ଆଲର୍ଜି

ଉଇକିପିଡ଼ିଆ ରୁ
ଆଲର୍ଜି
ଶ୍ରେଣୀବିଭାଗ ଓ ବାହାର ସ୍ରୋତ
Hives ସାଧାରଣ ଆଲର୍ଜି ଲକ୍ଷଣ
ଆଇସିଡ଼ି-୧୦ T78.4
ଆଇସିଡ଼ି- 995.3
ରୋଗ ଡାଟାବେସ 33481
ମେଡ଼ିସିନ-ପ୍ଲସ 000812
ଇ-ମେଡ଼ିସିନ med/1101
MeSH D006967

ପ୍ରତିରୋଧ ପ୍ରଣାଳୀର ଆଲର୍ଜି ଏକ ଅତି ସୁଗ୍ରହୀ ବା ସମ୍ବେଦନଶୀଳ ପ୍ରତିକ୍ରିୟା[୧] । ପରିବେଶର ସାଧାରଣ ନିଷ୍କ୍ରିୟ ପଦାର୍ଥକୁ ଶରୀରର ପ୍ରତିରୋଧ ପ୍ରଣାଳୀ ପ୍ରତିକ୍ରିୟାଶୀଳ ହେଲେ ତାହାକୁ ଆଲର୍ଜି କହନ୍ତି । ଯେଉଁ ପଦାର୍ଥ ପ୍ରତିକ୍ରିୟା କରାଏ ତାହାକୁ ଆଲର୍ଜେନ କହନ୍ତି । ଏହି ପ୍ରତିକ୍ରିୟା ଶୀଘ୍ର ଓ ଆନୁମାନିକ ହୁଏ । ଅତି ସୁଗ୍ରହୀ କ୍ରିୟା (hypersensitivity) ଚାରି ପ୍ରକାର ଥାଏ ଓ ଆଲର୍ଜିକୁ ଟାଇପ୍ ୧ ଅତି ସୁଗ୍ରହୀ କହନ୍ତି । ଏହି ପ୍ରତିକ୍ରିୟାରେ କେତେକ ଶ୍ଵେତ ରକ୍ତ କଣିକା (ମାସ୍ଟ କୋଷ ଓ ବେସୋଫିଲ) ଓ ଇମ୍ମ୍ୟୁନୋଗ୍ଲୋବ୍ୟୁଲିନ ଇ ଆଣ୍ଟିବଡ଼ି ( Immunoglobulin E ବା IgE) ପ୍ରତିକ୍ରିୟା କରି ପ୍ରଦାହ ସୃଷ୍ଟି କରନ୍ତି ଯାହା ସାମାନ୍ୟ ଅସୁବିଧାଠାରୁ ଆରମ୍ଭ କରି ବିପଦ ଜନକ ହୋଇ ପାରେ ।
ହେ ଫିଭର ( hay fever) ଏକ ସାଧାରଣ ଆଲର୍ଜି ଯେଉଁଥିରେ ଲାଲ ଆଖି, କୁଣ୍ଡେଇବା, ନାକରୁ ପାଣି ବୋହିବା, ଏକଜିମା, ଅର୍ଟିକାରିଆଆଜ୍‌ମା ହୋଇ ପାରେ । ଆଜ୍‌ମା ରୋଗରେ ଆଲର୍ଜି ଏହ ଅସାଧାରଣ ଭୂମିକା ନେଇ ପାରେ । ପରିବେଶ, ଖାଦ୍ୟ, ଔଷଧ, ବିରୁଡ଼ିମହୁମାଛି କୀଟର ବିଷ ଇତ୍ୟାଦି ଜୀବନନାଶକାରୀ ଆଲର୍ଜୀ ସୃଷ୍ଟି କରି ପାରନ୍ତି ଯାହାକୁ ଆନାଫାଇଲେକ୍ସିସ୍ କହନ୍ତି ।
ଆଲାର୍ଜୀ ରୋଗ ନିର୍ଣ୍ଣୟ ନିମନ୍ତେ ଅନେକ ଗୁଡ଼ିଏ ପରୀକ୍ଷା ଥିଲେ ମଧ୍ୟ ତାହାର ଫଳ ସହ ରୋଗୀର ଇତିହାସ ଓ ସଂସ୍ପର୍ଶ ସହ ସମ୍ପର୍କ ବିବେଚନା କରି ଚିକିତ୍ସା କରିବାକୁ ହୁଏ, କେବଳ ପରୀକ୍ଷା ଫଳ ନିର୍ଣ୍ଣାୟକ ହୁଏ ନାହିଁ[୨] । ବ୍ୟକ୍ତିର ଚର୍ମରେ ଆଲର୍ଜେନ୍ ରଖି ତାହାର ପ୍ରତିକ୍ରିୟା ଓ ରକ୍ତରେ ଆଇ.ଜି.ଇ. ପରୀକ୍ଷା ଫଳ ବିଶେଷରେ ଆଲର୍ଜୀ ନିର୍ଣ୍ଣୟ କରାଯାଏ ।
ଆଲର୍ଜେନଠାରୁ ଦୂରେଇ ରହିବାକୁ ପରାମର୍ଶ ଦିଆଯାଏ । ପ୍ରତିରୋଧ ପ୍ରଣାଳୀରେ ପରିବର୍ତ୍ତନ ଆଣିବା ନିମନ୍ତେ ସ୍ଟିରଏଡ ଦିଆଯାଏ । ଲକ୍ଷଣ ଉପସମ ନିମନ୍ତେ ଆଣ୍ଟିହିସ୍ଟାମିନ୍ ଓ ଡିକଞ୍ଜେସ୍ଟାଣ୍ଟ ଦିଆଯାଏ । ଏହି ଔଷଧ ଖାଇବାକୁ ହୁଏ । ଗୁରୁତର ରୋଗୀଙ୍କୁ ଏପିନେଫ୍ରିନ୍ ଇଞ୍ଜେକସନ୍ ଦିଆଯାଏ । ଏହା ବ୍ୟତିତ ଇଞ୍ଜେକସନ ଦ୍ଵାରା ଆଲର୍ଜିକୁ ଅଣ- ସମ୍ବେଦନଶୀଳ କରିଦିଆଯାଏ ।

ଆଧାର[ସମ୍ପାଦନା]

  1. ଛାଞ୍ଚ:DorlandsDict
  2. Cox, L; Williams, B; Sicherer, S; Oppenheimer, J; Sher, L; Hamilton, R; Golden, D; American College of Allergy, Asthma and Immunology Test Task, Force; American Academy of Allergy, Asthma and Immunology Specific IgE Test Task, Force (2008 Dec). "Pearls and pitfalls of allergy diagnostic testing: report from the American College of Allergy, Asthma and Immunology/American Academy of Allergy, Asthma and Immunology Specific IgE Test Task Force.". Annals of Allergy, Asthma & Immunology 101 (6): 580–92. PMID 19119701.