ଜାଳିକାଟୁ

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ

ଜାଳିକାଟୁ ତାମିଲଅଧିବାସୀଙ୍କ ଏକ ମନୋରଞ୍ଜନଧର୍ମୀ କ୍ରୀଡ଼ା । ତାମିଲନାଡ଼ୁର ଗାଁଠୁ ସହର ପର୍ଯ୍ୟନ୍ତ ବିଭିନ୍ନ ସ୍ଥାନରେ ବିଶେଷ କରି ପୋଙ୍ଗଲ ଅବସରରେ ଜାଳିକାଟୁ କ୍ରୀଡ଼ା ଆୟୋଜନ କରାଯାଇଥାଏ ।[୧]

(ଇଂରାଜୀ: Jallikattu) (ତାମିଲ: ஜல்லிக்கட்டு ଅନ୍ୟନାମ: சல்லிக்கட்டு, ஏறுதழுவல், மஞ்சு விரட்டு) [୨] ଏକ ପ୍ରାଚୀନ ଷଣ୍ଢ କ୍ରୀଡ଼ା । ଜାଳିକାଟୁ ଦୁଇଟି ଶବ୍ଦର ସମାହାର । ସାଲ୍ଲୀ ଅର୍ଥ ମୁଦ୍ରା ଓ କାଟ୍ଟୁର ଅର୍ଥ ହେଉଛି ପୁଡ଼ିଆ । ଷଣ୍ଢର ଶିଙ୍ଗରେ ପୁରସ୍କାର ରାଶି ଥିବା ଏକ ପୁଡ଼ିଆ ବାନ୍ଧି ଦିଆଯାଇଥାଏ । ଜେଲିକଟ (jellicut) ପ୍ରଜାତିର ଦେଶୀ ଷଣ୍ଢ ଏଥିରେ ଅଂଶ ଗ୍ରହଣ କରନ୍ତି ।[୩] ୪୦୦-୧୦୦ଖ୍ରୀଅ ସମୟରୁ ଜାଳିକାଟୁ ପରିଚିତ ହୋଇଥିବାର ଶୁଣାଯାଏ ।[୪][୫] ଏହା ପ୍ରାଚୀନ ସଭ୍ୟତାର ତାମିଲନାଡୁର 'ମୁଲିଆ' ଭୌଗଳିକ କ୍ଷେତ୍ରର ଆୟାରମାନଙ୍କର ସାଧାରଣ ଖେଳ ।[୬]

ଜାଳିକାଟୁ ସମୟରେ ଏକ ଧାବମନ ଉଗ୍ର ଷଣ୍ଢକୁ ଜନଗହଳି ମଧ୍ୟଙ୍କୁ ଛାଡ଼ିଦିଆଯାଏ । ଏଥିରେ ଅଂଶଗ୍ରହଣ କରୁଥିବା ଯୁବକମାନେ ଷଣ୍ଢର କୁଜକୁ ଧରି ଚଢ଼ି ଯେତେ ଅଧିକ ସମୟ ପାରିବେ ବସିରହିବାକୁ ଚେଷ୍ଟା କରନ୍ତି । ଷଣ୍ଢକୁ ଆୟତ୍ତ କରି ତାକୁ ଅଟକାଇଥାଆନ୍ତି ।[୭] କେତେକ କ୍ଷେତ୍ରରେ ପ୍ରତିଯୋଗୀମାନେ ଷଣ୍ଢର ଶିଙ୍ଘରେ ବନ୍ଧାଯାଇଥିବା ଲାଲ ନାଲି ବାନାକୁ ଖୋଲିବା ପାଇଁ ବେଶୀ ସମୟ ବସିବା ଜରୁରୀ ହୋଇଥାଏ ।[୭] ଗ୍ରାମବାସୀ ଦେଶୀ ଷଣ୍ଢଗୁଡ଼ିକୁ କେବଳ ଏଇ ଖେଳ ପାଇଁ ପ୍ରଜନନ କରାଇ ପାଳିଥାନ୍ତି । ଏଇ ମନ୍ଦିର ଷଣ୍ଢ ଗ୍ରାମର ସମସ୍ତ ଗୃହ ପାଳିତ ପଶୁଙ୍କ ମୁଖିଆ ହୋଇଥାନ୍ତି । ବିଶେଷ ପାର୍ବଣ ଦିନମାନଙ୍କରେ ମନ୍ଦିର ଷଣ୍ଢମାନଙ୍କ ପୂଜାର୍ଚ୍ଚନା କରାଯାଏ । ଜାଳିକାଟୁଖେଳରେ ଯୋଗଦେବାକୁ ପୁରସ୍କାରମାନ ଘୋଷଣା କରାଯାଇ ଯୁବକମାନଙ୍କୁ ଯୋଗଦେବା ପାଇଁ ଆକୃଷ୍ଟ ଓ ଉତ୍ସାହିତ କରାଯାଏ । ଖେଳ ପରେ ଦୁର୍ବଳ ଷଣ୍ଢ ମାନଙ୍କୁ ଘରୋଇକ୍ଷେତ୍ରରେ ନିୟୋଜିତ କରାଯାଏ । ଧରାଶାୟୀ ହୋଇନଥିବା ଲଢ଼ୁଆ ଷଣ୍ଢମାନଙ୍କୁ ଗାଈଙ୍କ ସହ ପ୍ରଜନନ କରି ଉତ୍ତମ ପିଢ଼ି ବାଛୁରୀ ପାଇବା ସକାଶେ ରଖାଯାଏ ।

ବିବାଦ[ସମ୍ପାଦନା]

ଏହା ଏକ ରକ୍ତ ସଂଘର୍ଷର ଖେଳ । ଏଥିରେ ମୃତାହତ ହେବାର ସମ୍ଭାବନା ବେଶୀ ରହିଥାଏ ।[୮] ୨୦୧୦ରୁ ୨୦୧୪ ମସିହା ମଧ୍ୟରେ ଜାଳିକାଟୁ କ୍ରୀଡ଼ା ସମୟରେ ପାଖାପାଖି ୧,୧୦୦ ଆହତ ଓ ୧୭ଟି ମୃତ୍ୟୁ ଘଟଣା ଘଟିଥିଲା । ଗତ ଦୁଇ ଦଶନ୍ଧିରେ ୨୦୦ରୁ ଅଧିକ ଲୋକ ଏଥିରେ ଅଂଶ ଗ୍ରହଣ କରି ମୃତ୍ୟୁବରଣ କରିଥିଲେ । ୨୦୦୪ମସିହାରୁ ପେଟା ଭାରତ ଜାଳିକାଟୁକୁ ରକ୍ତର ଖେଳ ଜୀବଜନ୍ତୁଙ୍କ ଉପରେ ଅତ୍ୟାଚାର ଦର୍ଶାଇ ବିରୋଧ ପ୍ରଦର୍ଶନ କରିଆସୁଥିଲା । [୯] ୨୦୧୪ ମସିହାରେ ଜାଳିକାଟୁକୁ ବିରୋଧ କରି ଅନେକ ପଶୁ କାର୍ଯ୍ୟକର୍ତ୍ତା ଏହା ଉପରେ ପ୍ରତିବନ୍ଧକ ଲଗାଇବାକୁ ସୁପ୍ରିମ କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ପଶୁ କ୍ରୁରତା ନିବାରଣ ଆଇନ-୧୯୬୦କୁ ଏହା ବିରୁଦ୍ଧାଚରଣ କରୁଥିବାରୁ ସୁପ୍ରିମକୋର୍ଟ ଏକ ମାମଲାରେ ଜାଳିକାଟୁକୁ ନିଷେଦ୍ଧ କରିବା ପାଇଁ ରାୟ ଦେଇଥିଲେ ।[୧୦] ୨୦୧୬ ଜାନୁଆରି ୭ତାରିଖରେ କେନ୍ଦ୍ର ସରକାର ଏହି ଖେଳରେ ଷଣ୍ଢ ବ୍ୟବହାର ନେଇ ସବୁଜ ସଙ୍କେତ ଦେଇ ଅଧିସୂଚନା ଜାରି କରିଥିଲେ । ପରମ୍ପରା ଅନୁସାରେ ଜାଳିକାଟୁ ଖେଳରେ ଷଣ୍ଢର ବ୍ୟବହାର କରାଯାଇପାରିବ ବୋଲି ସରକାର ମତ ରଖିଥିଲେ ।[୧୧] ଏହାକୁ ନେଇ କୋର୍ଟ ସରକାରଙ୍କଠାରୁ ଜବାବ ମାଗିବା ସହ ୨୦୧୪ରେ ସର୍ବୋଚ୍ଚ ନ୍ୟାୟାଳୟ ଜାଳିକାଟୁ ଉପରେ ଲଗାଇଥିବା କଟକଣାର ଉଲ୍ଲଙ୍ଘନ କରାଯାଇପାରିବ ନାହିଁ ବୋଲି କହିଥିଲେ ।[୧୨]

୨୦୧୭ ମସିହା ଜାନୁଆରୀ ୧୪ ତାରିଖରୁ[୧୩] ଜାଳିକାଟୁ ଉପରୁ କଟକଣା ହଟାଇ ଏହାକୁ ପ୍ରଦର୍ଶନ କରିବା ପାଇଁ ଚେନ୍ନାଇର ମାରିନା ବିଚଠାରେ ସପକ୍ଷବାଦୀ ବିକ୍ଷୋଭକାରୀ ମାନେ ଏକତ୍ରିତ ହୋଇ ମାନବ ଶୃଙ୍ଖଳ ଗଠନ କରିଥିଲେ । ଏଥିରେ ବିଭିନ୍ନ ଦଳର ନେତାଙ୍କ ସମେତ ତାମିଲ ସିନେମାର ବହୁ ଅଭିନେତା ମଧ୍ୟ ଯୋଗ ଦେଇଥିଲେ । ଏମାନେ କେନ୍ଦ୍ର ସରକାର ଓ ପିପୁଲ ଫର ଦି ଏଥିକାଲ ଟ୍ରିଟମେଣ୍ଟ ଅଫ ଆନିମଲସ (ପେଟା) ସଂଗଠନ ବିରୋଧରେ ନାରାବାଜି କରିଥିଲେ ।[୧୪] [୧୫]

ଆଧାର[ସମ୍ପାଦନା]

  1. "ସୁପ୍ରିମକୋର୍ଟର କଟକଣା ସତ୍ତ୍ୱେ ତାମିଲନାଡ଼ୁରେ ଜାଲିକାଟୁ". ସମ୍ବାଦ. Retrieved 19 January 2017. 
  2. "What is Jallikattu? - This 2,000-year-old sport is making news in India. Here's why - The Economic Times". Retrieved 17 January 2017. 
  3. http://www.hindustantimes.com/india-news/politics-of-pongal-outrage-over-jallikattu-but-not-over-drought/story-7KOJUrvB0J3SwOnHXnPbjL.html
  4. François Gautier. A Western Journalist on India: The Ferengi's Columns. 
  5. Grushkin, Daniel (22 March 2007). "Fearless Boys with Bulls in Avaniapuram". The New York Times. http://travel.nytimes.com/2007/03/22/travel/21webletter.html. "The ritual dates back as far as 2,000 years..." 
  6. "Who said bullfighting is cruel?". Firstpost. 12 January 2012. http://www.firstpost.com/india/who-said-bullfight-is-cruel-go-to-hell-its-our-tradition-180408.html. 
  7. ୭.୦ ୭.୧ Anugula, Himakiran. "Banning Jallikattu Will Decimate India's Indigenous Cattle Breeds - The Wire". Retrieved 17 January 2017. 
  8. http://www.dharitri.com/Bhubaneswar/190117/p6.htm
  9. "What is Jallikattu - 5 things that make it controversial". ଜୀ ନ୍ୟୁଜ. Retrieved 19 January 2017. 
  10. J.Venkatesan (8 May 2014). "Supreme Court bans Jallikattu in Tamil Nadu". The Hindu. http://www.thehindu.com/news/national/tamil-nadu/supreme-court-bans-jallikattu-in-tamil-nadu/article5986025.ece. 
  11. "Centre allows Jalikattu". The Hindu. 8 January 2016. http://www.thehindu.com/news/national/centre-allows-tn-to-conduct-jallikattu/article8081472.ece. 
  12. "ଜାଲିକାଟୁ ରାୟ ଆବେଦନକୁ ଖାରଜ କଲେ ସୁପ୍ରିମ କୋର୍ଟ". ସମ୍ବାଦ. Retrieved 18 January 2017. 
  13. "Supreme Court refuses to vacate stay on Jallikattu order". The Hindu. 13 January 2016. http://www.thehindu.com/news/national/supreme-court-refuses-to-vacate-stay-on-jallikattu-order/article8102180.ece. 
  14. "ଜାଲିକାଟୁ: ତାମିଲନାଡ଼ୁ ସାରା ପୁଲିସ ଛାଉଣି, ମଦୁରାଇରେ ୨୪୦ ଅଟକ". ସମ୍ବାଦ. Retrieved 18 January 2017. 
  15. "ଜାଲିକାଟୁ ସମର୍ଥନରେ ଗଣ ବିକ୍ଷୋଭ: ମାରିନା ବିଚ୍‌ରେ ଏକତ୍ରିତ ହେଲେ ୩ହଜାର". ସମ୍ବାଦ. Retrieved 18 January 2017.