ଜିଲ୍ଲା ନ୍ୟାୟପାଳିକା, ଭଦ୍ରକ
ଭଦ୍ରକ ଜିଲ୍ଲା ନ୍ୟାୟପାଳିକା ବ୍ୟବସ୍ଥା ଓଡ଼ିଶାର ଜିଲ୍ଲା ପୁନର୍ଗଠନ ପରବର୍ତ୍ତୀ ନୂତନ ଭଦ୍ରକ ଜିଲ୍ଲାର ଜିଲ୍ଲା ଅଦାଲତ, ଅନ୍ୟାନ୍ୟ ନିମ୍ନ ଅଦାଲତ ତଥା ସମ୍ପର୍କିତ ଭାଗିଦାରୀ ସଂସ୍ଥାନକୁ ନେଇ ଗଠିତ । ଏହାର ମୁଖ୍ୟାଳୟ ଭଦ୍ରକ ଜିଲ୍ଲାର ଭଦ୍ରକ ସହରରେ ଅବସ୍ଥିତ ।[୧]
ଇତିହାସ
[ସମ୍ପାଦନା]ଭଦ୍ରକରେ ମୁନ୍ସିଫ୍ ଅଦାଲତ ୧୯୦୧ ମସିହାରେ ସ୍ଥାପିତ ହୋଇଥିଲା। ୧୯୦୦ ମସିହା ପର୍ଯ୍ୟନ୍ତ ଭଦ୍ରକର ମକଦମାକାରୀ ସାଧାରଣ ଲୋକମାନେ ସିଭିଲ୍ ମାମଲାର ବିଚାର ପାଇଁ ଯାଜପୁରକୁ ଯିବାକୁ ପଡ଼ୁଥିଲା। ସି.ଜେ. (ଏସ୍.ଡି.) ଭଦ୍ରକ ଓ ଏ.ଡି.ଜେ., ଭଦ୍ରକ ଅଦାଲତ କ୍ରମେ ୧୯୬୬ ଓ ୧୯୮୭ ମସିହାରେ ସ୍ଥାପିତ ହୋଇଥିଲା ।
ରାଜ୍ୟରେ ଜିଲ୍ଲାଗୁଡ଼ିକର ପୁନର୍ଗଠନ ପରେ, ୧୯୯୩ ମସିହାରେ ଭଦ୍ରକ ନାମକ ଏକ ନୂତନ ରାଜସ୍ୱ ଜିଲ୍ଲା ଗଠିତ ହେଲା। ପରବର୍ତ୍ତୀକାଳରେ, ବାଲେଶ୍ୱର ଜଜ୍ସିପ୍ରୁ ୧୮ ବର୍ଷ ପରେ ପୃଥକ ହୋଇ ୨୧.୦୫.୨୦୧୧ ତାରିଖରେ ଭଦ୍ରକ ଜିଲ୍ଲା ଓ ସେସନ୍ସ ଜଜ୍ଙ୍କ ଅଦାଲତ ସ୍ଥାପିତ ହୋଇଥିଲା।
ଗଠନ
[ସମ୍ପାଦନା]ଜିଲ୍ଲା ନ୍ୟାୟପାଳିକା ଭାରତର ଜିଲ୍ଲା ସ୍ତରରେ ରହିଥିବା ନ୍ୟାୟପ୍ରଣାଳୀକୁ ସୂଚିତ କରେ । ଏହା ନ୍ୟାୟପାଳିକାର ପ୍ରଥମ ସ୍ତର ଅଟେ । ଭଦ୍ରକ ଜିଲ୍ଲା ନ୍ୟାୟପାଳିକାର ଶୀର୍ଷରେ ଜିଲ୍ଲା ଓ ଦୌରା ବିଚାରପତିଙ୍କ ଅଦାଲତ ରହିଥିବା ବେଳେ ଭଦ୍ରକ ସଦର ମହକୁମା, ତଥା ଜିଲ୍ଲାର ବିଭିନ୍ନ ସ୍ଥାନରେ ଅନେକ ଦେୱାନୀ ତଥା ଫୌଜଦାରୀ ଅଧସ୍ତନ ଅଦାଲତ ରହିଅଛି । ଜିଲ୍ଲା ବିଚାରପତିଙ୍କ ପ୍ରଶାସନିକ ନିୟନ୍ତ୍ରଣରେ ସମସ୍ତ ନିମ୍ନ ସମସ୍ତ ଅଦାଲତ କାର୍ଯ୍ୟ କରେ । ତେବେ ସମସ୍ତ ବିଚାରପତି ଓଡ଼ିଶା ଉଚ୍ଚ ନ୍ୟାୟାଳୟର ଅଧିନରେ କାର୍ଯ୍ୟ କରନ୍ତି । ଜିଲ୍ଲା ବିଚାରପତି ତଥା ଅନ୍ୟାନ୍ୟ ବିଚାରପତିଙ୍କୁ ଓଡ଼ିଶା ଉଚ୍ଚ ନ୍ୟାୟାଳୟ ନିଯୁକ୍ତି ଦିଅନ୍ତି ଏବଂ ଜିଲ୍ଲାର ସମସ୍ତ ଅଦାଲତରେ କାର୍ଯ୍ୟ କରୁଥିବା କର୍ମଚାରୀଙ୍କୁ ଜିଲ୍ଲା ବିଚାରପତି ନିଯୁକ୍ତି ଦିଅନ୍ତି ।
ଜିଲ୍ଲା ଅଦାଲତ
[ସମ୍ପାଦନା]ଜିଲ୍ଲା ପୁନର୍ଗଠନ ପରେ ୨୧।୫।୨୦୧୧ ସୁଦ୍ଧା ମୂଳ ବାଲେଶ୍ୱର ଜିଲାରୁ ଭଦ୍ରକ ଜିଲ୍ଲା ନ୍ୟାୟପାଳିକା ଅଲଗା ହୋଇଗଲା । ପ୍ରାରମ୍ଭରୁ ଭଦ୍ରକ ଜିଲ୍ଲା ନ୍ୟାୟପାଳିକାର ଜିଲ୍ଲା ଓ ଦୌରା ବିଚାରପତିଙ୍କ ତାଲିକା ନିମ୍ନରେ ଦିଆଯାଇଛି ।[୨]
| କ୍ରମିକ
ସଂଖ୍ୟା |
ଜିଲ୍ଲା ଜଜ ମାନଙ୍କ ନାମ | ସେବା ଅବଧି | |
|---|---|---|---|
| ଠାରୁ | ପର୍ଯ୍ୟନ୍ତ | ||
| ୧ | ଶ୍ରୀ ମିହିର ରଞ୍ଜନ ପରିଡ଼ା | 21/05/2011 | 15/07/2013 |
| ୨ | ଡ଼ଃ ସୂର୍ଯ୍ୟମଣି ମହାପାତ୍ର | 17/07/2013 | 31/12/2015 |
| ୩ | ଶ୍ରୀ ଧୀରେନ୍ଦ୍ର କୁମାର ପଟନାୟକ | 26/02/2016 | 28/02/2017 |
| ୪ | ଶ୍ରୀ ରତିକାନ୍ତ ମହାପାତ୍ର | 19/04/2017 | 31/08/2017 |
| ୫ | ଶ୍ରୀ ଶୋଭନ କୁମାର ଦଶ | 13/11/2017 | 22/11/2019 |
| ୬ | ଶ୍ରୀ ଶିଶିର କୁମାର ରଥ | 27/11/2019 | 24/11/2021 |
| ୭ | ଶ୍ରୀ ପ୍ରଦ୍ୟୁମ୍ନ କୁମାର ନାୟକ | 29/11/2021 | 29/09/2023 |
| ୮ | ଶ୍ରୀ ସଂଗ୍ରାମ କେଶରୀ ପଟନାୟକ | 03/10/2023 | 19/12/2025 |
ଅନ୍ୟାନ୍ୟ ଅଦାଲତ
[ସମ୍ପାଦନା]- ପରିବାର ଅଦାଲତ, ଭଦ୍ରକ
- ଅତିରିକ୍ତ ଜିଲ୍ଲା ଅଦାଲତ, (FTSC),ଭଦ୍ରକ
- ଅତିରିକ୍ତ ଜିଲ୍ଲା ଅଦାଲତ, ଭଦ୍ରକ
- ଅତିରିକ୍ତ ଜିଲ୍ଲା ବିଚାରପତି ତଥା ପୋକ୍ସୋ (POCSO),ଆଇନ ଅଧିନରେ ସ୍ଵତନ୍ତ୍ର ବିଚାରପତିଙ୍କ ଅଦାଲତ, ଭଦ୍ରକ
- ମୁଖ୍ୟ ବିଚାର ବିଭାଗୀୟ ଦଣ୍ଡାଧିକାରିଙ୍କ ଅଦାଲତ, ଭଦ୍ରକ
- ଦେୱାନି ଅଦାଲତ (ବରିଷ୍ଠ ବିଭାଗ), ଭଦ୍ରକ
- ଅତିରିକ୍ତ ଦେୱାନି ଅଦାଲତ (ବରିଷ୍ଠ ବିଭାଗ)-ତଥା-ରେଜିଷ୍ଟ୍ରାରଙ୍କ ଅଦାଲତ, ଭଦ୍ରକ
- ଅତିରିକ୍ତ ଦେୱାନି ଅଦାଲତ (ବରିଷ୍ଠ ବିଭାଗ), ଭଦ୍ରକ
- ଅତିରିକ୍ତ ଦେୱାନି ଅଦାଲତ (କନିଷ୍ଠ ବିଭାଗ), ଭଦ୍ରକ
- ସବ ଡିଭିଜନାଲ ଜୁଡିସିଆଲ ମାଜିଷ୍ଟ୍ରେଟଙ୍କ ଅଦାଲତ, ଭଦ୍ରକ
- ପ୍ରଥମ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରିଙ୍କ ଅଦାଲତ-୧ (ସଜ୍ଞାନ ନେବା ଅଧିକାର), ଭଦ୍ରକ
- ପ୍ରଥମ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରିଙ୍କ ଅଦାଲତ-୨ (ସଜ୍ଞାନ ନେବା ଅଧିକାର), ଭଦ୍ରକ
- ପ୍ରଥମ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରିଙ୍କ ଅଦାଲତ, ଭଦ୍ରକ
- ଗ୍ରାମ ନ୍ୟାୟାଳୟ,ଧାମନଗର
- ଅତିରିକ୍ତ ଦେୱାନି ଅଦାଲତ (ବରିଷ୍ଠ ବିଭାଗ)-ତଥା-ଏ ଏସ୍ ଜେଙ୍କ ଅଦାଲତ, ବାସୁଦେବପୁର
- ପ୍ରଥମ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରୀ, ବାସୁଦେବପୁର
- ପ୍ରଥମ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରୀ, ଧାମନଗର
ଭାଗିଦାରୀ ସଂସ୍ଥାନ
[ସମ୍ପାଦନା]- ଜିଲ୍ଲା ଆଇନ ସେବା ପ୍ରାଧିକରଣ, ଭଦ୍ରକ
- ଜିଲ୍ଲା ବାର ଆସୋସିଏସନ, ଭଦ୍ରକ
- ଫ୍ରଣ୍ଟ ଅଫିସ୍, ଭଦ୍ରକ
ଆଧାର
[ସମ୍ପାଦନା]- ↑ "District & Sessions Judge Court, Bhadrak | India". bhadrak.dcourts.gov.in (in ଆମେରିକୀୟ ଇଂରାଜୀ). Archived from the original on 2025-04-18. Retrieved 2025-12-24.
- ↑ "Former Judges". bhadrak.dcourts.gov.in/. Retrieved 24 December 2025.[permanent dead link]
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |