ଦେବଯାନୀ (ଜନ୍ମ:୧୯୭୪)

ଦେବଯାନୀ
Devayani at Mumbai International Film Festival, 2014
ଜନ୍ମ	Sushma Jaidev (1973-06-22) ୨୨ ଜୁନ ୧୯୭୩ Bombay, Maharashtra, India (now Mumbai)
ବୃତ୍ତି	Actress
ସକ୍ରିୟ ବର୍ଷ	1993–present
ବୈବାହିକ-ସାଥୀ	Rajakumaran ​ (m. ୨୦୦୧)​
ସନ୍ତାନ	2
ସମ୍ପର୍କୀୟ	Nakul (brother)
ପୁରସ୍କାର	Kalaimamani

ଦେବଯାନୀ ରାଜକୁମାରନ୍ (ଜନ୍ମ: ୨୨ ଜୁନ ୧୯୭୪), ଯାହାଙ୍କର ପୂର୍ଣ୍ଣ ନାମ ସୁଷମା ଜୟଦେବ, ଜଣେ ଭାରତୀୟ ଅଭିନେତ୍ରୀ ଯିଏ ପ୍ରଧାନତଃ ତାମିଲ ଓ ମଲୟାଳମ୍ ଚଳଚ୍ଚିତ୍ରରେ କାର୍ଯ୍ୟ କରିଥାନ୍ତି। ସେ ତେଲୁଗୁ, କନ୍ନଡ, ହିନ୍ଦୀ ଓ ବେଙ୍ଗଲୀ ଚଳଚ୍ଚିତ୍ରରେ ମଧ୍ୟ କିଛି କାମ କରିଛନ୍ତି । ସେ କାଧଲ କୋଟ୍ଟାଇ (୧୯୯୬), ସୂର୍ୟବଂଶମ୍ (୧୯୯୭) ଓ ଭାରଥୀ (୨୦୦୦) ଚଳଚ୍ଚିତ୍ରରେ ତାଙ୍କର ଅଭିନୟ ପାଇଁ ଅନେକ ପୁରସ୍କାର ପାଇଛନ୍ତି।

୨୦୦୦ ମସିହାରେ ସେ କଳାଇମାମାଣି ପୁରସ୍କାରରେ ସମ୍ମାନିତ ହୋଇଥିଲେ। ଆଝାଗି (୨୦୦୨) ଚଳଚ୍ଚିତ୍ର ପାଇଁ ସେ ଶ୍ରେଷ୍ଠ ସହାୟକ ଅଭିନେତ୍ରୀ ପୁରସ୍କାର ଜିତିଥିଲେ। ଏହାସହ, କୋଳଙ୍ଗାଲ୍ (୨୦୦୩–୨୦୦୯) ଧାରାବାହିକରେ ତାଙ୍କର ଭୂମିକା ପାଇଁ ସେ ଶ୍ରେଷ୍ଠ ଟେଲିଭିଜନ୍ ଅଭିନେତ୍ରୀ ପୁରସ୍କାର ମଧ୍ୟ ପାଇଥିଲେ।

ବ୍ୟକ୍ତିଗତ ଜୀବନ

ଦେବଯାନୀଙ୍କ ଜନ୍ମ ୨୨ ଜୁନ ୧୯୭୪ ରେ ମହାରାଷ୍ଟ୍ରର ମୁମ୍ବାଇରେ ହୋଇଥିଲା। ତାଙ୍କ ପିତା ମଙ୍ଗାଲୋରର ଜଣେ କୋଙ୍କଣୀ ଓ ମାତା ଜଣେ ମଲୟାଳୀ ଥିଲେ। ତାଙ୍କର ଦୁଇ ଛୋଟ ଭାଇ—ନକ୍ଖୁଲ୍ ଓ ମୟୁର ଅଛନ୍ତି। ନକ୍ଖୁଲ୍ ତାମିଳ ଚଳଚ୍ଚିତ୍ର ଶିଳ୍ପରେ ଅଭିନେତା ଓ ଗାୟକ ଭାବେ କାମ କରୁଛନ୍ତି । ସେ ୯ ଏପ୍ରିଲ ୨୦୦୧ ରେ ନିର୍ଦ୍ଦେଶକ ରାଜକୁମାରନଙ୍କ ସହ ବିବାହ କରିଥିଲେ। ଏହି ଦମ୍ପତିଙ୍କର ଦୁଇ ଝିଅ ଅଛନ୍ତି।

ଅଭିନୟ ଜୀବନ

ଦେବଯାନୀ ତାଙ୍କ ଅଭିନୟ ଜୀବନ ହିନ୍ଦୀ ଚଳଚ୍ଚିତ୍ର କୋୟାଲ୍ ସହ ଆରମ୍ଭ କରିଥିଲେ, କିନ୍ତୁ ଏହା ନିର୍ମାଣ ଅବସ୍ଥାରେ ବାତିଲ୍ ହୋଇଯାଇଥିଲା। ପରେ ସେ ବେଙ୍ଗଲୀ ଚଳଚ୍ଚିତ୍ର **ଶତ ପଞ୍ଚମୀ (୧୯୯୩)**ରେ ଅଭିନୟ କରିଥିଲେ। ସେ ଏକ ମରାଠୀ ଚଳଚ୍ଚିତ୍ରରେ ମଧ୍ୟ କାମ କରିଥିଲେ ଏବଂ ପରେ ମଲୟାଳମ୍ ଚଳଚ୍ଚିତ୍ର କିନ୍ନାରିପୁଝାୟୋରମ୍ (୧୯୯୪) ସହ ଦକ୍ଷିଣ ଭାରତୀୟ ସିନେମାରେ ପ୍ରବେଶ କରିଥିଲେ।

ସେ ତାମିଳ ଚଳଚ୍ଚିତ୍ର ଥୋଟ୍ଟା ଚିନୁଙ୍ଗି (୧୯୯୫) ସହ ଡେବ୍ୟୁ କରିଥିଲେ। ୧୯୯୬ ରେ କାଧଲ କୋଟ୍ଟାଇ ଚଳଚ୍ଚିତ୍ରରେ ତାଙ୍କର ଗ୍ଲାମରସ୍ ଅଭିନୟ ତାଙ୍କୁ ବିଶେଷ ଲୋକପ୍ରିୟତା ଦେଇଥିଲା। ସେ ଏହି ଚଳଚ୍ଚିତ୍ରରେ ଅଜିଥଙ୍କ ସହ ଅଭିନୟ କରିଥିଲେ ଏବଂ ଏହାକୁ ଅଗଥିୟନ୍ ନିର୍ଦ୍ଦେଶନା କରିଥିଲେ। ଏହି ଚଳଚ୍ଚିତ୍ର ଦର୍ଶକମାନଙ୍କ ମଧ୍ୟରେ ଭଲ ପ୍ରଶଂସା ପାଇଥିଲା ଏବଂ ଦେବୟାନୀଙ୍କୁ ଦକ୍ଷିଣ ଭାରତୀୟ ସିନେମାରେ ଏକ ସଫଳ ଅଭିନେତ୍ରୀ ଭାବେ ସ୍ଥାପିତ କରିଥିଲା । ପରେ ସେ ଅନେକ ପ୍ରସିଦ୍ଧ ଅଭିନେତାଙ୍କ ସହ ବହୁ ଚଳଚ୍ଚିତ୍ରରେ କାମ କରିଥିଲେ। ସେ ସୂର୍ୟବଂଶମ୍ (୧୯୯୭), ମାରୁମାଲର୍ଚ୍ଚି (୧୯୯୮), ନିନୈଥେନ୍ ୱନ୍ଧାଇ (୧୯୯୮), ନୀ ୱରୁଭାଇ ଏନା (୧୯୯୯), ଭାରଥୀ (୨୦୦୦), ଥେନାଲି (୨୦୦୦), ଫ୍ରେଣ୍ଡସ୍ (୨୦୦୧), ଆନନ୍ଧମ୍ (୨୦୦୧) ଓ ଆଝାଗି (୨୦୦୨) ପରି ଅନେକ ସଫଳ ଚଳଚ୍ଚିତ୍ରରେ ଅଭିନୟର ସୂଯୋଗ ପାଇଥିଲେ।

୧୯୯୦ ଦଶକର ଶେଷ ଓ ୨୦୦୦ ଦଶକର ଆରମ୍ଭ ସମୟ ଦେବୟାନୀଙ୍କ ପାଇଁ ସୁବର୍ଣ୍ଣ ଯୁଗ ଥିଲା, କାରଣ ସେ ଏହି ସମୟରେ ୫୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିଲେ ଏବଂ ଅଧିକାଂଶ ଚଳଚ୍ଚିତ୍ର ବ୍ଲକବାଷ୍ଟର୍ ଥିଲା।

୨୦୦୧ ପର୍ଯ୍ୟନ୍ତ ସେ ଶକ୍ତିଶାଳୀ ନାୟିକା ଭୂମିକାରେ ଅଭିନୟ କରୁଥିଲେ, ପରେ ନିର୍ଦ୍ଦେଶକ ରାଜକୁମାରନଙ୍କ ସହ ପ୍ରେମରେ ପଡ଼ିଥିଲେ, ଯିଏ ତାଙ୍କୁ ଭିନ୍ନୁକୁମ୍ ମାନ୍ନୁକୁମ୍ ଚଳଚ୍ଚିତ୍ରରେ ନିର୍ଦ୍ଦେଶନା କରିଥିଲେ। ସେ ପଞ୍ଚତନ୍ତ୍ରମ୍ (୨୦୦୨) ପରି ସଫଳ ଚଳଚ୍ଚିତ୍ରରେ କାମିଓ ଭୂମିକାରେ ମଧ୍ୟ ଦେଖାଯାଇଥିଲେ, ଯେଉଁଥିରେ କମଲ୍ ହାସନ୍ ଅଭିନୟ କରିଥିଲେ । ସନ୍ ଟିଭିର ମେଗା ସିରିଅଲ୍ କୋଳଙ୍ଗାଲ୍ (୨୦୦୩–୨୦୦୯) ର ସଫଳତା ପରେ ସେ ତାମିଳନାଡୁରେ ଏକ ଲୋକପ୍ରିୟ ପ୍ରତିମୂର୍ତ୍ତି ଭାବେ ପରିଚିତ ହୋଇଥିଲେ। ସେ ତାଙ୍କ ସ୍ୱାମୀଙ୍କ ନିର୍ଦ୍ଦେଶିତ କିଛି ଚଳଚ୍ଚିତ୍ର ଉତ୍ପାଦନ କରିଥିଲେ, ଯାହାମଧ୍ୟରୁ ଥିରୁମାଥି ଥାମିଝ୍ (୨୦୧୩) ଉଲ୍ଲେଖନୀୟ, ଯେଉଁଥିରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।

୨୦୧୦ ଦଶକର ଶେଷ ଦିଗରେ ସେ ମଝାଭିଲ୍ ମନୋରମାର ରିଏଲିଟି ଶୋ ଉଗ୍ରମ୍ ଉଜ୍ୱଳମ୍ରେ ବିଚାରକ ଭାବେ ଦେଖାଯାଇଥିଲେ। ୨୦୨୧ ରେ ସେ ପୁଧୁ ପୁଧୁ ଆର୍ଥାଙ୍ଗଲ୍ ନାମକ ତାମିଳ ଧାରାବାହିକରେ ଅଭିନୟ କରିଥିଲେ ଏବଂ ପରେ ମାତୃ ଭୂମିକାରେ ଅଧିକ ଦେଖାଯାଇଥିଲେ।

ଦେବଯାନୀ କାଇକୁଟ୍ଟାଇ ରାଣୀ (୨୦୨୪) ନାମକ ଏକ ସ୍ୱଳ୍ପଦୈର୍ଘ୍ୟ ଚଳଚ୍ଚିତ୍ର ନିର୍ଦ୍ଦେଶନା କରିଥିଲେ। ଏହି ଚଳଚ୍ଚିତ୍ର ଜୟପୁର ଇଣ୍ଟରନ୍ୟାଶନାଲ୍ ଫିଲ୍ମ ଫେଷ୍ଟିଭାଲ୍ର ୭ମ ସଂସ୍କରଣରେ ଶ୍ରେଷ୍ଠ ଶିଶୁ ସ୍ୱଳ୍ପଦୈର୍ଘ୍ୟ ଚଳଚ୍ଚିତ୍ର ପୁରସ୍କାର ଜିତିଥିଲା ।