ଦୀପକ ଆଣ୍ଟାନି

ଦୀପକ ଆଣ୍ଟାନି
ଦୀପକ ଆଣ୍ଟାନି
	Deepak Antani at the screening of Gandhi Godse - Ek Yudh
ଜନ୍ମ	୨୦ ସେପ୍ଟେମ୍ବର ୧୯୬୪ (ବୟସ ୬୧); Bhuj, Gujarat, India
ବୃତ୍ତି(ସମୂହ)	Actor, film director, screenwriter
ସକ୍ରିୟ ବର୍ଷ	1988–present
ପ୍ରସିଦ୍ଧି	Portraying Mahatma Gandhi
ଉଲ୍ଲେଖନୀୟ କୃତି	Gandhi Godse – Ek Yudh; Mujib: The Making of a Nation;

ଇଂରାଜୀ ଲିଙ୍କ

https://or.wikipedia.org/wiki/Deepak_Antani

ଦୀପକ ଆଣ୍ଟାନି (ଜନ୍ମ ୨୦ ସେପ୍ଟେମ୍ବର ୧୯୬୪) ଜଣେ ଭାରତୀୟ ଅଭିନେତା, ନିର୍ଦ୍ଦେଶକ ଓ ପଟ୍ଟାକଥାଲେଖକ, ଯିଏ ଗୁଜରାଟୀ ଓ ହିନ୍ଦୀ ସିନେମା, ଟେଲିଭିଜନ ଓ ନାଟକରେ ବିଭିନ୍ନ ଭୂମିକାରେ ପରିଚିତ । ସେ ମହାତ୍ମା ଗାନ୍ଧୀଙ୍କୁ ଚଳଚ୍ଚିତ୍ର, ନାଟକ, ଡକ୍ୟୁମେଣ୍ଟାରୀ ଓ ସଂଗ୍ରହାଳୟରେ ଚିତ୍ରିତ କରିବାରେ ବିଶେଷ ପରିଚିତ। ୨୦୨୩ରେ ରାଜକୁମାର ସନ୍ତୋଷୀଙ୍କ ନିର୍ଦ୍ଦେଶନାରେ ଗାନ୍ଧୀ ଗୋଡସେ – ଏକ ଯୁଦ୍ଧ ଫିଲ୍ମରେ ଗାନ୍ଧୀଙ୍କ ଭୂମିକାରେ ତାଙ୍କର ଅଭିନୟ ଜାତୀୟ ସ୍ତରରେ ଧ୍ୟାନାକର୍ଷଣ କରିଥିଲା । ସେ ୨୦୧୬ରେ ଆନ୍ତର୍ଜାତୀୟ ଚଳଚ୍ଚିତ୍ର ଗାନ୍ଧିଜୀ ମାଇ ମେଣ୍ଟର ଓ ୨୦୧୯ରେ ନାଟକ ଏମ୍.କେ. ଗାନ୍ଧୀ ହାଜିର ହୋ ରେ ମଧ୍ୟ ଏହି ଭୂମିକା କରିଥିଲେ । ସମଗ୍ର ଭାରତରେ ଏହି ନାଟକ ପ୍ରଦର୍ଶିତ ହୋଇଛି । ସେ ୨୦୧୯ରୁ ଇଣ୍ଡିଆ ବୁକ୍ ଅଫ୍ ରେକର୍ଡସ୍ ଓ ୨୦୨୦–୨୨ରେ ଲିମ୍କା ବୁକ୍ ଅଫ୍ ରେକର୍ଡସ୍ରେ ମଞ୍ଚ ଓ ପର୍ଦ୍ଦାରେ ସର୍ବାଧିକ ସମୟ ମହାତ୍ମା ଗାନ୍ଧୀଙ୍କ ଭୂମିକାରେ ଅଭିନୟ କରିଥିବା ପାଇଁ ନାମଭୂକ୍ତ ।^[୧]^[୨]^[୩]^[୪]

ପ୍ରାରମ୍ଭିକ ଜୀବନ ଓ ଶିକ୍ଷା

ଦୀପକ ଆଣ୍ଟାଣିଙ୍କ ଜନ୍ମ ଭାରତର ଗୁଜରାଟ୍‌ର କଚ୍ଛ ଜିଲ୍ଲାର ଭୁଜରେ ହୋଇଥିଲା । ସେ ଇଲେକ୍ଟ୍ରିକାଲ୍ ଇଞ୍ଜିନିୟରିଂରେ ଡିପ୍ଲୋମା ସମ୍ପୂର୍ଣ୍ଣ କରିଥିଲେ । ପରେ, ସେ ନାଟ୍ୟକଳା ପ୍ରତି ଆଗ୍ରହରେ ମହାରାଜା ସାୟାଜିରାଓ ୟୁନିଭର୍ସିଟି, ବଡୋଦରାରୁ ବ୍ୟାଚେଲର୍ ଅଫ୍ ପର୍ଫର୍ମିଂ ଆର୍ଟସ୍ (ଡ୍ରାମାଟିକ୍ସ) ଡିଗ୍ରୀ ଲାଭ କରିଥିଲେ । ପୂର୍ଣ୍ଣକାଳୀନ ଅଭିନେତା ହେବା ପୂର୍ବରୁ, ସେ ଇଣ୍ଡିଆନ୍ ପେଟ୍ରୋକେମିକାଲ୍ସ କର୍ପୋରେସନ୍ ଲିମିଟେଡ୍ (IPCL)ରେ ଇଲେକ୍ଟ୍ରିକାଲ୍ ଟେକ୍ନିସିଆନ୍ ଭାବରେ ଓ ଦୂରଦର୍ଶନରେ ପ୍ରୋଡକ୍ସନ୍ ଆସିଷ୍ଟାଣ୍ଟ ଭାବରେ କାମ କରିଥିଲେ ।^[୫]

ପେଶାଜୀବନ

ଦୀପକ ଆଣ୍ଟାଣି ଦୂରଦର୍ଶନ, ଆହମଦାବାଦରେ ପ୍ରୋଡକ୍ସନ୍ ଆସିଷ୍ଟାଣ୍ଟ ଭାବେ କାର୍ଯ୍ୟଜୀବନ ଆରମ୍ଭ କରିଥିଲେ ଏବଂ ପରେ *ETV (ବର୍ତ୍ତମାନ Colors Gujarati)*ରେ ପ୍ରୋଗ୍ରାମିଂ ହେଡ୍ ଭାବରେ କାମ କରିଥିଲେ । ସେ GSTV ଓ Soham TV ଭଳି ଅନେକ ଗୁଜରାଟୀ ଚ୍ୟାନେଲ୍‌ରେ ପରାମର୍ଶଦାତା ଭାବରେ କାର୍ଯ୍ୟ କରିଥିଲେ । ୨୦୦୦ରେ ଗୁଜରାଟୀ ସିନେମାରେ ଭାବ ଭାବ ନା ଭର୍ଥର୍ ଫିଲ୍ମ ନିର୍ଦ୍ଦେଶନା କରିଥିଲେ ଯାହା କ୍ଷେତ୍ରୀୟ ପୁରସ୍କାର ଜିତିଥିଲା । ପରବର୍ତ୍ତୀ କାଳରେ ସେ ୨୫ରୁ ଅଧିକ ଗୁଜରାଟୀ ଓ ହିନ୍ଦୀ ଚଳଚ୍ଚିତ୍ର ଓ ୩୦ରୁ ଅଧିକ ଟିଭି ଧାରାବାହିକରେ ଅଭିନୟ କରିଥିଲେ । ସେ ଭାରତୀୟ ଇତିହାସ ଓ ସାମାଜିକ ବିଷୟରେ ଅନେକ ନାଟକ, ଛୋଟ ଚଳଚ୍ଚିତ୍ର ଓ ଡକ୍ୟୁମେଣ୍ଟାରୀ ଲେଖିଥିଲେ, ନିର୍ଦ୍ଦେଶନା କରିଥିଲେ ଓ ଅଭିନୟ କରିଥିଲେ ।

ଗାନ୍ଧୀଙ୍କ ଭୂମିକାରେ

ଦୀପକ ଆଣ୍ଟାଣି ମହାତ୍ମା ଗାନ୍ଧୀଙ୍କ ଦୀର୍ଘକାଳୀନ ଅଭିନୟ ପାଇଁ ସର୍ବାଧିକ ପରିଚିତ । ସେ ୨୦୧୬ରେ Gandhiji My Mentorରେ ଗାନ୍ଧୀଙ୍କ ଭୂମିକା କରିଥିଲେ ଯାହା ବିଭିନ୍ନ ଆନ୍ତର୍ଜାତୀୟ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହୋଇଥିଲା ଓ ପରେ ZEE5 ଓ YouTubeରେ ମୁକ୍ତି ପାଇଥିଲା । ୨୦୨୩ରେ ସେ ଗାନ୍ଧୀ ଗୋଡସେ - ଏକ ଯୁଦ୍ଧ (ରାଜକୁମାର ସନ୍ତୋଷୀଙ୍କ ନିର୍ଦ୍ଦେଶନା) ଓ ମୁଜିବ୍: ଦ୍ୟ ମେକିଂ ଅଫ୍ ଏ ନେସନ୍ (ଶ୍ୟାମ ବେନେଗାଲଙ୍କ ନିର୍ଦ୍ଦେଶନା)ରେ ଅଭିନୟ କରିଥିଲେ । ୨୦୨୫ରେ ଧର୍ମା ପ୍ରଡକ୍ସନ୍ସ ଦ୍ୱାରା ଉତ୍ପାଦିତ କେସରୀ ଚାପ୍ଟର୍ ୨ରେ ସେ ପୁନର୍ବାର ଗାନ୍ଧୀଙ୍କ ଭୂମିକା କରିଥିଲେ ।

ମଞ୍ଚରେ ଅଭିନୟ

ମଞ୍ଚରେ ଦୀପକ ଆଣ୍ଟାଣି ୧୯୦ରୁ ଅଧିକ ପ୍ରଦର୍ଶନରେ ଗାନ୍ଧୀଙ୍କ ଭୂମିକା କରିଛନ୍ତି। ତାଙ୍କର ପ୍ରସିଦ୍ଧ ନାଟକଗୁଡିକ ମଧ୍ୟରେ ୟୁଗପୁରୁଷ (୨୦୧୬), ଯେଉଁଥିରେ ଗାନ୍ଧୀଙ୍କ ଆଧ୍ୟାତ୍ମିକ ଯାତ୍ରା ଦେଖାଯାଇଥିଲା, ଓ ଏମ୍.କେ. ଗାନ୍ଧୀ ହାଜିର ହୋ (୨୦୧୯ରୁ) ରହିଛି ଯାହାକୁ ସେ ନିଜେ ଲେଖିଥିଲେ ଓ ନିର୍ଦ୍ଦେଶନା କରିଥିଲେ। ୟୁଗପୁରୁଷ ନାଟକ ଭାରତ ଓ ବିଦେଶରେ ୧୦୦୦ରୁ ଅଧିକ ପ୍ରଦର୍ଶନ ସହିତ ରେକର୍ଡ ସୃଷ୍ଟି କରିଥିଲା ।

ସଂଗ୍ରହାଳୟ ଓ ଅନ୍ୟାନ୍ୟ କାର୍ଯ୍ୟ

ଗାନ୍ଧୀଙ୍କ ଭାବଚିତ୍ର ଓ କଣ୍ଠସ୍ୱର ରାଷ୍ଟ୍ରପତି ଭବନ ସଂଗ୍ରହାଳୟ, ନୂଆଦିଲ୍ଲୀର Walk with Gandhiji, ମହାତ୍ମା ଗାନ୍ଧୀ ସଂଗ୍ରହାଳୟ, ରାଜକୋଟର Talk with Bapu ଓ ପାଟନାର ଗାନ୍ଧୀ ଟାୱର୍ରେ ପ୍ରଦର୍ଶିତ ହୋଇଛି । ସେ ଜଙ୍ଗ-ଏ-ଆଜାଦୀ, ବିଶ୍ୱ ମାନବ ମହାତ୍ମା ଗାନ୍ଧୀ ଓ ଗାନ୍ଧିଜୀ ଆମଦାବାଦ୍ ମା ଭଳି ସରକାରୀ ସମର୍ଥିତ ଡକ୍ୟୁମେଣ୍ଟାରୀରେ ମଧ୍ୟ ଅଭିନୟ କରିଛନ୍ତି ।

ପୁରସ୍କାର ଓ ସମ୍ମାନ

"ଦୀପକ ଆଣ୍ଟାଣୀଙ୍କୁ ଲିମ୍କା ବୁକ୍ ଅଫ୍ ରେକର୍ଡସ୍‌ (2020–2022) ଓ ଇଣ୍ଡିଆ ବୁକ୍ ଅଫ୍ ରେକର୍ଡସ୍‌ (2019)ରେ ମହାତ୍ମା ଗାନ୍ଧୀଙ୍କ ଅଧିକାଂଶ ଅଭିନୟ ପାଇଁ ସମ୍ମାନିତ କରାଯାଇଥିଲା। ସେ ‘ଗାନ୍ଧୀ ଗୋଡସେ – ଏକ ଯୁଦ୍ଧ’ ଚଳଚ୍ଚିତ୍ରରେ ଗାନ୍ଧୀଙ୍କ ଭୂମିକା ପାଇଁ ମହାରାଜା ଫିଲ୍ମ ଫେଷ୍ଟିଭାଲରେ ସର୍ବଶ୍ରେଷ୍ଠ ଅଭିନେତା ପୁରସ୍କାର ଜିତିଥିଲେ ଏବଂ 2024ରେ ଟ୍ରାନ୍ସମିଡିଆ ଗୁଜରାଟୀ ଅୱାର୍ଡସ୍‌ରେ ଗାନ୍ଧୀଙ୍କ ଅଭିନୟ ପାଇଁ ବିଶେଷ ପୁରସ୍କାର ପାଇଥିଲେ।^[୬]

ଆଧାର

↑ "A contemporary take on Gandhi and his life". The Times of India. 20 September 2019. Retrieved 6 June 2025.
↑ "Photos: 'गांधी गोडसे: एक युद्ध'मध्ये महात्मा गांधींची भूमिका साकारणारा अभिनेता कोण?". Loksatta. 27 December 2022. Retrieved 6 June 2025.
↑ "Gandhi Godse ek yudh: चर्चा में फिल्म 'गांधी गोडसेः एक युद्ध', कौन हैं लीड रोल निभाने वाले एक्टर?". Aaj Tak. 4 January 2023. Retrieved 6 June 2025.
↑ "'ગાંધીજી'નો ઇન્ટરવ્યૂ:હવે અમદાવાદના 'ગાંધી' હિન્દી ફિલ્મમાં ગોડસે સામે બાથ ભીડશે, દીપક અંતાણીને જોઇને કહેશો, 'આ તો અસ્સલ ગાંધીજી જ લાગે છે!'". Divya Bhaskar. 11 January 2023. Retrieved 6 June 2025.
↑ "Deepak Madhukant Antani, Always Been an Avid Follower of Art and Films & Has an Extensive Experience in the Field of Entertainment". Workmob. Retrieved 6 June 2025.
↑ "Actors who brought Mahatma Gandhi to life: Ben Kingsley, Naseeruddin Shah and others". News Nine. 27 September 2024. Retrieved 6 June 2025.

ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ ।

[TOI5-1] "A contemporary take on Gandhi and his life". The Times of India. 20 September 2019. Retrieved 6 June 2025.

[LS1-2] "Photos: 'गांधी गोडसे: एक युद्ध'मध्ये महात्मा गांधींची भूमिका साकारणारा अभिनेता कोण?". Loksatta. 27 December 2022. Retrieved 6 June 2025.

[AT1-3] "Gandhi Godse ek yudh: चर्चा में फिल्म 'गांधी गोडसेः एक युद्ध', कौन हैं लीड रोल निभाने वाले एक्टर?". Aaj Tak. 4 January 2023. Retrieved 6 June 2025.

[DB1-4] "'ગાંધીજી'નો ઇન્ટરવ્યૂ:હવે અમદાવાદના 'ગાંધી' હિન્દી ફિલ્મમાં ગોડસે સામે બાથ ભીડશે, દીપક અંતાણીને જોઇને કહેશો, 'આ તો અસ્સલ ગાંધીજી જ લાગે છે!'". Divya Bhaskar. 11 January 2023. Retrieved 6 June 2025.

[SWM1-5] "Deepak Madhukant Antani, Always Been an Avid Follower of Art and Films & Has an Extensive Experience in the Field of Entertainment". Workmob. Retrieved 6 June 2025.

[NN1-6] "Actors who brought Mahatma Gandhi to life: Ben Kingsley, Naseeruddin Shah and others". News Nine. 27 September 2024. Retrieved 6 June 2025.

[୧]

[୨]

[୩]

[୪]

[୫]

[୬]