ଡଲି ଅନବର

ଉଇକିପିଡ଼ିଆ ରୁ
Jump to navigation Jump to search
ଡଲି ଅନବର
ମୂଳ ନାମ
ডলি আনোয়ার
ଜନ୍ମ ଓ ଜନ୍ମସ୍ଥାନ
ଡଲି ଇବ୍ରାହିମ

ଜୁଲାଇ ୧, ୧୯୪୮(1948-07-01)
ଜେସୋର, ପୂର୍ବ ବଙ୍ଗଳା, ଡୋମିନିଅନ୍ ଅଫ୍ ପାକିସ୍ତାନ
ମୃତ୍ୟୁ୩ ଜୁଲାଇ ୧୯୯୧ (୪୩ ବର୍ଷ)
ଜାତୀୟତାବଙ୍ଗଳାଦେଶି
ଜୀବିକାଅଭିନେତ୍ରୀ
କାର୍ଯ୍ୟକାଳ୧୯୬୪ – ୧୯୯୧
ଜୀବନସାଥିଅନବର ହୁସେନ (ବିବାହ 1979–ବର୍ତ୍ତମାନ) «Did not recognize date. Try slightly modifying the date in the first parameter.»"Marriage: ଅନବର ହୁସେନ to ଡଲି ଅନବର" Location: (linkback://or.wikipedia.org/wiki/%E0%AC%A1%E0%AC%B2%E0%AC%BF_%E0%AC%85%E0%AC%A8%E0%AC%AC%E0%AC%B0)
ବାପା ବୋଉ
  • ମହମଦ ଇବ୍ରାହିମ (ବାପା)
  • ନିର୍ମଳା ଇବ୍ରାହିମ (ମାଆ)

ଡଲି ଅନବର (୧ ଜୁଲାଇ ୧୯୪୮- ୩ ଜୁଲାଇ ୧୯୯୧) ଜଣେ ବଙ୍ଗଳାଦେଶି ମଞ୍ଚ, ଦୂରଦର୍ଶନ ଏବଂ କଥାଚିତ୍ର ଅଭିନେତ୍ରୀ ଥିଲେ । ଏତଦ ବ୍ୟତୀତ ସେ ସାତଦିନ ପତ୍ରିକାର ଲେଖିକା ଏବଂ ସମ୍ପାଦକ ଥିଲେ । ୧୯୭୯ରେ ତାଙ୍କୁ ବଙ୍ଗଳାଦେଶ ଜାତୀୟ ଚଳଚ୍ଚିତ୍ର ପୁରସ୍କାର ମିଳିଥିଲା । ସୁର୍ଯୋ ଦିଘଲ ବାରି ଚଳଚ୍ଚିତ୍ର ପାଇଁ ତାଙ୍କୁ ଜାତୀୟ ଚଳଚ୍ଚିତ୍ର ପୁରସ୍କାର ମିଳିଥିଲା ।[୧]

ପ୍ରାରମ୍ଭିକ ଜୀବନ[ସମ୍ପାଦନା]

ଡଲି ଅନବର ୧ ଜୁଲାଇ ୧୯୪୮ରେ ଉତ୍ତର ବଙ୍ଗଳାର ଯେସୋରଠାରେ ଜନ୍ମଗ୍ରହଣ କରିଥିଲେ । ତାଙ୍କ ମାଆ ନିଲିମା ଇବ୍ରାହିମ ଜଣେ ରାଜନିତୀଜ୍ଞ ଥିଲେ ଏବଂ ବାପା ଥିଲେ ମହମଦ ଇବ୍ରାହିମ । ପ୍ରାକ୍ତନ ଚଳଚ୍ଚିତ୍ର ନିର୍ଦ୍ଦେଶକ ଏବଂ ସାମ୍ବାଦିକ ଅଲାମଗିରି କବିରଙ୍କର ଭାଉଜ ଥିଏଲ ଡଲି ଅନବର । ୧୯୭୦ ଦଶକରେ ସେ ଢାକା ବିଶ୍ୱବିଦ୍ୟାଳୟରୁ ବଙ୍ଗଳା ସାହାତ୍ୟରେ ସ୍ନାତକ ହାସଲ କରିଥିଲେ ।

ଅଭିନୟ ଜୀବନ[ସମ୍ପାଦନା]

ଡଲି ଅନବର ଛୋଟବେଳୁ ଅଭିନୟ ଜଗତରେ ପ୍ରବେଶ କରିଥିଲେ । ସେ ପ୍ରଥମେ ମଞ୍ଚ ଅଭିନୟ ଜରିଆରେ ଅଭିନୟ ଦୁନିଆରେ ପାଦ ଥାପିଥିଲେ । ଡଲି ମାତ୍ର ୧୩ ବର୍ଷ ବୟସରେ ମଞ୍ଚରେ ଅଭିନୟ କରିବା ଆରମ୍ଭ କରିଥିଲେ । ଏହା ପରେ ୧୬ ବର୍ଷ ବୟସରେ ଡଲି ବଙ୍ଗଳାଦେଶର ଦୂରଦର୍ଶନରେ ଅଭିନୟ କରିବା ଆରମ୍ଭ କରିଥିଲେ । ସେ ବଙ୍ଗଳା ଦୂରଦର୍ଶନ ଧାରାବାହିକ ଅକ୍ତଳ ଡୋଟଳରେ ଅଭିନୟ କରିଥିଲେ । ଏହି ଧାରାବାହିକଟି ପ୍ରେଫେସର ମୁନୀର ଚୌଧୁରୀ ରଚନା କରିଥିଲେ । ସେ ୧୯୮୦ ଦଶକରେ ଚଳଚ୍ଚିତ୍ର ଜଗତରେ ପ୍ରବେଶ କରିଥିଲେ । ସୁର୍ଯୋ ଦିଘଲ ବରି ଚଳଚ୍ଚିତ୍ର ଜରିଆରେ ସେ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହି ଚଳଚ୍ଚିତ୍ର ପାଇଁ ସେ ବଙ୍ଗଳାଦେଶ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ । ୧୯୮୬ରେ ତାଙ୍କ ଅଭିନୀତ ଚଳଚ୍ଚିତ୍ର ଦ‌ହନ ମୁକ୍ତିଲାଭ କରିଥିଲା । ଏଥି ସ‌ହ ସେ ଅନେକ ଛୋଟ ଡକୁମେଣ୍ଟାରୀ ଚଳଚ୍ଚିତ୍ରରେ ମଧ୍ୟ ଅଭିନୟ କରିଥିଲେ । ୧୯୮୦ ଦଶକରେ ବଙ୍ଗଳାଦେଶର ରାଜନୈତିକ ବ୍ୟବସ୍ଥାର ବିରୋଧ କରିବାରୁ ଡଲିଙ୍କୁ ଅନେକ ସମୟରେ ବିଭିନ୍ନ ଚଳଚ୍ଚିତ୍ରରୁ ବାହାର କରି ଦିଆ ଯାଇଥିଲା । ଏମିତି ତାଙ୍କୁ ଅଭିନେତ୍ରୀ ଭାବରେ କୌଣସି ଚଳଚ୍ଚିତ୍ରରେ କାମ ମିଳିନଥିଲା । ଫଳରେ ସେ ୧୯୮୦ରୁ ୧୯୯୦ ମଧ୍ୟ ଏକ ସାପ୍ତାହିକ ପତ୍ରିକାର ଲେଖକ ଏବଂ ସମ୍ପାଦକ ଭାବରେ କର୍ଯ୍ୟ କରିଥିଲେ । ଏହି ପତ୍ରିକାଟିର ନାମ ଥିଲା 'ସାତଦିନ' ।

ପୁରସ୍କାର[ସମ୍ପାଦନା]

୧୯୭୯ରେ ଡଲି ତାଙ୍କର ପ୍ରଥମ ଚଳଚ୍ଚିତ୍ର ପାଇଁ ବଙ୍ଗଳାଦେଶ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ । ସେ ଶ୍ରେଷ୍ଠ ନାରୀ ଅଭିନେତ୍ରୀ ଭାବରେ ଜାତୀୟ ପୁରସ୍କାର ପାଇଥିଲେ । ସେହିବର୍ଷ ତାଙ୍କୁ ସାମ୍ବାଦିକ ସଂଘ ତରଫରୁ ଆୟୋଜନ କରାଯାଉଥିବା ପୁରସ୍କାର ଉତ୍ସବରେ ମଧ୍ୟ ଶ୍ରେଷ୍ଠ ଅଭିନେତ୍ରୀ ସମ୍ମାନ ମିଳିଥିଲା । ୧୯୮୭ରେ ତାଙ୍କୁ ୟୁନେସ୍କୋ ତରଫରୁ ଫଟୋଗ୍ରାଫି ପୁରସ୍କାର ପ୍ରଦାନ କରାଯାଇଥିଲା ।

ନିଜସ୍ୱ ଜୀବନ ଏବଂ ମୃତ୍ୟୁ[ସମ୍ପାଦନା]

ଡଲି ଅନବର ୧୯୬୬ରେ ରଜିଉଦ୍ଦିନ ଅହମଦଙ୍କୁ ବିବାହ କରିଥିଲେ । ଅହମଦ ଜଣେ ଛାତ୍ର ନେତା ଥିଲେ ଏବଂ ପରବର୍ତ୍ତୀ ସମୟରେ ସେ ରାଜନୀତିରେ ପ୍ରବେଶ କରିଥିଲେ ଏବଂ ରାଜନିତୀଜ୍ଞା ସାଜିଥିଲେ । ଉଭୟ ଦମ୍ପତିଙ୍କର ୧୯୭୨ରେ ଏକ ପୁତ୍ର ସନ୍ତାନ ଜନ୍ମ ହୋଇଥିଲା । ତା'ର ନାମ ରାଜିବ ଅହମଦ ପାର୍ଥ । ଏହି ଦମ୍ପତିଙ୍କର ୧୯୭୯ରେ ବିବାହ ବିଚ୍ଛେଦ ହୋଇଥିଲା ଏବଂ ଉଭୟ ଉଭୟଙ୍କୁ ଛାଡ଼ପତ୍ର ଦେଇଥିଲେ । ଏହାପରେ ଡଲି ଅନବର ହୁସେନ‌ଙ୍କୁ ବିବାହ କରିଥିଲେ । ହୁସେନ ଜନେ ଛାୟାଚିତ୍ରକାର ଏବଂ ଚଳଚ୍ଚିତ୍ରରେ କାର୍ଯ୍ୟ କରୁଥିଲେ ।[୨]

୩ ଜୁଲାଇ ୧୯୯୧ରେ ଡଲି ଅନବର ଆତ୍ମହତ୍ୟା କରିଥିଲେ । ସେ ଘରେ ପେଟରେ ଯନ୍ତ୍ରଣା ଅନୁଭ କରିବା ଫଳରେ ତାଙ୍କୁ ଢାକା ମେଡିକାଲ କଲେଜ ଏବଂ ହସ୍ପାତାଳରେ ଭର୍ତ୍ତି କରାଯାଇଥିଲା । ସେହିଦିନ ରାଇତରେ ସେ ସେଇଠି ପ୍ରାଣ ହରାଇଥିଲେ ।

ଆଧାର[ସମ୍ପାଦନା]

  1. Rashed Shawon (August 14, 2012). "চার দশকে আমাদের সেরা চলচ্চিত্রগুলো". bdnews24.com (in Bengali). Archived from the original on January 27, 2013. Retrieved August 26, 2016.CS1 maint: BOT: original-url status unknown (link)
  2. "আনোয়ার হোসেন". Gunijan. Retrieved 26 August 2016.