ନନ୍ଦିତା ରାୟ

ନନ୍ଦିତା ରାୟ
ଜନ୍ମ	(1955-04-03) ୩ ଅପ୍ରେଲ ୧୯୫୫ Bombay, India
ବୃତ୍ତି(ସମୂହ)	Film director, screenwriter
ୱେବସାଇଟ	www.windowsproductions.com

ନନ୍ଦିତା ରାୟ (ଜନ୍ମ ୩ ଏପ୍ରିଲ ୧୯୫୫) ଜଣେ ଭାରତୀୟ ଚଳଚ୍ଚିତ୍ର ନିର୍ମାତା, ସମ୍ପାଦିକା ଓ ପଟକଥା ଲେଖିକା । ସେ ତାଙ୍କର ସହ-ନିର୍ଦ୍ଦେଶକ ଶିବ ପ୍ରସାଦ ମୁଖର୍ଜୀଙ୍କ ସହ ମିଶି ଇଚ୍ଛେ (୨୦୧୧) ବଙ୍ଗଳା ଚଳଚ୍ଚିତ୍ର ଦ୍ୱାରା ନିର୍ଦ୍ଦେଶନାରେ ପ୍ରଥମ ପଦାର୍ପଣ କରିଥିଲେ। ଏହି ଯୁଗଳ ମିଶି ଆକସିଡେଣ୍ଟ, ମୁକ୍ତୋଧାରା, ଅଳୀକ ସୁଖ, ରାମଧନୁ, ବେଲା ଶେଶେ, ହାମି, ପ୍ରାକ୍ତନ, ପୋସ୍ତୋ, Konntho ଏବଂ Gotro ପରି ଚଳଚ୍ଚିତ୍ରମାନ ନିର୍ଦ୍ଦେଶନା କରିଛନ୍ତି।

ପ୍ରାରମ୍ଭିକ ଜୀବନ

ନନ୍ଦିତା ରାୟଙ୍କ ଜନ୍ମ ୩ ଏପ୍ରିଲ ୧୯୫୫ରେ ବମ୍ବରେ ହୋଇଥିଲା। ସେ ସେଇଣ୍ଟ ଜୋସେଫ୍ କନଭେଣ୍ତ ହାଇସ୍କୁଲ, ୱିଲେ ପାର୍ଲେ ଉପନଗରରେ ଉଚ୍ଚ ଶିକ୍ଷା ଗ୍ରହଣ କରିଥିଲେ ଏବଂ ପାର୍ଲେ କଲଜରୁ ଅର୍ଥନୀତିରେ ସ୍ନାତକ ଡିଗ୍ରୀ ଲାଭ କରିଥିଲେ। ପରେ ସେ ସେହି ସ୍କୁଲରେ ପ୍ରାଥମିକ ଶିକ୍ଷିକା ଭାବେ କାର୍ଯ୍ୟାରମ୍ଭ କରିଥିଲେ।

ତାହା ପରେ ସେ University of Mumbai (କାଲିନା କ୍ୟାମ୍ପସ)ରୁ ଅର୍ଥନୀତିରେ ସ୍ନାତକୋତ୍ତର ଶିକ୍ଷା ଗ୍ରହଣ କରିଥିଲେ। ୧୯୭୭ ମସିହାରେ ସେ ନିତୀଶ ରାୟଙ୍କ ସହ ବିବାହ କରିଥିଲେ। ବର୍ତ୍ତମାନ ସେ ତାଙ୍କ ପରିବାର ସହିତ କଲିକତାରେ ବସବାସ କରୁଛନ୍ତି।

କାର୍ଯ୍ୟଜୀବନ

ରାୟ ୧୯୭୮ ମସିହାରେ ତାଙ୍କ ପେଶାଜୀବନ ଆରମ୍ଭ କରିଥିଲେ। ସେ ଶିଶୁମାନଙ୍କ ପାଇଁ ନିର୍ମିତ ଛୋଟ ପପେଟ୍ ଚଳଚ୍ଚିତ୍ର ଅଗଡମ୍‌-ବଗଡମ୍‌ ରେ ଗ୍ଲୋଭ୍-ପପେଟ୍ ଅପରେଟର ଓ ସହ-ନିର୍ଦ୍ଦେଶକା ଭାବେ କାମ କରିଥିଲେ। ୧୯୮୦ ଓ ୧୯୯୦ ଦଶକରେ ସେ ବିଭିନ୍ନ ଚଳଚ୍ଚିତ୍ରରେ ସହାୟକ ସମ୍ପାଦକ, ସହାୟକ ନିର୍ଦ୍ଦେଶକ, ସେଟ୍ ଡ୍ରେସର, ଗବେଷଣା ସହାୟକ ଓ ପଟକଥା ଲେଖିକା ଭାବେ କାମ କରି ଚଳଚ୍ଚିତ୍ର ଜଗତର ବିଭିନ୍ନ ପ୍ରାଙ୍ଗଣରେ ଅନୁଭବ ସଂଗ୍ରହ କରିଥିଲେ।

ପରେ ସେ ଟେଲିଭିଜନ୍ ମାଧ୍ୟମରେ ପ୍ରବେଶ କରି ETV Networkର ପ୍ରଥମ ନନ୍-ଫିକ୍ସନ୍ ଓ ଫିକ୍ସନ୍ ପ୍ରୋଡକ୍ସନ୍ ହାଉସ୍‌ର ଦାୟିତ୍ୱ ସଂପନ୍ନ କରିଥିଲେ ଏବଂ ତାଙ୍କ ବଙ୍ଗଳା ଭାଷା ଚ୍ୟାନେଲର ସୃଜନାତ୍ମକ ଓ ପ୍ରଶାସନିକ ପ୍ରବନ୍ଧକା ଭାବେ କାର୍ଯ୍ୟ କରିଥିଲେ। ସେ ନେଟୱର୍କ ପାଇଁ ୧୯ଟି ମୌଳିକ ନନ୍-ଫିକ୍ସନ୍ କାର୍ଯ୍ୟକ୍ରମ ସୃଷ୍ଟି କରିଥିଲେ, ଯାହାମଧ୍ୟରେ ପ୍ରଥମ ବଙ୍ଗଳା ମହିଳା ମ୍ୟାଗାଜିନ୍ କାର୍ଯ୍ୟକ୍ରମ ଶ୍ରୀମତି ଥିଲା। ସେ ପ୍ରସିଦ୍ଧ ନିର୍ଦ୍ଦେଶକମାନଙ୍କ ଦ୍ୱାରା ଏକ ଘଣ୍ଟିଆ ଟେଲିଫିଲ୍ମ ଶୃଙ୍ଖଳା ମଧ୍ୟ ଆରମ୍ଭ କରିଥିଲେ।

ରାୟ ଓ ଶିବପ୍ରସାଦ ମୁଖାର୍ଜୀ ମିଶି Windows Productions ସ୍ଥାପନା କରିଥିଲେ। ସେମାନେ ବିଭିନ୍ନ ଚ୍ୟାନେଲ ପାଇଁ କାର୍ଯ୍ୟକ୍ରମ ନିର୍ମାଣ କରିଛନ୍ତି, ଯାହାମଧ୍ୟରେ ଜୀ-ବାଙ୍ଗଲା, E-TV Bangla, Aakash Bangla, Tara Muzik, Doordarshan Kendra Kolkata, Rupashi Bangla ପରି ଚ୍ୟାନେଲଗୁଡ଼ିକ ଅନ୍ତର୍ଭୁକ୍ତ।