କ୍ୟାମ୍ପାଇଲୋବ୍ୟାକ୍ଟେରିଓସିସ
| Campylobacteriosis | |
|---|---|
| Campylobacter food poisoning; campylobacter enteritis[୧] | |
 Cluster of curly-cue shaped, Campylobacter sp. bacteria | |
| ବିଭାଗ | Infectious disease |
| ଲକ୍ଷଣ | Bloody diarrhea, abdominal cramps, fever[୨][୩] |
| ଆକ୍ରାନ୍ତ ସମୟ | 2 to 10 days[୩] |
| ଅବଧି | < 1 week[୩] |
| କାରଣ | Campylobacter, typically spread by food[୩] |
| ରୋଗ ନିର୍ଣ୍ଣୟ ପଦ୍ଧତି | Stool culture, PCR testing[୨][୩] |
| ପ୍ରତିକାର | Good hand hygiene, food preparation[୩] |
| ଚିକିତ୍ସା | Supportive care, antibiotics (select cases)[୩] |
| Prognosis | Usually self-limited[୩] |
| ପୁନଃପୌନିକ | 100 million (2010)[୩] |
କ୍ୟାମ୍ପାଇଲୋବ୍ୟାକ୍ଟେରିଓସିସ (ଇଂରାଜୀ ଭାଷାରେ Campylobacteriosis) ହେଉଛି ଏକ କ୍ୟାମ୍ପାଇଲୋ ବ୍ୟାକ୍ଟେରିଅମ ଜୀବାଣୁର ଏକ ସଂକ୍ରମଣ ଯାହା ସାଧାରଣତଃ ତରଳ ଝାଡ଼ା ସୃଷ୍ଟି କରେ ।[୨] [୪] ଲକ୍ଷଣଗୁଡ଼ିକରେ ରକ୍ତାକ୍ତ ଝାଡ଼ା, ପେଟ ଯନ୍ତ୍ରଣା ଏବଂ ଜ୍ୱର ହୋଇପାରେ ।[୨] [୩] ସାଧାରଣତଃ ସଂସ୍ପର୍ଶରେ ଆସିବାର ଦୁଇରୁ ଚାରି ଦିନ ପରେ ରୋଗ ଆରମ୍ଭ ହୁଏ, କିନ୍ତୁ ଦଶ ଦିନ ପରେ ମଧ୍ୟ ହୋଇପାରେ ।[୩] କ୍ଷଣସ୍ଥାୟୀ ଜଟିଳତାରେ ଡିହାଇଡ୍ରେସନ୍ କିମ୍ବା ସେପ୍ସିସ୍ ହୋଇପାରେ ଓ ଦୀର୍ଘକାଳୀନ ଜଟିଳତାରେ ଇରିଟେବ୍ଲ ବାୱେଲ୍ ସିଣ୍ଡ୍ରୋମ୍, ପ୍ରତିକ୍ରିୟାଶୀଳ ଆର୍ଥ୍ରାଇଟିସ୍ କିମ୍ବା ଗୁଲେନ୍-ବାରେ ସିଣ୍ଡ୍ରୋମ୍ ହୋଇପାରେ । [୩]
୧୮ ରୁ ଅଧିକ ପ୍ରକାରର କ୍ୟାମ୍ପାଇଲୋବ୍ୟାକ୍ଟର ଏଥିରେ ସାମିଲ ଅଛନ୍ତି ଯେଉଁଥିରେ ସବୁଠାରୁ ସାଧାରଣ ହେଉଛି ସି. ଜେଜୁନି । [୩] ଏହା ସାଧାରଣତଃ ଏକ ଖାଦ୍ୟଜନିତ ରୋଗ ଯାହା ଖରାପ ରନ୍ଧା ହୋଇଥିବା କୁକୁଡ଼ା ଖାଇବା ଦ୍ୱାରା ହୁଏ ।[୪] ଅନ୍ୟାନ୍ୟ ଖାଦ୍ୟ, ଅଣପାଷ୍ଟୁରାଇଜଡ୍ କ୍ଷୀର କିମ୍ବା ଦୂଷିତ ପାଣି ଯୋଗୁ ହୋଇପାରେ ।[୪] [୩] ଏହା ଜୀବାଣୁ, ବାହକ ପାଳିତ ପଶୁମାନଙ୍କ ସମେତ ପଶୁମାନଙ୍କୁ ବ୍ୟବହାର କରିବା ସମୟରେ ମଧ୍ୟ ହୋଇପାରେ ।[୪] [୩] ସାଧାରଣତଃ ମଳ କଲଚର ଦ୍ୱାରା ରୋଗ ନିର୍ଣ୍ଣୟ କରାଯାଏ, ଯଦିଓ ପିସିଆର
(PCR) ପରୀକ୍ଷା ଦ୍ୱାରା ମଧ୍ୟ ହୁଏ ।[୨] [୩]
ଭଲ ଭାବରେ ହାତ ପରିଷ୍କାର ପରିଚ୍ଛନ୍ନ ଏବଂ ଖାଦ୍ୟ ଓ ପାଣି ପାଇଁ ସତର୍କତା ଦ୍ୱାରା ଏହା ପ୍ରତିରୋଧ କରାଯାଇପାରିବ । [୩] ସାଧାରଣତଃ ଯେଉଁମାନେ ଅନ୍ୟଥା ସୁସ୍ଥ ଅଛନ୍ତି, ସହାୟକ ଯତ୍ନ ସହିତ ଗୋଟିଏ ସପ୍ତାହ ମଧ୍ୟରେ ଏହାର ସମାଧାନ ହୋଇଯାଏ ।[୩] ଗୁରୁତର କ୍ଷେତ୍ରରେ ଆଜିଥ୍ରୋମାଇସିନ୍ ଭଳି ଆଣ୍ଟିବାୟୋଟିକ୍ ବ୍ୟବହାର କରାଯାଇପାରେ। [୨] [୩] ଫ୍ଲୋରୋକ୍ୱିନୋଲୋନ୍ ପ୍ରତି ଏହାର ସାଧାରଣତଃ ପ୍ରତିରୋଧ ଥାଏ ।[୨] [୩]
କ୍ୟାମ୍ପାଇଲୋବ୍ୟାକ୍ଟେରିଓସିସ ହେଉଛି ସବୁଠାରୁ ସାଧାରଣ ଜୀବାଣୁ ସଂକ୍ରମଣ ମଧ୍ୟରୁ ଏକ, ଯାହା ୨୦୧୦ ମସିହାରେ ପ୍ରାୟ ୧୦୦ ନିୟୁତ ମାମଲା ହୋଇଥିଲା ।[୩] ଏହା ନିମ୍ନ ଏବଂ ମଧ୍ୟମ ଆୟକାରୀ ଦେଶମାନଙ୍କରେ ତରଳ ଝାଡ଼ାର ଏକ ସାଧାରଣ କାରଣ । [୨] ଯୁକ୍ତରାଷ୍ଟ୍ରରେ ପ୍ରତିବର୍ଷ ପ୍ରାୟ ୧.୫ ନିୟୁତ ମାମଲା ଘଟେ ଏବଂ ଯୁକ୍ତରାଜ୍ୟରେ ପ୍ରତିବର୍ଷ ଅତି କମରେ ୫୦,୦୦୦ ମାମଲା ଘଟେ । [୩] [୨] ପୁରୁଷମାନେ ମହିଳାମାନଙ୍କ ତୁଳନାରେ ଅଧିକ ଆକ୍ରାନ୍ତ ହୁଅନ୍ତି ।[୩] ଆଫ୍ରିକା, ଏସିଆ ଏବଂ ଦକ୍ଷିଣ ଆମେରିକାରେ ଯାତ୍ରା କରୁଥିବା ସମୟରେ ଏହାର ସଙ୍କଟ ସବୁଠାରୁ ଅଧିକ। [୩] ଏହି ମାମଲାଗୁଡ଼ିକ ଆଉଟବ୍ରେକ ବା ପ୍ରାଦୁର୍ଭାବର ଅଂଶ ଭାବରେ ମଧ୍ୟ ଘଟିପାରେ ।[୩] ଏହି ରୋଗକୁ ପ୍ରଥମେ ୧୮୮୬ ମସିହାରେ ଥିଓଡୋର ଏସଚେରିଚ୍ ବର୍ଣ୍ଣନା କରିଥିଲେ ।[୫]
ଆଧାର
[ସମ୍ପାଦନା]- ↑ "Campylobacter infection: MedlinePlus Medical Encyclopedia". medlineplus.gov (in ଇଂରାଜୀ). Archived from the original on 27 July 2019. Retrieved 20 July 2019.
- ↑ ୨.୦ ୨.୧ ୨.୨ ୨.୩ ୨.୪ ୨.୫ ୨.୬ ୨.୭ ୨.୮ Barlow, Gavin; Irving, William L.; Moss, Peter J. (2020). "20. Infectious disease". In Feather, Adam; Randall, David; Waterhouse, Mona (eds.). Kumar and Clark's Clinical Medicine (in ଇଂରାଜୀ) (10th ed.). Elsevier. pp. 539–541. ISBN 978-0-7020-7870-5. Archived from the original on 6 May 2022. Retrieved 6 May 2022.
- ↑ ୩.୦୦ ୩.୦୧ ୩.୦୨ ୩.୦୩ ୩.୦୪ ୩.୦୫ ୩.୦୬ ୩.୦୭ ୩.୦୮ ୩.୦୯ ୩.୧୦ ୩.୧୧ ୩.୧୨ ୩.୧୩ ୩.୧୪ ୩.୧୫ ୩.୧୬ ୩.୧୭ ୩.୧୮ ୩.୧୯ ୩.୨୦ ୩.୨୧ ୩.୨୨ ୩.୨୩ ୩.୨୪ "Campylobacteriosis | CDC Yellow Book 2024". wwwnc.cdc.gov. CDC. Archived from the original on 30 December 2024. Retrieved 27 January 2025.
- ↑ ୪.୦ ୪.୧ ୪.୨ ୪.୩ "About Campylobacter infection". Campylobacter Infection (Campylobacteriosis) (in ଆମେରିକୀୟ ଇଂରାଜୀ). 16 January 2025. Archived from the original on 26 January 2025. Retrieved 27 January 2025.
- ↑ Microbiology of Waterborne Diseases: Microbiological Aspects and Risks (in ଇଂରାଜୀ). Academic Press. 8 November 2013. p. 66. ISBN 978-0-12-415976-1.