ପେଡା

ପେଡ଼ା

ଅନ୍ୟ ନାମ	Peda, Pedha, Pera
ପରଷା	ମିଠା, ପ୍ରସାଦ
ମୂଳ ସ୍ଥାନ	ଭାରତ
ମୁଖ୍ୟ ଉପାଦାନ	ଖୁଆ, ଚିନି
Cookbook: ପେଡ଼ା   Media related to Media: ପେଡ଼ା at Wikimedia Commons

ପେଡ଼ା ଏକ ପ୍ରକାର ମିଠା ଜାତୀୟ ଖାଦ୍ୟ ଅଟେ ଯାହା ଖୁଆ ତଥା ଚିନିରୁ ପ୍ରସ୍ତୁତ ହୋଇଥାଏ । ଏହାର ଆକାର ଗୋଲାକାର ଅଟେ । ଏଥିରେ ପାରମ୍ପରିକ ସ୍ୱାଦ ପାଇଁ ଅଳେଇଚ ଦାନା , କେଶର, ତଥା ପେସ୍ତା ମିଶାଯାଏ । ପେଡ଼ା ଶବ୍ଦର ଉପଯୋଗ ସାଧାରଣତଃ କୌଣସି ନରମ ଗୋଲାକାର ଜିନିଷକୁ ନେଇ କରାଯାଏ ଯେପରି ଅଟା ଏବଂ ଖୁଆ । ଏହି ମିଠା ପାଇଁ ଅନେକ ପ୍ରକାର ଶବ୍ଦ ଏବଂ ନାମ ଯେପରି Pedha, penda (ଗୁଜୁରାଠୀ ରେ) ଏବଂ ପେରା ବ୍ୟବହାର କରାଯାଏ ।

ବିଧି

ପେଡ଼ା ବନେଇବା ପାଇଁ ଖୁଆକୁ ଭଲ ଭାବେ କୋରି କଢ଼ାଇରେ ପକାଯାଏ । ତା'ସହିତ ଚିନି ମିଶେଇ ଏହାକୁ ମଧ୍ୟମ ଆଞ୍ଚରେ ରନ୍ଧା ଯାଏ । ଯେତେବେଳେ ଚିନି ସମ୍ପୂର୍ଣ୍ଣ ରୂପେ ମିଶିଯିବ ସେତେବେଳେ ଏଥିରେ କେଶର ମିଶ୍ରିତ କ୍ଷୀର (ପ୍ରଥମେ ଛୋଟ ପାତ୍ରରେ କ୍ଷୀର ନେଇ କିଛି କେଶର ଦାନା ମିଶ୍ରିତ ହୋଇଥିବ) ଏବଂ ଅଳେଇଚ ପାଉଡର ପକେଇ ଗାଢ଼ା ହେବା ପର୍ଯ୍ୟନ୍ତ ରନ୍ଧା ଯାଏ । ପରେ ଆଞ୍ଚରୁ ଓଲ୍ହେଇ ଦିଆଯାଏ । ଥଣ୍ଡା ହେବା ପରେ ହାଥରେ ଘିଅ ଲଗାଇ ମଧ୍ୟମ ଆକାରର ପେଡ଼ା ତିଆରି କରାଯାଏ ।

ବିଭିନ୍ନ ପୂଜାପର୍ବରେ ବିଶେଷ ବ୍ୟଞ୍ଜନ ରୂପେ ବ୍ୟବହାର କରାଯାଏ । ଯେପରି ଜନ୍ମାଷ୍ଟମୀ, ଶିବରାତ୍ରି, ନବରାତ୍ରୀ ଇତ୍ୟାଦି ।

ସଜାସଜି

ପେସ୍ତା ସାଧାରଣତଃ ପେସ୍ତା ଗୁଣ୍ଡ ଏବଂ ଅଳେଇଚ ଦାନାରେ ସଜା ଯାଏ । ପେଡ଼ାର କିଛି ରେସିପିରେ କେବଳ ବାଦାମରେ ସଜାଯାଏ ।

ଇତିହାସ

ପେଡ଼ାର ଉଦ୍ଭବ ଉତ୍ତର ପ୍ରଦେଶର ମଥୁରା ସହରରୁ ହୋଇଥିଲା । ମଥୁରା ପେଡ଼ା, ମଥୁରା ସହରର ବିବିଧ ମିଠାମାନଙ୍କ ମଧ୍ୟରୁ ସବୁଠାରୁ ବିଶିଷ୍ଟ ଅଟେ । ପେଡ଼ା ଉତ୍ତର ପ୍ରଦେଶରୁ ନେଇ ଭାରତୀୟ ଉପ ମହାଦ୍ୱୀପର ବିଭିନ୍ନ ଭାଗରେ ଖେଳି ଯାଇଛି ।

ଲଖନଉର ଠାକୁର ରାମ ରତନ ସିଂ 1850 ଦଶକରେ ପେଡ଼ାର ଆରମ୍ଭ କରିଥିଲେ । ଏହି ପେଡ଼ା ଏବେ ଧାରବଡ଼ ପେଡ଼ା ନାମରେ ପ୍ରସିଦ୍ଧ । ମହାରାଷ୍ଟ୍ରରେ ମଧ୍ୟ ସତାରାର କାନ୍ଦି ପେଡ଼ା ନାମରେ ମଧ୍ୟ ପ୍ରସିଦ୍ଧ ।