ସିନ୍ଦୁକେଶ୍ଵର ମନ୍ଦିର

ଉଇକିପିଡ଼ିଆ ରୁ

ଭଦ୍ରକ ଜିଲ୍ଲା ବନ୍ତ ବ୍ଳକର ଅଣିଜୋ ଗ୍ରାମର ଶ୍ରୀ ଶ୍ରୀ ବାବା ପ୍ରତାପ ସିନ୍ଦୁକେଶ୍ୱର ଓଡ଼ିଶାର ଦ୍ୱିତୀୟ ବୃହତ ଶିବଲିଙ୍ଗ ଭାବେ ମାନ୍ୟତା ପାଇଛନ୍ତି ୤ ସିନ୍ଦୁକେଶ୍ୱରଙ୍କ ଲିଙ୍ଗ ପ୍ରତିବର୍ଷ ବଢୁଛନ୍ତି ୤ ଯେଉଁ ବସ୍ତ୍ର ତାଙ୍କୁ ଲାଗି କରାଯାଇଥାଏ, କିଛି ଦିନ ପରେ ତାହା ଛୋଟ ହୋଇଯାଏ ୤ ସେଥିରୁ ଜଣାଯାଏ ବାବାଙ୍କ ଲିଙ୍ଗ ବୃଦ୍ଧି ହେଉଛି ୤ ସ୍ଥାନୀୟ ଲୋକଙ୍କ କହିବା ଅନୁସାରେ ଆରଡ଼ିର ଆଖଣ୍ଡଳମଣି ହେଉଛନ୍ତି ସାନ ଭାଇ ଓ ଅଣିଜୋର ସିନ୍ଦୁକେଶ୍ୱର ହେଉଛନ୍ତି ବଡ଼ଭାଇ ୤

କିମ୍ବଦନ୍ତୀ[ସମ୍ପାଦନା]

ପ୍ରାୟ ୨୫୦ବର୍ଷ ତଳେ ବାବାଙ୍କ ବିଜେସ୍ଥଳୀ ଜଙ୍ଗଲିଆ ଜାଗା ଥିଲା ୤ ଅଣିଜୋର ବିରିଡ଼ି ଗ୍ରାମର ଗଉଡୁଣୀ ଦହି ବିକିବା ପାଇଁ ଅଣିଜୋ, ମଙ୍ଗଳପୁର, ଚକରା ପାଢୀ ଯାଏ ୤ ଦିନେ ଜଙ୍ଗଲ ରାସ୍ତା ଦେଇ ଦହି ବିକିବା ପାଇଁ ଯିବା ବେଳେ ବାବଙ୍କ ଲିଙ୍ଗ ଏକ ସୁନା ମୁଣ୍ଡା ଭଳି ଦେଖାଯିବାରୁ ଗଉଡୁଣୀ ନେବାକୁ ଚେଷ୍ଟା କଲା ୤ ଏହା ବଡ଼ ହୋଇଥିବାରୁ ନେଇ ନ ପାରି ଦହି ହାଣ୍ଡି ଉପରେ ଢଙ୍କାଇ ନିଜ ସ୍ୱାମୀ ଓ ପୁଅକୁ ଡାକିବାକୁ ଘରକୁ ଗଲା ୤ ପରିବାର ଲୋକେ ଆସି ହାଣ୍ଡି ଉଠାଇବାକୁ ଚେଷ୍ଟା କରିବାରୁ ଆଉ ହାଣ୍ଡି ବାହାରିଲା ନାହିଁ ୤ ଏହାପରେ ଶାବଳ, କୋଦାଳ ବ୍ୟବହାର କରି ମଧ୍ୟ ଲିଙ୍ଗକୁ ଖୋଳି ବାହାର କରିପାରିଲେ ନାହିଁ ୤ ଏହାପରେ ହାଣ୍ଡିକୁ ଫଟାଇବା ପାଇଁ ଶାବଳ ପ୍ରହାର କରିବାରୁ ଉପରୁ ରକ୍ତ ବାହରିଲା ଓ ସାପର ଗର୍ଜନ ସ୍ୱର ଶୁଭିଲା, ଏଥିରେ ଭୟ ପାଇ ପରିବାର ଗଉଡୁଣୀ ପରିବାର ପଳାୟନ କଲେ ୤ ସେହି ରାତିରେ ଗଉଡୁଣୀକୁ ସ୍ୱପ୍ନାଦେଶ ହେଲା “ମୁଁ ଶ୍ରୀ ଶ୍ରୀ ବାବା ପ୍ରତାପ ସିନ୍ଦୁକେଶ୍ୱର ବିଜେ ମହାଦେବ ଅଟେ ୤ ମତେ ଶୀଘ୍ର ପୂଜାର୍ଚ୍ଚନା କର ୤” ଏହାପରେ ସ୍ଥାନୀୟ ଅଞ୍ଚଳରେ ଏହି କଥା ପ୍ରଚାର ହେବାରୁ ସେଠାରେ ପୂଜାର୍ଚ୍ଚନା ଆରମ୍ଭ ହେଲା ୤ [୧]

ଆଧାର[ସମ୍ପାଦନା]

  1. ସୂର୍ଯ୍ୟପ୍ରଭା, ୧୭ନଭେମ୍ବର ୨୦୧୧, ପୃଷ୍ଠା-୮