ଅନନ୍ତା

ଅନନ୍ତା
ନିର୍ଦ୍ଦେଶକ	ସବ୍ୟସାଚୀ ମହାପାତ୍ର
ପ୍ରଯୋଜକ	ନବୀନ ଭଣ୍ଡାରୀ ସୂରଜ ମୋହନଟ ଅର୍ଚ୍ଚିତା ସାହୁ
ସଂଳାପ	ରଜନୀରଞ୍ଜନ
ମୂଳ ଆଧାର	ରାଣ୍ଡିପୁଅ ଅନନ୍ତା
କଳାକାର	ସବ୍ୟସାଚୀ ମିଶ୍ର ସୂର୍ଯ୍ୟମୟୀ ମହାପାତ୍ର କୁନା ତ୍ରିପାଠୀ ପୃଥ୍ୱୀରାଜ ନାୟକ ତାପସ ସରଘରିଆ ଜ୍ୟୋତିର୍ମୟୀ ପଣ୍ଡା
ସଙ୍ଗୀତ	ଅଭିଜିତ ମଜୁମଦାର
ଚିତ୍ରଗ୍ରହଣ	ହୁଏଣ୍ଟସଙ୍ଗ ମହାପାତ୍ର
ସମ୍ପାଦକ	କୁମାର ମହାପାତ୍ର ଲମ୍ବୋଦର ଟକ୍ରି
Production company	ଆମର ଷ୍ଟୁଡିଓ ଶିବାଂଶ ପ୍ରଡ଼କ୍ସନ ସବ୍ୟସାଚୀ ଫିଲ୍ମସ୍
ବିତରକ	ରାଜଶ୍ରୀ ଫିଲ୍ମସ୍
ମୁକ୍ତିଲାଭ ତାରିଖ	୧୨ ଜୁନ ୨୦୨୫
ଦେଶ	ଭାରତ
ଭାଷା	ଓଡ଼ିଆ

ଅନନ୍ତା ୨୦୨୫ ମସିହାରେ ମୁକ୍ତିଲାଭ କରିଥିବା ଏକ ଓଡ଼ିଆ କଥାଚିତ୍ର । ଏହି କଥାଚିତ୍ରଟିର ପ୍ରଯୋଜନା କରିଥିଲେ ନବୀନ ଭଣ୍ଡାରୀ, ସୂରଜ ମୋହନଟ ଓ ଅଭିନେତ୍ରୀ ଅର୍ଚ୍ଚିତା ସାହୁ, ଯାହାକି ମିଳିତ ଭାବରେ ଆମର ଷ୍ଟୁଡିଓ, ଶିବାଂଶ ପ୍ରଡ଼କ୍ସନ ଓ ସବ୍ୟସାଚୀ ଫିଲ୍ମସ୍ ଦ୍ୱାରା ନିର୍ମାଣ କରାଯାଇଥିଲା । ଏହି କଥାଚିତ୍ରଟିର କାହାଣୀ ଫକୀରମୋହନ ସେନାପତିଙ୍କର କ୍ଷୁଦ୍ରଗଳ୍ପ ରାଣ୍ଡିପୁଅ ଅନନ୍ତା ଉପରେ ଆଧାରିତ ଏବଂ ରଜନୀ ରଞ୍ଜନ ଏହାର ସଂଳାପ ରଚନା କରିଥିଲେ । ସଙ୍ଗୀତକାର ଅଭିଜିତ ମଜୁମଦାର ଏହି କଥାଚିତ୍ରଟିର ସ୍ୱର ସଂଯୋଜନା କରିଥିଲେ ।

ଏହି କଥାଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ ସବ୍ୟସାଚୀ ମିଶ୍ର ଓ ସୂର୍ଯ୍ୟମୟୀ ମହାପାତ୍ର । କୁନା ତ୍ରିପାଠୀ, ପୃଥ୍ୱୀରାଜ ନାୟକ, ତାପସ ସରଘରିଆ, ଜ୍ୟୋତିର୍ମୟୀ ପଣ୍ଡା, ସୁଶୀଳା ନାୟକ ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।

କଥାଚିତ୍ରଟି ୧୨ ଜୁନ ୨୦୨୫ରେ, ରଜ ସମୟରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ଏହି କଥାଚିତ୍ରଟି କୌଣସି କଟ୍ ବିନା ସେନ୍ସର୍ ବୋର୍ଡ଼ ଦ୍ୱାରା 'ୟୁ' ସାର୍ଟିଫିକେଟ୍ ପାଇଥିଲା ।

ଅଭିନୟ

• ସବ୍ୟସାଚୀ ମିଶ୍ର - ଅନନ୍ତା
• ସୂର୍ଯ୍ୟମୟୀ ମହାପାତ୍ର - ଗେହ୍ଲି
• ଜ୍ୟୋତିର୍ମୟୀ ପଣ୍ଡା - ଅନନ୍ତାର ମାଆ
• କୁନା ତ୍ରିପାଠୀ
• ପୃଥ୍ୱୀରାଜ ନାୟକ
• ତାପସ ସରଘରିଆ
• ସୁଶୀଳା ନାୟକ

ଗୀତ ଏବଂ ସଙ୍ଗୀତ

ଅନନ୍ତା
କଥାଚିତ୍ର ଗୀତ by ଅଭିଜିତ ମଜୁମଦାର
ଶୈଳୀ	କଥାଚିତ୍ର ଗୀତ
ଭାଷା	ଓଡ଼ିଆ
ନାମ	ଆମର ମ୍ୟୁଜିକ୍
ପ୍ରଯୋଜକ	ନବୀନ ଭଣ୍ଡାରୀ

ଏହି କଥାଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲେ ଅଭିଜିତ ମଜୁମଦାର । ଗୀତିକାର ନିର୍ମଳ ନାୟକ ଏହାର ଗୀତଗୁଡ଼ିକ ରଚନା କରିଥିଲେ । ଶ୍ରୀଚରଣ ମହାନ୍ତି, କରୁଣାକର ସେଠୀ, ସଞ୍ଜୁ ମହାନ୍ତି, ଅନ୍ତରା ଚକ୍ରବର୍ତ୍ତୀ, ସୁବାଶିଷ ମହାକୁଡ଼, ଜେମ୍ସ, ଅନୁସୟା ନାଥ ଆଦି କଣ୍ଠଶିଳ୍ପୀମାନେ ଏହି କଥାଚିତ୍ରଟିରେ କଣ୍ଠଦାନ କରିଥିଲେ ।

ଗୀତ

କ୍ରମ	ଗୀତ	କବି	ଗାୟକ	ସମୟ
1.	"ଅନନ୍ତା"	ନିର୍ମଳ ନାୟକ	ସୁବାଶିଷ ମହାକୁଡ଼, ଜେମ୍ସ, ସଞ୍ଜୁ ମହାନ୍ତି	03:29
2.	"ମଲ୍ଲୀ ଢପ"	ନିର୍ମଳ ନାୟକ	ଶ୍ରୀଚରଣ ମହାନ୍ତି, କରୁଣାକର ସେଠୀ, ସଞ୍ଜୁ ମହାନ୍ତି, ଅନ୍ତରା ଚକ୍ରବର୍ତ୍ତୀ	03:10
3.	"ନୀଳମଣି"	ନିର୍ମଳ ନାୟକ	ଅନୁସୟା ନାଥ	04:43

ବିବାଦ

ଏହି କଥାଚିତ୍ରଟି ନିର୍ମାଣ ଚାଲିଥିବାବେଳେ ଏହାର ଶୀର୍ଷକକୁ ଅଭିନେତା ମନୋଜ ମିଶ୍ର ଏକ ବିବାଦୀୟ ମନ୍ତବ୍ୟ ଦେଇଥିଲେ, ଯାହାକୁ ନେଇ ଅନେକ ବିରୋଧ ହେବା ସହିତ ତାଙ୍କ ବିରୁଦ୍ଧରେ ମାମଲା ରୁଜ୍ଜୁ କରାଯାଇଥିଲା । ସେ ବ୍ୟାସକବି ଫକୀରମୋହନଙ୍କ କ୍ଷୁଦ୍ରଗଳ୍ପ ରାଣ୍ଡିପୁଅ ଅନନ୍ତାକୁ କଟାକ୍ଷ କରିବା ସହିତ ବ୍ୟାସକବି ଲେଖା କପି କରିଥିବା କଥା ମଧ୍ୟ କହିଥିଲେ । ଏହି ବିବାଦ ପରେ, କଥାଚିତ୍ରଟିର ଶୀର୍ଷକ "ରାଣ୍ଡିପୁଅ ଅନନ୍ତା"ରୁ ଅନନ୍ତାକୁ ପରିବର୍ତ୍ତନ କରାଯାଇଥିଲା ।

ବାହାର ଆଧାର

• ଇଣ୍ଟରନେଟ ମୁଭି ଡାଟାବେସରେ ଅନନ୍ତା