ନଟୁ

ଉଇକିପିଡ଼ିଆ ରୁ
ନଟୁ ଓ ସେଥିରେ ବ୍ୟବହୃତ ସୁତୁଲି

ନଟୁ, ଭାରତପାକିସ୍ଥାନର ଏକ ପାରମ୍ପାରିକ ଖେଳ । [୧]ଏହି ଖେଳ ବିଶେଷ କରି ଗ୍ରାମାଞ୍ଚଳରେ ଖେଳାଯାଏ । କନ୍ନଡତାମିଲ ଭାଷାରେ ଏହାକୁ 'ବମ୍ବରମ' ତଥା ହିନ୍ଦୀଉର୍ଦୁ ଭାଷାରେ 'ଲଟ୍ଟୁ' କୁହାଯାଏ । [୨]ନଟୁ କାଠରେ ତିଆରି ହୋଇଥାଏ । ଏହାର ଉପର ଅଂଶ ପେଟୁଆ ଓ ନିମ୍ନଭାଗ କ୍ରମଶ ଗୋଜିଆ ହୋଇଆସିଥାଏ । ଏହାର ଠିକ ମଝିରେ ଲମ୍ବ ପଟରେ ଏକ ଲୁହା କଣ୍ଟା ଭେଦକରାଯାଇଥାଏ । ଏହି କଣ୍ଟା ସାହାଯ୍ୟରେ ନଟୁ ଘୁରିଥାଏ । ନଟୁର ନିମ୍ନାର୍ଧକୁ ଏକ ସୂତା ଦ୍ଵାରା ଗୁଡାଇ, ଭୂଇଁ ଉପରକୁ ଛାଟି ଦେଇ, ସୂତାଟିକୁ ନିଜ ଆଡକୁ ଟାଣିଆଣିଲେ ନଟୁଟି ବହୁ ସମୟ ପର୍ଯ୍ୟନ୍ତ ଭୂଇଁରେ ଘୁରିବୁଲେ । ଏହି ଘୁରି ବୁଲୁଥିବା ସମୟରେ, ସୂତା ସାହାଯ୍ୟରେ ନଟୁଟିକୁ ଉଠାଇ ଆଣି ହାତ ପାପୁଲି ଉପରେ ମଧ୍ୟ ଘୁରାଯାଇପାରେ । [୩]

ଖେଳ ବିଧି[ସମ୍ପାଦନା]

ଘୁରି ବୁଲୁଥିବା ସମୟରେ ନଟୁ

ନଟୁ ଖେଳରେ ଖେଳାଳି ସଂଖ୍ୟାରେ କୌଣସି କଟକଣା ନଥାଏ । ସବୁ ଖେଳାଳି ଏକାଠି ନଟୁ ଘୁରାନ୍ତି ଓ ସୂତା ସାହାଯ୍ଯରେ ନଟୁକୁ ହାତକୁ ଉଠାଇ ନିଅନ୍ତି । ହାତକୁ ଉଠାଇନେବା ପ୍ରକ୍ରିୟାକୁ 'ଆପୁ' କୁହନ୍ତି । ଯେଉଁ ଖେଳାଳି ସବୁଠୁ ଶେଷରେ ଆପୁ କରେ, ତାହାର ନଟୁକୁ ଭୂଇଁରେ ତିଆରି ଏକ ବୃତ୍ତ ମଧ୍ୟରେ ରଖାଯାଏ ଓ ଅନ୍ୟମାନେ ନିଜ ନଟୁ ସାହାଯ୍ୟରେ ଏହି ନଟୁକୁ ଆଘାତ କରି,ବୃତ୍ତ ମଧ୍ୟରୁ ହଟେଇବାକୁ ଚେଷ୍ଟାକରନ୍ତି । ନଟୁଟି ବୃତ୍ତ ମଧ୍ୟରୁ ବାହାରିଗଲେ, ପୁଣି ଥରେ ସମସ୍ତଙ୍କୁ 'ଆପୁ' କରିବାକୁ ପଡେ ।

ଆଧାର[ସମ୍ପାଦନା]