ଅରୁଣ ମନ୍ତ୍ରୀ

ଅରୁଣ ମନ୍ତ୍ରୀ
୨୦୨୩ ମସିହାର ୭ମ ସାଳନ୍ଦୀ ପୁସ୍ତକ ମେଳାରେ ଅରୁଣ
ଜନ୍ମ	ଅରୁଣ ମନ୍ତ୍ରୀ ୨୭ ଅଗଷ୍ଟ
ଜାତୀୟତା	ଭାରତୀୟ
ପ୍ରସିଦ୍ଧି	ଓଡ଼ିଆ ଗୀତିକାର
ପୁରସ୍କାର	ରାଜ୍ୟ ଚଳଚ୍ଚିତ୍ର ପୁରସ୍କାର
ଦସ୍ତଖତ

ଅରୁଣ ମନ୍ତ୍ରୀ ଜଣେ ଓଡ଼ିଆ ଗୀତିକାର, କବି ଓ କ୍ଷୁଦ୍ରଗଳ୍ପ ଲେଖକ । ସେ ଭଜନ, ଚଳଚ୍ଚିତ୍ର, ଯାତ୍ରା ଓ ଆଲବମ ପାଇଁ ଗୀତ ଲେଖନ୍ତି । ସେ ୨୦୦ରୁ ଅଧିକ ଓଡ଼ିଆ ଚଳଚ୍ଚିତ୍ରରେ ଗୀତ ଲେଖିଛନ୍ତି । ୧୯୯୫ ମସିହାରେ, ତାଙ୍କ ଲିଖିତ ଗୀତ ପ୍ରଥମ ଥର ପାଇଁ ଆକାଶବାଣୀ କଟକ କେନ୍ଦ୍ରରୁ ପ୍ରସାରିତ ହୋଇଥିଲା । ତାଙ୍କ ଲିଖିତ ପ୍ରଥମ ଭଜନ ଥିଲା ତୁଳସୀ କ୍ଷେତ୍ରରେ ବଳଦେବ ଖ୍ୟାତ । ଆଲବମ ଗୀତ ଅନାମିକା ନାୟିକା ସେ ହେଲା ମୋର ପ୍ରେମିକା ତାଙ୍କୁ ଲୋକଲୋଚନକୁ ଆଣିଥିଲା । ୨୦୦୦ ମସିହାରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର କାଶିଆ କପିଳା ଜରିଆରେ ସେ ଓଡ଼ିଆ କଥାଚିତ୍ର ଜଗତରେ ଗୀତ ଲେଖିବା ଆରମ୍ଭ କରିଥିଲେ ।

ବ୍ୟକ୍ତିଗତ ଜୀବନ

ଅରୁଣଙ୍କ ପୌତୃକ ଗ୍ରାମ ଜଗତସିଂହପୁରର ମଣିଜଙ୍ଗା । ସେ ଇଞ୍ଜିନିୟରିଂ ପାଠ ପଢ଼ିଥିଲେ ମଧ୍ୟ, ଗୀତିକାର ବୃତ୍ତିକୁ ପସନ୍ଦ କରିଥିଲେ । ପିତା ଜଗବନ୍ଧୁ ମନ୍ତ୍ରୀ ଜଣେ ନାଟ୍ୟକାର ଓ ନିର୍ଦ୍ଦେଶକ ଥିଲେ । ସେ ୨ଟି ନାଟକ ଲେଖିବା ସହିତ ଅନେକ ନାଟକରେ ନିର୍ଦ୍ଦେଶନା ଦେଇଥିଲେ ।