ଦହିଦହିଆ

ଉଇକିପିଡ଼ିଆ ରୁ
Jump to navigation Jump to search
ଦହିଦହିଆ
Tinospora tomentosa.JPG
ବିଜ୍ଞାନଭିତ୍ତିକ ଶ୍ରେଣୀବିଭାଗ
ଜଗତ: Plantae
ବିଭାଗ: Magnoliophyta
ବର୍ଗ: Magnoliopsida
ଗଣ: Ranunculales
କୁଳ: Menispermaceae
ପ୍ରଜାତି: Tinospora
ଜାତି: T. tomentosa
ବାଇନୋମିଆଲ ନାମ
Tinospora tomentosa
(Thunb.) Miers

ଦହିଦହିଆ ଏକ ଲତା ଜାଦୀୟ ଉଦ୍ଭିଦ । ଏହାର ପତ୍ରଗୁଡ଼ିକ ଲତାବେଙ୍କୋଳୀ ପତ୍ରପରି ଦିଶିଲେ ବି ଆକାରରେ ସାନ ହୋଇଥାଏ । ଏହାର ପତ୍ରର ଆକାର ହରିଣ ଖୁରାପରି ହୋଇଥିବାରୁ ହିନ୍ଦିରେ ଏହାକୁ ହିରନଖୁରୀ ବୋଲି କହିଥାନ୍ତି। କେତେଗୋଟି ପତ୍ରକୁ ନେଇ ପାଣିରେ ଚକଟି କିଛି ସମୟ ରଖିଦେଲେ, ତାହା ଦହିପରି ବସିଯାଏ । ସେଥିପାଇଁ ଏଇ ଗଛକୁ ଗୋରଖ ଦହି, ଦହିଦହିଆ ବା ସାଧାରଣରେ ଦ’ଦୟା ବୋଲି କହିଥାନ୍ତି। ଏଇ ବସିଯାଇଥିବା ପଦାର୍ଥକୁ ଦ’ଦୟା ଛେନା ବୋଲି କହନ୍ତି । ପିଲାଏ ଏଥିରେ ଅଳ୍ପ ମିଠା ପକାଇ ଖାଆନ୍ତି । ଏହା ପୁଷ୍ଟିକର ଏବଂ ଧାତୁବର୍ଧକ ।

ବିବିଧ ଭାରତୀୟ ପ୍ରାଦେଶିକ ନାମ[ସମ୍ପାଦନା]

ପ୍ରାଦେଶିକ ଭାଷା ନାମ
ଓଡ଼ିଆ ଦହିଦହିଆ, ଗୋରଖଦହି
ସଂସ୍କୃତ କାନ୍ତିବତୀ, ସ୍ତମ୍ଭବତୀ, ଗୋରଖ ଦହି ଓ ଦଧିସର୍ଜିନୀ
ହିନ୍ଦୀ ହିରନଖୁରୀ
ତେଲୁଗୁ ଦହିଆଚେଟ୍ଟୁ, ଦଧିମାନୀ ଚେଟ୍ଟୁ
ବଙ୍ଗଳା ଦଧିରପାତା, ଦହିଦହିଆ, ଦହିଆଳୁ

ଶାସ୍ତ୍ରୋକ୍ତ ଗୁଣ[ସମ୍ପାଦନା]

ଏହା ମଧୁରରସ, ଶୀତବୀର୍ଯ୍ୟ, ଲଘୁପାକ, ବଳକର, ବୀର୍ଯ୍ୟବର୍ଧକ,ସ୍ନିଗ୍ଧ, ରସାୟନ, ଅଗ୍ନିବର୍ଧକ, ମସ୍ତିସ୍କ ଅସ୍ଥିରତା, ଜ୍ୱର, ବାତ, ପିତ୍ତ, ବ୍ରଣ, ଅଜୀର୍ଣ୍ଣ, ବିଷଦୋଷ, ଦୁର୍ବଳତା, ମସ୍ତିସ୍କଭ୍ରମ ଓ ସମସ୍ତପ୍ରକାର ଧାତୁରୋଗର ବିନାଶକ ଅଟେ।

ବ୍ୟବହାର[ସମ୍ପାଦନା]

ଏହାର ସର୍ବାଙ୍ଗକୁ ଔଷଧ ରୂପେ ବ୍ୟବହାର କରାଯାଏ। ଧାତୁପୁଷ୍ଟି, ଶୁକ୍ରତାରଲ୍ୟ, ସ୍ୱପ୍ନଦୋଷ ଓ ପ୍ରମେହର ଚିକିତ୍ସାରେ ମିଶ୍ରି ଅଥବା ମହୁ ସହିତ ଏହାର ପ୍ରୟୋଗ କରାଯାଏ । ଏହାଛଡା ଅତିସାର ଓ ଗ୍ରହଣୀ ଆଦି ରୋଗରେ ଗୋଲମରିଚ ସହିତ ଏହାର ଉପଯୋଗ ହୋଇଥାଏ। ହାତପାଦର ଦାହପାଇଁ ଏହାର ବ୍ୟବହାର ହୋଇଥାଏ ।

ବାହାର ଆଧାର[ସମ୍ପାଦନା]

  • ବୈଦ୍ୟରାଜ ଶ୍ରୀ କୃଷ୍ଣବ୍ରହ୍ମା ଶତପଥିଙ୍କ ବନୌଷଧି ବିଜ୍ଞାନ ।
  • zipcodezoo.com: Tinospora tomentosa