ଦାରା ସିଂହ

ଉଇକିପିଡ଼ିଆ ରୁ
ଦାରା ସିଂହ
ଜନ୍ମ ଓ ଜନ୍ମସ୍ଥାନ ଦିଦାର ସିଂହ ରନ୍ଧୱା
୧୯ ନଭେମ୍ବର ୧୯୨୮(1928-11-19)
ଧର୍ମୁଚକ, ଅମୃତସର, ପଞ୍ଜାବ
ତିରୋଧାନ ୧୨ ଜୁଲାଇ, ୨୦୧୨ (୮୩ ବର୍ଷ) [୧]
ମୁମ୍ବାଇ, ଭାରତ
ମୃତ୍ୟୁର କାରଣ ହୃଦଘାତ ଓ ମସ୍ତିଷ୍କାଘାତ
ଜୀବିକା ମଲ୍ଲଯୋଦ୍ଧା ଓ ଅଭିନେତା
ୱେବସାଇଟ
dara-singh.com

ଦାରା ସିଂହ (୧୯ ନଭେମ୍ବର ୧୯୨୮ – ୧୨ ଜୁଲାଇ ୨୦୧୨), ଭାରତର ଜଣେ ମଲ୍ଲଯୋଦ୍ଧା ଓ କଥାଚିତ୍ର ଅଭିନେତା ଥିଲେ ।ତାଙ୍କ ଜନ୍ମ ସ୍ଥାନ ପଞ୍ଜାବର ଅମୃତସର ଜିଲ୍ଲାର ଏକ ଛୋଟ ଗାଁ ଧର୍ମଛକ ।ତାଙ୍କ ବାପାଙ୍କ ନା ସୁରତ ସିଂହ ରାନ୍ଧୱା ଓ ମାଆ ଙ୍କ ନାମ ବଲୱନ୍ତ କୈର ।ସେ ୧୯୬୨ ମସିହାରେ ହିନ୍ଦୀ କଥାଚିତ୍ରରେ ଅଭିନୟ ଆରମ୍ଭ କରିଥିଲେ । ସେ ଭାରତୀୟ ଜନତା ପାର୍ଟୀ ଦ୍ଵାରା ରାଜ୍ୟସଭାର ସଦସ୍ୟ (୨୦୦୩-୨୦୦୯) ଭାବେ ମନୋନୀତ ହୋଇଥିଲେ ।

କୁସ୍ତି ଓ ଅବଦାନ[ସମ୍ପାଦନା]

ଛୋଟବେଳୁ ସେ ଭାରତୀୟ କୁସ୍ତିରେ ତାଲିମ ପାଇଥିଲେ ।ପରେ ସେ କୁସ୍ତିକୁ ନିଜର ପେସାଭାବେ ଆଦରି ନେଇଥିଲେ ।ତାଙ୍କ ଅମାପ ଶକ୍ତି ଓ ଅଦ୍ବିତୀୟ କୈଶଳ ଯୋଗୁଁ ସେ ଜଣେ ଅପରାଜେୟ ମଲ୍ଲଯୋଦ୍ଧା ହେଇପାରିଥିଲେ ।ଅଷ୍ଟ୍ରେଲିଆର କିକଂଙ୍ଗ,ନ୍ୟୁଜିଲାଣ୍ଡର ଜଣ୍ଡି ସିଲଭା ଓ କାନାଡାର ଜର୍ଜ ଗୋର୍ଡିଏଙ୍କା ଙ୍କୁ ସେ ବହୁତ ଥର ପରାସ୍ତ କରିଥିଲେ ।ସବୁଠୁ ଆଶ୍ଚର୍ଯ୍ୟର କଥା ସେ ନିଜ ଜୀବନ କାଳମଧ୍ୟରେ ୫୦୦ ଥର କୁସ୍ତି ଲଢିଥିଲେ ଏବଂ କୈଣସି ଥର ମଧ୍ୟ ହାରି ନ ଥିଲେ ।୧୯୫୯ ମସିହାରେ ସେ କମନୱେଲଥ ଗେମସ୍ ରେ ସ୍ବର୍ଣ୍ଣ ପଦକ ପାଇଥିଲେ । ୧୯୮୩ମସିହାରେ ରେ କୁସ୍ତିରୁ ଅବସର ନେଇଥିଲେ ।୧୯୬୬ ରେ ରୁସ୍ତମ୍ ଇ ପଞ୍ଜାବ,୧୯୭୮ ରେ ରୁସ୍ତମ୍ ଇ ହିନ୍ଦ ଉପାଧି ହାସଲ କରିଥିଲେ ।୧୯୯୬ ରେ ତାଙ୍କୁ "'ରେସଲିଂ ଅବଜରଭର ନ୍ୟୁଜଲେଟର ହଲ ଅଫ୍ ଫେମ'" ରେ ସ୍ଥାନିତ କରାଯାଇଥିଲା । ଇନ୍ଦ୍ରଗନ୍ଧି ସମୟ ରେ ଦା ରା ସିଙ୍ଘ୍ ଅମେରେକ ର ଏକ ବାଘ କୁ ମନ୍ଧ୍ୟ ହରାଇ ଥିଲେ

ଚଳଚ୍ଚିତ୍ର ଓ ଅଭିନୟ[ସମ୍ପାଦନା]

ଅନେକ ହିନ୍ଦି ଓ ପଞ୍ଜାବୀ ସିନେମା ତାଙ୍କର ଶକ୍ତିକୁ ନେଇ ତିଆରି ହେଇଛି ।ତା ମଧ୍ୟରୁ କିଂକଙ୍ଗ,ତାରଜନ୍ ଓ ହରକ୍ୟୁଲେସ୍ ଅନ୍ୟତମ ।ପରବର୍ତ୍ତି ସମୟରେ ସେ ଜଣେ ପ୍ରିୟ ଚରିତ୍ର ଅଭିନେତା ଭାବରେ ପରିଣତ ହେଇଥିଲେ ।ଆନନ୍ଦ,ମେର ନାମ୍ ଜୋକର,ଜୱାନ ମର୍ଦ,ଡାକୁ ମଙ୍ଗଲ୍ ସିଂହ,ବକ୍ସର,ଆନ୍ଧି ଔର ତୁଫାନ୍ ଆଦି ୧୪୦ଟି ଚଳଚ୍ଚିତ୍ର ରେ ଅଭିନୟ କରି ସେ ରେର୍କଡ କରିଥିଲେ ।ରୁପେଲି ପରଦାରେ ଦର୍ଶକ ଙ୍କ ମନଜିତି ଥିବା ଦାରା ସିଂହ ଛୋଟ ପରଦାରେ ମଧ୍ୟ କମାଲ ଦେଖାଇଥିଲେ ।୧୯୮୬ରେ ରାମାନନ୍ଦ ସାଗରଙ୍କ ହିନ୍ଦି ଧାରାବାହିକ ରାମାୟଣରେ ସେ ହନୁମାନ ଭୁମିକାରେ ଅଭିନୟ କରି କୋଟି କୋଟି ଭାରତୀୟଙ୍କ ପ୍ରିୟ ପାଲଟି ଥିଲେ ।ପରେ ରାମାନନ୍ଦ ସାଗର ତାଙ୍କୁ ମହାଭାରାତରେ ମଧ୍ୟ ହନୁମାନ ଭୁମିକାରେ ଅଭିନୟ କରିବାପାଇଁ ଅନୁରୋଧ କରିଥିଲେ ।ତାଙ୍କ ଅଭିନୀତ ପଞ୍ଜାବୀ ଫିଲ୍ମ "ମୈ ମା ପଞ୍ଜାବ୍ ଦି" ଜାତୀୟ ଚଳଚ୍ଚିତ୍ର ପୁରସ୍କାର ଲାଭକରିଥିଲା ।୧୯୮୯ ରେ ସେ ତାଙ୍କର ଆତ୍ମଜୀବନୀ ମେରି ଆତ୍ମକଥା ପଞ୍ଜାବୀ ଭାଷାରେ ପ୍ରକାଶ କରିଥିଲେ । ପଞ୍ଜାବର ମୋହାଲି ଠାରେ ତାଙ୍କ ନାମରେ ଏକ ଷ୍ଟୁଡିଓ ରହିଛି ।୨୦୧୨ ମସିହା ଜୁଲାଇ ୧୨ ତାରିଖରେ ମୁମ୍ବାଇ ଠାରେ ମୃତ୍ୟୁବରଣ କରିଥିଲେ ।[୨] [୩][୪]


ଆଧାର[ସମ୍ପାଦନା]

  1. "Veteran actor and wrestler Dara Singh passed away". Yahoo.co.in. http://in.news.yahoo.com/photos/veteran-actor-and-wrestler-dara-singh-passed-away-slideshow/. Retrieved 12 July 2012. 
  2. http://articles.timesofindia.indiatimes.com/2012-07-12/news-interviews/32647791_1_rustam-e-hind-dara-singh-rustam-e-punjab
  3. ଓଡିଆ ଖବର କାଗଜ ସମ୍ବାଦ ତା-୧୩-୦୭-୧୨
  4. ଦୈନିକ ଖବର କାଗଜ ଅହମ୍ମଦାବାଦ ମିରୋର ତା୧୩-୦୭-୧୨ର୨ୟ ପୃଷ୍ଠା

External links[ସମ୍ପାଦନା]