ଦ୍ୱିତୀୟ ଶ୍ରେଣୀ ନ୍ୟାୟିକ ଦଣ୍ଡାଧିକାରୀଙ୍କ ଅଦାଲତ
ଭାରତର ଫୌଜଦାରୀ ଅଦାଲତ ବ୍ୟବସ୍ଥାରେ ଦ୍ୱିତୀୟ ଶ୍ରେଣୀ ନ୍ୟାୟିକ ଦଣ୍ଡାଧିକାରୀଙ୍କ ଅଦାଲତ ହେଉଛି ପଦାନୁକ୍ରମରେ ସବୁଠୁ ନିମ୍ନ ସ୍ତରର ଅଦାଲତ । ଭାରତୀୟ ନାଗରିକ ସୁରକ୍ଷା ସଂହିତା, ୨୦୨୩ ର ଧାରା ୯ (ଅପରାଧିକ ପ୍ରକ୍ରିୟା ସଂହିତା, ୧୯୭୩(CrPC) ର ଧାରା ୧୧) ଅନୁସାରେ, ସମ୍ବନ୍ଧିତ ରାଜ୍ୟର ଉଚ୍ଚ ନ୍ୟାୟାଳୟ ସହ ପରାମର୍ଶ କରି ରାଜ୍ୟ ସରକାର ଯେ କୌଣସି ଜିଲ୍ଲାରେ ଏପରି ସ୍ଥାନଗୁଡ଼ିକରେ ଏବଂ ଯେକୌଣସି ସଂଖ୍ୟାରେ, ଅଧିସୂଚନା ମାଧ୍ୟମରେ ଦ୍ୱିତୀୟ ଶ୍ରେଣୀର ନ୍ୟାୟିକ ଦଣ୍ଡାଧିକାରୀଙ୍କ ଅଦାଲତ ସ୍ଥାପନ କରିପାରିବେ। [୧]
ଭାରତୀୟ ନାଗରିକ ସୁରକ୍ଷା ସଂହିତା, ୨୦୨୩ର ଧାରା ୧୩ (ଅପରାଧିକ ପ୍ରକ୍ରିୟା ସଂହିତା, ୧୯୭୩(CrPC) ର ଧାରା ୧୫) ଅନୁସାରେ, ଏକ ନ୍ୟାୟିକ ଦଣ୍ଡାଧିକାରୀ (ମାଜିଷ୍ଟ୍ରେଟ) ସାଧାରଣତଃ ସେସନ୍ସ ଜଜଙ୍କ ସାଧାରଣ ନିୟନ୍ତ୍ରଣ ଅଧୀନରେ ଥାଆନ୍ତି ଏବଂ ସେ ମୁଖ୍ୟ ନ୍ୟାୟିକ ମ୍ୟାଜିଷ୍ଟ୍ରେଟଙ୍କ ପ୍ରତି ଅଧୀନସ୍ଥ ଅଟନ୍ତି ।[୨]
ସାଧାରଣତଃ ନୂତନ ଭାବେ ନ୍ୟାୟିକ ମାଜିଷ୍ଟ୍ରଟ ଭାବେ ନିଯୁକ୍ତି ପାଉଥିବା ଅଧିକାରୀଙ୍କ ପାଇଁ ଯେଉଁ ସେବା ପୂର୍ବ ପ୍ରଶିକ୍ଷଣର ବ୍ୟବସ୍ଥା ରହିଛି, ସେଥିରେ ପ୍ରଶିକ୍ଷଣର ଶେଷ ଛଅମାସ ସେମାନଙ୍କୁ ଦ୍ୱିତୀୟ ଶ୍ରେଣୀର ନ୍ୟାୟିକ ଦଣ୍ଡାଧିକାରୀ ଭାବେ କାର୍ଯ୍ୟ ସଂପାଦନ କରିବାକୁ ହୋଇଥାଏ । ଏହି ଛଅମାସ ଅବଧି ସଂପୃକ୍ତ ଉଚ୍ଚ ନ୍ୟାୟାଳୟଙ୍କ ଆଦେଶ ପ୍ରକାରେ କମ କିମ୍ବା ବେଶୀ ହୋଇପାରେ ।[୩]
ଦଣ୍ଡ ଦେବାର କ୍ଷମତା
[ସମ୍ପାଦନା]ଭାରତୀୟ ନାଗରିକ ସୁରକ୍ଷା ସଂହିତା, ୨୦୨୩ ର ଧାରା ୨୩ ଅନୁସାରେ, ଦ୍ୱିତୀୟ ଶ୍ରେଣୀର ଏକ ନ୍ୟାୟିକ ମାଜିଷ୍ଟ୍ରେଟ ଗୋଟିଏ ମାମଲାରେ ଗୋଟିଏ ଦଫାରେ ଅତିବେଶିରେ ଏକ ବର୍ଷ ଅବଧି ପର୍ଯ୍ୟନ୍ତ କାରାଦଣ୍ଡ, କିମ୍ବା ସର୍ବାଧିକ ଦଶ ହଜାର ଟଙ୍କା ଅର୍ଥଦଣ୍ଡ, କିମ୍ବା ଉଭୟ ଦଣ୍ଡ ଦେଇପାରିବେ।[୪]
ତେବେ ଅଭିଯୁକ୍ତ ଯଦି ଏକାଧିକ ଦଫାରେ ଦୋଷୀ ସାବ୍ୟସ୍ତ ହୁଅନ୍ତି, ଧାରା ୨୫ ଅନୁସାରେ ସେହି ଏକା ମାମଲାରେ ମିଳିତ ଭାବେ ଏକାଧିକ ଦଫାରେ ସର୍ବାଧିକ କାରାଦଣ୍ଡ ଏହାର ଦୁଇଗୁଣ ଯାଏଁ ହିଁ ହୋଇପାରିବ ।[୫]
ଆଧାର
[ସମ୍ପାଦନା]- ↑ "India Code: Section Details". www.indiacode.nic.in. Retrieved 2026-01-05.
- ↑ "Subordination of Judicial Magistrates". indiacode.nic.in/. Retrieved 5 January 2026.
- ↑ "GSJSR-2005" (PDF). gujarathighcourt.nic.in. Retrieved 26 March 2025.
- ↑ "Sentences which Magistrates may pass". indiacode.nic.in/. Retrieved 5 January 2026.
- ↑ "Sentence in cases of conviction of several offences at one trial". www.indiacode.nic.in. Retrieved 5 January 2026.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |