ଚୁନିଲାଲ ବୈଦ୍ୟ
ଚୁନିଲାଲ ବୈଦ୍ୟ (୨ ସେପ୍ଟେମ୍ବର ୧୯୧୭ – ୧୯ ଡିସେମ୍ବର ୨୦୧୪) ଜଣେ ଭାରତୀୟ ସ୍ୱାଧୀନତା ସଂଗ୍ରାମୀ, କ୍ରାନ୍ତିକାରୀ, ଲେଖକ ଓ ଗାନ୍ଧୀବାଦୀ ଥିଲେ । ବ୍ରିଟିଶ ଭାରତର ଗୁଜରାଟରେ ଜନ୍ମିତ ଏହି ବ୍ୟକ୍ତିତ୍ୱ ଚୁନିକାକା ଭାବରେ ମଧ୍ୟ ଜଣାଶୁଣା ।
ଜୀବନୀ
[ସମ୍ପାଦନା]ଚୁନିଲାଲ ବୈଦ୍ୟ ୧୯୧୮ ମସିହାର ସେପ୍ଟେମ୍ବର ୨ ତାରିଖରେ ବ୍ରିଟିଶ ଭାରତ ଅନ୍ତର୍ଗତ ଗୁଜରାଟର ପାଟଣା ଜିଲ୍ଲାରେ ଜନ୍ମଗ୍ରହଣ କରିଥିଲେ । ସେ ଜଣେ ଗାନ୍ଧୀବାଦୀ ଥିଲେ ଏବଂ ସର୍ବୋଦୟ ସହିତ ଜଡ଼ିତ ଥିଲେ । ସେ ଭାରତୀୟ ସ୍ୱାଧୀନତା ସଂଗ୍ରାମରେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ ଏବଂ ପରେ ବିନୋବା ଭାବେଙ୍କ ଭୂଦାନ ଆନ୍ଦୋଳନରେ ମଧ୍ୟ ଯୋଗ ଦେଇଥିଲେ । ୧୯୬୦ ଦଶକରେ, ସେ ଆସାମର ଅଶାନ୍ତି ସମୟରେ, ଶାନ୍ତି ପାଇଁ କାମ କରିଥିଲେ । ସେ ଭୂମିପୁତ୍ରର ସମ୍ପାଦକ ଥିଲେ । ୧୯୭୫ ମସିହାରେ, ସେ ଇନ୍ଦିରା ଗାନ୍ଧୀଙ୍କ ଦ୍ୱାରା ଲାଗୁ ହୋଇଥିବା ଏମର୍ଜେନ୍ସିକୁ ସେ ବିରୋଧ କରିଥିଲେ ଏବଂ କାରାବରଣ କରିଥିଲେ । ୧୯୮୦ ମସିହାରେ, ସେ ଗୁଜରାଟ ଲୋକ ସମିତି ନାମକ ଏକ ସ୍ୱେଚ୍ଛାସେବୀ ସଂଗଠନର ପ୍ରତିଷ୍ଠା କରିଥିଲେ । ୨୦୦୨ ମସିହାରେ ଗୁଜରାଟରେ ହୋଇଥିବା ଦଙ୍ଗାର ସେ ସମାଲୋଚକ ଥିଲେ ।[୧][୨] ସେ ଆସାସିନେସନ୍ ଅଫ୍ ଗାନ୍ଧୀ: ଫ୍ୟାକ୍ଟସ୍ ଆଣ୍ଡ୍ ଫଲ୍ସହୁଡ୍ ଶୀର୍ଷକ ଏକ ବହି ଲେଖିଥିଲେ, ଯାହାକି ୧୧ଟି ଭାଷାରେ ଅନୁବାଦ ହୋଇ ପ୍ରକାଶିତ ହୋଇଥିଲେ ।[୧][୨] ୨୦୧୪ ମସିହାର ଡିସେମ୍ବର ୧୯ ତାରିଖରେ, ସେ ଅହମ୍ମଦାବାଦରେ ୯୭ ବର୍ଷ ବୟସରେ ମୃତ୍ୟୁବରଣ କରିଥିଲେ ।[୧][୨]
ପୁରସ୍କାର
[ସମ୍ପାଦନା]ସେ ସାମ୍ବାଦିକତା ପାଇଁ ସାନେ ଗୁରୁଜୀ ନିର୍ଭୟ ପତ୍ରକାରିତା ପୁରସ୍କାର ପାଇଥିଲେ । ସେ ମଧ୍ୟ ବିଶ୍ୱ ଗୁଜରାଟୀ ସମାଜ ଦ୍ୱାରା ବିଶ୍ୱ ଗୁଜରାଟୀ ପ୍ରତିଭା ପୁରସ୍କାର ପାଇଥିଲେ ।[୧][୨] ୨୦୧୦ ମସିହାରେ, ସେ ଜମ୍ନାଲାଲ ବଜାଜ ପୁରସ୍କାର ପାଇଥିଲେ ।[୩]
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ ୧.୩ "Gandhian Chunibhai Vaidya dies aged 97". Ahmedabad: Business Standard. Press Trust of India. 19 December 2014. Retrieved 18 January 2015.
- ↑ ୨.୦ ୨.୧ ୨.୨ ୨.୩ varsha (19 December 2014). "Veteran freedom fighter Chunibhai Vaidya passed away". Jagran Josh. Retrieved 18 January 2015.
- ↑ "Jamnalal Bajaj Award". Jamnalal Bajaj Foundation. 2015. Retrieved 13 October 2015.[permanent dead link]