ଆଜ୍‌ମା ତୀବ୍ରତା

ଆଜ୍‌ମା ତୀବ୍ରତା
Asthma flair-up, asthma episode, asthma attack, acute severe asthma
Change in airways during an asthma exacerbation
ବିଭାଗ	Emergency medicine
ଲକ୍ଷଣ	Worsening shortness of breath, wheezing, chest tightness, fast breathing, low oxygen
ବିପଦ କାରକ	Viral respiratory infections, exposure to allergens, insufficient inhaled steroids
ରୋଗ ନିର୍ଣ୍ଣୟ ପଦ୍ଧତି	Based on symptoms, forced expiratory volume (FEV1)
ଚିକିତ୍ସା	Oxygen, short acting beta agonist, ipratropium, steroids

ଆଜ୍‌ମା ତୀବ୍ରତା ହେଉଛି ଆଜ୍‌ମା ରୋଗ ଲକ୍ଷଣଗୁଡ଼ିକର ହଠାତ୍ ଖରାପ ହେବା । ଏଥିରେ ଅଣନିଶ୍ୱାସ ବୃଦ୍ଧି ପାଇବା, ଶ୍ୱାସକ୍ରିୟା ସମୟରେ ସଁ ସଁ ଶବ୍ଦ ହେବା, ଛାତି ଟାଇଟ ଲାଗିବା, ଦ୍ରୁତ ଶ୍ୱାସକ୍ରିୟା ହେବା କିମ୍ବା କମ୍ ଅମ୍ଳଜାନ ହେବା ହୋଇପାରେ । ଗୁରୁତର ଲକ୍ଷଣଗୁଡ଼ିକରେ ଦ୍ୱନ୍ଦ୍ୱ କିମ୍ବା ନିଶ୍ୱାସ ନେବାର ଶବ୍ଦ ନହେବା ଅନ୍ତର୍ଭୁକ୍ତ ହୋଇପାରେ ।

ସାଧାରଣତଃ ଜଣାଶୁଣା ଶ୍ୱାସରୋଗ ଥିବା ଲୋକଙ୍କଠାରେ ତୀବ୍ରତା ଦେଖାଯାଏ; ତଥାପି ଏହା ବେଳେବେଳେ ପ୍ରଥମ ଥର ପାଇଁ ଉପସ୍ଥାପିତ ହୋଇପାରେ । ସାଧାରଣ ଟ୍ରିଗରଗୁଡ଼ିକ ମଧ୍ୟରେ ଭୂତାଣୁ ଶ୍ୱାସକ୍ରିୟା ସଂକ୍ରମଣ, ଆଲର୍ଜେନ୍ ସଂସ୍ପର୍ଶରେ ଆସିବା କିମ୍ବା ନିଶ୍ୱାସ ନେବା ସମୟରେ ଅଣପର୍ଯ୍ୟାପ୍ତ ଷ୍ଟେରଏଡ୍ ବ୍ୟବହାର ହୋଇପାରେ । ରୋଗ ନିର୍ଣ୍ଣୟ ଲକ୍ଷଣ ଉପରେ ଆଧାରିତ ହୁଏ ଯାହା ବାଧ୍ୟତାମୂଳକ ଶ୍ୱାସକ୍ରିୟା ପରିମାଣ (FEV1) ଦ୍ୱାରା ସମର୍ଥିତ ହୋଇପାରେ । ସାଧାରଣତଃ ଛାତିର ଏକ୍ସ-ରେ ଆବଶ୍ୟକ ହୁଏ ନାହିଁ ।

ପ୍ରାରମ୍ଭିକ ଚିକିତ୍ସାରେ ସାଧାରଣତଃ ଅମ୍ଳଜାନ ଏବଂ ଏକ ସ୍ୱଳ୍ପ କାର୍ଯ୍ୟକ୍ଷମ ବିଟା ଆଗୋନିଷ୍ଟ ( ସାଲବୁଟାମୋଲ ) ଦିଆଯାଏ । ସାମାନ୍ୟରୁ ମଧ୍ୟମ ଧରଣର ତୀବ୍ରତା ପାଇଁ ମିଟର ଡୋଜ୍ ଇନହେଲର, ଡ୍ରାଏ ପାଉଡର ଇନହେଲର ବା ନେବୁଲାଇଜର ଦିଆଯାଏ । ପ୍ରଶ୍ୱାସରେ ନିଆଯାଇଥିବା ଇପ୍ରାଟ୍ରୋପିଅମ ଏବଂ ପାଟିରେ ଷ୍ଟେରଏଡ୍ ପ୍ରାୟ ବ୍ୟବହୃତ ହୁଏ । ଅତି କମରେ ୨ରୁ ୪ ସପ୍ତାହ ପାଇଁ ପ୍ରଶ୍ୱାସରେ ଷ୍ଟେରଏଡ୍ ନେବାକୁ ସୁପାରିଶ କରାଯାଏ ।

ଯଦି ଉପରୋକ୍ତ ଚିକିତ୍ସାପ୍ରଭାବଶାଳୀ ନହୁଏ ତେବେ ମ୍ୟାଗ୍ନେସିୟମ୍ ସଲଫେଟ୍, ମାଂସପେଶୀରେ ଏପିନେଫ୍ରେନ୍ ଇଞ୍ଜେକସନ୍ କିମ୍ବା ଅଣ-ଆକ୍ରମଣାତ୍ମକ ସକାରାତ୍ମକ ଚାପ ଭେଣ୍ଟିଲେସନ୍ (NIPPV) ବ୍ୟବହାର କରାଯାଇପାରେ । ଯଦି ଅନ୍ୟ ସବୁ ବିଫଳ ହୁଏ, ତେବେ ଇନଟ୍ୟୁବେସନ୍ କରାଯାଇପାରେ । ରୋଗୀ ନିଜେ ଏକ ଆଜ୍‌ମା କାର୍ଯ୍ୟ ଯୋଜନା ଦ୍ୱାରା ଚିକିତ୍ସାକୁ ସମର୍ଥନ କରେ ।