ତନୁଶ୍ରୀ ଦତ୍ତ
ତନୁଶ୍ରୀ ଦତ୍ତ | |
|---|---|
.jpg) Dutta in 2012 | |
| ଜନ୍ମ | ୧୯ ମାର୍ଚ୍ଚ ୧୯୮୪ |
| ବୃତ୍ତିସମୂହ | |
| ସକ୍ରିୟ ବର୍ଷ | 2005–2010, 2013 |
| Title | Femina Miss India Universe 2004 |
| Beauty pageant titleholder | |
| Major competition(s) | Femina Miss India Universe 2004 (Winner) Miss Universe 2004 (Top 10) |
ତନୁଶ୍ରୀ ଦତ୍ତ (ଉଚ୍ଚାରଣ [t̪ənʊʃri]; ଜନ୍ମ ୧୯ ମାର୍ଚ୍ଚ ୧୯୮୪) ଜଣେ ଭାରତୀୟ ପୂର୍ବତନ ଅଭିନେତ୍ରୀ, ମଡେଲ୍ ଏବଂ ସୌନ୍ଦର୍ଯ୍ୟ ପ୍ରତିଯୋଗିତା ବିଜେତା। ସେ ୨୦୦୪ ମସିହାରେ ଫେମିନା ମିସ୍ ଇଣ୍ଡିଆ ୟୁନିଭର୍ସ ମୁକୁଟ ଜିତିଥିଲେ ଏବଂ ପରେ ମିସ୍ ୟୁନିଭର୍ସ ୨୦୦୪ ପ୍ରତିଯୋଗିତାରେ ଇକ୍ୱାଡୋର୍ରେ ଭାରତଙ୍କୁ ପ୍ରତିନିଧିତ୍ୱ କରି ଶୀର୍ଷ ୧୦ ମଧ୍ୟରେ ସ୍ଥାନ ପାଇଥିଲେ।[୧]
ଦତ୍ତ ୨୦୦୫ ରୁ ୨୦୧୦ ମଧ୍ୟରେ ପ୍ରାୟତଃ ହିନ୍ଦୀ ଚଳଚ୍ଚିତ୍ରରେ ଅଭିନୟ କରିଥିଲେ। ତାଙ୍କର ପ୍ରସିଦ୍ଧ ଚଳଚ୍ଚିତ୍ରମାନଙ୍କ ମଧ୍ୟରେ ଆଶିକ୍ ବନାୟା ଆପନେ, ଭାଗମ୍ ଭାଗ ଏବଂ ଢୋଲ୍ ଉଲ୍ଲେଖନୀୟ। କେତେ ବର୍ଷ ଧରି ବଲିଉଡ୍ର ଆଲୋଚନାରୁ ଦୂରେ ରହିବା ପରେ, ୨୦୧୮ ମସିହାର ସେପ୍ଟେମ୍ବର ମାସରେ, ଦତ୍ତ ଜୁମ୍ ଟିଭିକୁ ଦିଆଯାଇଥିବା ଏକ ସାକ୍ଷାତକାରରେ ଅଭିନେତା ନାନା ପାଟେକରଙ୍କ ବିରୁଦ୍ଧରେ ୨୦୦୯ ମସିହାର ହର୍ନ ‘ଓକେ’ ପ୍ଲିଜ୍ସ୍ ଚଳଚ୍ଚିତ୍ରର ଶୁଟିଂ ସେଟ୍ରେ ତାଙ୍କୁ ଯୌନ ଉତ୍ପୀଡନ କରିଥିବା ଅଭିଯୋଗ କରିଥିଲେ।[୨] ଏହି ଘଟଣା ଭାରତରେ ପରବର୍ତ୍ତୀ “ମି ଟୁ” ଆନ୍ଦୋଳନ ପାଇଁ ଏକ ଖୋରାକ ଯୋଗାଇଥିଲା।[୩]
ବ୍ୟକ୍ତିଗତ ଜୀବନ
[ସମ୍ପାଦନା]ଦତ୍ତ ୧୯ ମାର୍ଚ୍ଚ ୧୯୮୪ ରେ ଭାରତର ଝାରଖଣ୍ଡ ରାଜ୍ୟର ଜାମସେଦପୁରରେ ଏକ ବଙ୍ଗାଳୀ ହିନ୍ଦୁ ପରିବାରରେ ଜନ୍ମଗ୍ରହଣ କରିଥିଲେ।[୪] ୨୦୧୮ ମସିହାର ସେପ୍ଟେମ୍ବର ଅବଧିରେ ସେ ଯୁକ୍ତରାଷ୍ଟ୍ରର ଏକ ସ୍ଥାୟୀ ବାସିନ୍ଦା ଥିଲେ।[୫]
ଦତ୍ତ ନିର୍ଦ୍ଦେଶକ ଆଦିତ୍ୟ ଦତ୍ତଙ୍କ ସହିତ ସମ୍ପର୍କରେ ଥିବା କଥା ଉଲ୍ଲେଖ ହୋଇଛି।[୬] ଅଭିନେତ୍ରୀ ଇଶିତା ଦତ୍ତ ଶେଠ ତାଙ୍କ ଛୋଟ ଭଉଣୀ।[୭]
୨୦୧୩ ମସିହାର ଏକ ସାକ୍ଷାତକାରରେ ସେ କହିଥିଲେ ଯେ ହର୍ନ ‘ଓକେ’ ପ୍ଲିଜ୍ସ୍ ଚଳଚ୍ଚିତ୍ରର ସେଟ୍ରେ ଘଟିଥିବା ଘଟଣା ପରେ ସେ ଗଭୀର ମାନସିକ ଆଘାତରୁ ଡିପ୍ରେସନ୍ରେ ପଡ଼ିଥିଲେ। ଏହା ପରେ ସେ କିଛି ସମୟ ପାଇଁ ବିରତି ନେଇ ପ୍ରାଚୀନ ଆଧ୍ୟାତ୍ମିକ ପଦ୍ଧତି ଦ୍ୱାରା ନିଜକୁ ସୁସ୍ଥ କରିବାକୁ ଚେଷ୍ଟା କରିଥିଲେ। ପ୍ରଥମେ ସେ ପ୍ରାୟ ଦେଢ ବର୍ଷ ଧରି ଏକ ଆଶ୍ରମରେ ରହିଥିଲେ। ପରେ ସେ ଲାଦାଖ୍କୁ ଯାଇ ବୌଦ୍ଧ ଧ୍ୟାନ ପ୍ରଣାଳୀ ଶିଖିଥିଲେ। ସେ ବିପାସନା ଧ୍ୟାନ ମଧ୍ୟ ଅଭ୍ୟାସ କରନ୍ତି।
କର୍ମଜୀବନ
[ସମ୍ପାଦନା]୨୦୦୪ ମସିହାରେ ଦତ୍ତ ମୁମ୍ବାଇରେ ଆୟୋଜିତ ଫେମିନା ମିସ୍ ଇଣ୍ଡିଆ ପ୍ରତିଯୋଗିତା ଜିତିଥିଲେ। ଏହାର ଫଳସ୍ୱରୂପ ସେ ମିସ୍ ୟୁନିଭର୍ସ ୨୦୦୪ ପ୍ରତିଯୋଗିତାରେ ଭାରତଙ୍କୁ ପ୍ରତିନିଧିତ୍ୱ କରିଥିଲେ, ଯାହା ଇକ୍ୱାଡୋର୍ର କିଟୋ ସହରରେ ଆୟୋଜିତ ହୋଇଥିଲା। ସେଠାରେ ସେ ଷଷ୍ଠ ରନର୍-ଅପ୍ ଭାବେ ସ୍ଥାନ ପାଇଥିଲେ।[୮]
ସେ ତାମିଳ ଚଳଚ୍ଚିତ୍ର ଥୀରଥା ବିଲୟାଟ୍ଟୁ ପିଲ୍ଲାଇ ଦ୍ୱାରା ତାମିଳ ସିନେମାରେ ଅଭିନୟ ଆରମ୍ଭ କରିଥିଲେ ଏବଂ ୨୦୦୫ ମସିହାରେ ଚକୋଲେଟ୍ ଓ ଆଶିକ୍ ବନାୟା ଆପନେ ଚଳଚ୍ଚିତ୍ର ମାଧ୍ୟମରେ ବଲିଉଡ୍ରେ ପ୍ରବେଶ କରିଥିଲେ। ୨୦୦୬ ମସିହାରେ ସେ ୩୬ ଚାଇନା ଟାଉନ୍ ଚଳଚ୍ଚିତ୍ରର “ଜବ୍ କଭି” ଗୀତରେ ମଧ୍ୟ ଦେଖାଯାଇଥିଲେ।
ମି ଟୁ ଆନ୍ଦୋଳନ
[ସମ୍ପାଦନା]୨୦୧୮ ମସିହାର ୨୬ ସେପ୍ଟେମ୍ବରରେ ଦତ୍ତ ଜୁମ୍ ଟିଭିକୁ ଦିଆଯାଇଥିବା ଏକ ସାକ୍ଷାତକାରରେ ଅଭିନେତା ନାନା ପାଟେକରଙ୍କ ବିରୋଧରେ ୨୦୦୯ ମସିହାର ହର୍ନ ‘ଓକେ’ ପ୍ଲିଜ୍ସ୍ ଚଳଚ୍ଚିତ୍ରର ସେଟ୍ରେ ତାଙ୍କୁ ଯୌନ ଉତ୍ପୀଡନ କରିଥିବା ଅଭିଯୋଗ କରିଥିଲେ।[୯] ଏହା ଭାରତରେ “ମି ଟୁ” ଆନ୍ଦୋଳନ ପାଇଁ ଏକ ପ୍ରେରକ ଘଟଣା ହୋଇଥିଲା। ଦତ୍ତ ପ୍ରଥମେ ୨୦୦୮ ମସିହାରେ ପାଟେକରଙ୍କ ବିରୋଧରେ ସିନେ ଏଣ୍ଡ ଟିଭି ଆର୍ଟିଷ୍ଟ୍ସ ଏସୋସିଏସନ୍ (CINTAA) ନିକଟରେ ଅଭିଯୋଗ କରିଥିଲେ, କିନ୍ତୁ ଏହାକୁ ଆପରାଧିକ ମାମଲା ଭାବେ ଦେଖାଯାଇଥିବାରୁ କୌଣସି ପଦକ୍ଷେପ ନିଆଯାଇନଥିଲା। ୨୦୧୩ ମସିହାର ଏକ ସାକ୍ଷାତକାରରେ ମଧ୍ୟ ସେ ଏହି ଅଭିଯୋଗ ପୁନରାବୃତ୍ତି କରିଥିଲେ, କିନ୍ତୁ ଏହାକୁ ଅଧିକାଂଶ ଭାବେ ଅନଦେଖା କରାଯାଇଥିଲା। ୨୦୧୮ ମସିହାର ସେପ୍ଟେମ୍ବରରେ ସେ ପୁନରାୟ ଏହା ବିଷୟରେ କହିବା ପରେ CINTAA ଦତ୍ତଙ୍କୁ କ୍ଷମା ଚାହିଁଥିଲା ଏବଂ ସ୍ୱୀକାର କରିଥିଲା ଯେ “ଯୌନ ଉତ୍ପୀଡନ ସମ୍ବନ୍ଧୀୟ ମୁଖ୍ୟ ଅଭିଯୋଗକୁ ୨୦୦୮ ମସିହାରେ ଠିକ୍ ଭାବରେ ଆଲୋଚନା କରାଯାଇନଥିଲା।” କିନ୍ତୁ ମାମଲାଟି ତିନି ବର୍ଷରୁ ଅଧିକ ପୁରୁଣା ହୋଇଥିବାରୁ ସେମାନେ ଏହାକୁ ପୁନର୍ବାର ଖୋଲିପାରିବେ ନାହିଁ ବୋଲି କହିଥିଲେ।[୯][୧୦]
ଆଧାର
[ସମ୍ପାଦନା]- ↑ "Tanushree At The Miss Universe 2004 - Beauty Pageants - Indiatimes". Femina Miss India. Archived from the original on 2012-03-01. Retrieved 2026-03-07.
- ↑ zoom (2018-09-25), Tanushree Dutta opens up on her SHOCKING past ordeal & more | Exclusive Interview, retrieved 2026-03-07
- ↑ Goel, Vindu; Venkataraman, Ayesha; Schultz, Kai (2018-10-09). "After a Long Wait, India's #MeToo Movement Suddenly Takes Off". The New York Times (in ଆମେରିକୀୟ ଇଂରାଜୀ). ISSN 0362-4331. Retrieved 2026-03-07.
- ↑ "On her birthday, a look at how Tanushree Dutta lost 18 kgs in 18 months". The Indian Express (in ଇଂରାଜୀ). 2021-03-19. Retrieved 2026-03-10.
- ↑ The Quint (2018-09-26), It Doesn’t Matter When Someone Is Speaking Out: Tanushree on Nana | The Quint, retrieved 2026-03-10
- ↑ ""Moksha is all bullshit" - Tanushree Dutta | Filmfare.com". www.filmfare.com (in ଇଂରାଜୀ). Retrieved 2026-03-10.
- ↑ "Ishita Dutta on sister Tanushree Dutta's allegations against Nana Patekar: 'She is trying to set an example'". www.timesnownews.com (in ଇଂରାଜୀ). 2018-10-04. Retrieved 2026-03-10.
- ↑ Desk, India Today Web (2017-06-10). "Did you know Wonder Woman aka Gal Gadot lost to Tanushree Dutta in 2004?". India Today (in ଇଂରାଜୀ). Retrieved 2026-03-10.
- 1 2 zoom (2018-09-25), Tanushree Dutta opens up on her SHOCKING past ordeal & more | Exclusive Interview, retrieved 2026-03-10
- ↑ Desk, India Today Web (2018-10-02). "Tanushree sexual harassment sad but we cannot reopen case now: CINTAA". India Today (in ଇଂରାଜୀ). Retrieved 2026-03-10.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |