ଅସଲମବିକାଇ
ପଣ୍ଡିତାଇ ଅସଲମବିକାଇ ଆମ୍ମାଇୟାର | |
|---|---|
| ଜନ୍ମ ଓ ଜନ୍ମସ୍ଥାନ | ୧୬ ଜୁଲାଇ ୧୮୭୫ |
| ମୃତ୍ୟୁ | 1955 (aged 79–80) |
| ଭାଷା | ତାମିଲ |
ଅସଲମବିକାଇ ଜଣେ ଭାରତୀୟ ମହିଳା ସଂଗ୍ରାମୀ । ପଣ୍ଡିତାଇ ଅସଲମବିକାଇ ଆମ୍ମାଇୟାର ଭାବରେ ପରିଚିତା ଏହି ସଂଗ୍ରାମୀ ଜଣଙ୍କ ଜଣେ ତାମିଲ ବିଦ୍ୱାନ ଓ ବକ୍ତା ଥିଲେ ଏବଂ ଭାରତୀୟ ଜାତୀୟ କଂଗ୍ରେସ ସହିତ ଜଡ଼ିତ ଥିଲେ ।[୧]
ପ୍ରାରମ୍ଭିକ ଜୀବନ ଓ ଶିକ୍ଷା
[ସମ୍ପାଦନା]ଅସଲମବିକାଇ ଆମ୍ମାଇୟାର ୧୮୭୫ ମସିହାର ଜୁଲାଇ ୧୬ ତାରିଖରେ ଉତ୍ତର ଆର୍କୋଟ ଜିଲ୍ଲାର ତିରୁକୋଭିଲୁର ଠାରେ ଜନ୍ମଗ୍ରହଣ କରିଥିଲେ ।[୨] ସେ ମାତ୍ର ୮ ବର୍ଷ ବୟସରେ ବିବାହ କରିଥିଲେ ଏବଂ ୧୧ ବର୍ଷ ବୟସରେ ବିଧବା ହୋଇଥିଲେ । ପ୍ରାରମ୍ଭିକ ବ୍ୟକ୍ତିଗତ ଆହ୍ୱାନ ସତ୍ତ୍ୱେ, ସେ ଘରେ ତାଙ୍କର ଶିକ୍ଷା ଜାରି ରଖିଥିଲେ ଏବଂ ଗୁରୁ ତିରୁବାଦୁତୁରାଇ ଅଧୀନମଙ୍କ ଅଧିନରେ ସେ ତାମିଲ ସାହିତ୍ୟ ଓ ପୁରାଣ ଆଦିର ଅଧ୍ୟୟନ କରିଥିଲେ ।[୨]
ସ୍ୱାଧୀନତା ଆନ୍ଦୋଳନରେ ଯୋଗଦାନ
[ସମ୍ପାଦନା]ଅସଲମବିକାଇ ଆମ୍ମାଇୟାର ପ୍ରତ୍ୟକ୍ଷ ଭାବରେ ଭାରତୀୟ ସ୍ୱାଧୀନତା ସଂଗ୍ରାମରେ ଯୋଗ ଦେଇଥିଲେ ।[୩] ୧୭ ସେପ୍ଟେମ୍ବର ୧୯୨୧ରେ ଯେତେବେଳେ ମହାତ୍ମା ଗାନ୍ଧୀ କୁଡ୍ଡାଲୋର ଯାଇଥିଲେ, ସେତେବେଳେ ସେ ଦକ୍ଷିଣ ଆର୍କୋଟ ଜିଲ୍ଲାର ମହିଳା ସଂଗଠନ ତରଫରୁ ଗାନ୍ଧିଜୀଙ୍କୁ ଭେଟିଥିଲେ ।[୪] ୧୯୨୧, ୧୯୨୪ ଓ ୧୯୨୯ ମସିହାରେ ତିରୁବନ୍ନାମଲାଇରେ ଆୟୋଜିତ ବିଭିନ୍ନ ରାଜନୈତି ତଥା ଧାର୍ମିକ ସଭାରେ ସେ ଅଂଶଗ୍ରହଣ କରିଥିଲେ ଏବଂ ନିଜର ବକ୍ତବ୍ୟ ମଧ୍ୟ ରଖିଥିଲେ ।[୪][୫] ସେ ଆଇନ ଅମାନ୍ୟ ଆନ୍ଦୋଳନରେ ଭାଗ ନେଇଥିଲେ, ଛୁଆଁଅଛୁଆଁ ଭେଦଭାବର ଉଚ୍ଛେଦ ପାଇଁ କାମ କରିଥିଲେ ଏବଂ ଟୋଡି ସପ୍ ବିରୁଦ୍ଧରେ ଆନ୍ଦୋଳନ କରିଥିଲେ ।[୨]
ସାହିତ୍ୟିକ ଅବଦାନ
[ସମ୍ପାଦନା]କାରାଇକ୍କାଲ ଆମ୍ମାଇୟାରଙ୍କ ପରେ, ଅସଲମବିକାଇ ପ୍ରଥମ ବ୍ୟକ୍ତି ଥିଲେ ଯିଏ ଅନ୍ତଥି ପଟ୍ଟୁ ରଚନା କରିଥିଲେ, ଯାହାକି ଏକ ପ୍ରକାରର କବିତା ଯେଉଁଠାରେ ପୂର୍ବ ପଦର ଶେଷ ଶବ୍ଦକୁ ପରବର୍ତ୍ତୀ ପଦର ପ୍ରଥମ ଶବ୍ଦ ଭାବରେ ବ୍ୟବହାର କରାଯାଏ ।[୪] ଅସଲମବିକାଇ ଆମ୍ମାଇୟାର ଜଣେ ପ୍ରବୀଣ ଲେଖିକା ଥିଲେ ଯିଏ ସ୍ୱଦେଶମିତ୍ରାଣ ଖବରକାଗଜରେ ଧାରାବାହିକ କାହାଣୀ ଲେଖିଥିଲେ । ସେ ଅନେକ ଗୁରୁତ୍ୱପୂର୍ଣ୍ଣ କୃତି ଲେଖିଥିଲେ, ଯେଉଁଥିରେ ଅନ୍ତର୍ଭୁକ୍ତ:
- ଗାନ୍ଧୀ ପୁରାଣମ୍: ଏଥିରେ ୨୦୩୪ଟି ଗୀତ ରହିଛି, ଯେଉଁଥିରେ ମହାତ୍ମା ଗାନ୍ଧୀଙ୍କ ଜୀବନ ଓ ଶିକ୍ଷା ବିଷୟରେ ବର୍ଣ୍ଣନା ଥିଲା ।[୬][୭] ତାଙ୍କର ଗିରଫ ହେବା ଓ କାରାବାସ ପର୍ଯ୍ୟନ୍ତ ଘଟଣାବଳୀ ବର୍ଣ୍ଣନା କରୁଥିବା ପ୍ରଥମ ଦୁଇଟି ଖଣ୍ଡ ଡିସେମ୍ବର ୧୯୨୩ରେ ଏବଂ ଖଦି ଆନ୍ଦୋଳନ ମାଧ୍ୟମରେ ଗାନ୍ଧୀଜୀଙ୍କ ସେବା ବିଷୟରେ ତୃତୀୟ ଓ ଚତୁର୍ଥ ଖଣ୍ଡ ଡିସେମ୍ବର ୧୯୨୫ରେ ପ୍ରକାଶିତ ହୋଇଥିଲା ।[୪] ବାକି ଚାରୋଟି ଖଣ୍ଡ ୧୯୪୭ ମସିହା ପରେ ପ୍ରକାଶିତ ହୋଇଥିଲା ।[୪]
- ତିଲକର ମନମିୟମ: ୪୧୫ଟି ଗୀତକୁ ନେଇ ଗଠିତ ଏହି କୃତିଟି ଭାରତୀୟ ସ୍ୱାଧୀନତା ଆନ୍ଦୋଳନର ଆଉ ଜଣେ ପ୍ରମୁଖ ନେତା ବାଳ ଗଙ୍ଗାଧର ତିଳକଙ୍କ ଜୀବନୀ ଓ ଅବଦାନକୁ ବର୍ଣ୍ଣନା କରେ ।[୨]
ମୃତ୍ୟୁ
[ସମ୍ପାଦନା]୧୯୫୫ ମସିହାରେ ସେ ମୃତ୍ୟୁବରଣ କରିଥିଲେ ।[୮]
ଆଧାର
[ସମ୍ପାଦନା]- ↑ The Contributions of the Tamils to Indian Culture: Art and architecture (in ଇଂରାଜୀ). International Institute of Tamil Studies. 1994. p. 64.
- ↑ ୨.୦ ୨.୧ ୨.୨ ୨.୩ "Pandithai Aslambikai Ammayar". Azadi Ka Amrit Mahotsav.
- ↑ Correspondent, Special (2022-02-18). "Philatelists seek stamps on freedom fighters". The Hindu (in Indian English). ISSN 0971-751X. Retrieved 2024-06-28.
- ↑ ୪.୦ ୪.୧ ୪.୨ ୪.୩ ୪.୪ "Asalambikai". Tamil Wiki (in ଇଂରାଜୀ). 2024-06-13. Archived from the original on 2024-11-14. Retrieved 2024-06-28.
- ↑ "::Kalaikalangiyam::". www.tamilvu.org (in ତାମିଲ୍). Retrieved 2024-06-28.
- ↑ Studies, University of Mysore Institute of Kannada (1971). Gandhiji in Indian Literature (in ଇଂରାଜୀ). Institute of Kannada Studies, University of Mysore. p. 253.
- ↑ Cuppiramaṇiyan̲, Ca Vē (1982). Studies in Tamilology (in ଇଂରାଜୀ). Tamil Patippakam. p. 214.
- ↑ K, Rajeswari. "PROMINENT WOMEN PERSONALITIES OF TAMILNADU" (PDF). Shanlax International Journal of Arts, Science & Humanities. 3 (2): 138–139. ISSN 2321-788X. Archived from the original (PDF) on 2024-11-16. Retrieved 2025-08-16.