ତୁଳସୀ ଚଉରା

ଉଇକିପିଡ଼ିଆ ରୁ
ଏହି ଲେଖାଟି 'ତୁଳସୀ ଚଉରା' ବାବଦରେ । ବାକିସବୁ ପାଇଁ, ତୁଳସୀ ପ୍ରସଙ୍ଗଟି ଦେଖନ୍ତୁ ।
ଓଡ଼ିଶାରେ ଏକ ଗାଡ଼ିଆ କୂଳରେ ଥିବା ତୁଳସୀ ଚଉରା

ତୁଳସୀ ଚଉରା ଏକ ଛୋଟ ପଥର ବା ସିମେଣ୍ଟ ତିଆରି ମଞ୍ଚ ଯାହା ଉପରେ ତୁଳସୀ ଗଛ ରୋପି ଘର ସାମନାରେ ରଖାଯାଇଥାଏ । ଓଡ଼ିଶାର ହିନ୍ଦୁ ମାନଙ୍କ ଦେଇ ଏହା ବୃନ୍ଦାବତୀ ଭାବରେ ପୂଜିତ ହୋଇଥାଏ ।

ବିଶେଷତା[ସମ୍ପାଦନା]

ତୁଳସୀ (Ocimum tenuiflorum) ଲାମିନାସି (Lamiaceae) ଜାତିର ଏକ ବାସ୍ନାଯୁକ୍ତ ଓ ପୁରାତନ ପୃଥିବୀର ମଧ୍ୟଭାଗରେ ଦେଖାଯାଉଥିବା ଏକ ଛୋଟ ଗଛ/ଗୁଳ୍ମ ।[୧] ହିନ୍ଦୁ ମାନେ ଏହାକୁ ଏକ ପବିତ୍ର ଗଛ ମଣି ବୃନ୍ଦାବତୀ ଭାବରେ ପୂଜା କରିଥାନ୍ତି । ସବୁ ଦିନ ସକାଳେ ଓଡ଼ିଆ ମାନେ ସ୍ନାନ ଅନ୍ତେ ଚଉରାରେ ଥିବା ତୁଳସୀ ଗଛ ମୂଳରେ ଜଳ ଢାଳି ପୂଜା କରିଥାନ୍ତି ଓ ଏହି ଗଛର ପତ୍ରକୁ ପ୍ରସାଦ ରୂପେ ଗ୍ରହଣ କରିଥାନ୍ତି । ହିନ୍ଦୁ ପୁରାଣରେ ତୁଳସୀ ପାଖୁଡ଼ା ଓ ପତ୍ର ସେବନ ଆତ୍ମାକୁ ସ୍ଵର୍ଗକୁ ଘେନିଯାଇଥାଏ ବୋଲି ବିଶ୍ଵାସ କରାଯାଇଥାଏ ।[୨] ଏହା ବ୍ୟତିରେକ ତୂଳସୀ ଗଛର ନାନାଦି ଅଙ୍ଗ କଫ, ଥଣ୍ଡାଜର ନିମନ୍ତେ ଆୟୁର୍ବେଦିକ ଔଷଧ ରୂପରେ ମଧ୍ୟ ବ୍ୟବହାର କରାଯାଇଥାଏ ।

ପାର୍ବଣରେ ତୂଳସୀ ଚଉରା[ସମ୍ପାଦନା]

ପଣା ସଙ୍କ୍ରାନ୍ତି ଦିନ ଏକ ଛୋଟ ମାଠିଆରେ ପଣା ରଖି ତୁଳସୀ ଚଉରା ମୂଳରେ ବାନ୍ଧିଦିଆଯାଏ । ମାଠିଆରେ ଥିବା ଛୋଟ କଣାରୁ ଧିରେ ଧିରେ ପାଣି ଝରେ ଯାହା ବର୍ଷାକୁ ସୂଚାଇଥାଏ । ଛତୁଆ, ଦହି, ଗୁଡ଼କୁ ମିଶାଇ ତୁଳସୀ ଚଉରା ପାଖରେ ଭୋଗ ଲଗାଯାଥାଏ ।[୩]

ଆଧାର[ସମ୍ପାଦନା]

  1. Staples, George; Michael S. Kristiansen (1999). Ethnic Culinary Herbs. University of Hawaii Press. ପୃଷ୍ଠା. 73. ISBN 9780824820947. 
  2. http://www.hindunet.org/faq/fom-serv/cache/19.html
  3. http://www.hindu-blog.com/2009/04/maha-vishuba-sankranti-orissa-new-year.html oriya new year