ଉପେନ୍ଦ୍ର ପ୍ରସାଦ ମହଲା
ଉପେନ୍ଦ୍ର ପ୍ରସାଦ ମହଲା | |
|---|---|
| ଜନ୍ମ | ୫ ମଇ ୧୯୫୮ ବାଣିତିଆ, ଭଦ୍ରକ |
| ବୃତ୍ତି(ସମୂହ) | ସାମ୍ବାଦିକ, ସାହିତ୍ୟିକ |
| ପିତାମାତା | ହରିବନ୍ଧୁ ମହଲା, ସୁଲୋଚନା ମହଲା |
| ପୁରସ୍କାର | ନାରଦ ସମ୍ମାନ, ୨୦୨୫ |
ଉପେନ୍ଦ୍ର ପ୍ରସାଦ ମହଲା ଜଣେ ଓଡ଼ିଆ ଭାଷୀ ସାହିତ୍ୟିକ ଓ ସାମ୍ବାଦିକ । ବୃତ୍ତି ଓ ପ୍ରବୃତ୍ତିଗତ ସଫଳତା ନିମନ୍ତେ ସେ ଅନେକ ସମ୍ମାନର ଅଧିକାରୀ ।
ସଂକ୍ଷିପ୍ତ ଜୀବନୀ
[ସମ୍ପାଦନା]ଉପେନ୍ଦ୍ର ଭଦ୍ରକ ଜିଲ୍ଲାରେ ଜନ୍ମଗ୍ରହଣ କରିଥିଲେ । ବାଣୀବିହାରରୁ ସ୍ନାତକୋତ୍ତର ସମାପ୍ତି ପରେ ସେ ସାମ୍ବାଦିକତାକୁ ହିଁ ବୃତ୍ତି ଭାବେ ଗ୍ରହଣ କରି ନେଇଥିଲେ । ଦୀର୍ଘ ୪ ଦଶନ୍ଧିରୁ ଅଧିକ ସମୟ ଧରି ସେ ଦୈନିକ ଧରିତ୍ରୀର ଫିଲଡ଼ ଓ ଡେକ୍ସ ରିପୋର୍ଟିଙ୍ଗ ଦାୟିତ୍ୱ ସମ୍ପାଦନ କରିବା ସହିତ ଦୈନିକ ପ୍ରମେୟରେ ମଧ୍ୟ କାର୍ଯ୍ୟ କରିଛନ୍ତି । ବାଟ ଅବାଟ ଧାରାବାହିକ ରଚନା କରିବା ସହ ଶତାଧିକ ବିଶିଷ୍ଟ ବ୍ୟକ୍ତିଙ୍କ ସାକ୍ଷାତକାର ସଂଗ୍ରହ କରିଛନ୍ତି । ସେ ଅନେକ ଫିଚର, କବିତା ଓ ଗଳ୍ପ ମଧ୍ୟ ରଚନା କରିଛନ୍ତି । ସାମ୍ବାଦିକତା କ୍ଷେତ୍ରରେ ଜଣେ ଉତ୍ତମ ପ୍ରଶିକ୍ଷକ ଭାବେ ସେ ଜଣାଶୁଣା । ସେ "ଗାଁ କନିଅର" ପତ୍ରିକା, ଭଦ୍ରକ କଲେଜରେ ପ୍ରାଚୀର ପତ୍ର "ପ୍ରତୀଚୀ" ତଥା ଦେବେନ୍ଦ୍ର ସ୍ମରଣିକା ସହିତ ୨୦ ବର୍ଷରୁ ଊର୍ଦ୍ଧ୍ବ ଧରିତ୍ରୀ ବାର୍ଷିକ ପତ୍ରିକାର ସମ୍ପାଦନା କରିଥିଲେ । ବାଣୀବିହାରରେ ପଢ଼ିବା ବେଳେ ମୋଟ ୫ଜଣ ସହପାଠୀଙ୍କ ସହ ମିଶି "ଅନ୍ୟ ସକାଳ" କବିତା ସଙ୍କଳନ ୧୯୮୨ରେ ପ୍ରକାଶ କରିଥିଲେ ।
ରଚନାବଳୀ
[ସମ୍ପାଦନା]- ରୋମାଞ୍ଚିତ ଅନ୍ଧାର (ଫିଚର)
- ନୀଳ ଶୂନ୍ୟର ସଖୀ (କବିତା)
- Innovative News Makers
- Blueprint for Success
ପୁରସ୍କାର ଓ ସମ୍ମାନ
[ସମ୍ପାଦନା]- ନାରଦ ସମ୍ମାନ, ୨୦୨୫[୧][୨]
- ଦିବ୍ୟାଲୋକ ସନ୍ଧାନେ ସାମ୍ବାଦିକ ରତ୍ନ ସମ୍ମାନ ୨୦୨୫
- ଖୋର୍ଦ୍ଧା ମହୋତ୍ସବ ସମ୍ମାନ
- ଷ୍ଟୋରୀ ମିରର ସମ୍ମାନ
- ପ୍ରତିଲିପି ପୁରସ୍କାର