ଋଷିଆ

ଉଇକିପିଡ଼ିଆ ରୁ
Russian Federation
Российская Федерация
Rossiyskaya Federatsiya
ଜାତୀୟ ସଙ୍ଗୀତГосударственный гимн Российской Федерации
(tr.: Gosudarstvenny gimn Rossiyskoy Federatsii)
(State Anthem of the Russian Federation)

ରାଜଧାନୀ
(and largest city)
Moscow
55°45′N 37°37′E / 55.75°N 37.617°E / 55.75; 37.617
ରାଜ ଭାଷା Russian official throughout the country; 27 others co-official in various regions
ଜାତି]କିମ୍ବା (2010) 81% Russians
3.7% Tatars
1.4% Ukrainians
1.1% Bashkirs
1% Chuvashes
11.8% others and unspecified[୧]
ଏକା ଅର୍ଥ Russian
ସରକାର Federal semi-presidential constitutional republic
 -  President Vladimir Putin
 -  Prime Minister Dmitry Medvedev
ବିଧାନମଣ୍ଡଳ Federal Assembly
 -  ରାଜ୍ୟସଭା Federation Council
 -  ଲୋକସଭା State Duma
Formation
 -  Rurik Dynasty 862 
 -  Kievan Rus' 882 
 -  Vladimir-Suzdal Rus' 1169 
 -  Grand Duchy of Moscow 1283 
 -  Tsardom of Russia 16 January 1547 
 -  Russian Empire 22 October 1721 
 -  Russian Soviet Federative Socialist Republic 7 November 1917 
 -  Union of Soviet Socialist Republics 10 December 1922 
 -  Russian Federation 25 December 1991 
କ୍ଷେତ୍ରଫଳ
 -  ସର୍ବମୋଟ ୧୭ km2 (1st)
୬ ବର୍ଗ ମି 
 -  ଜଳଭାଗ (%) 13[୨] (including swamps)
ଲୋକସଂଖ୍ୟା
 -  2012 ଆକଳନ 143,056,383[୩] (8th)
 -  ଘନତା 8.3/କିମି (217th)
୨୧.୫/ବର୍ଗ ମି
ମୋଟ ଘରୋଇ ଉତ୍ପାଦ (କ୍ରୟ ଶକ୍ତି ସମାନତା) 2011 ଅନୁମାନ
 -  ସର୍ବମୋଟ $2.383 trillion[୪] 
 -  ମୁଣ୍ଡପିଛା ହାର ହିସାବରେ $16,736[୪] 
ମୋଟ ଘରୋଇ ଉତ୍ପାଦ (ଆକଳନ କରାଯାଇଥିବା) 2011 ଆକଳନ
 -  ସର୍ବମୋଟ $1.850 trillion[୪] 
 -  ପ୍ରତିଟି ମଣିଷ $12,993[୪] 
ଜିନି (2008) 42.3[୫] (83rd
ମାନବ ବିକାଶ ସୂଚନାଙ୍କ (2011) increase 0.755[୬] (high) (66th)
ମୁଦ୍ରା Ruble (RUB)
ସମୟ ମଣ୍ଡଳ (ଇଉଟିସି+3 to +12 (exc. +5))
ତିଥି ଗଠନ dd.mm.yyyy
ରାସ୍ତାର ଏପାଖରେ ଚାଲନ୍ତୁ right
ଇଣ୍ଟରନେଟ ଟିଏଲଡ଼ି .ru, .su, .рф
ଫୋନ କୋଡ଼ +7

ଋଷିଆ ଇଉରୋପଏସିଆ ରେ ଥିବା ଏକ ଦେଶ। ଏହିପରି ଦେଶ କୁ ଯୁରେସିଆ ଦେଶ କୁହାଯାଏ।

ଇତିହାସ[ସମ୍ପାଦନା]

ଏହି ରାଷ୍ଟ୍ରର ଇତିହାସ ସ୍ଲାଭ୍ ଗୋଷ୍ଠୀ (East Slavs) ରୁ ଆରମ୍ଭ ହୋଇଥାଏ । ଏହି ସ୍ଲାଭ୍ ଗୋଷ୍ଠୀ ଖ୍ରୀଷ୍ତାବ୍ଦ ତୃତୀୟ ଶତାବ୍ଦୀ ରୁ ଅଷ୍ଟମ ଶତାବ୍ଦୀ ମଧ୍ୟରେ ୟୁରୋପର ଏକ ଜଣାଶୁଣା ଗୋଷ୍ଠୀ ଭାବରେ ପରିଦୃଶ୍ୟ ହୋଇଥିଲା । ନବମ ଶତାବ୍ଦୀରେ ମଧ୍ୟଯୁଗୀୟ ରୁଷ୍ ଭାରାନ୍ଦିଆନ୍ ( Varangian) ନାମକ ଏକ ବିଶିଷ୍ଟ ଯୋଦ୍ଧା ଗୋଷ୍ଠୀ ଏବଂ ସେମାନଙ୍କର ଉତ୍ତରାଧିକାରୀ ମାନଙ୍କ ଦ୍ଵାରା ପ୍ରତିଷ୍ଠିତ ହୋଇ ଶାସିତ ହୋଇଥିଲା । ୯୮୮ରୁ ବିଜାଣ୍ଟାଇନ ସାମ୍ରାଜ୍ୟ ( Byzantine Empire) ସମୟରେ ଏହି ରାଷ୍ଟ୍ର ରକ୍ଷଣଶୀଳ ଖ୍ରୀଷ୍ଟ ଧର୍ମକୁ ରାଷ୍ଟ୍ରୀୟ ଧର୍ମ ରୂପେ ଗ୍ରହଣ କରିଥିଲା । ପରବର୍ତ୍ତି ସହସ୍ରାବ୍ଦ ପର୍ଯ୍ୟନ୍ତ ଏହି ବିଜାଣ୍ଟାଇନ ଓ ସ୍ଲାଭିକ ସଭ୍ୟତାର ମିଶ୍ରଣ ହିଁ ରୁଷିୟ ସଭ୍ୟତାର ସଂଜ୍ଞା କୁ ବୁଝାଉ ଥିଲା । ଶେଷରେ ରୁଷ ଖଣ୍ଡ ଖଣ୍ଡ ହୋଇ ଅନେକ ଗୁଡ଼ିଏ ଛୋଟ ଛୋଟ ରାଜ୍ୟରେ ଭାଗ ହୋଇ ଯାଇଥିଲା । ସଂଖ୍ୟାଧିକ ରାଜ୍ୟ ମଙ୍ଗୋଲିୟ ଆକ୍ରମଣକାରୀ ମାନଙ୍କ ଦ୍ଵାରା ଅଧିକୃତ ହୋଇ, ଗୋଲଡେନ୍ ହୋର୍ଡ଼ (Golden Hord ) ଯାଯାବର ଜାତି ଦ୍ଵାରା ରକ୍ଷଣା ବେକ୍ଷଣ ହୋଇଥିଲା ।ପରବର୍ତ୍ତି କାଳରେ ଧିରେ ଧିରେ ମସ୍କୋର ଗ୍ରାଣ୍ଡ୍ ଡଚୀ (Grand Duchy of Moscow)ରୁଷିଆର ଛୋଟ ଛୋଟ ଇଲାକା ଗୁଡିକୁ ପ୍ରଭାବିତ କରି ଏକତ୍ରିତ କରାଇ ଗୋଲଡେନ୍ ହୋର୍ଡ଼ ଠାରୁ ସ୍ଵାଧିନତା ହାସଲ କରିଥିଲା ଏବଂ କିଏଭାନ୍ ରୁଷ (Kievan Rus)ର ସାଂସ୍କୃତିକ ଓ ରାଜନୈତିକ ପରମ୍ପରା ର ପ୍ରାଧାନ୍ୟ ବିସ୍ତାର କରିଥିଲା । ଅଷ୍ଟାଦଶ ଶତାବ୍ଦୀ ବେଳକୁ ଏହି ରାଷ୍ଟ୍ର, ବିଜୟ ଲାଭ, ସଂଯୋଗ ଓ ଆବିଷ୍କାର ଫଳରେ ବର୍ଦ୍ଧିତ ହୋଇ ଋଷିୟ ସାମ୍ରାଜ୍ୟ ଭାବରେ ଇତିହାସରେ ପରିଚିତ ହୋଇଥିଲା । ଏହା ୟୁରୋପର ପୋଲାଣ୍ଡ ଠାରୁ ଉତ୍ତର ଆମେରିକାର ଆଲାସ୍କା ପର୍ଯ୍ୟନ୍ତ ବିସ୍ତୃତ ଥିଲା ।

ଆଇଭାନ -ତୃତୀୟ (The Great) ପ୍ରଥମେ ରୁଷିୟ ଗ୍ରାଣ୍ଡ୍ ଡିଉକ୍ (Grand Duke of all the Russians) ଉପାଧି ପାଇଥିଲେ l ସିଏ ହିଁ ଗୋଲଡେନ୍ ହୋର୍ଡ଼ ର ନିୟନ୍ତ୍ରଣ ରୁ ରୁଷିୟ କୁ ସମ୍ପୁର୍ଣ ମୁକ୍ତ କରିଥିଲେ ଏବଂ ପୁରା କେନ୍ଦ୍ରିୟ ଓ ଉତ୍ତର ରୁଷ କୁ ଏକତ୍ରୀକରଣ କରି ମସ୍କୋ ଶାସନାଧିନ ରଖାଇଥିଲେ । ୧୪୫୩ ରେ ତାଙ୍କ ଶାସନାଧିନରେ, କନଷ୍ଟlନ୍ତିନୋପଲ୍ ର ପତନ ପରେ ମସ୍କୋ ନିଜକୁ ପ୍ରାଚ୍ୟ ରୋମାନ୍ ସାମ୍ରାଜ୍ୟର ଉତ୍ତରାଧିକାରୀ ରୁପେ ଘୋଷଣା କରିଥିଲା । ୧୫୪୭ ରେ ଗ୍ରାଣ୍ଡ୍ ଡିଉକ୍ ଆଇଭାନ୍ ଚତୁର୍ଥ, ଔପଚାରିକ ଭାବରେ ରୁଷିଆର ପ୍ରଥମ ଜାର୍(Tsar)ର ମୁକୁଟ ପରିଧାନ କରିଥିଲେ l ସେ ଏକ ନୁତନ ଆଇନ୍ (code of laws)(Sudebnik of 1550)ପ୍ରବର୍ତ୍ତନ କରାଇ ଥିଲେ l ସେ ରୁଷିୟl ର ପ୍ରଥମ ସାମନ୍ତ ଶ୍ରେଣୀ ପ୍ରତିନିଧି ସଭା ପ୍ରତିଷ୍ଠା କରିଥିଲେ ଓ ଗ୍ରାମାଞ୍ଚଳରେ ସ୍ଥାନୀୟ ସ୍ଵୟଂଶାସନ ବ୍ୟବସ୍ଥା ପ୍ରଚଳନ କରିଥିଲେ । ତାଙ୍କରର ଦୀର୍ଘ ଶାସନ କାଳରେ ନିର୍ଧାରିତ ବୃହତ୍ ରୁଷିୟ ରାଜ୍ୟର କ୍ଷେତ୍ର ପାଖାପାଖି ଦୁଇଗୁଣିତ ଭାବରେ ବୃଦ୍ଧି ପାଇଥିଲା । ଖାନ୍ ଶାସନାଧିନ ତାତାର୍, କାଜାନ୍, ଭଲଗା ନଦୀ ସହିତ ଆସ୍ତ୍ରlଖାନ୍ ଏବଂ ଦକ୍ଷିଣ ପଶ୍ଚିମାଞ୍ଚଳ ସାଇବେରିଆର ଖାନ୍ ଶାସନାଧିନ ସାଇବେରିଆ ଏହାର ଅନ୍ତର୍ଗତ ହୋଇଥିଲା । ଏହିପରି ଭାବରେ ଶୋଡଶ ଶତାବ୍ଦୀ ଶେଷ ବେଳକୁ ରୁଷିଆ ବିଭିନ୍ନ ସମ୍ପ୍ରଦାୟର ମିଶ୍ରଣରେ ୟୁରୋପର ପ୍ରଧାନ ଭୁଭାଗ ଏ ପାଖରୁ ସେପାଖ ପର୍ଯ୍ୟନ୍ତ ରୁପାନ୍ତରିତ ହୋଇଯାଇଥିଲା ।

ବଲଟିକ୍ ସାଗର ଉପକୁଳରେ ପ୍ରବେଶ ଅଧିକାର ଓ ସାମୁଦ୍ରିକ ବାଣୀଜ୍ୟ ପାଇଁ ପୋଲାଣ୍ଡ, ଲିଥୁନିଆ ଓ ସ୍ଵିଡେନ ର ମିଳିତ ଶକ୍ତି ସଂଗେ ଯେଉଁ ଦୀର୍ଘ ଓ ଅସଫଳ ଲିଭୋନିଆଁ ଯୁଦ୍ଧ (Livonian war)ହୋଇଥିଲା ତାହା ରୁଷିଆର ଜାର୍ ଶାସନ କୁ ଦୁର୍ବଳ କରିଦେଇଥିଲା l ସେହି ସମୟରେ ଗୋଲଡେନ୍ ହୋର୍ଡ଼ ଦଳର ଏକମାତ୍ର ବଂଶଧର କ୍ରିମୀୟାନ୍ ଖାନାଟ୍ (Crimean Khanate)ରୁଷିଆ ଉପରେ ଅତର୍କିତ ଆକ୍ରମଣ ଚାଲୁ ରଖିଥିଲେ । ୧୫୭୧ରେ ଖାନାତସ, କ୍ରିମୀୟାନ୍ ଓ ସେମାନଙ୍କର ଓତମାନ୍ ମିଳିତ ଶକ୍ତି ଭଲ୍ଗା ପୁନରୁଦ୍ଧାର ପାଇଁ କେନ୍ଦ୍ରିୟ ରୁଷିଆ କୁ ଆକ୍ରମଣ କରି, ମସ୍କୋର କିଛି ଅଂଶ ଜଳାଇ ଦେଇଥିଲେ l କିନ୍ତୁ ତା ପର ବର୍ଷ ଏହି ଆକ୍ରମଣକାରୀ ସୈନ୍ୟ ବାହିନୀ, ଋଷିୟ ମାନଙ୍କ ଦ୍ଵାରା ମୋଲୋଦୀ ଯୁଦ୍ଧ ରେ ସମ୍ପୁର୍ଣ ଭାବରେ ପରାସ୍ତ ହୋଇ, ରୁଷିଆରେ ଓତୋମାନ୍-କ୍ରିମୀୟାନ୍ ପ୍ରସାରଣ କୁ ସବୁଦିନ ପାଇଁ ବନ୍ଦ କରିଦେଇଥିଲା, କିନ୍ତୁ ରୁଷିଆ ରେ କ୍ରିମୀୟାନ ମାନଙ୍କର ଅତର୍କିତ ଆକ୍ରମଣ ସପ୍ତଦଶ ଶତାବ୍ଦୀ ର ଶେଷଭାଗ ପର୍ଯନ୍ତ ବନ୍ଦ ହୋଇନଥିଲା । ୧୫୯୮ରେ ଆଇଭାନଙ୍କ ପୁଅ ମାନଙ୍କ ମୃତ୍ୟୁ ପ୍ରାଚୀନ ରୁରିକ୍ ରାଜବଂଶର ପୂର୍ଣ୍ଣଚ୍ଛେଦ ପକାଇଦେଇଥିଲା, ତା ସହିତ ୧୬୦୧ରୁ ୧୬୦୩ର ଦୁର୍ଭିକ୍ଷ ରୁଷିଆରେ ଗୃହ ଯୁଦ୍ଧ ଆଡ଼କୁ ବାଟ କଢାଇ ନେଇଥିଲା । ୧୬୧୩ରେ ରୋମlନୋଭ୍ ରାଜବଂଶ ସିଂହାସନ ଆରୋହଣ କରିଥିଲା ଏବଂ ଏହାର ଶାସନ କାଳରେ ଦେଶ ଧିରେ ଧିରେ ସଂକଟ କାଳରୁ ପୁର୍ବାବସ୍ଥା କୁ ଫେରି ଆସିଥିଲା ।

ସପ୍ତଦଶ ଶତାବ୍ଦୀରେ କୋସାକସ୍ (Cossacks) ମାନଙ୍କ ସମୟରେ ରୁଷିଆ ତାର କ୍ଷେତ୍ର ବୃଦ୍ଧିକୁ କ୍ରମାଗତ ଭାବରେ ଚାଲୁରଖିଥିଲା । ୧୬୪୮ରେ ୟୁକ୍ରେନର କୃଷକ ଶ୍ରେଣୀ ପୋଲିଶ ଶାସନ ସମୟରେ ସେମାନଙ୍କର ସାମାଜିକ ଓ ଧାର୍ମିକ ନିର୍ଯ୍ୟତନା ରେ ଅତିଷ୍ଠ ହୋଇ, ଜାପୋରଝିୟାନ୍ କୋସାକସ ମାନଙ୍କ ସହ ଏକାଠି ହୋଇ, ପୋଲାଣ୍ଡ -ଲିଥୁନିଆ ବିରୁଦ୍ଧ ରେ ସଶସ୍ତ୍ର ବିଦ୍ରୋହ କରିଥିଲେ । ୧୬୫୪ରେ ୟୁକ୍ରେନ୍ର ର ନେତା ଭୋଦାନ୍ କ୍ଷେନୁଷ୍କୀ (Bohdan Khmelnytsky) ରୁଷିୟ ଜାର୍ ଆଲେକସେ (Aleksey ) ଙ୍କ ଆଶ୍ରୟରେ ରହିବାକୁ ଚାହିଁଥିଲେ l ଆଲେକସେ ସେହି ପ୍ରସ୍ତାବରେ ରାଜି ହୋଇ ପୋଲାଣ୍ଡ୍ ସହିତ ଯୁଦ୍ଧ କରିଥିଲେ l ତାହା ଥିଲା ରୁଷୋ -ପୋଲିଶ୍ ଯୁଦ୍ଧ (Russo-polish war ୧୬୫୪ରୁ୧୬୬୭) । ଶେଷରେ ୟୁକ୍ରେନ୍ ଭାଗ ହୋଇ ପଶ୍ଚିମ ଦେଶ ପୋଲିଶ୍ ଶାସନାଧିନ ଓ ପୁର୍ବ ଦେଶ ରୁଷିଆ ଶାସନାଧିନ ରହିଲା । ଯେତେବେଳେ ,ବଲଟିକ୍ ସାଗର ଉପକୁଲରେ ପ୍ରବେଶର ଅଧିକାର ଓ ସାମୁଦ୍ରିକ ବାଣୀଜ୍ୟ ପାଇଁ ଯେଉଁ ଦୀର୍ଘ ଲିଭୋନୀୟ ଯୁଦ୍ଧ ପୋଲାଣ୍ଡ୍ ,ଲିଥୁନିଆ ଓ ସୁଇଡେଂ ସଂଗେ ସଫଳ ହୋଇପାରି ନ ଥିଲା ତାହା କ୍ରମେ ଜାର୍ ଶାସନ କୁ ଦୁର୍ବଳ କରିଦେଇଥିଲା । ଠିକ ସେହି ସମୟରେ କ୍ରିମିଆନ୍ ଖାନାଟ୍ (Crimean Khanate) ଗୋଲଡେନ୍ ହୋର୍ଡ଼ (Golden Horde)ର ଏକମାତ୍ର ବଂଶଧର ଅବିଛିନ୍ନ ଭାବରେ ଦାକ୍ଷୀଣାତ୍ୟ ରୁଷିଆ ଉପରେ ଅତିର୍କିତ ଆକ୍ରମଣ ଚାଲୁ ରଖିଥିଲେ l ୧୫୭୧ରେ ଭାଲଗା ର ପୁନରୁଦ୍ଧାର ପାଇଁ ଖାନାତସ୍, କ୍ରିମୀଆନ ଓ ସେମାନନ୍କର ଓତମାନ୍ ମିଳିତ ଶକ୍ତି କେନ୍ଦ୍ରିୟ ରୁଷିଆ କୁ ଆକ୍ରମଣ କରି, ମସ୍କୋ ର କିଛି ଅଂଶ ଜାଳି ନଷ୍ଟ କରିଦେଇଥିଲେ । ତା' ପର ବର୍ଷ ଏହି ଆକ୍ରମଣକାରୀ ସୈନ୍ୟ ବାହିନୀ, ରୁଷିୟ ମାନଙ୍କ ଦ୍ଵାରା ସମ୍ପୂର୍ଣ୍ଣ ଭାବରେ ମୋଲୋଦି ଯୁଦ୍ଧରେ ପରାସ୍ତ ହୋଇ ରୁଷିଆରେ ଓତୋମାନ୍-କ୍ରିମିଆନ୍ ପ୍ରସାରଣର ଭୟ ସବୁଦିନ ପାଇ ବନ୍ଦ ହୋଇଯାଇଥିଲା । କିନ୍ତୁ କ୍ରିମିଆନର ଅତର୍କିତ ଆକ୍ରମଣ ସପ୍ତଦଶ ଶତାବ୍ଦୀ ପର୍ଯ୍ୟନ୍ତ ବନ୍ଦ ହୋଇନଥିଲା ।

୧୫୯୮ରେ ଆଇଭାନ ଙ୍କ ପୁଅମାନଙ୍କ ମୃତ୍ୟୁ ପ୍ରାଚୀନ ରିଉରିକ ରାଜବଂଶର ପୂର୍ଣ୍ଣଛେଦ କୁ ସ୍ପଷ୍ଟ କରିଦେଇଥିଲା l ତା ସହିତ ୧୬୦୧-୧୬୦୩ ର ଦୁର୍ଭିକ୍ଷ, ରଷିଆରେ ଗୃହଯୁଦ୍ଧର କାରଣ ହୋଇଥିଲା l ତେବେ ୧୬୧୩ ରେ ରୋମାନୋଭ୍ ରାଜବଂଶ (Romanov Dynasty ) ର ସିଂହାସନ ଆରୋହଣ ପରେ ଏହି ଦେଶ ଧିରେ ଧିରେ ସଂକଟ ଅବସ୍ଥାରୁ ,ପୁର୍ବ ସ୍ଵାଭାବିକ୍ ଅବସ୍ଥାକୁ ଫେରି ଆସିଥିଲା ।

ସପ୍ତଦଶ ଶତାବ୍ଦୀ ରେ ରୁଷିଆ ତାର କ୍ଷେତ୍ର ବୃଦ୍ଧି କୁ କ୍ରମାଗତ ଭାବରେ ଚାଲୁ ରଖିଥିଲା ,ଯାହାକି କୋସାକ୍ସ (Cossacks )ମାନଙ୍କର ସମୟ ଥିଲା l କୋସାକ୍ସ୍ ମାନେ ବିଖ୍ୟାତ ଅଶ୍ଵାରୋହୀ ଭାବରେ ଖ୍ୟାତ ରୁଷିଆର ଏକ ସଙ୍ଗଠିତ ଯୋଦ୍ଧା ଗୋଷ୍ଠୀ । ୧୬୪୮ରେ ୟୁକ୍ରେନ୍ ର କୃଷକ ଶ୍ରେଣୀ ଜାପୋରଝିୟାନ୍ କୋସାକ୍ସ୍ (Zaporozhian Cossacks) ମାନଙ୍କ ସହିତ ଏକାଠି ହୋଇ ପୋଲାଣ୍ଡ୍-ଲିଥୁନିଆ ବିରୁଦ୍ଧରେ ସଶସ୍ତ୍ର ବିଦ୍ରୋହ କରିଥିଲେ l ପୋଲିଶ (Polish ) ଶାସନ ସମୟରେ ସେମlନଂକ ଉପରେ ହୋଇଥିବା ସାମାଜିକ ଓ ଧାର୍ମିକ ନିର୍ଯ୍ୟlତନା ର ଏହା ଥିଲା ପ୍ରତିଉତ୍ତର l ୧୬୫୪ରେ ୟୁକ୍ରେନ୍ ର ନେତା ବୋହଦାନ୍ କ୍ଷେମେନୁତଷ୍କୀ (Bohdan Khmelnytsky ) ୟୁକ୍ରେନ୍ କୁ ରୁଷିୟ ଜାର୍ ଆଲେକସେ (Aleksey 1 ) ଙ୍କ ଆଶ୍ରୟରେ ରଖିବାକୁ ଚାହିଁ ଥିଲେ l ଆଲେକସେ ସେହି ପ୍ରସ୍ତାବରେ ରାଜି ହୋଇ ପୋଲାଣ୍ଡ୍ ସହିତ ଏକ ଯୁଦ୍ଧ କରିଥିଲେ, ଯାହାକି ରୁଷୋ-ପୋଲିଶ୍ ଯୁଦ୍ଧ (Russo -Polish War ) (୧୬୫୪ -୧୬୬୭ ) ନାମରେ ଖ୍ୟlତ l ଶେଷରେ ୟୁକ୍ରେନ୍ ଖଣ୍ଡ ହୋଇ ପଶ୍ଚିମ ଅଂଶ ପୋଲିଶ୍ ଶାସନାଧିନ ଓ ପୁର୍ବ ଦେଶ ରୁଷିଆ ଶାସନାଧିନ ରହିଲା ।

କୋସାକ୍ସ ମାନଙ୍କର ମୁଲ୍ୟବାନ ଫର୍(ପଶୁ ଲୋମ )ଓ ହାତୀ ଦାନ୍ତ ପାଇବାର ର ଅନୁସନ୍ଧାନ ,ରୁଷିୟ ମାନଙ୍କୁ ପୁର୍ବଦିଗ ଆଡକୁ ଆବିଷ୍କାର ତଥା ସାଇବେରିଆର ବିଶାଳ ଭୁଭାଗରେ ଉପନିବେଶୀକରଣ ପାଇଁ ବାଟ କଢlଇ ଥିଲା । ପୂର୍ବ ଦିଗରେ ରୁଷିୟ ମାନଙ୍କର ଅନୁଧାବନ ମୁଖ୍ୟତଃ ସାଇବେରିଆ ନଦୀ କୁଳେ କୁଳେ ଥିଲା l ସପ୍ତଦଶ ଶତାବ୍ଦୀ ର ମଧ୍ୟ ଭାଗ ବେଳକୁ ପୁର୍ବ ସାଇବେରିଆର ଅମୁର ନଦୀ କୁଳବର୍ତୀ' ଚୁକଚୀ ଉପଦ୍ଦିପ(Chukchi Peninsula ) ଓ ପାସିଫିକ୍ ଉପକୁଳରେ(Pacific coast ) ରୁଷିୟ ବସତି ସ୍ଥାପନ ହୋଇଯାଇଥିଲା ।

୧୭୨୧ରେ ପିଟର୍ ଦି ଗ୍ରେଟ୍ (Peter the Great ) ଙ୍କ ଅଧିନରେ ରୁଷିଆକୁ ବିଧିବଦ୍ଧ ଭାବରେ ଏକ ସାମ୍ରାଜ୍ୟ ହିସାବରେ ଘୋଷଣା କରାଯାଇଥିଲା ଏବଂ ରଷିଆ ପୃଥିବୀର ଏକ ଶକ୍ତିଶାଳୀ ରାଷ୍ଟ୍ର ହିସାବରେ ପରିଚିତି ଲାଭ କରିଥିଲା l ୧୬୮୨ ରୁ ୧୭୨୫ ପର୍ଯ୍ୟନ୍ତ ନିଜର ଶାସନ କାଳ ମଧ୍ୟରେ ପିଟର୍ , ଗ୍ରେଟ୍ ନରଦନ୍ ଯୁଦ୍ଧରେ(Great Northen War ) ସୁଇଡେନ କୁ ପରାସ୍ତ କରି କେରେଲିଆ ଓ ଇଙ୍ଗ୍ରିଆ(West Kerelia and Ingria) ରୁଷିଆ ହରାଇଥିବା ଦୁଇଟି ଅଞ୍ଚଳ, ତା ସହିତ ଇଷ୍ଟ୍ ଲ୍ୟାଣ୍ଡ ଓ ଲିଭଲ୍ୟlଣ୍ଡ୍ କୁ ଅକ୍ତିଆର କରିଥିଲେ ଏବଂ ସମୁଦ୍ର ଓ ସାମୁଦ୍ରିକ ବାଣୀଜ୍ୟ ବ୍ୟବହାର କୁ ସୁରକ୍ଷିତ କରାଇଥିଲେ । ବାଲଟିକ୍ ସମୁଦ୍ର କୁଳରେ ସେ," ସେଣ୍ଟ୍ ପିଟର୍ସ୍ ବର୍ଗ "ନାମରେ ନୁତନ ରାଜଧାନୀ ପ୍ରତିଷ୍ଠା କରିଥିଲେ l ପରେ ତାହା Russia ' s Window to Europe ନାମରେ ଜଣlଶୁଣା ହୋଇଥିଲା l ପିଟର୍ ,ପାଶ୍ଚାତ୍ୟ ୟୁରୋପ୍ ର ପ୍ରଭାବରେ ରଷିଆ ରେ ବିଭିନ୍ନ ପରିବର୍ତନ ଅଣlଇଥିଲେ ।

୧୭୪୧-୧୭୬୨ ଥିଲା ପିଟର୍-୧ ଙ୍କ ଝିଅ ଏଲିଜାବେଥ ଙ୍କ ଶାସନ କାଳ । ସେହି ସମୟରେ ରୁଷିଆ ,ସାତ ବର୍ଷ ର ଯୁଦ୍ଧ(Seven Years ' War ) (1756 -63 ) ରେ ସାମିଲ୍ ହୋଇଥିଲା । ଏହି ଯୁଦ୍ଧ ସମୟରେ କିଛି ସମୟ ପାଇଁ ପୁର୍ବ ପ୍ରୁସିଆ ,ଏଭଳିକି ବର୍ଲିନ୍ ,ରଷିଆ ସହ ମିଶି ଯାଇଥିଲା l ଏଲିଜାବେଥ୍ ଙ୍କ ମୃତ୍ୟୁ ପରେ ଏହି ସବୁ ବିଜିତ ରାଜ୍ୟ ଗୁଡିକୁ, ପ୍ରୁସିଆ ସପକ୍ଷ ବାଦୀ ରୁଷିୟ ସମ୍ରାଟ୍ ତୃତୀୟ ପିଟର, ପ୍ରୁସିଆ ରାଜ୍ୟ କୁ ଫେରାଇ ଦେଇଥିଲେ ।

୧୭୬୨-୯୬ ଥିଲା ରଷିଆ ର ପ୍ରବ୍ରୁଦ୍ଧ ଯୁଗ । ଏହି ସମୟରେ ଶାସନର ନେତୃତ୍ଵ ନେଇଥିଲେ ଦ୍ଵିତୀୟ କ୍ୟlଥେରିନ (The Great ) l ସେ ରୁଷିଆ ର ରାଜନୈତିକ ନିୟନ୍ତ୍ରଣ କୁ ପୋଲାଣ୍ଡ୍ -ଲିଥୁନିଆ ରାଜ୍ୟ ଉପରେ ବିସ୍ତାରିତ କରିଥିଲେ l ପୋଲଣ୍ଡ୍ ବିଭାଜନ ସମୟରେ ସେହି ରାଜ୍ୟ ର ଅନେକ ଅଂଶ କୁ ରୁଷିଆ ସାମ୍ରାଜ୍ୟ ର ଅନ୍ତର୍ଭୁକ୍ତ କରିଥିଲେ, ପଶ୍ଚିମ ଦିଗରେ ରୁଷିଆ ର ସୀମା କୁ କେନ୍ଦ୍ରିୟ ୟୁରୋପ ଭିତର ପର୍ଯ୍ୟନ୍ତ ବଢାଇ ଦେଇଥିଲେ |ଓତୋମାନ୍ ସାମ୍ରାଜ୍ୟ ବିରୁଦ୍ଧରେ ରୁଷୋ- ଟର୍କିସ୍ ଯୁଦ୍ଧ(Russo - Turkish Wars ) ରେ କ୍ରିମିଆନ୍ ଖାନତ୍ ଙ୍କୁ ପରାସ୍ତ କରି କ୍ୟାଥେରିନ୍ ରୁଷିଆ ର ସୀମାକୁ ଦକ୍ଷିଣ ପଟେ ବ୍ଲାକ୍ ସି(Black Sea ) ପର୍ଯ୍ୟନ୍ତ ବଢାଇ ଦେଇଥିଲେ l ଓଟୋମାନ୍ (Ottoman ) ମାନଂକ ଉପରେ ବିଜୟ ର ପରିଣାମ ରେ ଉନବିଂଶ ଶତାବ୍ଦୀ ର ଆରମ୍ଭରେ ରଷିଆ ଉଲ୍ଲେଖନୀୟ ଭାବରେ କକେସିଆ ଅଂଚଳ ଅଧିକାର କରିଥିଲା । ପ୍ରଥମ ଆଲେକଜାନ୍ଦର୍ ୧୮୦୧ରୁ ୧୮୨୫ ପର୍ଯ୍ୟନ୍ତ ଶାସନ କରିଥିଲେ |

୧୮୧୨ରେ ଅନ୍ୟ ଇଉରୋପିୟ ଦେଶ ସହିତ ଏକାଠି ହୋଇ ରୁଷିଆ ଫ୍ରାନସ୍ ବିରୁଦ୍ଧରେ ନେପୋଲିଆନ୍ ଙ୍କ ସହିତ ଜୁଦ୍ଧ କରିଥିଲା । ତାହା ଥିଲା ନେପୋଲିଅନ୍ ଙ୍କ କ୍ଷମତାର ଶୀର୍ଷ ସମୟ କିନ୍ତୁ ରଷିଆ ର ଭୀଷଣ ପ୍ରତିରୋଧ ସହିତ, ତାର ପ୍ରବଳ ଶୀତ ଜଳବାୟୁ ଆକ୍ରମଣକାରୀ ଙ୍କ ପାଇଁ ବିପର୍ଯ୍ୟୟ ପରାଜୟ ଆଣି ଦେଇଥିଲା l ଏଥିରେ ସମଗ୍ର ଇୟୁରୋପ୍ ର ୯୫ ଭାଗ ରୁ ଅଧିକ ସୈନ୍ୟ ମୃତ୍ୟୁ ବରଣ କରିଥିଲେ । ଦ୍ଵିତିୟ ଆଲେକଜାନ୍ଦର୍ (୧୮୫୫-୮୧) ବିଧିବଦ୍ଧ ଭାବରେ ଯେଉଁ ଉଲ୍ଲେଖଯୋଗ୍ୟ ପରିବର୍ତ୍ତନ ଆଣିଥିଲେ ଦାସତ୍ଵ ମୋଚନ ସଂସ୍କାର(emancipation reform of 1861 ) ତା ଭିତରେ ଅନ୍ତର୍ଭୁକ୍ତ ଥିଲା l ଏହି ଉଲ୍ଲେଖନୀୟ ସଂସ୍କାର ସବୁ ରଷିଆ ରେ ଶିଳ୍ପାୟନ ଏବଂ ସେନାବାହିନୀର ଆଧୁନିକରଣ ପାଇଁ ସହାୟ ହୋଇଥିଲା |ଉନବିଂଶ ଶତାବ୍ଦୀ ର ଶେଷ ଭାଗରେ ରୁଷିଆ ରେ ଅନେକ ସାମ୍ୟବାଦୀ ଆନ୍ଦୋଳନ ଦେଖାଯାଇଥିଲା । ୧୮୮୧ରେ ଦ୍ଵିତିୟ ଆଲେକଜାନ୍ଦର୍ ବୈପ୍ଲବିକ ପରିବର୍ତ୍ତନ ରେ ସାମିଲ୍ ଥିବା ସନ୍ତ୍ରାସବାଦୀ ମlନଂକ ହାତରେ ମୃତ୍ୟୁ ବରଣ କରିଥିଲେ । ଶେଷ ରୁଷିୟ ସମ୍ରାଟ୍ ଦ୍ଵିତିୟ ନିକୋଲାସ୍ (୧୮୯୪-୧୯୧୭), ୧୯୦୫ର ରୁଷିୟ ବିପ୍ଲବ ରେ ଘଟି ଯାଇଥିବା ଘଟଣା ଗୁଡିକୁ ଅଟକାଇବା ପାଇଁ ଅସମର୍ଥ ହୋଇଥିଲେ l ତାହା ରୁଷୋ-ଜାପାନିଜ୍ ଯୁଦ୍ଧ(Russo -Japanese War ) କୁ ତ୍ଵରାନ୍ଵିତ କରିଥିଲା । ଏହି ଘଟଣା ଟି ର ପ୍ରଦର୍ଶନ ରକ୍ତ ରଂଜିତ ରବିବାର (Bloody Sunday ) ଭାବରେ ବିଦିତ l ଯଦିଓ ଏ ବିଦ୍ରୋହ କୁ ବଳ ପୁର୍ବକ ଦମନ କରିଦିଆ ଯାଇଥିଲା ,କିନ୍ତୁ ସରକାର ବିଭିନ୍ନ ପ୍ରକାର ଗୁରୁତ୍ଵୋପୁର୍ଣ୍ଣ ସଂସ୍କାର ପ୍ରବର୍ତ୍ତନ କରିବାକୁ ବାଧ୍ୟ ହୋଇଥିଲେ l ସେଗୁଡିକ ମଧ୍ୟରେ ମତାମତ ପ୍ରକାଶ ର ଅଧିକାର ,ଜନସାଧାରଣ ଙ୍କ ସମାବେଶର ଅଧିକାର ,ରାଜନୈତିକ ଦଳମାନଂକର ବୈଧିକରଣ ଏବଂ ନିର୍ବାଚିତ ଆଇନ ପ୍ରଣୟନସଂସ୍ଥା ର ଉତ୍ପତ୍ତି ,ରୁଷିୟ ବିଧାନ ପରିଷଦ (the State Duma of the Russian Empire ) ଅନ୍ତର୍ଭୁକ୍ତ ।

୧୯୧୪ରେ ରୁଷିଆ ଦ୍ଵିତିୟବିଶ୍ଵଯୁଦ୍ଧ ରେ ଭାଗ ନେଇଥିଲା l ଅଷ୍ଟ୍ରିଆ-ହଂଗେରୀ ଯେତେବେଳେ ରୁଷିଆର ମିତ୍ରରାଷ୍ଟ୍ର ସର୍ବିଆ ଉପରେ ଆକ୍ରମଣ କରିଥିଲା ,ରୁଷିଆ ସେତେବେଳେ ଅଷ୍ଟ୍ରିଆ-ହଂଗେରୀ ବିରୁଦ୍ଧରେ ଯୁଦ୍ଧ ଘୋଷଣା କରିଥିଲା l ୧୯୧୬ରେ ରୁଷିଆର ସୈନ୍ୟବାହିନୀ ଅଷ୍ଟ୍ରିଆ-ହଂଗେରୀକୁ ପରାସ୍ତ କରିଥିଲେ l ତାହା ସତ୍ତ୍ଵେ ,ଯୁଦ୍ଧରେ ଅତ୍ୟଧିକ ଖର୍ଚ ,ଯୁଦ୍ଧରେ ସଂଖ୍ୟାଧିକ ମୃତ ଓ ଆହତ ଏବଂ ଦୁର୍ନୀତି ଓ ଦେଶଦ୍ରୋହ ର ଜନରବ ,ରୁଷିଆରେ ଜନ ଅସନ୍ତୋଷ କୁ ଗଭୀର କରିଥିଲା l ଯାହାର ଫଳ ସ୍ଵରୁପ ୧୯୧୭ରେ ବିଦ୍ରୋହ ସୃଷ୍ଟି ହୋଇଥିଲା ଏବଂ ରୁଷିଆ ପ୍ରଥମ ବିଶ୍ଵଯୁଦ୍ଧ ରୁ ଓହରି ଆସିଥିଲା l ଏହି ବିଦ୍ରୋହ ଦୁଇଟି ପର୍ଯ୍ୟାୟରେ ହୋଇଥିଲା । ଫେବ୍ରୁଆରୀ ବିଦ୍ରୋହ(February Revolution ) ଓ ଅକ୍ଟୋବର୍ ବିଦ୍ରୋହ(October Revolution )

ଫେବ୍ରୁୟାରି ବିଦ୍ରୋହ(February Revolution ) ରେ ଦ୍ଵିତିୟ ନିକୋଲାସ୍ ଗାଦିଚ୍ୟୁତ ହୋଇଥିଲେ, ତାଙ୍କ ପରିବାର ସହ ତାଙ୍କୁ ବନ୍ଦୀ କରାଯାଇଥିଲା, ପରେ ରୁଷିୟ ଗୃହଯୁଦ୍ଧ(Russian Civil War ) ସମୟରେ ତାଙ୍କୁ ମୃତ୍ୟୁ ଦଣ୍ଡ ଦିଆଯାଇଥିଲା l ରାଜତନ୍ତ୍ର ର ସ୍ଥାନ ନେଇଥିଲା ଏକ ଅସ୍ଥିର ମିଳିତ ରାଜନୈତିକ ଦଳ l ଏହା ଏକ ଅସ୍ଥାୟୀ ସରକାର ଘୋଷଣା କରିଥିଲା l ଅନ୍ୟ ଏକ ବିକଳ୍ପ ଭାବରେ ସାମ୍ୟବାଦ ସଂଗଠନ ପେତ୍ରୋଗ୍ରାଦ୍ ସୋଭିଏତ୍(Petrograd Soviet ) ତା ସଂଗରେ ରହିଥିଲା । ଗଣତାନ୍ତ୍ରିକ ପଦ୍ଧତିରେ ନିର୍ବାଚିତ ପ୍ରସାଶନିକ ପରିଷଦ ଓ ଚାଷୀମାନଂକ ଦ୍ଵାରା ଏହି ସାମ୍ୟବାଦି ସଙ୍ଗଠନ ନିଜର କ୍ଷମତାର ଅଧିକାର କୁ ବିସ୍ତାର କରିପାରିଥିଲା l ଏହି ନୁତନ ଶାସନ ବ୍ୟବସ୍ଥା ,ସମସ୍ୟାର ସମାଧାନ କରିବା ପରିବର୍ତ୍ତେ, ଦେଶର ସଂକଟ କୁ ଅଧିକ ବଢାଇ ଦେଇଥିଲା l ପରିଶେଷରେ ଅକ୍ଟୋବର୍ ବିପ୍ଲବ (October Revolution ) ମୁଣ୍ଡ ଟେକିଥିଲା | ବୋଲଷେଭିକ୍ (Bolshevik ) ନେତା ଭ୍ଲାଦିମିର୍ ଲେନିନ୍ ଙ୍କ ନେତ୍ରୁତ୍ଵରେ ରୁଷିଆର ଅସ୍ଥାୟି ସରକାର କୁ ହଟାଇ ପୃଥିବୀର ସର୍ବ ପ୍ରଥମ ସାମ୍ୟବାଦୀ ରାଷ୍ଟ୍ର ପ୍ରତିଷ୍ଠା ହୋଇଥିଲା |

ଅକ୍ଟୋବର୍ ବିପ୍ଲବ ପରେ ପରେ କମ୍ୟୁନିଷ୍ଟ୍ ବିରୋଧୀ ,ଧଳା ବାହିନୀ ( White Movement )ଏବଂ ଲାଲ ସୈନ୍ୟବାହିନୀ (Red Army ) ର ନୁତନ ଶାଖା ,ମଧ୍ୟରେ ଅନ୍ତଃ ବିପ୍ଲବ ଆରମ୍ଭ ହୋଇଯାଇଥିଲା । ରୁଷିଆ, ବ୍ରେଷ୍ଟ ଲିଟୋଶ୍କ୍ ଚୁକ୍ତି (Treaty of Brest -Litovsk ) ରେ ସ୍ଵକ୍ଷର କରି, ୟୁକ୍ରେନ, ପୋଲଣ୍ଡ, ବାଲଟିକ ଓ ଫିନ୍ ଅଂଚଳ ହରାଇଲା |ତାହା ଫଳରେ କେନ୍ଦ୍ରିୟା ଶକ୍ତି ସହିତ ପ୍ରଥମ ବିଶ୍ଵଯୁଦ୍ଧ ର ଶତୃତାର ଅବସାନ ଘଟିଥିଲା | ଯେତେବେଳେ ବୋଲଶେଭିକସ୍ ଓ ହ୍ଵାଇଟ୍ ଆନ୍ଦୋଳନ ( Bolsheviks and white Movement ) ପରସ୍ପର ବିରୋଧରେ ନିର୍ବାସନ ଓ ମୃତ୍ୟୁ ଦଣ୍ଡ ର ଅଭିଯାନ ଚଳାଇଥିଲେ, ଯଥାକ୍ରମେ ଲାଲ୍ ଆତଂକ(Red Terror )ଓ ଧଳା ଆତଂକ(White Terror ) ଭାବରେ ଜଣାଶୁଣା ଥିଲେ, ସେତିକିବେଳେ ମିଳିତ ଶକ୍ତି ମାନେ କମ୍ୟୁନିଷ୍ଟ୍ ବିରୋଧୀ ମାନଂକ ସମର୍ଥନରେ ସାମରିକ ହସ୍ତକ୍ଷେପ କରିଥିଲେ ,ଯାହା କି ସଫଳ ହୋଇପାରିନଥିଲା | ଏହି ଅନ୍ତଃ ବିପ୍ଲବ ର ଶେଷ ବେଳକୁ ରୁଷିଆ ର ଅର୍ଥନୀତି ଓ ତାର ଭିତ୍ତିଭୁମି ଭୀଷଣ ଭାବରେ ବିପର୍ଯ୍ୟସ୍ତ ହୋଇଯାଇଥିଲା ।

ରୁଷିୟ ସୋଭିଏଟ୍ ସଂଘୀୟ ସମାଜବାଦୀ ସାଧାରଣତନ୍ତ୍ର (called Russian Socialist Federative Soviet Republic at the time) ଅନ୍ୟ ତିନୋଟି ସୋଭିଏଟ୍ ସାଧାରଣତନ୍ତ୍ର ସହିତ ମିଶି ୧୯୨୨ ଡିସେମ୍ବର୍ ୩୦ରେ, ସୋଭିଏଟ୍ ରାଷ୍ଟ୍ରସଂଘ (Soviet Union )ବା ୟୁ ଏସ ଏସ ଆର (USSR) ଗଢାଯାଇଥିଲା । ତେବେ ସୋଭିଏଟ୍ ରାଷ୍ଟ୍ର ସଂଘ (Soviet Union)ର ପନ୍ଦର ଟି ସାଧାରଣତନ୍ତ୍ର ମଧ୍ୟରୁ ରୁଷିୟ ରାଷ୍ଟ୍ରସଂଘ(the Russian SFSR) ଆକାରରେ ଏବଂ ଜନ ସଂଖ୍ୟାରେ ସବୁଠାରୁ ବୃହତ୍ ଥିବାରୁ ସମୁଦାୟ ୬୯ ବର୍ଷର ଇତିହାସରେ ରୁଷିଆ ତାର ଆଧିପତ୍ୟ ବିସ୍ତାର କରିଥିଲା ।

୧୯୨୪ରେ ଲେନିନଂକ ମୃତ୍ୟୁ ପରେ, ଯୋଶେଫ୍ ଷ୍ଟାଲିନ, କମ୍ୟୁନିଷ୍ଟ ପାର୍ଟି ର ନିର୍ବାଚିତ ମୁଖ୍ୟସଚିବ, ଦଳ ମଧ୍ୟରେ ଥିବା ତାଂକର ବିରୋଧୀ ଗୋଷ୍ଠୀ ଙ୍କୁ ଦମନକରି ନିଜ ହାତରେ ଅତ୍ୟଧିକ କ୍ଷମତା ଦ୍ରୁଢୀଭୂତ କରିଥିଲେ । ବିଶ୍ଵ ବିପ୍ଲବର ପ୍ରବକ୍ତା, ଲିଓନ୍ ଟ୍ରଟସ୍କି (Leon Trotsky)୧୯୨୯ରେ ସୋଭିଏଟ୍ ରାଷ୍ଟ୍ରସଙ୍ଘ ରୁ ନିର୍ବାସିତ ହୋଇଥିଲେ ଏବଂ "ପ୍ରଥମେ ଗୋଟିଏ ଦେଶରେ ସମାଜବାଦ ର ପ୍ରତିଷ୍ଠା " ଷ୍ଟାଲିନ୍ ଙ୍କ ଏହି ଚିନ୍ତାଧାରା ପ୍ରମୁଖ ସ୍ଥାନ ନେଇଥିଲା । ୧୯୩୭‌‌‌- -ରୁ୧୯୩୮ ସମୟରେ ବୋଲ୍ସେଭିକ୍ ଦଳ ମଧ୍ୟରେ ଚାଲିଥିବା ଅନ୍ତର୍ସଙ୍ଘର୍ଷ ତାର ଶେଷସୀମା ରେ ପହଂଚିଥିଲା ,ଯେତେବେଳେ ହଜାର,ହଜାର ସଂଖ୍ୟାରେ ଲୋକ, ଦୋଷୀ ସାବ୍ୟସ୍ତ ହୋଇଥିବା ସେନାନେତାଙ୍କ ସହିତ ମ୍ରୁତ୍ୟୁ ଦଣ୍ଡରେ ଦଣ୍ଡିତ ହୋଇଥିଲେ ।

ସରକାର, ଗ୍ରାମୀଣ ଉଦ୍ୟୋଗୀକରଣ, ଯୋଜନା ଅର୍ଥନୀତି ଏବଂ କ୍ରୁଷି ର ସାମୁହିକରଣ ଆରମ୍ଭ କରିଥିଲେ । ଏହି ସମୟରେ ସାମାଜିକ ଓ ଅର୍ଥନୈତିକ କ୍ଷେତ୍ରରେ ଦ୍ରୁତ ପରିବର୍ତ୍ତନ ଘଟିଥିଲା । ରାଜନୈତିକ ଅପରାଧିଙ୍କ ସମେତ ଲକ୍ଷ,ଲକ୍ଷ ଲୋକଙ୍କୁ, ଶ୍ରମ ଶିବିର (penal labor camps) କୁ ପଠାଯାଇ ବାଧ୍ୟତାମୁଳକ ଭାବରେ କାମକରାଯାଉଥିଲା । ଲକ୍ଷ ଲକ୍ଷ ଲୋକ ସୋଭିଏଟ୍ ରାଷ୍ଟ୍ରସଙ୍ଘର ଦୁରବର୍ତ୍ତି ଅଞ୍ଚଳ ମାନଙ୍କୁ ନିର୍ବାସିତ ତଥା ଦେଶାନ୍ତରିତ ହୋଇଥିଲେ । ସେହିସମୟରେ ଦେଶରେ ସମସାମୟିକ କ୍ରୁଷିର ଅବ୍ୟବସ୍ଥା, ତା ସହିତ କଠୋର ସରକାରୀ ନିତି ଏବଂ ଅନାବ୍ରୁଷ୍ଟି, ୧୯୩୨-୧୯୩୩ ସୋଭିଏଟ ଦୁର୍ଭିକ୍ଷ ର କାରଣ ସାଜିଥିଲା । ତେବେ ଯାହା ବି ହେଉ ନା କାହିଁକି ଏସବୁ ସତ୍ତ୍ଵେ ମଧ୍ୟ ଅଳ୍ପ ସମୟ ମଧ୍ୟରେ ସୋଭିଏଟ ରାଷ୍ଟ୍ରସଙ୍ଘ ଏକ କ୍ରୁଷି ଅର୍ଥନୀତିରୁ ଶିଳ୍ପାର୍ଥନୀତିରେ ପରିଣତ ହୋଇଥିଲା ,ଏଥିପାଇଁ ଏହାକୁ ବହୁମୂଲ୍ୟ ଦେବାକୁ ପଡ଼ିଥିଲା ।

ଆଡଲ୍ଫ୍ ହିଟଲରଙ୍କ ରୁର୍,ଅଷ୍ଟ୍ରିଆ,ଏବଂ ଶେଷରେ ଚେକସ୍ଲୋଭାକିଆ ସଂଯୋଜନା, ତା ପ୍ରତି ବ୍ରିଟେନ୍ ଓ ଫ୍ରାନସ୍ ସରକାରଙ୍କ ସନ୍ତୁଷ୍ଟିକରଣ ନୀତି ନାଜି ଜର୍ମାନ ର ଶକ୍ତି ବର୍ଦ୍ଧନ କରିବା ସଙ୍ଗେ ସଙ୍ଗେ, ସୋଭିଏଟ୍ ରାଷ୍ଟ୍ରସଙ୍ଘ ପ୍ରତି ଯୁଦ୍ଧର ଭୟ ସୃଷ୍ଟି କରିଥିଲା । ପାଖାପାଖି ସେହି ସମୟରେ ଜର୍ମାନ୍ ଜାପାନ୍ ସହିତ ମିଳିତ ହୋଇ ୧୯୩୮-୩୯ ଜାପାନ ସହିତ ଯୁଦ୍ଧରେ ଖୋଲାଖୋଲି ଭାବରେ ଶତ୍ରୁତା ଘୋଷଣା କରିଥିଲା । ଅଗଷ୍ଟ ୧୯୩୯ରେ ବ୍ରିଟେନ୍ ଓ ଫ୍ରାନସ ସହିତ ଏକ ପ୍ରତିକୂଳ-ନାଜି ମିଳିତ ଶକ୍ତି ପ୍ରତିଷ୍ଠାର ଉଦ୍ୟମରେ ବିଫଳ ହୋଇ ସୋଭିଏଟ ସରକାର ଜର୍ମାନ ସହିତ ମୋଲୋତୋଭ୍-ରୋବେଣ୍ଟ୍ରୋପ ଚୁକ୍ତି( the Molotov -Ribbentrop Pact) କୁ ସମାପ୍ତ କରିବା ପାଇଁ ରାଜି ହୋଇଥିଲେ । ଯାହା ଦ୍ଵାରା ସେହି ଦୁଇ ଦେଶ ପରସ୍ପର ବିରୋଧି ଆଚରଣରେ ଲିପ୍ତ ନ ରହିବା ପାଇଁ ବିଧିଗତ ପତିଶ୍ରୁତି ରେ ଆବଦ୍ଧ ହୋଇଥିଲେ ଏବଂ ପୂର୍ବ ୟୁରୋପରେ ସେମାନଙ୍କର ପ୍ରଭାବ ର ପରିସରକୁ ଭାଗ କରିଦେଇଥିଲେ । ଦ୍ଵିତୀୟ ବିଶ୍ଵଯୁଦ୍ଧର ଆରମ୍ଭରେ ଯେତେବେଳେ ହିଟଲର, ପୋଲାଣ୍ଡ, ଫ୍ରାନସ ଏବଂ ଅନ୍ୟାନ୍ୟ ଦେଶକୁ ଏକାକୀ ଆକ୍ରମଣ କରିଥିଲେ, ସୋଭିଏଟ ରାଷ୍ଟ୍ରସଙ୍ଘ ତାର ସୈନ୍ୟବାହୀନି ଗଠନ କରିବାକୁ ସକ୍ଷମ ହେବା ସଙ୍ଗେ ସଙ୍ଗେ ସୋଭିଏଟ୍ ର ପୋଲାଣ୍ଡ୍ ଆକ୍ରମଣ ଏବଂ ଉଇନ୍ଟର୍ ଯୁଦ୍ଧ (Winter War) ସମୟରେ, ରୁଷିୟ ସାମ୍ରାଜ୍ୟ ପୁର୍ବରୁ ହରାଇଥିବା କିଛି ଅଂଶ କୁ ମଧ୍ୟ ଫେରି ପାଇଥିଲା ।

୧୯୪୧ ଜୁନ୍ ୨୨ରେ ଜର୍ମାନ ନନ୍ ଆଗ୍ରେସନ୍ ଚୁକ୍ତିକୁ ଖିଲାଫ୍ କରି ସୋଭିଏଟ୍ ରାଷ୍ଟ୍ରସଙ୍ଘ କୁ ଆକ୍ରମଣ କରିଥିଲା,ଯାହାକି ମାନବ ଇତିହାସରେ ସବୁଠାରୁ ବ୍ରୁହତ୍ ,ଶକ୍ତିଶାଳୀ ଓ ସଙ୍ଗଠିତ ଆକ୍ରମଣ ଥିଲା ଏବଂ ଏହା ଦ୍ଵିତୀୟ ବିଶ୍ଵଯୁଦ୍ଧ ପାଇଁ ରାସ୍ତା ଖୋଲିଦେଇଥିଲା । ଯଦିଓ ଆରମ୍ଭରୁ ଜର୍ମାନ୍ ସୈନ୍ୟ ବାହିନୀ ଯଥେଷ୍ଟ ମାତ୍ରାରେ ସଫଳତା ଲାଭ କରିପାରିଥିଲା, ତଥାପି ସେମାନଙ୍କର ଭୟଙ୍କର ଆକ୍ରମଣ ମସ୍କୋଯୁଦ୍ଧରେ ଅଟକିଯାଇଥିଲା । ୧୯୪୨-୪୩ ଶୀତଋତୁରେ ଜର୍ମାନ୍ ଷ୍ଟାଲିନଗ୍ରାଦ ଯୁଦ୍ଧ (Battle of Stalingrad)ରେ ଏବ୍ଂ ୧୯୪୩ଗ୍ରୀଷ୍ମରେ କୁର୍ସ୍କ ଯୁଦ୍ଧ (Battle of Kursk)ରେ ପରାଜୟ ଲାଭ କରିଥିଲା । ଲେନିନଗ୍ରାଦ୍ ଅବରୋଧ, ଜର୍ମାନ୍ ପାଇଁ ଅନ୍ୟ ଏକ ବିଫଳତା ଥିଲା । ୧୯୪୧-୪୪ରେ ଜର୍ମାନ୍ ଓ ଫିନିସ୍ ସୈନ୍ୟଦଳ ଷ୍ଟାଲିନଗ୍ରାଦ୍ କୁ ସମ୍ପୂର୍ଣ୍ଣ ଅବରୋଧ କରି ରଖିଥିଲେ, ଯେଉଁଠାରେ ରୁଷିୟ ମାନେ ଅସଂଖ୍ୟ ସଂଖ୍ୟାରେ ଅନାହାର ଯନ୍ତ୍ରଣାରେ ମ୍ରୁତ୍ୟୁ ବରଣ କରିଥିଲେ ମଧ୍ୟ ଆତ୍ମସମର୍ପଣ କରିନଥିଲେ |ଷ୍ଟାଲିନ୍ ସରକାର ,ଜର୍ଜି ଝୁକୋଭ୍( Georgy Jhukov) ଓ କନଷ୍ଟାନଟିନ୍ ରୋକୋସୋଭସ୍କି (Konstantin Rokossovsky)ଙ୍କ ନେତ୍ରୁତ୍ତ୍ଵରେ ୧୯୪୪-୪୫ରେ ସୋଭିଏଟ୍ ସୈନ୍ୟ ଦଳ ପୂର୍ବ ୟୁରୋପ୍ ଆକ୍ରମଣ କରି ୧୯୪୫ ମେ ରେ ବର୍ଲିନ୍ ଅଧିକାର କରିଥିଲେ । ୧୯୪୫ ଅଗଷ୍ଟରେ ସୋଭିଏଟ ସୈନ୍ୟ, ଚୀନର ମାଞ୍ଚୁକୁଓ (Manchukuo) ଏବଂ ଉତ୍ତର କୋରିଆ ରୁ ଜାପାନୀ ମାନଙ୍କୁ ବହିଷ୍କାର କରି ମିଳିତ ଶକ୍ତିର ବିଜୟରେ ସହାୟତା କରିଥିଲା ।

୧୯୪୧-୪୫ ଦ୍ଵିତୀୟ ବିଶ୍ଯୁଯୁଦ୍ଧ ର ସମୟ ରଷିଆ ରେ ମହାନ୍ ଜାତୀୟ ସମର(Great Patriotic War) ଭାବରେ ପରିଚିତ । ଏହି ଯୁଦ୍ଧରେ ମାନବ ଇତିହାସ ର ବହୁ ମାରାତ୍ମକ ଧ୍ଵଂସକାରୀ ଯୁଦ୍ଧ ପ୍ରକ୍ରିୟା ମାନ ଘଟିଥିଲା । ସୋଭିଏଟ୍ ସୈନ୍ୟ ଏବଂ ବେସାମରିକ ମାନଂକ ମୃତ୍ୟୁ ଯଥାକ୍ରମେ ୧୦.୬ନିୟୁତ ଓ ୧୫.୯ନିୟୁତ ଥିଲା,ଯାହାକି ଦ୍ବିତୀୟ ବିଶ୍ବଯୁଦ୍ଧ ରେ ମୃତକଂକ ସଂଖ୍ୟାର ପ୍ରାୟ ଏକ ତୃତୀୟାଂଶ ଥିଲା । ଯଦିଓ ସୋଭିଏଟ୍ ଅର୍ଥନୀତି ଏବଂ ତାର ଭିତ୍ତିଭୁମୀ ଭୟଂକର ଭାବରେ ଧ୍ଵସ୍ତ ବିଧ୍ଵସ୍ତ ହୋଇଯାଇଥିଲା ,ତଥାପି ସୋଭିଏଟ୍ ରାଷ୍ଟ୍ର ସଂଘ ଅତି ଶକ୍ତିଶାଳୀ ଦେଶ ଭାବରେ ସ୍ଵିକୃତ ହୋଇପାରିଥିଲା |

ଯୁଦ୍ଧ ପରେ ଲାଲ୍ ବାହିନୀ(Red Army),ପୁର୍ବ ଜର୍ମାନୀ ସମେତ ପୁର୍ବ ୟୁରୋପ୍ କୁ ଅଧିକାର କରିଥିଲା । ପୃଥିବୀର ଦ୍ଵିତୀୟ ନିୟୁକ୍ଲୀୟା ଆୟୁଧ ଶକ୍ତି ହିସାବରେ ୟୁଏସ ଏସ ଆର(USSR)ଅନ୍ତର୍ଦେଶୀୟ ବନ୍ଧୁତ୍ଵ ସ୍ଥାପନ ପାଇଁ ୱାରସ ଚୁକ୍ତି (Warsaw Pact )କରିଥିଲା ଏବଂ ବିଶ୍ଵ ଆଧିପତ୍ୟ ପାଇଁ, ଆମେରିକା ଓ ନାଟୋ ସହିତ ପ୍ରତିଯୋଗିତା ଆରମ୍ଭ କରିଥିଲା, ଯାହାକି ଶୀତଳ ଯୁଦ୍ଧ(Cold War)ନାମରେ ପରିଚିତ । ରଷିଆ ପ୍ରଭାବରେ ଚୀନ, ଉତ୍ତର କୋରିଆ ରେ ସାମ୍ୟବାଦ ପ୍ରତିଷ୍ଠା ହୋଇଥିଲା,ଧିରେ ଧିରେ କ୍ୟୁବା ସମେତ ଅନ୍ୟ କେତେକେ ଦେଶରେ ମଧ୍ୟ ସାମ୍ୟବାଦ ଦେଖାଦେଇଥିଲା । ଷ୍ଟାଲିନଂକ ମୃତ୍ୟୁ ପରେ,ନିକିତା କୃଶ୍ଚେଭ୍ କ୍ଷମତାକୁ ଆସିଥିଲେ । ସେ ଷ୍ଟାଲିନଙ୍କ ପଦ୍ଧତିରେ ବିଶ୍ଵାସ କରୁନଥିଲେ । ତେଣୁ ସେ ବିଭିନ୍ନ ପରିବର୍ତ୍ତନ ଅଣାଇଥିଲେ । ତାଙ୍କ ଶାସନ କାଳରେ ଦଣ୍ଡନିୟ ଶ୍ରମ ବ୍ୟବସ୍ଥା ରେ ସଂସ୍କାର ହେବା ସଂଗେ ସଂଗେ ବହୁ ବନ୍ଦୀଙ୍କୁ ମୁକ୍ତ ଓ ଥଇଥାନ କରାଯାଇଥିଲା ।

୧୯୫୭ରେ ସୋଭିଏଟ୍ ରାଷ୍ଟ୍ର ସଂଘ, ପୃଥିବୀର ପ୍ରଥମ କୃତ୍ରିମ ଉପଗ୍ରହ ସ୍ଫୁଟନିକ୍-୧ ମହାକାଶ କୁ ପ୍ରେରଣ କରି, ମହାକାଶ ଯାତ୍ରା ଯୁଗ ର ଆରମ୍ଭ କରିଥିଲା । ୧୯୬୧ ଏପ୍ରିଲ୍ ୧୨ ରେ ରୁଷିୟ ମହାକାଶ ଯାତ୍ରୀ ୟୁରି ଗାଗାରିନ୍ ମାନବ ଇତିହାସରେ ପ୍ରଥମ ଥର ପୃଥିବୀର କକ୍ଷ ପଥରେ ଭୋସ୍ତକ୍-୧ ମହାକାଶ ଯାନ ଚଳାଇ ସଫଳତାର ସହ ଫେରି ଆସିଥିଲେ । କୃଶ୍ଚେଭଙ୍କ ପରେ ଲିଓନିଡ଼ ବ୍ରେଜନେଭ୍ କ୍ଷମତା କୁ ଆସିଥିଲେ । ୧୯୭୦-୧୯୮୦ କୁ ନିଷ୍କ୍ରିୟତାର ଯୁଗ ଭାବରେ ଚିହ୍ନିତ କରାଯାଏ । ଏହି ସମୟରେ ଅର୍ଥନୈତିକ ବିକାଶ ଧିମେଇ ଯାଇଥିଲା ଓ ସମାଜିକ ପ୍ରକ୍ରିୟା ସ୍ଥିର ହୋଇଯାଇଥିଲା । ୧୯୮୫ରୁ ଆଗକୁ ଶେଷ ସୋଭିଏଟ୍ ନେତା ମିଖାଇଲ ଗୋର୍ବାଚୋଭ, ଦେଶର ଆଧୁନିକରଣ ଓ ଦେଶରେ ଅଧିକ ଗଣତାନ୍ତ୍ରିକ ଶାସନ ବ୍ୟବସ୍ଥା ପାଇଁ ଗ୍ଲାସନୋଷ୍ଟ୍ (openness)ଓ ପେରେସ୍ତ୍ରୋଇକା(restructuring)ନୀତି ପ୍ରଚଳନ କରିଥିଲେ ।

ଜୁନ ୧୯୯୧ରେ ରୁଷିୟ ଇତିହାସରେ ପ୍ରଥମ ଥର ପାଇଁ ଜନସାଧାରଣ ସିଧା ସଳଖ ବୋରିସ ୟେଲ୍ତସିନ୍ ଙ୍କୁ ରାଷ୍ତ୍ରପତି ହିସାବରେ ନିର୍ବାଚିତ କରିଥିଲେ |ସୋଭିଏଟ୍ ରାଷ୍ଟ୍ରସଙ୍ଘର ବିଭାଜନ ସମୟରେ ଏବଂ ତା ପରେ ବହୁ ପ୍ରକାରର ଉନ୍ନତି ଯଥା -ଘରୋଇକରଣ ପ୍ରକ୍ରିୟା ,ବଜାର ଓ ବାଣିଜ୍ୟ ଉଦାରୀକରଣ ଇତ୍ୟାଦି ଦୟିତ୍ଵ ଗ୍ରହଣ କରାଯାଇଥିଲା |୧୯୯୦-୯୫ ମଧ୍ୟରେ ଏସବୁର ବିଷେଶ ପରିସମାପ୍ତି ଘଟିଥିଲା |ଏହି ସମୟ ଘୋର ଅର୍ଥନୈତିକ ସଙ୍କଟକାଳ ଦେଇ ଗତିକରିଥିଲା,ଯାହାର ଚିତ୍ରଣ ଥିଲା,ସମୁଦାୟ ଆଭ୍ୟନ୍ତରିଣ ଉତ୍ପାଦନ (GDP) ଓ ଶିଳ୍ପ ସମ୍ବନ୍ଧିୟ ଉତ୍ପାଦନରେ ୫୦% ଅବନତି |ଦୀର୍ଘକାଳିନ ଅର୍ଥନୈତିକ ଅବନତି ,ଦେଶର ସାମାଜିକ ଯୋଜନାମାନଙ୍କ ନିଷ୍ଫଳତା ଆଡକୁ ବାଟ କାଢିଥିଲା ,ଜନ୍ମ ହାର ଦ୍ରୁତ ଗତିରେ ଖସି ଥିଲା ଏବଂ ମ୍ରୁତ୍ୟୁ ହାର ଅତ୍ୟଧିକ ମାତ୍ରାରେ ବଢିଯାଇଥିଲା |ଏହି ସମୟରେ ରଷିଆରେ ଅତ୍ୟଧିକ ଦୁର୍ନିତି ,ଅରାଜକତା,ଅପରାଧି ଗୋଷ୍ଠୀଙ୍କ ଆବିର୍ଭାବ ଏବଂ ବହୁ ମାତ୍ରାରେ ଅପରାଧ ମାନ ଦେଖା ଦେଇଥିଲା |

ଠିକ୍ ସେହି ସମୟରେ ଉତ୍ତର କାକାସସ୍ ରେ, ଉଭୟ ସ୍ଥାନୀୟ ଗୋଷ୍ଠୀ ସଙ୍ଘର୍ଷକାରୀ ଏବଂ ଶାସନ ବିରୁଦ୍ଧରେ ବିଛିନ୍ନତାବାଦୀ ଇସଲାମ ଧର୍ମୀୟ ମାନଙ୍କ ଗଣ ବିଦ୍ରୋହ ର ଅସ୍ତ୍ର ସଙ୍ଘର୍ଷ ଚାଲିଥିଲା |୧୯୯୦ ଆରମ୍ଭରେ ଚେଚେନ୍ ବିଛିନ୍ନତାବାଦୀମାନେ ସ୍ଵାତନ୍ତ୍ରତା ଘୋଷଣା କରିବା ପରଠାରୁ ,ବିଦ୍ରୋହୀ ଗୋଷ୍ଠୀ ଏବଂ ରୁଷିୟ ସୈନ୍ୟ ବାହୀନି ମଧ୍ୟରେ ମଝିରେ ମଝିରେ ଗରିଲା ଯୁଦ୍ଧ ଚାଲିଥିଲା |ବିଛ୍ହିନ୍ନତାବାଦୀଙ୍କ ଦ୍ଵାରା ସାଧାରଣ ଜନତାଙ୍କ ଉପରେ ଆତଙ୍କବାଦୀ ଆକ୍ରମଣ ହେଉଥିଲା ,ତାମଧ୍ୟରେ ମସ୍କୋ ଥିଏଟର୍ ପଣ୍ୟବନ୍ଦୀ ଘଟଣା ଓ ବେସ୍ଲାନ୍ ସ୍କୁଲ୍ ଅବରୋଧ ଘଟଣା ଉଲ୍ଲେଖନୀୟ ଥିଲା,ଯେଉଁଥିରେ ଶହ ଶହ ସଙ୍ଖ୍ୟାରେ ମ୍ରୁତ୍ୟୁ ଘଟିଥିଲା ଏବଂ ସମଗ୍ର ପ୍ରୁଥିବୀର ଦ୍ରୁଷ୍ଟି ଆକର୍ଷଣ କରିଥିଲା |

ସୋଭିଏଟ୍ ରାଷ୍ଟ୍ରସଂଘ ଭାଂଗିଯିବା ବେଳେ ,ତାର ବାହାର ଋଣ କୁ ପରିଶୋଧ କରିବାର ଦାୟିତ୍ଵ ରଷିଆ ନିଜ ହାତକୁ ନେଇଥିଲା,ଯଦିଓ ରଷିଆର ଲୋକସଂଖ୍ୟା ୟୁଏସେ ଏସ ଆର୍ ର ଲୋକସଂଖ୍ୟାର ଅଧା ଥିଲା| ଅତ୍ୟଧିକ ନିଅଣ୍ଟିଆ ବଜେଟ୍ ,୧୯୯୮ଋଷିୟ ଆର୍ଥିକ ସଂକଟର କାରଣ ହୋଇଥିଲା ଏବଂ ଏହାର ପରିଣତିରେ ସମୁଦାୟ ଆଭ୍ୟନ୍ତରିଣ ଉତ୍ପାଦନ ଅବନତି ଅତିରିକ୍ତ ହୋଇଥିଲା |

୧୯୯୯ ଡିସେମ୍ବରରେ ୟେଲସ୍ତିନ୍ ରାଷ୍ଟ୍ରପତି ପଦରୁ ଇସ୍ତଫା ଦେଇ ,ନୂତନ ନିଯୁକ୍ତ ହୋଇଥିବା ପ୍ରଧାନମନ୍ତ୍ରୀ ଭ୍ଲାଦିମିର୍ ପୁଟିନ୍ ଙ୍କୁ ଦାୟିତ୍ଵ ହସ୍ତାନ୍ତର କରିଥିଲେ |୨୦୦୦ରାଷ୍ଟ୍ରପତି ନିର୍ବାଚନରେ ପୁଟିନ୍ ନିର୍ବାଚନରେ ଯୟଯୁକ୍ତ ହୋଇଥିଲେ |ପୁଟିନ୍ ତାଙ୍କ ଶାସନ କାଳରେ ଚେଚେନ୍ ବିଦ୍ରୋହକୁ ଦମନ କରିଥିଲେ ,ଯଦିଓ ସାମୟିକା ଭାବରେ ହିଂସା ଆଚରଣ ଏବେ ମଧ୍ୟ ଉତ୍ତର କାକାସସ୍ ରେ ଘଟୁଅଛି |ଅତ୍ୟଧିକ ତୈଳଦର ବୃଦ୍ଧି ଓ ପ୍ରାରମ୍ଭରେ ପ୍ରଚଳିତ ମୁଦ୍ରାର ଦୁର୍ବଳତା ଏବଂ ତାଲକୁ ଅନୁସରଣ କରୁଥିବା ଘରୋଇ ଚାହିଦା ବ୍ରୁଦ୍ଧି ,ଦ୍ରବ୍ୟର ବ୍ୟବହାର ଓ ଅର୍ଥ ବିନିଯୋଗ ଦୀର୍ଘ ନଅ ବର୍ଷ ଧରି ରଷିଆର ଅର୍ଥନୈତିକ ବିକାଶରେ ସହାୟକ ହୋଇଥିଲା ,ଜୀବନ ଧାରଣର ମାନ କୁ ଉନ୍ନତ କରାଇପାରିଥିଲା |ସମଗ୍ର ପ୍ରୁଥିବୀରେ ଋଷିଆର ପ୍ରଭାବ ମଧ୍ୟ ବଢିଥିଲା|ପୁଟିନ ଙ୍କ ନେତ୍ରୁତ୍ଵରେ ଋଷିଆରେ ଶାନ୍ତି,ଶ୍ରୁଙ୍ଖଳା ବଢିବା ସଙ୍ଗେ ସଙ୍ଗେ ଏହାର ଅଗ୍ରଗତି ହୋଇପାରିଥିଲା |୨୦୦୮ମାର୍ଚ୍ ୨ ତାରିଖରେ ଦିମିତ୍ରି ମେଦ୍ଭେଦେଭ୍ ଋଷିଆର ରାଷ୍ଟ୍ରପତି ନିର୍ବାଚିତ ହୋଇଥିଲେ ,ପୁଟିନ୍ ପ୍ରଧାନମନ୍ତ୍ରୀ ଆସନ ଅଳଙ୍କ୍ରୁତ କରିଥିଲେ |୨୦୧୨ନିର୍ବାଚନରେ ପୁଟିନ୍ ପୁନର୍ବାର ରାଷ୍ଟ୍ରପତି ଭାବରେ ନିର୍ବାଚିତ ହୋଇଛନ୍ତି |

ଜାତୀୟ ସଂଗୀତ[ସମ୍ପାଦନା]

ଭୂଗୋଳ[ସମ୍ପାଦନା]

ଋଷିଆ ହେଉଛି ପ୍ରୁଥିବୀର ସର୍ବବ୍ରୁହତ୍ତମ ଦେଶ |ଏହାର ସଂପୂର୍ଣ ପରିସର ୧୭,୦୭୫,୪୦୦ ବର୍ଗ କିଲୋମିଟର (୬,୫୯୨.୮୦୦ ବର୍ଗ ମାଇଲ୍) |୨୩ଟି ୟୁନେସ୍କୋ( UNESCO ) ବିଶ୍ଵ ଐତିହାସିକ ସ୍ଥଳ ଋଷିଆରେ ରହିଛି | ୪୦ଟି ୟୁନେସ୍କୋ ଜୀବ ମଣ୍ଡଳ,୪୦ଟି ଜାତୀୟ ଉଦ୍ୟାନ ଏବଂ ୧୦୧ଟି ପ୍ରାକ୍ରୁତିକ ସଂରକ୍ଷିତ ସ୍ଥାନ ରହିଛି |ଏହାର ଅବସ୍ଥିତି ୪୧ଡିଗ୍ରୀ ଓ ୮୨ଡିଗ୍ରୀ ଉତ୍ତର ଅକ୍ଷାଂଶ ରେଏବଂ ଦ୍ରାଘିମାରେଖାର ୧୯ଡିଗ୍ରୀ ପୂର୍ବ ଓ ୧୬୯ଡିଗ୍ରୀ ପଶ୍ଚିମ ମଧ୍ୟରେ |ଋଷିଆରେ ଗଛ୍ହିତ ରହିଛି ପ୍ରଚୁର ପ୍ରାକ୍ରୁତିକ ସଂପଦ, ତା ମଧ୍ୟରେ ପ୍ରଚୁର ଗଛ୍ଛିତ କାଠ ସମ୍ପଦ ,ପେଟ୍ରୋଲିୟମ୍,ପ୍ରାକ୍ରୁତିକ ଗ୍ୟାସ ,କୋଇଲା,ଖଣିଜ ପଥର,ଏବଂ ଅନ୍ୟାନ୍ୟ ଅଜୈବ ଖଣିଜ ସଂପଦ ଏସବୁର ଅନ୍ତର୍ଗତ |

ପ୍ରଶାସନିକ ବିଭାଜନ[ସମ୍ପାଦନା]

ରୁଷିଆ ସରକାରୀ ଭାବରେ ଉଭୟ ରୁଷିଆ ଏବଂ ରୂଷିୟ ସଂଘୀୟ ରାଷ୍ଟ୍ର ଭାବରେ ପରିଚିତ । ଉତ୍ତର ୟୁରେସିଆ ମହାଖଣ୍ଡର ଏହା ଏକ ଦେଶ । ରୂଷିଆ ଏକ ସଂଘୀୟ, ଆଂଶିକ ରାଷ୍ଟ୍ରପତି ପ୍ରଧାନ, ସାଧାରଣତନ୍ତ୍ର ଦେଶ, ଯାହାକି ୮୩ଟି ସଂଘୀୟ ଅଂଶକୁ ନେଇ ଗଠିତ । ଉତ୍ତର ପଶ୍ଚିମରୁ ଦକ୍ଷିଣ ପୂର୍ବ ପର୍ଯ୍ୟନ୍ତ ରୁଷିଆର ସୀମାନ୍ତ, ନରଵେ, ଫିନଲ୍ୟାଣ୍ଡ, ଏଷ୍ଟୋନିଆ, ଲାଟଭିଆ, ଲିଥୁଉନିଆ, ପୋଲାଣ୍ଡ, ବେଲାଋଷ, ୟୁକ୍ରେନ, ଜର୍ଜିଆ, ଆଜାରବାଇଜାନ୍, କାଜାକିସ୍ତାନ, ଚୀନ, ମଙ୍ଗୋଲିଆ ଏବଂ ଉତ୍ତର କୋରିଆ କୁ ସ୍ପର୍ଶ କରିଛି । ଏହାର ସାମୁଦ୍ରିକ ସୀମା ଗୋଟିଏ ପାଖରେ ଜାପାନକୁ ଓଖୋତସକ୍ ସମୁଦ୍ର ଦ୍ଵାରା ଓ ଆମେରିକାର ଆଲାସ୍କା ରାଜ୍ୟକୁ ବେରିଂ ପ୍ରଣାଳୀ ଦ୍ଵାରା ଛୁଇଁ ଅଛି । ୧୭,୦୭୫,୪୦୦ ବର୍ଗ କିଲୋମିଟର ବିଶିଷ୍ଟ ରୁଷିଆ, ପୃଥିବୀର ସର୍ବ ବୃହତ୍ତମ ଦେଶ, ଭୁପୃଷ୍ଠ ର ଏକ ଅଷ୍ଟାଂଶ ଠାରୁ ଅଧିକ ବସ ବାସ ଯୋଗ୍ୟ ଅଞ୍ଚଳ ଏହାର ଅନ୍ତର୍ଭୁକ୍ତ । ୧୪୩ ନିୟୁତ ଜନସଂଖ୍ୟା ବିଶିଷ୍ଟ,ଏହା ହେଉଛି, ପୃଥିବୀର ଅଷ୍ଟମ ଜନ ବହୁଳ ରାଷ୍ଟ୍ର । ଉତ୍ତର ଏସିଆ ଠାରୁ ଇୟୁରୋପ୍ ର ୪୦ ପ୍ରତିଶତ ଅଂଶ ପର୍ଯ୍ୟନ୍ତ ଏହା ବିସ୍ତୃତ । ଏହା ଏତେ ବିସ୍ତୃତ ଯେ ଏହାର ୯ ଟି ସମୟାଞ୍ଛଳ ( time zones) । ଏହା ବହୁ ପ୍ରକାରର ପରିବେଶ ଏବଂ ବିଭିନ୍ନ ଅଞ୍ଚଳରେ, ବିଭିନ୍ନ ଜାତିର ଜୀବ ଜନ୍ତୁରେ ପରିପୁର୍ଣ୍ଣ । ଏହା ମଧ୍ୟ ପୃଥିବୀର ସର୍ବାଧିକ ଖଣିଜ ସମ୍ପଦ ଓ ଶକ୍ତି ଉତ୍ସର ଦେଶ ଏବଂ ପୃଥିବୀର ସର୍ବାଧିକ ତୈଳ ଓ ଗ୍ୟାସ ଉତ୍ପାଦକ । ଏହାର ସଂରକ୍ଷିତ ଜଙ୍ଗଲ ସମ୍ପଦ ମଧ୍ୟ ପୃଥିବୀର ସର୍ବାଧିକ, ଏବଂ ଆନୁମାନିକ ଭାବେ ପୃଥିବୀର ଏକ ଚତୁର୍ଥାଂଶ ମଧୁର ଜଳ ଏହାର ହ୍ରଦ ଗୁଡିକରେ ରହିଛି ।

ଭାଷା[ସମ୍ପାଦନା]

ଆଧାର[ସମ୍ପାଦନା]