ଜରାୟୁ ଗ୍ରୀବା ପଲିପ

Cervical polyp
Endocervical polyp; polyp of cervix uteri
Drawing of a cervical polyp
ବିଭାଗ	Gynecology
ଲକ୍ଷଣ	None, vaginal bleeding after sex, vaginal discharge
ଆକ୍ରାନ୍ତ ସମୟ	>40-years old
କାରଣ	Unknown
ବିପଦ କାରକ	Prior births or sexually transmitted infections
ରୋଗ ନିର୍ଣ୍ଣୟ ପଦ୍ଧତି	Speculum examination, histological examination
ସଠିକ ରୋଗ ନିର୍ଣ୍ଣୟ	Fibroids, cervical cancer, endometrial polyp, cervical ectropion, endometriosis
ଚିକିତ୍ସା	None, removal
ପୁନଃପୌନିକ	Common

ଜରାୟୁ ଗ୍ରୀବା ପଲିପ (ଇଂରାଜୀ ଭାଷାରେ cervical polyp) ହେଉଛି ଗର୍ଭାଶୟ କେନାଲର ଭିତର ଭାଗରେ ସୃଷ୍ଟି ହେଉଥିବା ଏକ ବୃଦ୍ଧି । ଏହି ରୋଗରେ ସାଧାରଣତଃ ଲକ୍ଷଣ ଦେଖାଏ ନାହିଁ; ତଥାପି, ବେଳେବେଳେ ଯୌନ ସମ୍ଭୋଗ ପରବର୍ତ୍ତୀ ରକ୍ତସ୍ରାବ କିମ୍ବା ଯୋନି ସ୍ରାବ ହେବା ଦେଖାଯାଇପାରେ । ବିରଳ ଜଟିଳତାରେ ଅନୁର୍ବରତା ହୋଇପାରେ ଏବଂ ସେଗୁଡ଼ିକ ଏଣ୍ଡୋମେଟ୍ରିଆଲ୍ ପଲିପ୍ ସହିତ ଜଡ଼ିତ ହୋଇପାରେ ।

ଏହି ରୋଗର କାରଣ ଜଣା ନାହିଁ । ବିପଦର କାରକଗୁଡ଼ିକ ମଧ୍ୟରେ ଏକାଧିକ ପୂର୍ବ ପ୍ରସବ କିମ୍ବା ଯୌନ‌ କ୍ରିୟା ସଞ୍ଚାରିତ ରୋଗ ସମୂହ ହୋଇପାରେ । ଏଗୁଡ଼ିକ ଏକକ ବୃଦ୍ଧି ଭାବରେ ଦେଖାଯାଏ ଏବଂ ଆକାରରେ ଏକ ସେଣ୍ଟିମିଟରରୁ କମ୍ ଥାଏ, ଯଦିଓ ଏହା କ୍ୱଚିତ୍ ବହୁତ ବଡ଼ ଆକାରର ହୋଇପାରେ । ସେମାନଙ୍କର ରଙ୍ଗ ଧୂସରରୁ ଲାଲ ପର୍ଯ୍ୟନ୍ତ ଭିନ୍ନ ଭିନ୍ନ ଇପାରେ । ଅଧିକାଂଶ ଗୁରୁତର ନୁହଁନ୍ତି; ଋତୁବନ୍ଦ ପରେ ୦.୨%ରୁ ୧.୫% ପୂର୍ବ କର୍କଟ ରୋଗ କିମ୍ବା କର୍କଟ ରୋଗର ଶିକାର ହୋଇଥାଏ । ସାଧାରଣତଃ ସ୍ପେକୁଲମ୍ ପରୀକ୍ଷା ଉପରେ ଆଧାର କରି ରୋଗ ନିର୍ଣ୍ଣୟ ସନ୍ଦେହ କରାଯାଏ ଏବଂ ହିଷ୍ଟୋଲୋଜିକାଲ୍ ପରୀକ୍ଷା ଦ୍ୱାରା ନିଶ୍ଚିତ କରାଯାଏ ।

ଯେଉଁମାନଙ୍କର ଲକ୍ଷଣ ନାହିଁ ସେମାନଙ୍କ ପାଇଁ ନିର୍ଦ୍ଦିଷ୍ଟ ଚିକିତ୍ସା ଆବଶ୍ୟକ ନ ହୋଇପାରେ । ଯଦି କର୍କଟ ରୋଗର ଚିନ୍ତା ଥାଏ କିମ୍ବା ଲକ୍ଷଣ ଥାଏ ତେବେ ତାକୁ ବାହାର କରିବା ପାଇଁ ପରାମର୍ଶ ଦିଆଯାଏ । ବେଳେବେଳେ ଏହାକୁ ରିଙ୍ଗ ଫୋରସେପ୍ସ ସାହାଯ୍ୟରେ ମୋଡ଼ି ହାସଲ କରାଯାଇଥାଏ । ଦୀର୍ଘକାଳୀନ ଫଳାଫଳ ସାଧାରଣତଃ ଭଲ । ଅପସାରଣ ପରେ ଏଗୁଡ଼ିକର ପୁନରାବୃତ୍ତି ହୋଇପାରେ । ସର୍ଭିକାଲ୍ ପଲିପ୍ ସାଧାରଣତଃ ୨ରୁ ୫% ମହିଳାଙ୍କୁ କୁ ପ୍ରଭାବିତ କରିଥାଏ । ଏଗୁଡ଼ିକ ପ୍ରାୟତଃ ୪୦ ବର୍ଷ ବୟସରୁ ଅଧିକ ବୟସ୍କ ଲୋକଙ୍କଠାରେ ଦେଖାଯାଏ ।