ଝାରସୁଗୁଡ଼ା ଜିଲ୍ଲା ନ୍ୟାୟପାଳିକା
ଝାରସୁଗୁଡ଼ା ଜିଲ୍ଲା ନ୍ୟାୟପାଳିକା ବ୍ୟବସ୍ଥା ଓଡ଼ିଶାର ଜିଲ୍ଲା ପୁନର୍ଗଠନ ପରବର୍ତ୍ତୀ ନୂତନ ଝାରସୁଗୁଡ଼ା ଜିଲ୍ଲାର ଜିଲ୍ଲା ଅଦାଲତ, ଅନ୍ୟାନ୍ୟ ନିମ୍ନ ଅଦାଲତ ତଥା ସମ୍ପର୍କିତ ଭାଗିଦାରୀ ସଂସ୍ଥାନକୁ ନେଇ ଗଠିତ । ଏହାର ମୁଖ୍ୟାଳୟ ଝାରସୁଗୁଡ଼ା ସହରରେ ଅବସ୍ଥିତ ।[୧]
ଇତିହାସ
[ସମ୍ପାଦନା]ପୂର୍ବରୁ ଝାରସୁଗୁଡ଼ା ୨୩.୦୯.୨୦୧୧ ତାରିଖ ପର୍ଯ୍ୟନ୍ତ ସମ୍ବଲପୁର (ଅବିଭକ୍ତ) ଜିଲ୍ଲାର ଅଧିକାରକ୍ଷେତ୍ର ଅନ୍ତର୍ଗତ ଥିଲା ଏବଂ ୨୪.୦୯.୨୦୧୧ ତାରିଖରେ ଝାରସୁଗୁଡ଼ା ନ୍ୟାୟପାଳିକା ନୂତନ ଭାବେ ସୃଷ୍ଟି ହୋଇଥିଲା । ନ୍ୟାୟିକ ବିଭାଗର ଜିଲ୍ଲ ପୁନର୍ଗଠନ ହେବା ଯାଏଁ, ଏହି ନ୍ୟାୟପାଳିକା କ୍ଷେତ୍ରରେ ଅତିରିକ୍ତ ଜିଲ୍ଲା ଓ ସେସନ୍ ଜଜ୍ ଅଦାଲତ, ସି.ଜେ.ଏମ୍-କମ୍ ସି.ଜେ. (ଏସ୍.ଡି.), ଏସ୍.ଡି.ଜେ.ଏମ୍ ଅଦାଲତ, ସି.ଜେ. (ଜେ.ଡି.) ଅଦାଲତ, ଜେ.ଏମ୍.ଏଫ୍.ସି. ଅଦାଲତ–୧ ଏବଂ ଜେ.ଏମ୍.ଏଫ୍.ସି. ଅଦାଲତ–୨ ସହିତ ଫାଷ୍ଟ ଟ୍ରାକ୍ ଅଦାଲତ ଓ ଲଖନପୁରରେ ନ୍ୟାୟାଧିକାରୀ, ଗ୍ରାମ ନ୍ୟାୟାଳୟ ସହ କାର୍ଯ୍ୟକରୁଥିଲା । ପରେ ଏହା କ୍ରମେ ଜିଲ୍ଲା ଓ ସେସନ୍ ଜଜ୍ ଅଦାଲତ, ସି.ଜେ. (ଏସ୍.ଡି.) ଏବଂ ରେଜିଷ୍ଟ୍ରାର ଅଦାଲତ ସହିତ ନବଗଠିତ ଝାରସୁଗୁଡ଼ା ଜିଲ୍ଲା ନ୍ୟାୟପାଳିକା ଭାବେ କାର୍ଯ୍ୟକରୁଅଛି ।
ଗଠନ
[ସମ୍ପାଦନା]ଜିଲ୍ଲା ନ୍ୟାୟପାଳିକା ଭାରତର ଜିଲ୍ଲା ସ୍ତରରେ ରହିଥିବା ନ୍ୟାୟପ୍ରଣାଳୀକୁ ସୂଚିତ କରେ । ଏହା ନ୍ୟାୟପାଳିକାର ପ୍ରଥମ ସ୍ତର ଅଟେ । ଝାରସୁଗୁଡ଼ା ଜିଲ୍ଲା ନ୍ୟାୟପାଳିକାର ଶୀର୍ଷରେ ଜିଲ୍ଲା ଓ ଦୌରା ବିଚାରପତିଙ୍କ ଅଦାଲତ ରହିଥିବା ବେଳେ ଝାରସୁଗୁଡ଼ା ସଦର ମହକୁମା ତଥା ଜିଲ୍ଲାର ବିଭିନ୍ନ ସ୍ଥାନରେ ଅନେକ ଦେୱାନୀ ତଥା ଫୌଜଦାରୀ ଅଧସ୍ତନ ଅଦାଲତ ରହିଅଛି । ଜିଲ୍ଲା ବିଚାରପତିଙ୍କ ପ୍ରଶାସନିକ ନିୟନ୍ତ୍ରଣରେ ନିମ୍ନ ସମସ୍ତ ଅଦାଲତ କାର୍ଯ୍ୟ କରେ । ତେବେ ସମସ୍ତ ବିଚାରପତି ଓଡ଼ିଶା ଉଚ୍ଚ ନ୍ୟାୟାଳୟର ଅଧିନରେ କାର୍ଯ୍ୟ କରନ୍ତି । ଜିଲ୍ଲା ବିଚାରପତି ତଥା ଅନ୍ୟାନ୍ୟ ବିଚାରପତିଙ୍କୁ ଓଡ଼ିଶା ଉଚ୍ଚ ନ୍ୟାୟାଳୟ ନିଯୁକ୍ତି ଦିଅନ୍ତି ଏବଂ ଜିଲ୍ଲାର ସମସ୍ତ ଅଦାଲତରେ କାର୍ଯ୍ୟ କରୁଥିବା କର୍ମଚାରୀଙ୍କୁ ଜିଲ୍ଲା ବିଚାରପତି ନିଯୁକ୍ତି ଦିଅନ୍ତି ।
ଜିଲ୍ଲା ଅଦାଲତ
[ସମ୍ପାଦନା]ଝାରସୁଗୁଡ଼ାରେ ସ୍ଵତନ୍ତ୍ର ଜିଲ୍ଲା ଅଦାଲତ ୨୪।୯।୨୦୧୧ରୁ କାର୍ଯ୍ୟକ୍ଷମ ହେବା ସହ ଏହାର ପ୍ରଥମ ଜିଲା ଜଜ ଦାତୀତ୍ଵ ଗ୍ରହଣ କଲେ । ଏହି ଜିଲ୍ଲା ନ୍ୟାୟପାଳିକାରେ ଜିଲା ଅଦାଲତ ସହ ଅନ୍ୟାନ୍ୟ ଅଦାଲତ ମଧ୍ୟ କାର୍ଯ୍ୟ କରୁଅଛି ।[୨]
ଅନ୍ୟାନ୍ୟ ଅଦାଲତ
[ସମ୍ପାଦନା]- ବିଚାରପତି, ପରିବାର ଅଦାଲତ, ଝାରସୁଗୁଡ଼ା
- ଅତିରିକ୍ତ ଜିଲ୍ଲା ବିଚାରପତି, ଝାରସୁଗୁଡ଼ା
- ଅତିରିକ୍ତ ଜିଲ୍ଲା ବିଚାରପତି-ତଥା-ପୋକ୍ସୋ ଆଇନ ସମ୍ବନ୍ଧିତ ସ୍ଵତନ୍ତ୍ର ଅଦାଲତର ଅତିରିକ୍ତ ବିଚାରପତି, ଝାରସୁଗୁଡ଼ା
- ମୁଖ୍ୟ ବିଚାର ବିଭାଗୀୟ ଦଣ୍ଡାଧିକାରିଙ୍କ ଅଦାଲତ, ଝାରସୁଗୁଡ଼ା
- ଦେୱାନି ଅଦାଲତ (ବରିଷ୍ଠ ବିଭାଗ),ଝାରସୁଗୁଡ଼ା
- ଦେୱାନି ଅଦାଲତ (ବରିଷ୍ଠ ବିଭାଗ) ତଥା ସହକାରୀ ସେସନ ବିଚାରପତି (ମହିଳା), ଝାରସୁଗୁଡ଼ା
- ସବ ଡିଭିଜନାଲ ଜୁଡିସିଆଲ ମାଜିଷ୍ଟ୍ରେଟଙ୍କ ଅଦାଲତ, ଝାରସୁଗୁଡ଼ା
- ରେଜିଷ୍ଟ୍ରାର ତଥା ଅତିତିକ୍ତ ଦେୱାନି ଅଦାଲତ (ବରିଷ୍ଠ ବିଭାଗ),ଝାରସୁଗୁଡ଼ା
- ପ୍ରଥମ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରୀ (ସଜ୍ଞାନ ନେବା), ଝାରସୁଗୁଡ଼ା
- ପ୍ରଥମ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରୀ, ଝାରସୁଗୁଡ଼ା
- ପ୍ରଥମ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରୀ, ଲଖନପୁର
- ଗ୍ରାମ ନ୍ୟାୟାଳୟ, ଲଖନପୁର
ଭାଗିଦାରୀ ସଂସ୍ଥାନ
[ସମ୍ପାଦନା]- ଜିଲ୍ଲା ଆଇନ ସେବା ପ୍ରାଧିକରଣ, ଝାରସୁଗୁଡ଼ା
- ଜିଲ୍ଲା ବାର ଆସୋସିଏସନ, ଝାରସୁଗୁଡ଼ା
- ଫ୍ରଣ୍ଟ ଅଫିସ୍, ଝାରସୁଗୁଡ଼ା
ଆଧାର
[ସମ୍ପାଦନା]- ↑ "Distrtict and Sessions Court, Jharsuguda | Distrtict and Sessions Court, Jharsuguda | India". jharsuguda.dcourts.gov.in (in ଆମେରିକୀୟ ଇଂରାଜୀ). Retrieved 2025-12-22.[permanent dead link]
- ↑ "List of Judicial Officers of the Judgeship of Jharsuguda" (PDF). cdnbbsr.s3waas.gov.in. Retrieved 22 December 2025.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |