ଲଳିତ ମାନସିଂହ

ଉଇକିପିଡ଼ିଆ ରୁ
ଲଳିତ ମାନସିଂହ
ଜନ୍ମ ଓ ଜନ୍ମସ୍ଥାନ ଲଳିତେନ୍ଦୁ ମାନସିଂହ
୨୯ ଏପ୍ରିଲ ୧୯୪୧(1941-04-29)
ଓଡ଼ିଶା
ଜାତୀୟତା  ଭାରତୀୟ
ଶିକ୍ଷା ସ୍ନାତକୋତ୍ତର
ସ୍କୁଲ/କଲେଜ ଉତ୍କଳ ବିଶ୍ଵବିଦ୍ୟାଳୟ
ପ୍ରସିଦ୍ଧି ଭାରତୀୟ ପ୍ରଶାସନିକ ଅଧିକାରୀ, ବୈଦେଶିକ ସଚିବ
ଧର୍ମ ହିନ୍ଦୁ ଧର୍ମ
ଜୀବନସାଥି ସୋନାଲ ମାନସିଂହ(ବିବାହ ବିଚ୍ଛେଦ)[୧], ଇନ୍ଦିରା ମାନସିଂହ
ବାପା ମା ମାୟାଧର ମାନସିଂହ, ହେମଲତା ମାନସିଂହ[୨]

ଲଳିତ ମାନସିଂହ, ଜଣେ ସେବା ନିବୃତ ଭାରତୀୟ ପ୍ରଶାସନିକ ଅଧିକାରୀ ତଥା ଭାରତର ପ୍ରାକ୍ତନ ବୈଦେଶିକ ସଚିବ ଅଟନ୍ତି। ସେ, ଇଂଲଣ୍ଡଆମେରିକାରେ ଭାରତର ରାଷ୍ଟ୍ରଦୂତ ହିସାବରେ ମଧ୍ୟ କାର୍ଯ୍ୟ କରିସାରିଛନ୍ତି ।

ପ୍ରାରମ୍ଭିକ ଜୀବନ ଓ ଶିକ୍ଷା[ସମ୍ପାଦନା]

ପ୍ରଖ୍ୟାତ କବୀ ଓ ଲେଖକ ମାୟାଧର ମାନସିଂହଙ୍କର ଜ୍ଯେଷ୍ଠ ପୁତ୍ର[୩], ଲଳିତ ମାନସିଂହ ଜଣେ ମେଧାବୀ ଛାତ୍ର ଥିଲେ । ସେ ପିଲାଦିନେ ଡାକ୍ତର ହେବାକୁ ଇଚ୍ଛୁକ ଥିଲେ, କିନ୍ତୁ ଗଣିତ ଭଲ ହେଉନଥିବାରୁ, ସେ ଡାକ୍ତରୀ ପାଠ ପଢିନଥିଲେ । ସେ ପୁଣି ସଂଗୀତକୁ ନିଜର ବୃତ୍ତି କରିବାକୁ ଚାହୁଁଥିଲେ କିନ୍ତୁ ତାଙ୍କ ମା ଏହା ଚାହୁଁନଥିବାରୁ, ସେ ସଂଗୀତ ଦିଗରେ ମଧ୍ୟ ଅଗ୍ରସର ହୋଇନଥିଲେ । ମା'ଙ୍କର ଇଛା ଅନୁସାରେ, ସେ ପରବର୍ତୀ ସମୟରେ ଭାରତୀୟ ପ୍ରଶାସନିକ ସେବା ପ୍ରତି ଆକର୍ଷିତ ହୋଇଥିଲେ । ଲଳିତଙ୍କର ଦୁଇ ଜଣ ଭାଇ ଓ ଦୁଇ ଜଣ ଭଉଣୀ ଅଛନ୍ତି । ଲଳିତ ମାନସିଂହ,ଉତ୍କଳ ବିଶ୍ଵବିଦ୍ୟାଳୟରୁ ଇତିହାସରେ ସ୍ନାତକ ଓ ରାଜନୀତି ବିଜ୍ଞାନରେ ସ୍ନାତକୋତ୍ତର ଉପାଧି ଲାଭକରିଛନ୍ତି । ଉଭୟ ପାଠ୍ଯକ୍ରମରେ ଉତ୍କୃଷ୍ଠତା ଲାଭକରି, ସେ ସ୍ଵର୍ଣପଦକ ଲାଭକରିଥିଲେ । ଜବାହରଲାଲ ନେହେରୁ ବିଶ୍ଵବିଦ୍ୟାଳୟରେ ସେ ଜଣେ ରିସର୍ଚ୍ଚ ସ୍କଲାର ଓ ଶିକ୍ଷକ ଭାବରେ କିଛି ଦିନ କାମ କରିଥିଲେ । ସେ, ପ୍ରଖ୍ୟାତ ଓଡ଼ିଶୀ ନୃତ୍ୟାଙ୍ଗନା ସୋନାଲ ମାନସିଂହଙ୍କୁ ବିବାହ କରିଥିଲେ ଓ ପରେ ସେମାନଙ୍କର ବିବାହ ବିଚ୍ଛେଦ ମଧ୍ୟ ଘଟିଥିଲା । ପରବର୍ତୀ ସମୟରେ ସେ ଇନ୍ଦିରାଙ୍କୁ ବିବାହ କରିଛନ୍ତି ଓ ଇନ୍ଦିରାଙ୍କ ଠାରୁ ତାଙ୍କର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି ।[୪]

କର୍ମ ଜୀବନ[ସମ୍ପାଦନା]

ଲଳିତ ମାନସିଂହ,ଉତ୍କଳ ବିଶ୍ଵବିଦ୍ୟାଳୟରେ ରାଜନୀତି ବିଜ୍ଞାନ ବିଭାଗରେ ଜଣେ ଅଧ୍ୟାପକ ରୂପରେ ନିଜର ଚାକିରୀ ଜୀବନ ଆରମ୍ଭ କରିଥିଲେ । ୧୯୬୩ ମସିହାରେ ସେ ଭାରତୀୟ ପ୍ରଶାସନିକ ସେବା ଅନ୍ତର୍ଗତ, ଭାରତୀୟ ବୈଦେଶିକ ସେବାରେ ଯୋଗଦାନ କଲେ । ୧୯୬୩ ମସିହାରେ ଭାରତୀୟ ପ୍ରଶାସନିକ ସେବା ପରିକ୍ଷାରେ ସେ ସର୍ବଭାରତୀୟ ସ୍ଥରରେ ପ୍ରଥମ ସ୍ଥାନ ଅଧିକାର କରିଥିଲେ । ଜେନିଭା, ତାଙ୍କର ପ୍ରଥମ ଅଭିଜାନ ଥିଲା । ପରବର୍ତୀ ସମୟରେ ସେ, ଅର୍ଥବିଭାଗରେ କାମ କରିଥିଲେ । ତାଙ୍କୁ କିଛି ବର୍ଷ ପାଇଁ କାବୁଲ ମଧ୍ୟ ଯିବାକୁ ପଡିଥିଲା । ୧୯୮୦-୮୩ ପର୍ଯ୍ଯନ୍ତ ସେ ୟୁ.ଏ.ଇର ରାଷ୍ଟ୍ରଦୂତ ହିସାବରେ ନିଯୁକ୍ତ ହୋଇଥିଲେ। ଏହା ରାଷ୍ଟ୍ରଦୂତ ତାଙ୍କର ପ୍ରଥମ ନିଯୁକ୍ତି ଥିଲା । ରାଷ୍ଟ୍ରଦୂତ ଭାବରେ ନିଯୁକ୍ତ ହେବାରେ, ସେ ହେଉଛନ୍ତି, ପ୍ରଥମ ଓଡିଆ ବ୍ୟକ୍ତି । ୧୯୯୩-୯୫ ମସିହା ଯାଏଁ ସେ ନାଇଜେରିଆର ରାଷ୍ଟ୍ରଦୂତ ଭାବରେ କାମ କରିଥିଲେ । ପରବର୍ତୀ ସମୟରେ ସେ ଇଂଲଣ୍ଡରେ ଭାରତର ରାଷ୍ଟ୍ରଦୂତ ରୂପରେ ମଧ୍ୟ କାର୍ଯ୍ୟ କରିଥିଲେ । ୧୯୯୯-୨୦୦୧ମସିହା ଯାଏଁ, ସେ ଭାରତର ବୈଦେଶିକ ସଚିବ ଭାବରେ କାମ କରିଥିଲେ । ସେ ଆଇ.ସି.ସି.ଆର ଓ ଏଫ.ଏସ.ଆଇ ଅଧ୍ଯକ୍ଷ ଭାବରେ ମଧ୍ୟ କାର୍ଯ୍ୟ କରିସାରିଛନ୍ତି । ୨୦୦୧ ମସିହାରେ, ସେ ଆମେରିକାରେ ଭାରତର ରାଷ୍ଟ୍ରଦୂତ ଭାବରେ ନିଯୁକ୍ତ ହୋଇଥିଲେ । [୫]

ସେବା ନିବୃତି ପରେ ମଧ୍ୟ, ସେ ବର୍ତମାନ ବିଭିନ୍ନ ଆନ୍ତର୍ଜାତୀକ ଅନୁଷ୍ଠାନ ସହିତ ଜଡିତ ରହିଛନ୍ତି । [୬] [୭]

ସମ୍ମାନ[ସମ୍ପାଦନା]

  • ୨୦୦୯ - ଖାରବେଳ ସମ୍ମାନ[୮] [୯]
  • ୨୦୦୯ - ସମାଜ ଗୌରବ ସମ୍ମାନ [୧୦]

ଆଧାର[ସମ୍ପାଦନା]

ବାହାର ଆଧାର[ସମ୍ପାଦନା]