ଡିମ୍ପଲ୍ ଯାଦବ
ଡିମ୍ପଲ୍ ଯାଦବ | |
|---|---|
 Yadav in 2024 | |
| Member of Parliament, Lok Sabha | |
| Assumed office 5 December 2022 | |
| ପୂର୍ବ ଅଧିକାରୀ | Mulayam Singh Yadav |
| ନିର୍ବାଚନ ମଣ୍ଡଳୀ | Mainpuri, Uttar Pradesh |
| କାର୍ଯ୍ୟକାଳ 8 August 2012 – 23 May 2019 | |
| ପୂର୍ବ ଅଧିକାରୀ | Akhilesh Yadav |
| ପର ଅଧିକାରୀ | Subrat Pathak |
| ନିର୍ବାଚନ ମଣ୍ଡଳୀ | Kannauj, Uttar Pradesh |
| ବ୍ୟକ୍ତିଗତ ସବିଶେଷ | |
| ଜନ୍ମ | Dimple Rawat ୧୫ ଜାନୁଆରୀ ୧୯୭୮ Pune, Maharashtra, India[୧] |
| ରାଜନୀତିକ ଦଳ | Samajwadi Party |
| ଜୀବନ ସାଥୀ | |
| ସମ୍ପର୍କ | Mulayam Yadav family |
| ସନ୍ତାନ | 3 |
| ଘର |
|
| ଶିକ୍ଷାନୁଷ୍ଠାନ | Lucknow University |
| ପେଷା | Politician |
ଡିମ୍ପଲ୍ ଯାଦବ ଜଣେ ଭାରତୀୟ ରାଜନେତ୍ରୀ। ସେ ସମାଜବାଦୀ ପାର୍ଟିର ଜାତୀୟ ଅଧ୍ୟକ୍ଷ, ଲୋକସଭା ସାଂସଦ ଏବଂ ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ଧର୍ମପତ୍ନୀ।[୨] ସେ କନ୍ନୌଜ ନିର୍ବାଚନମଣ୍ଡଳୀରୁ ଲଗାତାର ଦୁଇଥର ସାଂସଦ ରହିଛନ୍ତି। ବର୍ତ୍ତମାନ ସେ ୨୦୨୪ରୁ ମୈନପୁରୀ ଲୋକସଭା ନିର୍ବାଚନମଣ୍ଡଳୀରୁ ସଦସ୍ୟ ଅଟନ୍ତି।[୩]
ପ୍ରାରମ୍ଭିକ ଜୀବନ
[ସମ୍ପାଦନା]ଡିମ୍ପଲ୍ ଯାଦବଙ୍କ ଜନ୍ମ ୧୯୭୮ ମସିହାରେ ପୁଣେ (ମହାରାଷ୍ଟ୍ର)ରେ ହୋଇଥିଲା। ସେ ଅବସରପ୍ରାପ୍ତ ଭାରତୀୟ ସେନା କର୍ଣ୍ଣେଲ୍ ଆର୍.ଏସ୍. ରାୱତ ଏବଂ ଚମ୍ପା ରାୱତଙ୍କ ତିନିଜଣ କନ୍ୟାମାନଙ୍କ ମଧ୍ୟରୁ ମଧ୍ୟମା କନ୍ୟା।[୪] ତାଙ୍କ ପରିବାର ମୂଳତଃ ଉତ୍ତରାଖଣ୍ଡର। ତାଙ୍କ ଶିକ୍ଷା ପୁଣେ, ବଠିଣ୍ଡା ଏବଂ ଅଣ୍ଡମାନ-ନିକୋବାର ଦ୍ୱୀପପୁଞ୍ଜ ସହିତ ଲକ୍ଷ୍ନୌ ଆର୍ମି ପବ୍ଲିକ୍ ସ୍କୁଲ୍, ନେହରୁ ରୋଡରେ ସମ୍ପନ୍ନ ହୋଇଥିଲା।[୫]
ଡିମ୍ପଲ୍ ଯାଦବଙ୍କ ବିବାହ ୧୯୯୯ ମସିହାରେ ଅଖିଲେଶ୍ ଯାଦବଙ୍କ ସହ ହୋଇଥିଲା।[୬] ଅଖିଲେଶ୍ ଯାଦବଙ୍କୁ “ଭଇୟା” ବୋଲି କୁହାଯାଇଥିବାରୁ ଉତ୍ତର ପ୍ରଦେଶର ଯୁବମାନେ ତାଙ୍କୁ “ଡିମ୍ପଲ୍ ଭାବି” ବୋଲି ମଧ୍ୟ ସମ୍ବୋଧନ କରନ୍ତି।
ରାଜନୈତିକ ଜୀବନ
[ସମ୍ପାଦନା]୨୦୦୯ ମସିହାରେ ଡିମ୍ପଲ୍ ଯାଦବ ଫିରୋଜାବାଦ ଲୋକସଭା ନିର୍ବାଚନମଣ୍ଡଳୀର ଉପନିର୍ବାଚନ ଲଢ଼ିଥିଲେ, କିନ୍ତୁ ଅଭିନେତା ରାଜ ବାବର ଙ୍କ ବିପକ୍ଷରେ ପରାଜିତ ହୋଇଥିଲେ।
ଏହି ଉପନିର୍ବାଚନ ତାଙ୍କ ସ୍ୱାମୀ ଅଖିଲେଶ୍ ଯାଦବ ଦ୍ୱାରା 2009 ମସିହାର ସାଧାରଣ ନିର୍ବାଚନରେ ଫିରୋଜାବାଦ ଓ କନ୍ନୌଜ—ଉଭୟ ସ୍ଥାନରୁ ବିଜୟୀ ହୋଇଥିବାରୁ ହୋଇଥିଲା। ପରେ ସେ କନ୍ନୌଜ ଆସନ ରଖିଥିଲେ।
୨୦୧୨ ମସିହାରେ ଅଖିଲେଶ୍ ଯାଦବ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ହେବା ପରେ କନ୍ନୌଜ ଆସନ ଖାଲି ହୋଇଥିଲା। ଏହା ପରେ ହୋଇଥିବା ଉପନିର୍ବାଚନରେ ଡିମ୍ପଲ୍ ଯାଦବ କନ୍ନୌଜରୁ ନିର୍ବିରୋଧ ଭାବେ ଲୋକସଭା ସଦସ୍ୟ ଭାବେ ଚୟନିତ ହୋଇଥିଲେ।
ସେ ଦେଶର 44ତମ ନିର୍ବିରୋଧ ଭାବେ ଚୟନିତ ବ୍ୟକ୍ତି ଏବଂ ସ୍ୱାଧୀନତା ପରେ ଉତ୍ତର ପ୍ରଦେଶରେ ଚତୁର୍ଥ ନିର୍ବିରୋଧ ସାଂସଦ ଥିଲେ। ଏହି ପରିସ୍ଥିତି ସୃଷ୍ଟି ହୋଇଥିଲା ଯେତେବେଳେ ଦଶରଥ ସିଂହ ଶଂଖୱାର (ସଂଯୁକ୍ତ ସମାଜବାଦୀ ଦଳ) ଓ ସଞ୍ଜୁ କଟିୟାର (ନିର୍ଦଳୀୟ) ନାମାଙ୍କନ ପ୍ରତ୍ୟାହାର କରିଥିଲେ। ଭାରତୀୟ ଜନତା ପାର୍ଟି ଏବଂ ଭାରତୀୟ ଜାତୀୟ କଂଗ୍ରେସ ମଧ୍ୟ ଏହି ଉପନିର୍ବାଚନରେ ପ୍ରାର୍ଥୀ ଦାଖଲ କରିନଥିଲେ।
ଡିମ୍ପଲ୍ ଯାଦବ ଉତ୍ତର ପ୍ରଦେଶର ପ୍ରଥମ ନାରୀ ଥିଲେ ଯିଏ ଲୋକସଭା ଉପନିର୍ବାଚନରେ ନିର୍ବିରୋଧ ଭାବେ ଚୟନିତ ହୋଇଥିଲେ।[୭] ସେହିପରି ୧୯୫୨ ମସିହାରେ ପ୍ରୟାଗରାଜ (ଆଲାହାବାଦ ପଶ୍ଚିମ) ଠାରୁ ପୁରୁଷୋତ୍ତମ ଦାସ ଟଣ୍ଡନଙ୍କ ପରେ ଏପରି ଦ୍ୱିତୀୟ ଘଟଣା ଥିଲା। ସେ ଏକମାତ୍ର ଏମିତି ନାରୀ ସାଂସଦ ଥିଲେ, ଯାହାଙ୍କ ସ୍ୱାମୀ ମୁଖ୍ୟମନ୍ତ୍ରୀ ଏବଂ ଶ୍ୱଶୁର ମଧ୍ୟ ସେହି ସଦନର ସଦସ୍ୟ ଥିଲେ।
୨୦୧୭ ମସିହାରେ ଉତ୍ତର ପ୍ରଦେଶ ବିଧାନସଭା ନିର୍ବାଚନ ସମୟରେ ସେ ସମାଜବାଦୀ ପାର୍ଟି ପକ୍ଷରୁ ବ୍ୟାପକ ପ୍ରଚାର କରିଥିଲେ ଏବଂ ତାଙ୍କ ଭାଷଣଗୁଡ଼ିକୁ ଜନସାଧାରଣ ବହୁତ ପ୍ରଶଂସା କରିଥିଲେ।
ଡିମ୍ପଲ୍ ଯାଦବ ଦେଶରେ ନାରୀ ସମସ୍ୟାଗୁଡ଼ିକ ନେଇ ସର୍ବଦା ସକ୍ରିୟ ରହନ୍ତି। ସେ ସମାଜବାଦୀ ପାର୍ଟି ଦ୍ୱାରା ଆରମ୍ଭିତ ନାରୀ ସୁରକ୍ଷା ପାଇଁ 1090 ହେଲ୍ପଲାଇନ୍ ସଂଖ୍ୟାକୁ ସମର୍ଥନ କରିଥିଲେ।
୨୦୧୯ ମସିହାରେ ସେ ସମାଜବାଦୀ ପାର୍ଟି ଓ ବହୁଜନ ସମାଜ ପାର୍ଟିର ଯୁକ୍ତ ପ୍ରାର୍ଥୀ ଭାବେ କନ୍ନୌଜରୁ ନିର୍ବାଚନ ଲଢ଼ିଥିଲେ, କିନ୍ତୁ ସୁବ୍ରତ ପାଠକଙ୍କ ନିକଟରେ 10,000ରୁ ଅଧିକ ମତରେ ପରାଜିତ ହୋଇଥିଲେ।
୨୦୨୨ ମସିହାରେ ମୁଲାୟମ ସିଂହ ଯାଦବଙ୍କ ଦେହାନ୍ତ ହେବାରୁ ମୈନପୁରୀ ଲୋକସଭା ଆସନ ଖାଲି ହୋଇଥିଲା। ଏହି ଉପନିର୍ବାଚନରେ ସମାଜବାଦୀ ପାର୍ଟି ତାଙ୍କୁ ପ୍ରାର୍ଥୀ କରିଥିଲା ଏବଂ ସେ 2,88,461 ମତରେ ବିଜୟୀ ହୋଇ ତୃତୀୟଥର ପାଇଁ ଲୋକସଭାକୁ ପହଞ୍ଚିଥିଲେ।
ରାଜନୈତିକ କାର୍ଯ୍ୟଜୀବନ
[ସମ୍ପାଦନା]| କ୍ରମ | କେବେରୁ | କେବେ ପର୍ଯ୍ୟନ୍ତ | ବିବରଣୀ | ଦଳ |
|---|---|---|---|---|
| 1 | ୨୦୧୨ | ୨୦୧୪ | 15ତମ ଲୋକସଭାରେ କନ୍ନୌଜ (ଉପନିର୍ବାଚନ)ରୁ ସାଂସଦ (ପ୍ରଥମ କାର୍ଯ୍ୟକାଳ) | ସମାଜବାଦୀ ପାର୍ଟି |
| 2 | ୨୦୧୪ | ୨୦୧୯ | 16ତମ ଲୋକସଭାରେ କନ୍ନୌଜରୁ ସାଂସଦ (ଦ୍ୱିତୀୟ କାର୍ଯ୍ୟକାଳ) | ସମାଜବାଦୀ ପାର୍ଟି |
| 3 | ୨୦୨୨ | ବର୍ତ୍ତମାନ | 17ତମ ଲୋକସଭାରେ ମୈନପୁରୀ (ଉପନିର୍ବାଚନ)ରୁ ସାଂସଦ (ତୃତୀୟ କାର୍ଯ୍ୟକାଳ) | ସମାଜବାଦୀ ପାର୍ଟି |
ଆଧାର
[ସମ୍ପାଦନା]- 1 2 ଆଧାର ଭୁଲ: ଅଚଳ
<ref>ଚିହ୍ନ;MemProfileନାମରେ ଥିବା ଆଧାର ଭିତରେ କିଛି ଲେଖା ନାହିଁ । - ↑ "Politically Famous Better Halves: Sonia Gandhi, Poonam Sinha and Dimple Yadav - Lady Power". The Economic Times (in ଇଂରାଜୀ). Retrieved 2026-03-01.
- ↑ "Mainpuri Election Result 2024: Dimple Yadav retains SP bastion with nearly 2.2 lakh votes margin - CNBC TV18". CNBCTV18 (in ଇଂରାଜୀ). 2024-06-04. Retrieved 2026-03-01.
- ↑ "Facts you didn't know about UP CM Akhilesh Yadav's wife Dimple Yadav". daily.bhaskar.com. Archived from the original on 2016-10-28. Retrieved 2026-03-04.
- ↑ "Wayback Machine". daily.bhaskar.com. Archived from the original on 2014-05-31. Retrieved 2026-03-04.
- ↑ "Politically Famous Better Halves: Sonia Gandhi, Poonam Sinha and Dimple Yadav - Lady Power". The Economic Times (in ଇଂରାଜୀ). Retrieved 2026-03-04.
- ↑ Gidwani, Deepak. "Lok Sabha 2014 Elections: Dimple Yadav, a horse-rider gallops into politics". DNA India (in ଇଂରାଜୀ). Retrieved 2026-03-04.
{{}ମୁଣ୍ଡିଆ}