ନରସିଂହ ସରସ୍ୱତୀ
| ଶ୍ରୀ ନରସିଂହ ସରସ୍ୱତୀ नृसिंह सरस्वती | |
|---|---|
 | |
| ଜନ୍ମ | Narahari 1378 CE Karanja Lad, Bahmani Sultanate (present-day Maharashtra, India) |
| ଦର୍ଶନ | Advaita, Shri Gurucharitra tradition |
ଶ୍ରୀ ନରସିଂହ ସରସ୍ୱତୀ ସ୍ୱାମୀ, ଯିଏ ଶ୍ରୀ ନୃସିଂହ ସରସ୍ୱତୀ ସ୍ୱାମୀ (ଶ୍ରୀନୃସିଂହ ସରସ୍ୱତୀ, ୧୩୭୮−୧୪୫୯) ନାମରେ ମଧ୍ୟ ପରିଚିତ, ସେ ଦତ୍ତାତ୍ରେୟ ପରମ୍ପରା (ସମ୍ପ୍ରଦାୟ)ର ଏକ ଭାରତୀୟ ଗୁରୁ ଥିଲେ ।[୧] ଶ୍ରୀ ଗୁରୁଚରିତ୍ର ଅନୁସାରେ, ସେ କଳିଯୁଗରେ ଶ୍ରୀପାଦ ଶ୍ରୀ ବଲ୍ଲଭଙ୍କ ପରେ ଦତ୍ତାତ୍ରେୟଙ୍କ ଦ୍ବିତୀୟ ଅବତାର ।[୨]
ସଂକ୍ଷିପ୍ତ ଜୀବନ
[ସମ୍ପାଦନା]ଶ୍ରୀ ନରସିଂହ ସରସ୍ୱତୀ (ଜନ୍ମ ନାମ — ଶାଳିଗ୍ରାମଦେବ କିମ୍ବା ନରହରି)ଙ୍କ ଜୀବନ ୧୩୭୮ ରୁ ୧୪୫୯ (ଶକା ୧୩୦୦ ରୁ ଶକା ୧୩୮୦) ଯାଏଁ ଥିଲା ।[୩] ସେ ମହାରାଷ୍ଟ୍ରର ଭିଦର୍ଭ ଅଞ୍ଚଳର ବର୍ତ୍ତମାନର ୱାଶିମ ଜିଲ୍ଲାର କରଞ୍ଜାପୁରା (ବର୍ତ୍ତମାନର ଲାଡ-କରଞ୍ଜା)ରେ ଏକ ଦେଶଷ୍ଠ ବ୍ରାହ୍ମଣ ପରିବାରରେ ଜନ୍ମ ଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ମାଧବ ଏବଂ ମାତାଙ୍କ ନାମ ଅମ୍ବା ଭବାନୀ । ଜନ୍ମ ସମୟରେ ତାଙ୍କ ନାମ ନରହରି କିମ୍ବା ଶାଳିଗ୍ରାମଦେବ ଥିଲା ଏବଂ ତାଙ୍କ ଉପନାମ କାଳେ ଥିଲା । ଶ୍ରୀ ନରସିଂହ ସରସ୍ୱତୀଙ୍କୁ ଦତ୍ତାତ୍ରେୟଙ୍କ ଦ୍ବିତୀୟ ଅବତାର ଭାବେ ବିଶ୍ଵାସ ରହିଛି । ପ୍ରଥମ ଅବତାର ଥିଲେ ଶ୍ରୀପାଦ ଶ୍ରୀବଲ୍ଲଭ । ତାଙ୍କ କୃପା ଅନୁସାରେ, ପୂର୍ବଜନ୍ମରେ ଅମ୍ବା ଭବାନୀଙ୍କୁ ସେ ଆଶୀର୍ବାଦ କରିଥିଲେ ଯେ ସେ ତାଙ୍କ ପରବର୍ତ୍ତୀ ଜନ୍ମରେ ନରସିଂହ ସରସ୍ୱତୀ ଭାବରେ ଜନ୍ମ ନେବେ ଏବଂ କଳିଯୁଗରେ ସନାତନ ଧର୍ମକୁ ସ୍ଥାପିତ କରିବେ। ଏହି ଘଟଣାକୁ ଶ୍ରୀ ଗୁରୁଚରିତ୍ର ଗ୍ରନ୍ଥର ଅଧ୍ୟାୟ ୫ ରୁ ୧୨ ପର୍ଯ୍ୟନ୍ତ ବିସ୍ତୃତ ଭାବେ ବର୍ଣ୍ଣନା କରାଯାଇଛି ।[୪] ଶ୍ରୀ ନରସିଂହ ସରସ୍ୱତୀ / ନରହରି ଶାନ୍ତ ଶିଶୁ ଥିଲେ ଏବଂ ଜନ୍ମ ସମୟରୁ ମାତ୍ର "ଓଁ" ଉଚ୍ଚାରଣ କରୁଥିଲେ । ଏହି କାରଣରୁ ତାଙ୍କ ପିତାମାତା ଚିନ୍ତିତ ହେବାକୁ ଲାଗିଲେ । କିନ୍ତୁ ନରହରି ଇଶାରାରେ କହିଥିଲେ ଯେ ତାଙ୍କ ଉପନୟନ (ପବିତ୍ର ବ୍ରତ ଅନୁଷ୍ଠାନ) ହେବାପରେ ସେ କଥା କହିବେ । ଉପନୟନ ଅନ୍ତେ ସେ ବେଦ ପାଠ କରିବା ଆରମ୍ଭ କରିଥିଲେ ଏବଂ ଏହା ଦେଖି ଗ୍ରାମର ବୟୋଜ୍ୟେଷ୍ଠ ବ୍ରାହ୍ମଣମାନେ ତାଙ୍କୁ ସମ୍ମାନ କରିବା ଆରମ୍ଭ କଲେ ।
୧୩୮୬ରେ, ବୟସ ୭ ବର୍ଷରେ, ସେ ଘର ଛାଡି କାଶୀକୁ ପଦଯାତ୍ରା କରିଥିଲେ । ସେଠାରେ ବୃଦ୍ଧ ସନ୍ନ୍ୟାସୀ ଶ୍ରୀ କୃଷ୍ଣ ସରସ୍ୱତୀଙ୍କ ଠାରୁ ସନ୍ନ୍ୟାସ ଗ୍ରହଣ କଲେ ଏବଂ "ଶ୍ରୀ ନରସିଂହ ସରସ୍ୱତୀ" ନାମ ପାଇଲେ ।ସନ୍ନ୍ୟାସ ଗ୍ରହଣ ପରେ ସେ ଅନେକ ପବିତ୍ର ସ୍ଥାନର ତୀର୍ଥଯାତ୍ରା କରି ୩୦ ବର୍ଷ ବୟସରେ ପୁଣି କରଞ୍ଜାକୁ ଫେରିଥିଲେ ଏବଂ ପରେ ବର୍ତ୍ତମାନର କର୍ଣ୍ଣାଟକର ଗଣଗାପୁରରେ ୨୦ ବର୍ଷ ରହିଥିଲେ ।[୫]
ଜୀବନର ଶେଷ ସମୟରେ ସେ ବିଦରର ମୁସଲିମ ସୁଲତାନ ମଧ୍ୟରୁ ସମ୍ଭବତଃ ବାହମନୀ ସୁଲତାନ ‘ଆଲା-ଉଦ୍-ଦିନ ଆହମଦ ଶାହ’ ସହ ପରିଚୟ ହୋଇଥିଲେ । ତାଙ୍କ ଅବତାରର କର୍ମ ସମାପ୍ତ ହେବାପରେ ସେ ସମାଧି ନେବାକୁ ନିଷ୍ପତ୍ତି କଲେ ଏବଂ ଶ୍ରୀଶୈଳମ ନିକଟର କର୍ଦଲି ଵନକୁ ଯାଇ ୧୪୫୯ରେ ନିଜାନନ୍ଦଗମନ ସମାଧି ଗ୍ରହଣ କରି ୩୦୦ ବର୍ଷ ପାଇଁ ଅନ୍ତର୍ଧ୍ୟାନ ହୋଇଗଲେ ।[୬]
ଆଧାର
[ସମ୍ପାଦନା]- ↑ Shri Dattatreya Dnyankosh by Dr. P. N. Joshi (Shri Dattateya Dnyankosh Prakashan, Pune, 2000)
- ↑ "Sree Nrusimha Saraswati Swamy | Sree Datta Vaibhavam". Archived from the original on 3 July 2020. Retrieved 7 July 2016.
- ↑ Shri Narasimha Saraswati (Karanja) page with Shri Guru Charitra.
- ↑ "Shri GuruCharitra (English) | Guru | Shiva". Scribd (in ଇଂରାଜୀ). Retrieved 2019-12-09.
- ↑ "Shri Guru Charitra". swamisamarth.com. Retrieved 21 November 2025.
- ↑ Akkalkot Niwasi Shree Swami Samarth (Shri Narasimha Saraswati) Complete Biography
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |