ଗୌରୀଶ୍ୟାମ ମହାପାତ୍ର

ଗୌରୀଶ୍ୟାମ ମହାପାତ୍ର ଜଣେ ଓଡ଼ିଆ ମଞ୍ଚ ନିର୍ଦ୍ଦେଶକ ତଥା ଭୁବନେଶ୍ଵରର ସର୍ବପୂରାତନ ଓଡିଆ ଥିଏଟର ଗୃପ (ନାଟ୍ୟସଂସ୍ଥା) 'ଉତ୍ତରପୁରୁଷ'ର ସଂପାଦକ ଏବଂ ସଭାପତି ଥିଲେ ।

ସେ ଓଡ଼ିଶା ନାଟ୍ୟଜଗତର ଜଣେ ପ୍ରିୟ ନାଟ୍ୟକର୍ମୀ ଥିଲେ । ନିର୍ଦ୍ଦେଶକ ଭାବେ ଚଇତିଘୋଡ଼ା, ପାଶବିକ, ଈଶ୍ୱର ‌ଶୋଇଛନ୍ତି, ଶୁଣ ପରୀକ୍ଷ ଦଣ୍ଡାଧାରୀ, ବସ୍ତ୍ରହରଣ, ଗୋପୀ ସାହୁ ଦୋକାନ ଆଦି ୨୫ରୁ ଊର୍ଦ୍ଧ୍ବ ନାଟକରେ ନିର୍ଦ୍ଦେଶନା ଦେଇ ନିଜର ସ୍ବତନ୍ତ୍ର ଶୈଳୀ ସୃଷ୍ଟି କରିଥିଲେ । ଓଡ଼ିଶାର ପୂରାତନ ନାଟ୍ୟସଂସ୍ଥା ଉତ୍ତରପୁରୁଷର ପ୍ରତିଷ୍ଠାତା ସମ୍ପାଦକ ଭାବେ ଦୀର୍ଘ ୫୦ ବର୍ଷ ଧରି ନାଟ୍ୟ ଆନ୍ଦୋଳନରେ ଜଡ଼ିତ ଥିଲେ । ଶେଷ ବେଳକୁ ସେ ଉତ୍ତରପୁରୁଷର ସଭାପତି ଭାବେ ଦାୟିତ୍ବ ନିର୍ବାହ କରିଥିଲେ ।

୩ ନଭେମ୍ବର ୨୦୨୧ରେ କୋଭିଡ ମହାମାରୀରେ ଆକ୍ରାନ୍ତ ହୋଇ ସେ ମୃତ୍ୟୁବରଣ କରିଥିଲେ । ତା ପରଦିନ ସତ୍ୟନଗର ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା ।