି (୯୫% କ୍ଷେତ୍ରରେ); ତଥାପି ବେଳେବେଳେ କେତେକ ନିର୍ଦ୍ଦିଷ୍ଟ ଔଷଧ, ହିରସ୍ପ୍ରଙ୍ଗସ ରୋଗ, ସିଷ୍ଟିକ୍ ଫାଇବ୍ରୋସିସ୍, ସୀସା ବିଷକ୍ରିୟା ଏବଂ ମେରୁଦଣ୍ଡ ସମସ୍ୟା ଯୋଗୁଁ ହୋଇପାରେ । ଚାପ, ଲଜ୍ଜା କିମ୍ବା ଯନ୍ତ୍ରଣା ବିଷୟରେ ଚିନ୍ତା ହେତୁ ମଳକୁ ଧରି ରଖିବା ସହିତ ଏହି ରୋଗ ଜଡ଼ିତ ବୋଲି ବିଶ୍ୱାସ କରାଯାଏ । ଏଥିରେ ସାମିଲ ହୋଇପାରୁଥିବା ଔଷଧଗୁଡ଼ିକ ମଧ୍ୟରେ ଆଣ୍ଟିକୋଲିନର୍ଜିକ୍ସ, ଆଣ୍ଟାସିଡ୍, ଲୌହ ପରିପୂରକ ଏବଂ ଓପିଓଏଡ୍ ଅନ୍ତର୍ଭୁକ୍ତ । ସାଧାରଣତଃ ଲକ୍ଷଣ ଉପରେ ଆଧାର କରି ରୋଗ ନିର୍ଣ୍ଣୟ କରାଯାଏ, କିନ୍ତୁ କେତେକ ସମୟରେ ନିର୍ଦ୍ଦିଷ୍ଟ କାରଣଗୁଡ଼ିକୁ ବାଦ ଦେବା ପାଇଁ ଅଧିକ ପରୀକ୍ଷା କରାଯାଏ ।

ସାଧାରଣତଃ ଅଧିକ ତନ୍ତି ଯୁକ୍ତ ଖାଦ ଖାଇବା ଏବଂ ପର୍ଯ୍ୟାପ୍ତ ପରିମାଣର ତରଳ ପଦାର୍ଥ ପିଇବା ଦ୍ୱାରା ଏହାର ଚିକିତ୍ସା କରାଯାଏ । ୬ ମାସରୁ କମ୍ ବୟସର ପିଲାମାନଙ୍କ ପାଇଁ, ପ୍ରୁନ୍ ରସ ବ୍ୟବହାର କରାଯାଇପାରିବ । ଗୁରୁତର କ୍ଷେତ୍ରରେ ଚିକିତ୍ସାରେ କାଠିନ୍ୟ ଦୂର କରିବା ଏବଂ ପରେ ରକ୍ଷଣାବେକ୍ଷଣ ପ୍ରୟାସ କରିବା ଅନ୍ତର୍ଭୁକ୍ତ । ଛୋଟ ପିଲାମାନଙ୍କ ପାଇଁ, ଯେଉଁଥିରେ ଏକ ବର୍ଷରୁ କମ୍ ବୟସ୍କ ପିଲାମାନେ ମଧ୍ୟ ଅଛନ୍ତି, କାଠିନ୍ୟ ଦୂର କରିବା ବିକଳ୍ପଗୁଡ଼ିକ ହେଉଛି ୧ ମିଗ୍ରା/କେଜି ଡୋଜରେ ପଲିଏଥିଲିନ ଗ୍ଲାଇକଲ କିମ୍ବା ଗ୍ଲିସେରିନ୍ ସପୋଜିଟୋରୀ ଦିଆଯାଏ । ରକ୍ଷଣାବେକ୍ଷଣରେ ପଲିଏଥିଲିନ ଗ୍ଲାଇକଲ ଏବଂ ଲାକ୍ଟୁଲୋଜ୍ ଦିଆଯାଏ ।

କୋଷ୍ଠକାଠିନ୍ୟ ଏକ ସାଧାରଣ ରୋଗ ଯାହା ୩୦% ପର୍ଯ୍ୟନ୍ତ ପିଲାଙ୍କୁ ପ୍ରଭାବିତ କରେ । ଏହି ବୟସ ଗୋଷ୍ଠୀରେ ସ୍ୱାସ୍ଥ୍ୟ ପରିଦର୍ଶନର ଏହା ପ୍ରାୟ ୫% ଅଟେ । ଏହି ରୋଗ ଲୋକଙ୍କଠାରେ ପ୍ରାୟ ଦୁଇରୁ ତିନି ବର୍ଷ ବୟସରେ ଆରମ୍ଭ ହୁଏ ଏବଂ ପୁରୁଷ ଏବଂ ମହିଳାମାନେ ସମାନ ଭାବରେ ବାରମ୍ବାର ପ୍ରଭାବିତ ହୁଅନ୍ତି । ଏକ ମାସ ବୟସ ପୂର୍ବରୁ ଆରମ୍ଭ ହୋଇଥିଲେ ଅନ୍ୟାନ୍ୟ କାରଣଗୁଡ଼ିକୁ ଭଲ ଭାବରେ ବିଚାର କରାଯିବା ଉଚିତ । କୋଷ୍ଠକାଠିନ୍ୟ ସାମାଜିକ ସମସ୍ୟା ସୃଷ୍ଟି କରିପାରେ ଏବଂ ପ୍ରାୟ ଏକ ଚତୁର୍ଥାଂଶରେ ସମସ୍ୟାଗୁଡିକ ପ୍ରାପ୍ତବୟସ୍କ ହେବା ପର୍ଯ୍ୟନ୍ତ ରହିଥାଏ ।