ଜୀବନ ଜେନା
ଜୀବନ ଜେନା | |
|---|---|
| ଜନ୍ମ | ୧୯୭୦ |
| ଜାତୀୟତା | ଭାରତୀୟ |
| ବୃତ୍ତି | ନାଟ୍ୟକାର (ଯାତ୍ରା) |
| ସକ୍ରିୟ ବର୍ଷ | ୨୦୦୦ରୁ ଏପର୍ଯ୍ୟନ୍ତ |
ଜୀବନ ଜେନା ଜଣେ ଓଡ଼ିଆ ନାଟ୍ୟକାର, ଯିଏକି ୧୦୦ରୁ ଅଧିକ ଯାତ୍ରା ନାଟକ ରଚନା କରିଛନ୍ତି । ୨୦୦୦ ମସିହାରୁ ସେ ପ୍ରଥମ ଥର ପାଇଁ ଯାତ୍ରାନାଟକ ରଚନା କରିବା ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ କଳିଙ୍ଗ, ରାଜନନ୍ଦିନୀ, ସ୍ୱର୍ଣ୍ଣ ମହଲ, ଇଷ୍ଟର୍ଣ୍ଣ, ତୁଳସୀ ଗଣନାଟ୍ୟ, ଯାତ୍ରା ଯାଜ୍ଞସେନୀ ପାଇଁ ନାଟକ ରଚନା କରିଥିଲେ ।
ବ୍ୟକ୍ତିଗତ ଜୀବନ
[ସମ୍ପାଦନା]ଜୀବନ ଯାଜପୁର ଜିଲ୍ଲାର ରତ୍ନଗିରି ଗ୍ରାମରେ ଜନ୍ମଗ୍ରହଣ କରିଥିଲେ । ଓଡ଼ିଆ ଯାତ୍ରା ଜଗତର ସୁପରିଚିତ ନାଟ୍ୟକାର ଅନନ୍ତ ଓଝାଙ୍କ ପଦାଙ୍କ ଅନୁସରଣ କରି ସେ ନାଟକ ରଚନା ପ୍ରତି ମନ ବଳାଇଥିଲେ । ତାଙ୍କର ପ୍ରଥମ ନାଟକ 'କଣ୍ଢେଇ ସାଜିବ କନିଆଁ ରାଣୀ' ନିୟତି ଗଣନାଟ୍ୟରେ ମଞ୍ଚସ୍ଥ ହୋଇଥିଲା । ଦୁର୍ଗାଶ୍ରୀ ଗଣନାଟ୍ୟ ପାଇଁ ସର୍ବାଧିକ ୨୧ଟି ଓ ବାଣେଶ୍ବରୀ ପାଇଁ ୧୪ଟି ନାଟକ ଲେଖିଛନ୍ତି । ୧୦୦ରୁ ଉର୍ଦ୍ଧ୍ୱ ନାଟକର ସ୍ରଷ୍ଟା ଏହି ନାଟ୍ୟକାରଙ୍କ ଅଧିକାଂଶ ନାଟକରେ ତାପସ ସ୍ବାଇଁ, ହରି ସାମନ୍ତ, ବିଜୟ ଦାଶ ଆଦି ନିର୍ଦ୍ଦେଶନା ଦେଇଛନ୍ତି ।[୧] ଜଣେ ଅଭିନେତା ଭାବେ ଆଶୁତୋଷ ନାଟକ ବ୍ୟତୀତ ଦୂରଦର୍ଶନର କିଛି ଧାରାବାହିକରେ ନକରାତ୍ମକ ଭୂମିକାରେ ଅଭିନୟ କରି ଦର୍ଶକୀୟ ଆଦୃତି ଲାଭ କରିପାରିଛନ୍ତି । ତାଙ୍କ ନିର୍ଦ୍ଦେଶନାରେ 'ବାଜିବଲୋ ସାହାନାଇ' ଚଳଚ୍ଚିତ୍ର ୨୦୨୩ରେ ମୁକ୍ତିଲାଭ କରିଥିଲା ।
ରଚିତ ନାଟକ
[ସମ୍ପାଦନା]- କଣ୍ଢେଇ ସାଜିବ କନିଆଁ ରାଣୀ
- ମନ ବୁଝୁନି କି ଲୁହ ସରୁନି
- କହିଦେଲେ କଥା ସରିଯିବ
- ରାକ୍ଷୀ ଦେଇଗଲା ଆଖିର ଲୁହ
- ଏମିତି ବନ୍ଧନ କେମିତି ହେଲା
- ଚଣ୍ଡାଳ ହାତରେ ଗଙ୍ଗା ତୁଳସୀ
- ଦେଢଶୁର ମୋର ଦେଢ ଈଶ୍ବର
- ପାହାନ୍ତି ରାତିର ପାପ
- କାହ୍ନାରେ ଆଉ କାନ୍ଦେନା