ଫତୁରାନନ୍ଦ

ଉଇକିପିଡ଼ିଆ‌ରୁ
ଫତୁରାନନ୍ଦ
Born
ରାମଚନ୍ଦ୍ର ମିଶ୍ର

(1915-06-01)୧ ଜୁନ ୧୯୧୫
ଝାଞ୍ଜିରୀମଙ୍ଗଳା, କଟକ, ଓଡ଼ିଶା
Died୬ ନଭେମ୍ବର ୧୯୯୫(1995-11-06) (ବୟସ ୮୦)
Citizenshipଭାରତ
Educationଏଲ୍.ଏମ୍.ପି (୧୯୩୮)
Occupationଲେଖକ
Parents
  • ବିଦ୍ୟାଧର ମିଶ୍ର (ବାପା)
  • ସୁଭଦ୍ରା ମିଶ୍ର (ମାଆ)

ରାମ ଚନ୍ଦ୍ର ମିଶ୍ର, ଛଦ୍ମନାମ ଫତୁରାନନ୍ଦ ନାମରେ ଜଣାଶୁଣା, (୧ ଜୁନ ୧୯୧୫ - ୬ ନଭେମ୍ବର ୧୯୯୫) ଜଣେ ଓଡ଼ିଆ ବ୍ୟଙ୍ଗ ସାହିତ୍ୟିକ ଥିଲେ । ସେ ୫୦୦ରୁ ଅଧିକ ହାସ୍ୟଗଳ୍ପ ରଚନା କରିଥିଲେ । ସେ ତାଙ୍କର ଆତ୍ମଜୀବନୀ ମୋ ଫୁଟା ଡଙ୍ଗାର କାହାଣୀ ସମେତ ଅନ୍ୟାନ୍ୟ ରଚନା ଯଥା ନାକଟା ଚିତ୍ରକର, ସାହି ମହାଭାରତ, ସାହିତ୍ୟଚାଷ, ଫମାଲୋଚନା, ଅମୃତ ବେହିଆ ଆଦି ପାଇଁ ଜଣାଶୁଣା ।

ପ୍ରାରମ୍ଭିକ ଜୀବନ ଓ ଶିକ୍ଷା[ସମ୍ପାଦନା]

ସେ ୧୯୧୫ ମସିହା ଜୁନ ୧ ତାରିଖରେ କଟକର ଝାଞ୍ଜିରିମଙ୍ଗଳାଠାରେ ଜନ୍ମ ଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ବିଦ୍ୟାଧର ମିଶ୍ର ଓ ମାତାଙ୍କ ନାମ ସୁଭଦ୍ରା ମିଶ୍ର ଥିଲା । ପିଲାଦିନେ ସେ ମସିହାସବୁ ମନେରଖି ପାରୁନଥିବାରୁ ଶିକ୍ଷକଙ୍କଠାରୁ ସବୁବେଳେ ବେତ ମାଡ଼ ଖାଉଥିଲେ । ପ୍ରଥମ ବିଶ୍ୱଯୁଦ୍ଧ ୧୯୧୪ ମସିହାରେ ଆରମ୍ଭ ହୋଇଥିଲା ବୋଲି ସେ କୌଣସି ପ୍ରକାରେ ମନେରଖି ପାରିଥିଲେ । ତାହାର ବର୍ଷକ ପରେ ୧୯୧୫ ମସିହାରେ ତାଙ୍କର ଜନ୍ମ । ଏହି କଥାକୁ ନେଇ ସେ ଏକ ବ୍ୟଙ୍ଗ ଗପର ଅବତାରଣା କରି ଲେଖିଛନ୍ତି, "ବିଶ୍ୱଯୁଦ୍ଧ ଦେଖି ଈଶ୍ୱର ତାଙ୍କୁ କହିଲେ - "ଯାବେ ଏଠି ବସି ଦାନ୍ତ ନେଫେଡୁଛୁ କାହିଁକି? ଯାଆ ପୃଥିବୀରେ ବଢ଼ିଆ ଯୁଦ୍ଧ ହେଉଛି ଦେଖିବୁ ।" ତାଙ୍କ ଭାଷାରେ ଭଗବାନଙ୍କ କଥାମାନି, ସେ ବିଶ୍ୱଯୁଦ୍ଧ ଆରମ୍ଭ ହେବାର ଠିକ ବର୍ଷକ ପରେ ଜନ୍ମଗ୍ରହଣ କରିଥିଲେ ।" ଡାକ୍ତରୀ ପଢୁଥିବା ବେଳେ ସେ ରୋଗଶିକାର ହୋଇ, ନିଜର ଦୃଷ୍ଟିଶକ୍ତି ହରାଇଥିଲେ । ୧୯୩୮ ମସିହାରେ ମେଡିକାଲ ସ୍କୁଲରୁ ଏଲ୍.ଏମ୍.ପି ଡିଗ୍ରୀ ହାସଲ କରିଥିଲେ । ସେ ଅବିବାହିତ ରହିଥିଲେ ।

୧୯୯୫ ମସିହାରେ ଫତୁରାନନ୍ଦଙ୍କର ଦେହାନ୍ତ ହୋଇଥିଲା ।[୧]

ସାହିତ୍ୟ ରଚନା[ସମ୍ପାଦନା]

ଫତୁରାନନ୍ଦ ଜଣେ ବ୍ୟଙ୍ଗ ସାହିତ୍ୟିକ ଭାବେ ଲୋକପ୍ରିୟ ।[୨] ତାଙ୍କ ରଚିତ ମୋ ଫୁଟା ଡଙ୍ଗାର କାହାଣୀ ନାମକ ଆତ୍ମଜୀବନୀ ସମକାଳୀନ ବ୍ୟଙ୍ଗ ରଚନା ଭାବରେ ଜଣାଶୁଣା ଥିଲା ।[୩] ଏହା ବ୍ୟତୀତ ନାକଟା ଚିତ୍ରକର, ସାହି ମହାଭାରତ[୪], ସାହିତ୍ୟଚାଷ, ଫମାଲୋଚନା, ଅମୃତ ବେହିଆ ଇତ୍ୟାଦି ତାଙ୍କର ଲୋକପ୍ରିୟ ରଚନା ।[୫] ସେ ମାସିକ ସାହିତ୍ୟ ପତ୍ରିକା ଡଗରର ସମ୍ପାଦନା ମଧ୍ୟ କରିଥିଲେ । ସାହିତ୍ୟ ରଚନା ସହିତ ସେ ଜଣେ ବ୍ୟଙ୍ଗଚିତ୍ରକାର ଭାବରେ ବ୍ୟଙ୍ଗ ଚିତ୍ରମାନ ଅଙ୍କନ କରିଥିଲେ । ତାଙ୍କ ବ୍ୟଙ୍ଗଚିତ୍ର ଜାତୀୟ ସ୍ଥରର ବିଭିନ୍ନ ପତ୍ରପତ୍ରିକାରେ ପ୍ରକାଶିତ ହୋଇଛି । ହାସ୍ୟ ସାହିତ୍ୟ, କଳା ଓ ଅଭିନୟର ବିକାଶ ପାଇଁ 'ସରସ ସାହିତ୍ୟ ସମିତି' ଓ 'ହାସ୍ୟ ବିକାଶ କେନ୍ଦ୍ର' ଆଦି ଅନୁଷ୍ଠାନର ସ୍ଥାପନା କରିଥିଲେ ।

ରଚନାବଳୀ[ସମ୍ପାଦନା]

ଆତ୍ମଜୀବନୀ[ସମ୍ପାଦନା]

  • ମୋ ଫୁଟା ଡଙ୍ଗାର କାହାଣୀ(୧୯୮୯)

ଉପନ୍ୟାସ[ସମ୍ପାଦନା]

  • ନାକଟା ଚିତ୍ରକର(୧୯୫୩)

ନାଟକ[ସମ୍ପାଦନା]

  • କଲିକତି ଚେଙ୍କ

କବିତା[ସମ୍ପାଦନା]

  • ନିଲଠା କବି(୧୯୫୫)
  • ସାହି ମହାଭାରତ(୧୯୮୭)

ପ୍ରବନ୍ଧ ଓ ରମ୍ୟରଚନା[ସମ୍ପାଦନା]

  • ସାହିତ୍ୟଚାଷ(୧୯୫୯)
  • ଫମାଲୋଚନା(୧୯୮୭)
  • ଅମୃତ ବେହିଆ(୧୯୭୭)
  • ବୃହତ୍ ଭାଣ୍ଡ(୧୯୭୭)[୬]

ସମ୍ପାଦନା[ସମ୍ପାଦନା]

ଅନୁବାଦ[ସମ୍ପାଦନା]

  • ଅଜଗବିଶିକାର(୧୯୯୧)
  • ନାଲୁର ଚନ୍ଦ୍ରଯାତ୍ରା(୧୯୯୧)
  • ଶିଶୁସାହିତ୍ୟ
  • ଆଦର୍ଶ ହିନ୍ଦୁ ହୋଟେଲ(୧୯୭୭)
  • ଭାରତର ଶ୍ରେଷ୍ଠ ହାସ୍ୟଗଳ୍ପ(୧୯୮୦)[୭]

ଗଳ୍ପ ପୁସ୍ତକ[ସମ୍ପାଦନା]

  • ହେରେସା(୧୯୫୯)
  • ବିଦୂଷକ(୧୯୬୩)
  • ମଙ୍ଗଳବାରିଆ ସାହିତ୍ୟ ସଂସଦ(୧୯୬୩)
  • ହସକୁରା(୧୯୬୨)
  • ସାହିତ୍ୟଚାଷ
  • ବିହସକ
  • ବୃହତଭାଣ୍ଡ
  • ଭୋଟ୍(୧୯୮୦)
  • ଗମାତ(୧୯୮୨)
  • ନିଦାବେହେଲ(୧୯୮୨)
  • ସାହିତ୍ୟ ବେଉଷଣ(୧୯୮୩)
  • ନବଜିଆ(୧୯୮୩)
  • ଥଟଲିବାଜ୯୧୯୮୩)
  • ସାହିତ୍ୟ ବଛାବଛି(୧୯୮୪)
  • ମସ୍କରା(୧୯୮୫)
  • ଟାହୁଲିଆ(୧୯୮୬)
  • ଟାପୁରିଆ(୧୯୮୮)
  • ମୁଚୁକୁନ୍ଦିଆ(୧୯୯୦)
  • ଖିଲିଖିଲିଆ(୧୯୯୩)
  • ଓଡ଼ିଶାର ସ୍ପିନ ବୋଲର(୧୯୯୪)
  • ଫତୁରାନନ୍ଦଙ୍କ ଦୁଷ୍ପ୍ରାପ୍ୟ ରଚନା(୧୯୯୯)[୮]

ପୁରସ୍କାର ଓ ସମ୍ମାନ[ସମ୍ପାଦନା]

  • ସାରଳା ସମ୍ମାନ [୯]

ଆଧାର[ସମ୍ପାଦନା]

  1. http://www.lisindia.net/oriya/Oriya_lite.html
  2. http://books.google.co.in/books?id=KXBDAAAAYAAJ&redir_esc=y
  3. Indian Literature (in ଇଂରାଜୀ). Sahitya Akademi. 1991.
  4. Cuttack, One Thousand Years (in ଇଂରାଜୀ). Cuttack City Millennium Celebrations Committee, The Universe. 1990.
  5. ଓଡ଼ିଆ ସାହିତ୍ୟ ଡଟ କମ
  6. ସମ୍ବାଦ ୦୧/୦୬/୨୦୧୫ ଭୁବନେଶ୍ୱର ସଂସ୍କରଣ ପୃଷ୍ଠା ୨
  7. "ଫତୁର ହୋଇ ଯେ ଆନନ୍ଦ ପାଏ, ସେ ଫତୁରାନନ୍ଦ". ସମ୍ବାଦ ୦୯/୧୨/୨୦୧୫ ଭୁବନେଶ୍ୱର ସଂସ୍କରଣ ପୃଷ୍ଠା ୧୨. Archived from the original on 4 March 2016. Retrieved 9 December 2015.
  8. "କଥା ଝରକା". କଥା ପତ୍ରିକା (ଅଗଷ୍ଟ ୨୦୧୮): ୪୦. Retrieved 20 August 2018.[permanent dead link]
  9. "Sarala Sahitya Sansad > Awards > Sarala Samman". saralasahityasansad.org. Archived from the original on 20 December 2016. Retrieved 4 February 2013. Phaturananda