କୃଷ୍ଣଚନ୍ଦ୍ର ପାତ୍ର (ନାଟ୍ୟକାର)

କୃଷ୍ଣଚନ୍ଦ୍ର ପାତ୍ର
ଜନ୍ମ	କଙ୍କଡ଼ାପାଳ, ବାଲିଆପାଳ, ବାଲେଶ୍ୱର, ଓଡ଼ିଶା
ଜାତୀୟତା	ଭାରତୀୟ
ବୃତ୍ତି	ନାଟ୍ୟକାର (ଯାତ୍ରା)
ସକ୍ରିୟ ବର୍ଷ	୨୦୧୧ରୁ ଏପର୍ଯ୍ୟନ୍ତ
ପିତାମାତା	ଶମ୍ଭୁନାଥ ପାତ୍ର (ପିତା), ଅନ୍ନପୂର୍ଣ୍ଣା ପାତ୍ର (ମାତା)

କୃଷ୍ଣଚନ୍ଦ୍ର ପାତ୍ର ଜଣେ ଓଡ଼ିଆ ନାଟ୍ୟକାର ଓ ଅଧ୍ୟାପକ ଏବଂ ଅନେକ ଯାତ୍ରାନାଟକ ରଚନା ନିମନ୍ତେ ଜଣାଶୁଣା। ୨୦୧୧ ମସିହାରୁ ସେ ପ୍ରଥମ ଥର ପାଇଁ ଯାତ୍ରାନାଟକ ରଚନା କରିବା ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ କୋଣାର୍କ ଗଣନାଟ୍ୟ, ତ୍ରିନାଥ ଗଣନାଟ୍ୟ, ଯାତ୍ରା ସିଂହବାହିନୀ, ଯାତ୍ରା ଦର୍ଶକ ମହଲ, ତୁଳସୀ ଗଣନାଟ୍ୟ, ବାଘାଯତୀନ ଲୋକନାଟ୍ୟ ଆଦି ଯାତ୍ରା ଦଳ ପାଇଁ ନାଟକ ରଚନା କରିଥିଲେ ।

ସଂକ୍ଷିପ୍ତ ଜୀବନୀ

କୃଷ୍ଣଚନ୍ଦ୍ର ବାଲେଶ୍ୱର ଜିଲ୍ଲାର ବାଲିଆପାଳ ବ୍ଲକ ଅନ୍ତର୍ଗତ କଙ୍କଡ଼ାପାଳ ଗ୍ରାମରେ ସେ ଜନ୍ମଗ୍ରହଣ କରିଥିଲେ।

ସାହିତ୍ୟ ରଚନା

ସେ ପ୍ରଥମେ ନିଜ ଗ୍ରାମର କ୍ଲବ୍ ପାଇଁ ଯାତ୍ରା ଲେଖୁଥିଲେ। ପରେ ଫକୀର ମୋହନ ମହାବିଦ୍ୟାଳୟରେ ପଢ଼ୁଥିଲା ବେଳେ କଲେଜ ଡ୍ରାମା ପାଇଁ ନାଟକ ଲେଖା ଆରମ୍ଭ କରିଥିଲେ। ଏହାପରେ ରେଭେନ୍ସା ମହାବିଦ୍ୟାଳୟରେ ଅଧ୍ୟୟନ ସମୟରେ ସକ୍ରିୟ ଭାବେ ମଞ୍ଚ ଓ ବେତାର ନାଟକ ରଚନା କଲେ। ତେବେ ୨୦୧୧ରେ ସେ ବିଧିବଦ୍ଧ ଭାବେ ଉତ୍ତର ଓଡ଼ିଶାର ପାର୍ଥସାରଥୀ ଅପେରା ପାଇଁ ଫେରିଲେ ଦେବି ମୁଁ ଗୁରୁଦକ୍ଷିଣା ନାଟକ ଲେଖି ଲୋକଲୋଚନକୁ ଆସିଥିଲେ । କୃଷ୍ଣଚନ୍ଦ୍ର ଇଂରାଜୀ ଓ ଶିକ୍ଷାରେ ସ୍ନାତକୋତ୍ତର ଓ ଶିକ୍ଷାରେ ଏମ୍ ଫିଲ୍ ଓ ଡକ୍ଟରେଟ୍ କରିଥିଲେ । ଅଧ୍ୟାପନାକୁ ବୃତ୍ତି ରୂପେ ଆପଣେଇ ନେଇଥିଲେ ମଧ୍ୟ ନାଟକ ରଚନା କରିବା ତାଙ୍କର ନିଶା ଥିଲା । ଓଡ଼ିଶାର ଅନେକ ଆଗଧାଡ଼ିର ଯାତ୍ରା ନିର୍ଦ୍ଦେଶକ ଯଥା ଅଶ୍ରୁମୋଚନ ମହାନ୍ତି, ବିନୋଦ ରାଉତ, କିଶୋର ଖଣ୍ଡୁଆଳ, ଓ ତାପସ ସ୍ୱାଇଁ ତାଙ୍କ ନାଟକର ନିର୍ଦ୍ଦେଶନା ଦେଇଛନ୍ତି ।

ରଚିତ ନାଟକ

• କାଇଁଚ ମାଳି
• ଅନ୍ଧ-ମୁକ-ବଧିର
• କନିଆଁ କାନ୍ଦୁଛି କୋଣାରକରେ
• ମା'ଲୋ କଲିକତିଆ ବୋହୁ
• ସଙ୍ଗୀତ ସାଥି ସଙ୍ଗୀତା
• ମାୟାଜାଲ
• କଳଙ୍କିନୀ
• ସତ ସିନ୍ଦୂରକୁ ମିଛ କନିଆଁ
• ସବୁ ପ୍ରେମ ଗପ ଅଧାରୁ ସରେ