ଅଭୟ ନାରାୟଣ ନାୟକ

ଅଭୟ ନାରାୟଣ ନାୟକ
ଜନ୍ମ ଓ ଜନ୍ମସ୍ଥାନ	(1973-05-11) ୧୧ ମଇ ୧୯୭୩ ନାୟକପଡ଼ା, ସୁବର୍ଣ୍ଣପୁର ଜିଲ୍ଲା
ଭାଷା	ଓଡ଼ିଆ
ଜାତୀୟତା	ଭାରତୀୟ
ସାହିତ୍ୟ କୃତି	ଛଳ ଛଇଳ

ଅଭୟ ନାରାୟଣ ନାୟକ (ଜନ୍ମ ୧୧ ମଇ ୧୯୭୩) ଜଣେ ଓଡ଼ିଆ ଭାଷୀ କବି, ପ୍ରାବନ୍ଧିକ ଓ ଗବେଷକ । ୧୯୯୨ରୁ ସୃଜନରେ ମଗ୍ନ ଅଭୟଙ୍କର ପ୍ରଥମ କବିତା ପୁସ୍ତକ 'ଏକାନ୍ତ ଆର୍ତ୍ତି' ୨୦୧୩ରେ ପ୍ରକାଶ ପାଇଥିଲା ।

ସଂକ୍ଷିପ୍ତ ଜୀବନୀ

ଅଭୟ, ସୁବର୍ଣ୍ଣପୁର ଜିଲ୍ଲା ଜିଲ୍ଲାର ନାୟକପଡ଼ାଠାରେ ଜନ୍ମଗ୍ରହଣ କରିଥିଲେ । ସେ ସମ୍ବଲପୁର ବିଶ୍ୱବିଦ୍ୟାଳୟରୁ ପ୍ରଥମ ଶ୍ରେଣୀରେ ପ୍ରଥମ ସ୍ଥାନ ଅଧିକାର କରି ସାମାଜିକ ନୃତତ୍ତ୍ୱରେ ସ୍ନାତକୋତ୍ତର ଓ ଏମ୍ ଫିଲ୍ ଉପାଧି ପ୍ରାପ୍ତ ହୋଇଥିଲେ । ୧୯୯୯ରେ ସେ ଭାରତୀୟ ଭେଷଜ ଗବେଷଣା ପରିଷଦଦ୍ୱାରା ଜୁନିଅର ରିସର୍ଚ୍ଚ ଫେଲୋସିପ୍ ଲାଭ କରି ଭେଷଜ ନୃତତ୍ତ୍ୱରେ ପିଏଚ୍ ଡି ଲାଭ କଲେ । ଏତଦ୍ ବ୍ୟତୀତ ଭାରତ ସରକାରଙ୍କ 'ଆନ୍ଥ୍ରୋପୋଲୋଜିକାଲ ସର୍ଭେ ଅଫ୍ ଇଣ୍ଡିଆ' ପକ୍ଷରୁ ଜୁନିଅର ରିସର୍ଚ୍ଚ ଫେଲୋ ଭାବରେ ମନୋନୀତ ହେବା ସହିତ ଭାରତୀୟ ସମାଜ ବିଜ୍ଞାନ ଅନୁସନ୍ଧାନ ପରିଷଦଦ୍ୱାରା ଡକ୍ଟରାଲ ଫେଲୋସିପ୍ ପାଇଁ ଯୋଗ୍ୟ ବିବେଚିତ ହୋଇଥିଲେ । ୧୯୯୬ରୁ ତାଙ୍କର ଗବାଷଣାଧର୍ମୀ ନୃତାତ୍ତ୍ୱିକ ନିବନ୍ଧମାନ ଜାତୀୟ ଓ ଆନ୍ତର୍ଜାତୀୟ ଜର୍ଣ୍ଣାଲରେ ପ୍ରକାଶ ପାଇ ଆସୁଅଛି ।

ରଚନାବଳୀ

କବିତା

• ଏକାନ୍ତ ଆର୍ତ୍ତି
• ବିଭଂଗ ନୀରବତା
• ଛଳ ଛଇଳ
• ଚିତ୍ରଲଗ୍ନା
• ଜୀବନ ସଂଗୀତ
• ଅସୀମ ଆକାଶ

ପ୍ରବନ୍ଧ

• ଦିଗ ଓ ଦିଗନ୍ତ
• ଦୃଷ୍ଟି

ଗଳ୍ପ

• ଭିନ୍ନ ପ୍ରତ୍ୟୟ

ଇଂରାଜୀ

• Burden of Lymphatic Filariasis in Rural Coastal Odisha : A Study in Medical Anthropology
• Strive to Survive or Survive to Strive

ପୁରସ୍କାର ଓ ସମ୍ମାନ

• ସମ୍ବଲପୁର ବିଶ୍ୱବିଦ୍ୟାଳୟ କୁଳପତି ବକ୍ତୃତା ପ୍ରତିଯୋଗିତାରେ ପ୍ରଥମ ପୁରସ୍କାର
• ପଣ୍ଡିତ ନୀଳକଣ୍ଠ ସ୍ମାରକୀ ବକ୍ତୃତା ସମ୍ମାନ