ଦୁର୍ଗାପୁର, ଅନୁଗୋଳ

ଉଇକିପିଡ଼ିଆ ରୁ
Jump to navigation Jump to search
ଦୁର୍ଗାପୁର
ଗାଁ
ଦୁର୍ଗାପୁର is located in ଓଡ଼ିଶା
ଦୁର୍ଗାପୁର
ଦୁର୍ଗାପୁର
ଓଡ଼ିଶାରେ ଅବସ୍ଥାନ
ଅବସ୍ଥିତି: 20°56′00″N 84°53′00″E / 20.93333°N 84.88333°E / 20.93333; 84.88333Coordinates: 20°56′00″N 84°53′00″E / 20.93333°N 84.88333°E / 20.93333; 84.88333
ଦେଶଭାରତ
ରାଜ୍ୟଓଡ଼ିଶା
ଜିଲ୍ଲାଅନୁଗୋଳ
ପଞ୍ଚାୟତ ସମିତିଛେଣ୍ଡିପଦା
ଗ୍ରାମ ପଞ୍ଚାୟତଦୁର୍ଗାପୁର
ଭାଷାଓଡ଼ିଆ, ଇଂରାଜୀ
IST (+୫.୩୦)
ପିନ କୋଡ଼୭୫୯ ୧୨୭ [୧]
Area code(s)+୦୬୭୬୪
ଗାଡ଼ି ପଞ୍ଜିକରଣOR/୧୯

ଦୁର୍ଗାପୁର ଗାଁ ଓଡ଼ିଶାର ଅନୁଗୋଳ ଜିଲ୍ଲାର ଛେଣ୍ଡିପଦା ବ୍ଲକ ଅନ୍ତର୍ଗତ ଜରପଡା ଥାନା ଅଧୀନରେ ଥିବା ଏକ ଗାଆଁ । ଦୁର୍ଗାପୁର ଗ୍ରାମଟି ବ୍ରିଟିଶ୍ ଏବଂ ରାଜକୀୟ ସମୟରୁ ଏହାର ଘଞ୍ଚ ଜଙ୍ଗଲ ଯୋଗୁଁ ଏହାର ପାର୍ଶ୍ୱବର୍ତ୍ତୀ ଅଞ୍ଚଳମାନଙ୍କରେ ଜଣାଶୁଣା । ଜିଲ୍ଲାର ସଦର ମହକୁମା ଅନୁଗୋଳ ଠାରୁ ଗ୍ରାମଟି ୨୭+୫ କି.ମି. ଦୁରରେ ଅବସ୍ଥିତ । ୫୫ନଂ ଜାତୀୟ ରାଜପଥ ଗ୍ରାମଠାରୁ ମାତ୍ର ୫ କି.ମି. ଦୁରରେ । ଗ୍ରାମର ସୀମାକୁ ଲାଗିଥିବା ପାର୍ଶ୍ୱବର୍ତ୍ତୀ ଗ୍ରାମଗୁଡିକ ହେଉଛି, ଜରପଡା, ବକଳା, ଭାଗିରଥିପୁର । ଗ୍ରାମର ଆଧ୍ୟାତ୍ମସମ୍ପନ୍ନ ମନ୍ଦିର ଗୁଡିକ ମଧ୍ୟରେ, ମଠମୁଣ୍ଡିଆ ଉପରସ୍ଥ ମା ଦୁର୍ଗାଙ୍କ ମନ୍ଦିର, ପ୍ରଧାନ ସାହିସ୍ଥ ରାଧାକୃଷ୍ଣ ମନ୍ଦିର, ଚରିବାଟି ଛକ ନିକଟସ୍ଥ ବୁଢୀଠାକୁରଣୀ ମନ୍ଦିର ଓ ହରିହର ମନ୍ଦିର ହେଉଛି ଗ୍ରାମର ପ୍ରମୁଖ ଆକର୍ଷଣ । ଗ୍ରାମରେ ଥିବା ଅନୁଷ୍ଠାନ ଗୁଡିକ ମଧ୍ୟରେ ଗ୍ରାମ ଡାକଘର, ଗ୍ରାମପଞ୍ଚାୟତ କାର୍ଯ୍ୟାଳୟ, ଦୂରଦର୍ଶନ, ନୀଳାଚଳ ଗ୍ରାମ୍ୟ ବ୍ୟାଙ୍କ, ବିଦ୍ୟାଳୟ ସମୂହ, ଏ.ଏନ.ଏମ. ସେଣ୍ଟର, ଏଲ.ଆଇ. ସେଣ୍ଟର ଗୁଡିକର ଗ୍ରାମପ୍ରତି ଅବଦାନ ବହୁଳ ଭାବରେ ଉଲେକ୍ଷ । ମଠମୁଣ୍ଡିଆ ପାଦଦେଶରେ ଥିବା କ୍ଷୁଦ୍ର ଜଳସେଚନ ପ୍ରକଳ୍ପ ଜାମ୍ବୁଆଝରଣ ଏବଂ ମହାବନ୍ଧ ଗଙ୍ଗାମୁଣ୍ଡାର ଗ୍ରାମ-ଜଳସେଚନରେ ପ୍ରମୁଖ ଭୁମିକା ବିଦ୍ୟମାନ । ବ୍ରିଟିଶ୍ ସମୟରୁ ଗୋଟିଏ ଡାକ ବଙ୍ଗଳା ଏବଂ ଗ୍ରାମର ବିଭିନ୍ନ ଲୋକ ସଂସ୍କୃତି ବର୍ତମାନ ଅବକ୍ଷୟର ସମ୍ମୁଖୀନ । ନିକଟ ଅତୀତରେ ଗ୍ରାମଟି ଗୋଟିଏ ଗ୍ରାମ-ଶାନ୍ତି-କମିଟିଦ୍ୱାରା ଶୃଙ୍ଖଳିତ ଭାବରେ ପରିଚାଳିତ ହେଉଥିଲା । ସର୍ବୋପରି ଗ୍ରାମଟି ତାହାର ପ୍ରାକୃତିକ ପରିବେଶ ପାଇଁ ଛୋଟ ଆକାରର ଦର୍ଶକଙ୍କୁ ସ୍ୱାଗତ କରେ |

ଭୂଗୋଳ[ସମ୍ପାଦନା]

ଜଙ୍ଗଲ ଓ ପାହାଡ଼ଦ୍ୱାରା ପରିବେଷ୍ଟିତ ଗ୍ରାମଟି, ଯାହା ପୂର୍ବରୁ ବହୁତ ଘଞ୍ଚ ଜଙ୍ଗଲଦ୍ୱାରା ଆବୃତ ଥିଲା, ପ୍ରାୟ ଜିଲ୍ଲାର ମଧ୍ୟଭାଗରେ ଅବସ୍ଥିତ ଏବଂ ଏହା ଏକ ଉପତ୍ୟକାର ଭ୍ରମ ସୃଷ୍ଟି କରିଥାଏ । ସେଥିପାଇଁ ଗ୍ରାମର ଦୂରତା ଦୂରକରିବା ପାଇଁ ଦୂରଦର୍ଶନ, ଏୟାରଟେଲ୍ ଓ ଭୋଡାଫୋନର ଇଲେକ୍ଟ୍ରୋନିକ୍ସ ଏବଂ ଡିଗିଟାଲ୍ ସେବା ଉଲ୍ଲେଖନୀୟ । ଗ୍ରାମର ମଧ୍ୟ ଭାଗରେ ଯାଇଥିବା ୨୫କି.ମି. ଦୀର୍ଘତା ବିଶିଷ୍ଟ ବାଳକୃଷ୍ଣ ମାର୍ଗ(ବ୍ରିଟିଶ୍ ସମୟର ହବାକ୍ ରୋଡ଼); ଜରପଡା ଓ ଛେଣ୍ଡିପଦାକୁ ସଂଯୋଗ କରୁଛି । ଉକ୍ତ ଗ୍ରାମଟି ଛେଣ୍ଡିପଦା ତହସିଲ୍, ଜରପଡା ଆର୍.ଆଇ. ଅଫିସ୍ ଓ ଜରପଡା ଥାନା ଅନ୍ତର୍ଗତ ।ଦୁଇଟି ଜଙ୍ଗଲ କମିଟିଦ୍ୱାରା ସୁରକ୍ଷିତ ଜଙ୍ଗଲ, ଗ୍ରାମର ଜାଳେଣୀ ଆବଶ୍ୟକତାକୁ ପୁରଣ କରିଥାଏ । ମା ବନଦୁର୍ଗା ବନ ସରଂକ୍ଷଣ ସମିତି ଦୁଇ ଜଙ୍ଗଲ କମିଟି ମଧ୍ୟରେ ଅନ୍ୟତମ । ଦୁର୍ଗାପୁର ଫରେଷ୍ଟ ଡିଭିଜନର କାର୍ଯ୍ୟକାରୀ ଅଫିସ୍ ଜରପଡାଠାରେ ଅବସ୍ଥିତ । ଗ୍ରାମଠାରୁ ମାତ୍ର ଆଠ କି.ମି. ଦୂରରେ ବିଖ୍ୟାତ ଅଷ୍ଟଶମ୍ଭୁ ମନ୍ଦିର ଝିନ୍ଟିପାଳଠାରେ ଅବସ୍ଥିତ ।ଅନୁଗୁଳର ଶୈଳଶ୍ରୀକ୍ଷେତ୍ରଠାରେ ଜଗନ୍ନାଥ ମନ୍ଦିର, ଦେଉଳଝରି ଉଷ୍ଣପ୍ରସ୍ରବଣ ଓ ଟିକରପଡାର ସାତକୋଶିଆ ଗଣ୍ଡ ଦର୍ଶକମାନଙ୍କ ପାଇଁ ଗ୍ରାମଠାରୁ ଦୂରତା ବାଧକ ହୁଏ ନାହିଁ । ଗୋପାଳପ୍ରସାଦର ହିଙ୍ଗୁଳା ଯାତ୍ରା ଓ କୋଶଳାର ରାମଚଣ୍ଡୀ ଯାତ୍ରା ଗ୍ରାମାଞ୍ଚଳ ରାସ୍ତାରେ ଗ୍ରାମଠାରୁ ନିକଟତର ।

ଜନସଂଖ୍ୟା[ସମ୍ପାଦନା]

ଗ୍ରାମପଞ୍ଚାୟତ ନିର୍ବାଚନ-୨୦୧୨ର ୩୧୦୮ ଭୋଟର ଓ ଶିଶୁମାନଙ୍କୁ ମିଶାଇ ଗ୍ରାମର ଜନସଂଖ୍ୟା ପ୍ରାୟତଃ ୫୦୦୦ ।ଭୋଟର ତାଲିକା-୨୦୧୪ ଅନୁଯାୟୀ ଗ୍ରାମର ସମୁଦାୟ ଭୋଟର ସଂଖ୍ୟା ୩୦୮୩; ଯାହା ମଧ୍ୟରେ ପୁରୁଷ ଭୋଟର ସଂଖ୍ୟା ୧୬୦୫ ଓ ମହିଳା ଭୋଟର ସଂଖ୍ୟା ୧୪୭୮ ।ଅନୁପଯୁକ୍ତ ଶିକ୍ଷା ଓ ପରିମଳ ବ୍ୟବସ୍ଥା ଯଥାକ୍ରମେ ଗ୍ରାମର ଶିକ୍ଷା ଏବଂ ସ୍ୱାସ୍ଥ୍ୟ ବ୍ୟବସ୍ଥାକୁ ହ୍ରାସକରେ । ଗ୍ରାମର ସାକ୍ଷରତା ନିର୍ଭର କରୁଥିବା ବିଦ୍ୟାଳୟ ଗୁଡିକ ମଧ୍ୟରେ (୧) ଦୁର୍ଗାପୁର ନୋଡାଲ୍ ଉ.ପ୍ରା. ବିଦ୍ୟାଳୟ (୨) ଟାଙ୍ଗିରିସାହି ଉ.ପ୍ରା. ବିଦ୍ୟାଳୟ (୩) ପାଣସାହି ଉ.ପ୍ରା. ବିଦ୍ୟାଳୟ (୪) ବନଦୁର୍ଗାପଡା ଉ.ପ୍ରା. ବିଦ୍ୟାଳୟ (୫) ଦୁର୍ଗାପୁର ଗ୍ରାମ ପଞ୍ଚାୟତ ଉଚ୍ଚ ବିଦ୍ୟାଳୟ ଓ କେତେକ ଅଙ୍ଗନବାଡି ସେଣ୍ଟର ଗୁଡିକ ପ୍ରମୁଖ । ଜରପଡାସ୍ଥ ପତିତପାବନ ମହାବିଦ୍ୟାଳୟ ଗ୍ରାମଠାରୁ ମାତ୍ର ପାଞ୍ଚ କି.ମି. ଦୂରରେ ଅବସ୍ଥିତ । ସ୍ଥାୟୀ ଏ.ଏନ.ଏମ. ସେଣ୍ଟର ଗୃହର ଅଭାବ ଗ୍ରାମବାସୀମାନଙ୍କର ସ୍ୱାସ୍ଥ୍ୟ ଅବସ୍ଥାକୁ ପ୍ରଭାବିତ କରେ ।

ରାଜନୀତି[ସମ୍ପାଦନା]

ଦୁର୍ଗାପୁର ଗ୍ରାମଟି ଛେଣ୍ଡିପଦା ବିଧାନ ସଭା ନିର୍ବାଚନ ମଣ୍ଡଳୀ (୬୨) ଓ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ(୦୩)ର ଅନ୍ତର୍ଭୁକ୍ତ, ଯାହା ପୂର୍ବେ ଯଥାକ୍ରମେ ଆଠମଲ୍ଲିକ ଓ ଢେଙ୍କାନାଳ ଥିଲା । ତିନି ପ୍ରମୁଖ ରାଜନୈତିକ ଦଳ ଗୁଡିକ (୧)ଭାରତୀୟ ଜାତୀୟ କଂଗ୍ରେସ , (୨)ଭାରତୀୟ ଜନତା ପାର୍ଟୀ/ବି.ଜେ.ପି. ଓ (୩) ବିଜୁ ଜନତା ଦଳ/ବି.ଜେ.ଡି. ।ଏଠାରେ କଂଗ୍ରେସ ଅତୀତରେ ଅଧିକ ସମୟ ଶାସନରେ ଥିବାବେଳେ , ବି.ଜେ.ପି. ଗ୍ରାମର ସଂସ୍କୃତି ଓ ସମ୍ମାନକୁ ସୁରକ୍ଷା ଦେବାପାଇଁ ଭରସା ଦିଏ ଓ ବି.ଜେ.ଡି ବର୍ତମାନ ସମୟରେ ଶାସନ ଗାଦିରେ ଅବସ୍ଥାପିତ । ବି.ଜେ.ପି.ର ରୁଦ୍ର ନାରାୟଣ ପାଣି ଉପରୋକ୍ତ ଗ୍ରାମ ଓ ଆଖପାଖ ଅଂଚଳ ଗୁଡିକ ପାଇଁ ଉଶ୍ଚର୍ଗୀକୃତ ମନୋଭାବ ନେଇ କାର୍ଯ୍ୟ କରିଥାନ୍ତି । ଶିଳ୍ପ ପ୍ରଭାବିତ ଗ୍ରାମ ଗୁଡିକରେ କମ୍ୟୁନିଷ୍ଟ ସମର୍ଥିତ ଏସ.ୟୁ.ସି.ଆଇ ପାର୍ଟୀର ଭୁମିକା ମଧ୍ୟ ଉଲେଖନୀୟ । କିନ୍ତୁ ଶିକ୍ଷା ଓ ସଚେତନତାର ଅଭାବ ଗ୍ରାମର ପ୍ରକୃତ ଉନ୍ନତିରେ ବ୍ୟାଘାତ ସୃଷ୍ଟି କରିଥାଏ । ଗ୍ରାମପଞ୍ଚାୟତ ନିର୍ବାଚନ ୨୦୧୨ ଅନୁଯାୟୀ ଗ୍ରାମର ଭୋଟର୍ ସଂଖ୍ୟା ୩୧୦୮(ପୁରୁଷ:୧୫୯୦, ସ୍ତ୍ରୀ:୧୫୧୮) ।

ପୋଲିଂର ସୁବିଧା ପାଇଁ ଦୁର୍ଗାପୁର ଗ୍ରାମ ପଞ୍ଚାୟତଟିକୁ ୧୪ଟି ୱାର୍ଡରେ ବିଭକ୍ତ କରାଯାଇ ଅଛି ।

ସଂସ୍କ୍ରୁତି[ସମ୍ପାଦନା]

ଓଡ଼ିଆମାନଙ୍କର ବାର ମାସରେ ତେର ପର୍ବ । ତେଣୁ ଗ୍ରାମବାସୀ ମାନେ ଭାଦ୍ରବ ମାସରେ ଗ୍ରାମ/ଭାଦ୍ରବ ପୂଜା, ଆଶ୍ୱିନ ମାସରେ ଦଶହରା/ଦୁର୍ଗାପୁଜା, କାର୍ତିକ ମାସରେ ଧବଳେଶ୍ୱର /ବଡ ଓଷା, ପଞ୍ଚୁକ ଏବଂ କାର୍ତିକ ପୁର୍ଣିମା, ମାଘ ମାସରେ ଅଷ୍ଟ-ପ୍ରହର-ନାମ-ଜଜ୍ଞ/ଅଷ୍ଟ-ପ୍ରହରୀ , ଫାଲ୍ଗୁନ ମାସରେ ଶିବରାତ୍ରୀଦୋଳ/ଫାଲ୍ଗୁନ ଯାତ୍ରା ,ବୈଶାଖ ମାସରେ ଚନ୍ଦନଯାତ୍ରା ଇତ୍ୟାଦି ପାଳନ କରିଥାନ୍ତି । ଅନ୍ୟାନ୍ୟ ଓଡ଼ିଆ ଆଧ୍ୟାତ୍ମିକ ପର୍ବପର୍ବାଣୀ ଗୁଡିକ ମଧ୍ୟରେ ପଣା ସଂକ୍ରାନ୍ତି/ହନୁମାନ ଜୟନ୍ତୀ, ଅକ୍ଷୟ ତୃତୀୟା /ମୁଠୀ ଅନୁକୁଳ, ରଜ ପର୍ବ, ରାଖୀ ପୁର୍ଣିମା , ଖୁଦୁରୁକୁଣୀ ଓଷା, ଶ୍ରୀ ଗଣେଶପୂଜା, ଗର୍ଭଣା ସଂକ୍ରାନ୍ତି, କୁମାର ପୁର୍ନୀମା, ଦୀପାବଳୀ, ପ୍ରଥମାଷ୍ଟମୀ , ମାଣବସା ଗୁରୁବାର ଓଷା, ପୌଷ ପୁର୍ଣିମା , ମକର ସଂକ୍ରାନ୍ତି , ସରସ୍ୱତୀ ପୂଜା, ହୋଲି ଏବଂ ବାସନ୍ତିକ ଦୁର୍ଗାପୁଜା ଗ୍ରାମବାସୀମାନଙ୍କଦ୍ୱାରା ସାଧାରଣତଃ ପାଳିତ ହୋଇଥାଏ । ପୂର୍ବେ ଗ୍ରାମର ପ୍ରସିଦ୍ଧ ଓଡ଼ିଶୀ ସଙ୍କୀର୍ତନ ମଣ୍ଡଳୀ ଏବେ ବିଲୁପ୍ତ ପ୍ରାୟ ଅବସ୍ଥାରେ |

କୃଷି[ସମ୍ପାଦନା]

ଗ୍ରାମ, ଜିଲ୍ଲା ଓ ରାଜ୍ୟ ଉର୍ଦ୍ଧ୍ୱ କ୍ରମରେ ଲୋକମାନଙ୍କର ମୁଖ୍ୟ ପେଷା କୃଷି ଅଟେ । ହଳ ଲଙ୍ଗଳଦ୍ୱାରା ଚାଷ, ଲୋକମାନଙ୍କର ବର୍ତମାନ ସମୟର ଚାଷର ଧାରା ଅଟେ, ଯାହାକି ଧିରେ ଧିରେ କଳ ଲଙ୍ଗଳ ଚାଷ ଆଡକୁ ଅଗ୍ରସର ହେଉଅଛି । କିନ୍ତୁ କ୍ଷୁଦ୍ର ଅକାରର ଚାଷଜମି, କୃଷକର କଳ ଲଙ୍ଗଳ ଚାଷରେ ବ୍ୟାଘାତ ସୃଷ୍ଟି କରୁଅଛି ।ବର୍ତମାନ ସମୟରେ ଗ୍ରାମ ଓ ଏହାର ଆଖପାଖ ଅଞ୍ଚଳରେ ବାରମ୍ବାର ପ୍ରସ୍ତାବିତ ଶିଳ୍ପ ଯୋଜନା, କୃଷକର ମେରୁଦଣ୍ଡକୁ ଦୋହଲାଇ ଦେଉଛି ଓ ତାହାର ମନୋବଳ ଭାଙ୍ଗି ଦେଉଛି । କୃଷକ ତାହାର ଜମି ଚାଷ ସମୟରେ ଗାଉଥିବା କିଛି ଲୋକଗୀତ, ଯାହା ତାକୁ ବହୁତ ଭାବରେ ସାହସ ଯୋଗାଇ ଥାଏ, ବର୍ତମାନ ତାହା ବିଲୁପ୍ତପ୍ରାୟ । ସର୍ବୋପରି ବର୍ତମାନ ସମୟରେ ମଧ୍ୟ କୃଷକ ଦୁର୍ଦ୍ଦଶା ମଧ୍ୟଦେଇ ଗତି କରୁଛି । କୃଷକକୁ ସହାୟତା କରିବା ପାଇଁ ଗ୍ରାମରେ ଗୋଟିଏ ଗ୍ରାମ ସ୍ତରୀୟ କୃଷି କାର୍ଯ୍ୟାଳୟ ମଧ୍ୟ ଅଛି ।

ଆଧାର[ସମ୍ପାଦନା]

  1. "PinCode: DURGAPUR, ANGUL, ORISSA, India, Pincode.net.in". pincode.net.in. 2012. Retrieved 14 May 2012. Details of Post Office DURGAPUR, ANGUL